汉文 ىلە اقپارات تورابىنا حوش كەلدىڭىزدەر!
22 كاسىپتە 3 ءتۇرلى قوعامدىق قامسىزداندىرۋ قاراجاتىن كەزەڭدىك كەشىكتىرىپ تاپسىرۋعا بولادى
2022-06-15 16:03:46     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

انار بۇلت \ شينجياڭ گازەتىنىڭ ءتىلشىسى لي لين 6 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى اشقان جۇمىس ورنىن ورنىقتىرىپ، كاسىپورىندارعا دەم بەرۋ ساياساتى جونىندەگى اقپار جاريالاۋ ماجىلىسىنەن ۇعىسۋىمىزشا، اس - سۋ، بولشەك ساتۋ، ساياحات، حالىقتىق اۆياتسيا، تاس جول، سۋ جولى، تەمىر جول تاسىمالى سياقتى ەرەكشە قيىنشىلىعى بار 5 كاسىپتە كاسىپورىن جۇمىسشى - قىزمەتكەرلەرىنىڭ نەگىزدىك زەينەتكەرلىك قامسىزداندىرۋ، جۇمىسسىزدىق قامسىزداندىرۋى جۇمىس ۇستىندە جارالانعانداردى قامسىزداندىرۋ سىندى 3 ءتۇرلى قوعامدىق قامسىزداندىرۋ قاراجاتىن (تومەندە قىسقاشا ”3 ءتۇرلى قوعامدىق قامسىزداندىرۋ قاراجاتى“ دەلىنەدى) كەزەڭدىك كەشىكتىرىپ تاپسىرۋدى اتقارۋ نەگىزىندە اۆتونوميالى رايون اتقارۋ كولەمىن اۋىل شارۋاشىلىعى قوسىمشا ازىق - تۇلىكتەرىن وڭدەۋ كاسىبى، توقىماشىلىق كاسىبى، اۆتوموبيل جاساۋ كاسىبى سياقتى كاسىپ سالاسى تىزبەگى، قامداۋ تىزبەگى جاڭا تيپتى ايدارشا ۆيرۋس وكپە قابىنۋ ىندەتى ىقپالىنا ءبىرشاما اۋىر ۇشىراعان 17 كاسىپكە قاراستى ءوندىرىس، تيجارات جاعىندا قيىنشىلىعى بار كاسىپورىندارعا دەيىن كەڭەيتكەن، سونداي - اق كەشىكتىرىپ تاپسىرۋ ۋاقىت شەگىن ۇزارتقان.

اۋەلگى ايقىندالعان ەرەكشە قيىنشىلىعى بار 5 كاسىپ پەن كەشەۋىلدەتىپ تاپسىرۋ كولەمىنە ەنگىزىلگەن كاسىپتەرگە قاراستى قيىنشىلىعى بار كاسىپورىنداردىڭ قاراجاتتى كەشىكتىرىپ تاپسىرۋ ۋاقىتىن 2022 - جىلدىڭ 4 - ايىنان باستالعان ”3 ءتۇرلى قوعامدىق قامسىزداندىرۋ قاراجاتىنىڭ“ جۇمىس ورنى تاپسىراتىن قارجى بولىگىنەن باستاۋدى وتىنۋىنە بولادى. مۇنىڭ ىشىندە كاسىپورىن جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋ قاراجاتىن كەشىكتىرىپ تاپسىرۋ ۋاقىت شەگى 2022 - جىلدىڭ سوڭىنا دەيىن، جۇمىسسىزدىق قامسىزداندىرۋ قاراجاتى، جۇمىس ۇستىندە جارالانعانداردى قامسىزداندىرۋ قاراجاتىن كەشىكتىرىپ تاپسىرۋ ۋاقىت شەگى 2023 - جىلى 3 - ايعا دەيىن.

كاسىپورىن جۇمىسشى - قىزمەتكەرلەرىنىڭ كەشىكتىرىپ تاپسىراتىن نەگىزگى زەينەتكەرلىك قامسىزداندىرۋ قاراجاتىن 2023 - جىلى 6 - ايدىڭ سوڭىنا دەيىن تولىقتاپ تاپسىرىپ بولۋ، كەشىكتىرىپ تاپسىراتىن جۇمىسسىزدىق قامسىزداندىرۋ قاراجاتى مەن جۇمىس ۇستىندە جارالانعانداردى قامسىزداندىرۋ قاراجاتىن ۇزاعاندا 2023 - جىلى 4 - ايدىڭ سوڭىنان ىلگەرى تولىقتاپ تاپسىرىپ بولۋ كەرەك. كەشىكتىرىپ تاپسىرۋ كەزىندە ايىپ تولەنبەيدى.

كەلەسى قادامدا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى قاتىستى تاراۋلارمەن بىرلەسىپ، تۇرلەر بويىنشا جەتەكشىلىك ەتۋ جانە قىزمەتكە قۋزاۋ سالۋ سەرپىنىن ارتتىرىپ، حالىققا قولايلى قىزمەت كورسەتۋ دەڭگەيىن ۇزدىكسىز جوعارىلاتىپ، ”ينتەرنەتتە ءبىتىرۋ“ سياقتى بەتپە - بەت كەزدەسپەيتىن قىزمەت كورسەتۋ تاسىلدەرىن جولعا قويىپ، كاسىپورىنداردىڭ ءىس اۋىرتپالىعىن جەڭىلدەتەدى، ساياساتتىڭ پايداسىنىڭ اناعۇرلىم تەز، اناعۇرلىم تولىق ىسكە قوسىلۋىن ىلگەرىلەتەدى.