حوتان − چارقىلىق تەمىر جولىندا پويەز قاتىناۋ قيمىلى جانە 2022 - جىلعى 2 - رەتكى بۇكىل رايوننىڭ كەلەلى نىساندارىن ورنالاستىرۋ ٴماجىلىسى وتكىزىلدى

شينجياڭنىڭ تارىم ويپاتىن اينالاتىن تەمىر جول تورى تۇتاسىپ، ىسكە قوسىلدى

ما شيڭرۇي، لۋ دۇڭفۋ، ەركىن تۇنياز، شاۋكەت يمىن، نۇرلان ٴابىلماجىن ۇلى، حى جۇڭيوۋ قاتىناستى

شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي). «پويەز ٴجۇرسىن!» 6 - ايدىڭ 16 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى ما شيڭرۇيدىڭ بۇيرىق بەرۋىمەن 5818 - رەتكى پويەز حوتان ۆوگزالىنان جولعا شىقتى، حوتان − چارقىلىق تەمىر جولىندا پويەز قاتىناۋ دۇنيە جۇزىندەگى تۇڭعىش قۇمدى ٴشول تەمىر جولى، شينجياڭنىڭ وڭتۇستىك شينجياڭ تارىم ويپاتىن اينالاتىن تەمىر جول تورىنىڭ تۇتاسىپ، ىسكە قوسلعاندىعىن كورسەتتى.

حوتان − چارقىلىق تەمىر جولىندا پويەز قاتىناۋ قيمىلى جانە 2022 - جىلعى 2 - رەتكى بۇكىل رايوننىڭ كەلەلى نىساندارىن ورنالاستىرۋ ٴماجىلىسى 6 - ايدىڭ 16 - كۇنى تۇستەن بۇرىن ۇرىمجىدە وتكىزىلىپ، جۇڭگو مەملەكەتتىك تەمىر جول توبى شەكتى سەرىكتەستىگىمەن، ايماق، وبلىس، قالالارمەن، سونداي - اق حوتان پويەز ۆوگزالى سياقتى جەرلەرمەن بەينە بايلانىسقا شىقتى. مەملەكەتتىك تەمىر جول توبىنىڭ القا باستىعى، پارتيا باسشىلىق گرۋپپاسىنىڭ شۋجيى لۋ دۇڭفۋ بەينە ەكراندا ارناۋ ٴسوز سويلەدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ارناۋ ٴسوز سويلەدى ٴارى ورنالاستىرۋ ماجىلىسىندە ٴسوز سويلەدى. اۆتونوميالى رايوننىڭ باسشىلارىنان شاۋكەت يمىن، نۇرلان ٴابىلماجىن ۇلى، حى جۇڭيوۋ، مەملەكەتتىك تەمىر جول توبىنىڭ باسشىلارىنان ۋاڭ تۇڭجۇن قاتارلىلار قاتىستى قيمىلدارعا قاتىناستى.

حوتان - چارقىلىق تەمىر جولىنىڭ جالپى ۇزىندىعى 825 كيلومەتر. ساعاتتىق جىلدامدىعى 120 كيلومەتر دەپ جوبالانعان، وڭتۇستىك شينجياڭداعى 7 اۋدان، قالانى تۇتاستىرادى، مەملەكەتتىك 1 - دارەجەلى دارا جەلىلى تەمىر جول. شينجياڭنىڭ «شىعىسپەن بايلانىس جاساپ، باتىسقا شىعارۋ، باتىستان اكەلىپ، شىعىسقا جونەلتۋدەگى» قولايلى وتكەلى بولعان حوتان - چارقىلىق تەمىر جولى گولمۋد - كورلا تەمىر جولىمەن شىعىس، باتىس باعىتتاعى قاتىناس ٴىرى نەگىزگى جەلىسى مەن حالىقارالىق ٴىرى وتكەلدى قۇراپ، وڭتۇستىك شينجياڭ تەمىر جولىمەن تارىم ويپاتىن اينالاتىن تەمىر جول تورىن قالىپتاستىرىپ، وڭتۇستىك شينجياڭنىڭ شينجياڭنان شىعاتىن جول ارالىعىن بارىنشا قىسقارتىپ، بايلىق پەن ٴونىم تاسىمالىنا اناعۇرلىم قولايلىلىق جاساپ، وڭىرلەر ارا ۇلاسۋدى، تۇتاسۋدى جەبەپ، وڭىرلەردىڭ دامۋ كومەسكى قۋاتىن قاۋلاتىپ، شينجياڭنىڭ ەكونوميكالىق، قوعامدىق دامۋىن ونان ارى ويداعىداي ىلگەرىلەتەدى.

