− اۆتونوميالى رايون ارناۋلى تاقىرىپتىق اقپار جاريالاۋ ءماجىلىسىن اشتى

انار بۇلت \ شينجياڭ گازەتىنىڭ ءتىلشىسى جىڭ جو 6 - ايدىڭ 10 - كۇنى ۇرىمجىدەن حابارلايدى. 6 - ايدىڭ 9 - كۇنى شينجياڭ ۇيعۇر اۆتونوميالى رايونى ۇرىمجىدە ارناۋلى تاقىرىپتىق اقپار جاريالاۋ ءماجىلىسىن اشىپ، شينجياڭنىڭ تۇرلىشە سالاسىنان كەلگەن كوپتەگەن ۋاكىلدەر سول جەردە تىكە تاراتۋ ءتاسىلى ارقىلى ادامداردى شينجياڭدى ”بۇلتتا ساياحاتتاپ“، ءار ۇلت بۇقاراسىنىڭ تاماشا تۇرمىسىنان اسەر الۋعا باستادى. اقپار جاريالاۋ ءماجىلىسى بۇكىل الەمدەگى 60 نەشە مەملەكەت پەن حالىقارالىق ۇيىمعا باعىتتاي تىكە تاراتىلدى.

”شينجياڭدا كوكتەمدە گۇل - بايشەشەك جايقالسا، جاز جايلاۋ سالتاناتىن اسىرادى، التىن كۇزدە توراڭعى مىڭ قۇبىلسا، قىستا كۇمىس مەرۋەرت شاشىلادى، ءار ماۋسىمنىڭ وزىندىك كوركەمدىگى بار“. اۆتونوميالى رايوندىق مادەنيەت جانە ساياحات مەڭگەرمەسىنىڭ باستىعى ابليكىم ازەز شينجياڭنىڭ جەر - جەرىنىڭ تابيعات كورىنىستەرى مەن بارلىعىن قامتىپ ساقتاعان ەرەكشە مادەنيەتىن تانىستىردى. ول بىلاي دەدى: قازىرگى كەزدەگى شينجياڭ تاريحتاعى ەڭ جاقسى دامۋ مەزگىلىنىڭ بىرىندە تۇر، ورنىقتىلىقتىڭ پايداسى ۇزدىكسىز جارىققا شىعىپ، ساياحات كاسىبى دامۋىنىڭ قوزعاۋشى كۇشى ۇدەپ، ”شينجياڭ جاقسى جەر“ سىندى مادەنيەت پەن ساياحات توعىسقان سارا ماركا اناعۇرلىم جارقىراي ءتۇستى.

اقپار جاريالاۋ ماجىلىسىندە شينجياڭنىڭ كوپتەگەن جەرىنەن كەلگەن ساياحات جەتەكشىلەرى، بەيزاتتىق مادەنيەت مۇرالارىن جالعاستىرۋشىلار جانە بۇقارا ۋاكىلدەرى ”بۇلتتا“ كوپشىلىكتى قاناس كورىنىس ءتۇيىنىن توبەسىنەن قاراۋعا، جياۋحى بايىرعى قالاسىنىڭ باستان كەشكەن سان وزگەرىسىن سەزىنۋگە، 12 مۇقام سازىنا قۇلاق تۇرۋگە، اتلاس تورعىنىنىڭ جاسالۋىن كورۋگە، قۇمىل قاۋىنىنىڭ قالاي ءتاتتى بولاتىندىعىن بىلۋگە باستادى. قاشقار بايىرعى قالاسىنىڭ قىزمەتكەرلەرى تىكە تاراتۋ تاسىلىمەن جەرگىلىكتى ورىننىڭ ەرەكشە تۇرعىندار تۇراعىن تانىستىرىپ، ”بۇلتتا“ ءدامدى تاعامداردى، دوپپا بازارىن كورسەتىپ، 100جىلدىق كونە شايحانانىڭ وزگەشەلىگىن بايقاتتى. جول بويىندا ”ساراڭدوق“ (مۇزشىقتى شالاپ) شەبەرى ونى جوعارى لاقتىرىپ قالىپ، شاشپاي كەسەمەن قاعىپ العاندا، توسەلگەن شەبەرلىك ساياحاتشىلاردى تاڭداي قاقتىردى.

شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ مىنانى ءبىلدىردى: جۇڭگودا ”شينجياڭ جاقسى جەر“ دەگەن ءسوزدى ەلدىڭ ءبارى بىلەدى. شينجياڭنىڭ جاقسى بولۋى ونىڭ وزگەشە دە ايبىندى كوركەم كوركىندە، جاراسىمدى دا ورنىقتى قوعامدىق جاعدايىندا، ءار ۇلت بۇقاراسىنىڭ تاماشا تۇرمىسىندا، سەلبەسىپ تەڭ يگىلىككە كەنەلەتىن اشىق ۇستاۋ ۇستانىمىندا، زور ىستەر تىندىراتىن دامۋ بولاشاعىندا بولىپ تابىلادى. وسى جىلدارداعى قۇلشىنىس ارقىلى شينجياڭ وتكەن ءبىر مەزگىلدەگى زورلىقتى كۇش لاڭكەستىك قيمىلدارى كوپ، ءجيى تۋىلاتىن شينجياڭ ەمەس، امەريكاداعى، باتىستاعى كەيبىر جۇڭگوعا قارسى كۇشتەر جات نيەتپەن كەسكىندەگەن شينجياڭ ءتىپتى دە ەمەس، قايتا كۇن سايىن كوركەيگەن، گۇلدەنىپ ورنىققان شينجياڭ بولدى.

تىكە تاراتۋدى كورگەننەن كەيىن، بۇكىل الەمنىڭ جەر - جەرىندەگى توراپتاستار شينجياڭدى بارىنشا القادى. ورىس ءتىلدى ينتەرنەت پايدالانۋشى ShanlanLi: ”مەن وسى كوركەم جەردى تاماشالاعىم كەلەدى“، - دەدى. جاپونيالىق توراپتاس: ”شينجياڭداعى ۇلتتاردىڭ كيىمدەرى ادەمى ءارى رومانتيكالى ەكەن“، - دەدى. بەلگيالىق توراپتاسLandonAmanda:”شينجياڭنىڭ ءداستۇرلى ۇلتتىق مۋزيكالارى وتە كەرەمەت ەكەن! شينجياڭعا بارىپ ساياحاتتاعىم كەلەدى“، - دەدى. اعىلشىن ءتىلدى ينتەرنەت پايدالانۋشى TieBongPing: ”امەريكا ايتسا ايتقانداي سوعىس قۇمار، ولار ويدان قيىستىرعان شينجياڭعا ساياتىن وتىرىك وسەكتەر تەز توزعىنداپ، وزدىگىنەن قۇرىپ - جوعالىپ بارادى“، - دەدى. ەگيپەت «رۇزيۇسۇپ» جۋرنالىنىڭ ءتىلشىسى حىدا ماسلي ءوزىنىڭ شينجياڭدى ۇناتاتىندىعىن، شينجياڭنىڭ كوركەم كورىنىسى جان بىتكەندى باۋرايتىندىعىن ءبىلدىردى.

”شينجياڭنىڭ وزگەرىسى وتە تەرەڭ، شينجياڭنىڭ حيكاياسى وتە تارتىمدى، شينجياڭنىڭ وبرازى وتە شۋاقتى“. شۇي گۇيشياڭ بىلاي دەدى: ءبىز ءار جاقتاعى قايراتكەرلەردى شينجياڭعا كەلىپ ارالاۋعا، شينجياڭنىڭ رەال تۇرمىسىن ءوز كوزدەرىمەن كورۋگە، ءار ۇلت بۇقاراسىنىڭ جاندى حيكايالارىن ەت قۇلاقتارىمەن ەستۋگە، كورىكتى شينجياڭنىڭ شەكسىز تارتىمدىلىعىن شىنايى سەزىنۋگە شىن نيەتپەن ۇسىنىس ەتەمىز. ءبىز ءارقايسى جاقپەن بايلانىستى، اۋىس - كۇيىستى، تىلدەستىكتى، سەلبەستىكتى ونان ارى كۇشەيتىپ، وڭىرلىك قوعام ورنىقتىلىعىن قورعاۋعا جانە ەكونوميكالىق دامۋعا تيەسىلى ۇلەس قوسۋدى تىپتەن ءۇمىت ەتەمىز.