انار بۇلت \ شينجياڭ گازەتىنىڭ ءتىلشىسى شى شين 6 - ايدىڭ 13 - كۇنى ۇرىمجىدەن حابارلايدى. اۆتونوميالى رايون اشقان كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ جانە ءتۇيىندى قىزمەتتەردى ىلگەرىلەتۋ بەينە ەكران ماجىلىسىنەن ۇعىسۋعا قاراعاندا، رايونىمىز كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ  ”N+1“ ساياسات جۇيەسىن جەدەل قۇرىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىنىڭ جاڭا ساتىعا ۇزدىكسىز كوتەرىلۋىن ىلگەرىلەتەدى ەكەن.

كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن ىلگەرىلەتۋ رايونىمىزدىڭ ەنەرگيا توڭكەرىسى ستراتەگيالىق وراي مەزگىلىن مىقتى يگەرۋى جونىنەن كەلەلى مانگە يە، رايونىمىزداعى كاسىپ سالاسىنىڭ جاسىل، تومەن كومىر قىشقىل گازدى دامۋىن جەتەكتەيتىن قۋاتتى قوزعاۋشى كۇش، رايونىمىزدىڭ جوعارى ساپالى دامۋدى جۇزەگە اسىرۋىن ىلگەرىلەتۋدىڭ قاجەتتى تالابى. اۆتونوميالى رايون الداعى جەردە شينجياڭنىڭ ءىس جۇزىندىگىن تياناق ەتىپ، دامۋ مەن لاس زاتتاردىڭ شىعارىلۋىن ازايتۋ، جالپى تۇلعالىق پەن ءىشىنارالىق، ۇزاق بولاشاقتىق نىسانا مەن قىسقا مەرزىمدىك نىسانا، ۇكىمەت پەن بازار قاتىناسىن ويداعىداي ءبىر جاقتى ەتىپ، كومىر قىشقىل گازىنىڭ شىعارىلۋ كۇشەمەلىلىگىن تومەندەتۋدى، لاستانۋدى ازايتۋدى، جاسىل جامىلعىنى كەڭەيتۋدى، ارتۋدى سايكەستى ىلگەرىلەتۋگە تاباندى بولىپ، نازاردى جاڭا ەنەرگيانى دامىتۋ، قازىندى ەنەرگيادان تازا ءارى جوعارى ءونىمدى پايدالانۋ، ونەركاسىپتىڭ دارەجەسىن ءوسىرىپ جاڭالاۋ سياقتى ءتۇيىندى سالالارعا جانە ”N+1“ ساياسات جۇيەسىن قۇرۋ، لاستانۋدى ازايتىپ، كومىر قىشقىل گازىنىڭ شىعارىلۋىن تومەندەتۋ ونىمدىلىگىن سايكەسە ارتتىرۋ سياقتى شەشۋشى بۋىندارعا شوعىرلاندىرىپ، ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ 10 ۇلكەن ارەكەتىن“ ءبىر تۇتاس جوسپارلاپ ىلگەرىلەتىپ، ەنەرگيا ۇنەمدەۋ، لاس زاتتاردىڭ شىعارىلۋىن ازايتۋ 10 ۇلكەن ينجەنەرياسىن ۇيىمداستىرىپ اتقارىپ، 2022 - جىلعى تۇتاس رايوننىڭ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ ءتۇيىندى قىزمەتتەرىن تىڭعىلىقتى ويداعىداي ىستەپ، بەلسەندى ونىمدىلىككە قول جەتكىزۋگە شىنايى كەپىلدىك ەتەدى.

2022 - جىلى رايونىمىز جۇيەلى جوبالاۋعا تاباندى بولىپ، كومىر قىشقىل گازىنىڭ شىعارىلۋىن لايىقتى دا ءتارتىپتى تۇردە تومەندەتىپ، جاڭا ەنەرگيانى كۇش سالا دامىتىپ، قايتا تۋىندايتىن ەنەرگيا قاينارىنىڭ ەلەكتر قابىلداۋىن جوعارىلاتىپ، قازىندى ەنەرگيانى تازا دا جوعارى ءونىمدى پايدالانۋدى ىلگەرىلەتىپ، ءداستۇرلى ونەركاسىپتىڭ تيبىن جاڭالاپ، دارەجەسىن ءوسىرۋدى ىلگەرىلەتەدى. ماسەلەنى باعدار ەتۋگە تاباندى بولىپ، لاستانۋدى عىلمي، دالمە - ءدال ازايتىپ، لاستانۋدى ازايتۋدى، كومىر قىشقىل گازىنىڭ شىعارىلۋىن تومەندەتۋدى سايكەستى ءبىر جاقتى ەتىپ، ”ەكى جوعارى، ءبىر تومەن“ نىسانىن دالمە - ءدال باسقارۋدى كۇشەيتىپ، ەنەرگيانىڭ سارىپ ەتىلۋ كۇشەمەلىلىگىن تومەندەتۋدى جوعارى ساپالى دامۋداعى ەنەرگيادان پايدالانۋدىڭ جان تامىرى ەتەدى. ەكولوگيانى الدىمەن ويلاسۋعا تاباندى بولىپ، جەرگىلىكتى جاعدايعا قاراي جاسىل جامىلعىنى كەڭەيتەدى. ەكولوگيانىڭ كومىر قىشقىل گازىن ءسىمىرۋ قۋاتىن بەكەمدەپ، جوعارىلاتىپ، اينالمالى ەكونوميكا ارقىلى كومىر قىشقىل گازىنىڭ شىعارىلۋىن تومەندەتۋگە دەم بەرۋ ارەكەتىن ورىستەتەدى. كوپ شارانى قاتار قولدانۋعا تاباندى بولىپ، جوعارى ساپالى دامۋعا كۇش ۇستەپ، جاسىل، تومەن كومىر قىشقىل گازدى، اينالمالى داميتىن ەكونوميكا جۇيەسىن ورناتىپ، اقاۋسىزداندىرىپ، ءتۇيىندى سالالاردىڭ جاسىل، تومەن كومىر قىشقىل گازعا قاراي بۇرىلىس جاساۋىن ىلگەرىلەتىپ، كومىر قىشقىل گازىن جيىپ الۋ عىلىم - تەحنيكاسى مەن شەشۋشى تەحنيكالاردى قولدانىسقا ەنگىزۋدى جەدەل ىلگەرىلەتىپ، ءتۇرلى حاۋىپ - قاتەردەن ساقتانادى جانە ونى جويادى.

ءتۇيىندى مىندەتتەردىڭ تياناقتانىپ، ونىمدىلىك كورسەتۋىنە شىنايى كەپىلدىك ەتۋ ءۇشىن اۆتونوميالى رايون كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ ”N+1“ ساياساتتىق جۇيەسىن اناعۇرلىم كەمەلدەندىرۋدى، جەر - جەردىڭ، قاتىستى تاراۋلاردىڭ جاۋاپكەرشىلىگىن ناقتىلاندىرۋدى، جوعارى ساپالى دامۋدىڭ ەنەرگيادان پايدالانۋىن قامتاماسىز ەتۋدى، ەنەرگيا ۇنەمدەۋگە، كومىر قىشقىل گازىنىڭ شىعارىلۋىن تومەندەتۋگە ساياساتتىق قولداۋدى كۇشەيتىپ، ۇيىمدىق قامتاماسىزدىقتى نىعايتۋدى العا قويدى.