لۋ دۇڭفۋ مەملەكەتتىك تەمىر جول توبى اتىنان حوتان - چارقىلىق تەمىر جولىنىڭ اشىلىپ، ىسكە قوسىلعاندىعىن قىزۋ قۇتتىقتادى، ۇزاق ۋاقىتتان بەرى تەمىر جول قىزمەتىنە كوڭىل ٴبولىپ، قولداۋ كورسەتكەن اۆتونوميالى رايوندىق پارتكومعا جانە ۇكىمەتكە، سونداي - اق ار ۇلت بۇقاراسىنا شىن جۇرەكتەن العىس ايتتى، قۇرىلىسقا قاتىناسقان بارلىق ورىندارعا جانە قالىڭ قۇرىلىسشىلارعا شىن ىقىلاستى سالەم جولدادى. ول بىلاي دەدى: حوتان - چارقىلىق تەمىر جولىنىڭ سالىنىپ ٴبىتىپ، پويەز قاتىناۋى مەملەكەتتىك تەمىر جول توبى پارتيا باسشىلىق گرۋپپاسىنىڭ اۆتونوميالى رايوندىق پارتكوممەن جانە ۇكىمەتپەن تىعىز سەلبەسىپ، كۇش بىرىكتىرىپ قول جەتكىزگەن تاعى ٴبىر كەلەلى جەتىستىگى. مەملەكەتتىك تەمىر جول توبى «ەكىنى تۇراقتاندىرۋدىڭ» شەشۋشى ٴمانىن تەرەڭ ۇعىنۋ، «ەكىنى قورعاۋدى» باتىل ورىنداۋ ساياسي تۇرعىسىنان جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، حوتان - چارقىلىق تەمىر جولىن اناعۇرلىم ويداعىداي باسقارىپ، ودان ويداعىداي پايدالانىپ، شينجياڭنىڭ تەمىر جول قۇرىلىسى، دامۋى قىزمەتتەرىن دەن قويا، سۇيىسپەنشىلىكپەن، كۇش سالا ويداعىداي ىستەيدى، اسىرەسە، حوتان - چارقىلىق تەمىر جولى قۇرىلىسىنىڭ تاجىريبەلەرىن ويداعىداي قورىتىندىلاپ، شينجياڭنىڭ كەلەلى تەمىر جول نىساندارىن جوبالاۋدى، زەرتتەۋدى جانە اتقارىلۋىن ىلگەرىلەتۋدى ۇزدىكسىز كۇشەيتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ ۇلەس قوسادى.

ەركىن تۇنياز اۆتونوميالى رايوندىق پارتكوم مەن ۇكىمەت اتىنان حوتان - چارقىلىق تەمىر جولىندا پويەز قاتىناعاندىعىن قىزۋ قۇتتىقتادى، ۇزاق ۋاقىتتان بەرى شينجياڭنىڭ تەمىر جول ىستەرىنىڭ دامۋىنا قولداۋ كورسەتكەن جۇڭگو مەملەكەتتىك تەمىر جول توبى شەكتى سەرىكتەستىگىنە، ٴۇرىمجى مەكەمەسى توبى سەرىكتەستىگىنە شىن جۇرەكتەن العىس ايتتى، قۇرىلىسقا ات سالىسقان بارلىق قۇرىلىسشىلارعا وسكەلەڭ قۇرمەت ٴبىلدىردى. ول بىلاي دەدى: حوتان - چارقىلىق تەمىر جولىنىڭ ىسكە قوسىلۋى جەلى بويىنداعى بۇقارا كوپتەن ارمانداپ كەلگەن قۋانىشتى ٴىس، سالتاناتتىٴىس، وڭتۇستىك شينجياڭ رايونىنىڭ جوعارى ساپالى دامۋىنا دەم بەرەتىن داڭعىل جولدى، بايۋ جولىن اشتى. جەر - جەر، تاراۋلار باس شۋجي شي جينپيڭنىڭ قاتىناستا قۋاتتى ەل قۇرىلىسى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، «14 - بەسجىلدىقتاعى» تەمىر جول قۇرىلىسى مىندەتىن جوعارى ساپامەن ورىنداۋ كەرەك. پويەزدىڭ قاتىناۋىن وراي ەتىپ، كەلەلى ورايدى يگەرىپ، تەمىر جول، تاس جول، حالىقتىق اۆياتسيا، قۇبىر تورابى، حابارلاسۋ «بەس ٴبىر تۇلعالانعان» ۇلاستىرۋ، تۇتاستىرۋ قاتىناس تورى جۇيەسىن جەدەل ورناتۋ كەرەك. تەمىر جولدىڭ اسەر ەتۋ، تۇرتكى بولۋ ونىمدىلىگى مەن فاكتور توپتاۋ يقۋاتىن تولىق ساۋلەلەندىرىپ، ٴوڭىردىڭ سايكەستى دامۋىنىڭ جاڭا قوزعالىس قۋاتىن قاۋلاتىپ، جوعارى ساپالى دامۋدى «ۇدەتۋ» كەرەك.

2022 - جىلعى 2 - رەتكى بۇكىل رايوننىڭ كەلەلى نىساندارىن ورنالاستىرۋ ٴماجىلىسى اۆتونوميالى رايوننىڭ جانە ايماق، وبلىس، قالالاردىڭ ەكىنشى، ٴۇشىنشى ماۋسىمداعى كەلەلى نىساندار قۇرىلىسى جاعدايىنان بەرگەن مالىمەتتى تىڭدادى. ەكىنشى ماۋسىمدا بۇكىل شينجياڭدا جاڭادان 2739 نىسان قۇرىلىس باستاپ، بۇعان جيىنى 600 ميلليارد يۋاننان استام قارجى قوسىلدى، ٴۇشىنشى ماۋسىمدا جاڭادان 1080 نىسان قۇرىلىس باستايدى دەپ جوسپارلاندى، بۇعان 350 ميلليارد يۋاننان استام قارجى قوسىلادى. ەركىن تۇنياز سوزىندە بىلاي دەپ اتاپ كورسەتتى: ەكىنشى، ٴۇشىنشى ماۋسىمدار رايونىمىزدىڭ نىسان قۇرىلىستارىنىڭ ماڭىزدى التىن مەزگىلى. بۇكىل شينجياڭدا جوعارىدان تومەنگە دەيىن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ٴۇشىنشى جالپى ٴماجىلىسىنىڭ ورنالاستىرۋلارى، تالاپتارى بويىنشا، نىسان قۇرىلىسى سەرپىنىن ۇزدىكسىز ارتتىرىپ، جالعاستىرىلىپ سالىناتىن نىسانداردىڭ ەرتەرەك سالىنىپ ٴبىتۋىن، سالىنىپ بىتكەن نىسانداردىڭ ەرتەرەك ناتيجە بەرۋىن، جاڭادان سالىناتىن نىسانداردىڭ ەرتەرەك قۇرىلىس باستاۋىن، زاپاس نىسانداردىڭ ەرتەرەك تياناقتانۋىن ىلگەرىلەتۋ؛ نازاردى ٴتۇيىندى سالالارعا شوعىرلاندىرىپ، ٴبىر توپ جوعارى ساپالى نەگىزدىك قۇرىلعىلار نىسانىن جەدەل جوبالاپ، اتقارىپ، وسى زامانعى نەگىزدىك قۇرىلعىلار جۇيەسىن جەدەل ورناتۋ؛ تاراۋ اتتاعان، ٴوڭىر اتتاعان كەلەلى نىسانداردى سايكەسە ىلگەرىلەتۋ مەحانيزمىن ۇزدىكسىز كەمەلدەندىرىپ، نىسان قۇرىلىسى فاكتورىن قامتاماسىز ەتۋ مەن سايكەستى دايىندىق قىزمەتتى ويداعىداي ىستەۋ؛ نىسان قۇرىلىسىنا قىزمەت وتەۋ ساپاسىن جوعارىلاتىپ، «تومەنگە بەرۋ، باسقارۋ، قىزمەت وتەۋ» رەفورماسىن تەرەڭدەتىپ، شارۋاشىلىق - ساۋدا ورتاسىن ساپالىلاندىرىپ، ساۋداگەر شاقىرىپ، قارجى ەنگىزۋ سەرپىنىن ارتتىرىپ، جىلدىق نىسانا، مىندەتتەردى جاپپاي ورىنداۋعا شىنايى كەپىلدىك ەتىپ، ۇزدىك ناتيجەلەرمەن پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.

چىن ۋيجۇن پويەز قاتىناۋ قيمىلىن جانە ورنالاستىرۋ ٴماجىلىسىن باسقاردى. ياڭ فاسىن، ٴيۇسۇپجان مامەت، ەلزات احمەتجان، قادەن كابەن ۇلى، سۇن حۇڭمەي، ليۋ سۋشى قاتارلىلار قاتىستى قيمىلدارعا قاتىناستى. رايونعا (ورتالىق) توتە قاراستى ورىنداردىڭ جانە ايماق، وبلىس، قالالاردىڭ نەگىزگى جاۋاپتى جولداستارى، مەملەكەتتىك تەمىر جول توبىنىڭ قاتىستى تاراۋلارىنىڭ جاۋاپتى جولداستارى قاتارلىلار قيمىلعا قاتىناستى.