بيڭتۋان پارتكومىنىڭ تۇراقتى مۇشەلەرىن سايلادى، لي يفي بيڭتۋان پارتكومىنىڭ شۋجيى بولىپ سايلاندى

انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 6 - ايدىڭ 19 - كۇنى ۇرىمجىدەن حابارلايدى. 6 - ايدىڭ 19 - كۇنى تۇستەن كەيىن جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانىنىڭ 8 - كەزەكتى كوميتەتى ءبىرىنشى جالپى ءماجىلىسىن وتكىزدى. بيڭتۋان 8 - كەزەكتى كوميتەتى پارتكومى تۇراقتى كوميتەتىنىڭ مۇشەلەرىن جانە شۋجيىن، ورىنباسار شۋجيلەرىن سايلادى. لي يفي جولداس جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - رەتكى قۇرىلتايى ءتوراعالار القاسىنىڭ تاپسىرۋىمەن ءماجىلىستى باسقاردى.

جالپى ءماجىلىس تالقىلاۋ ارقىلى «جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - كەزەكتى كوميتەتى ءبىرىنشى جالپى ءماجىلىسىنىڭ سايلاۋ ءادىسىن» ماقۇلدادى، بەلەت باقىلاۋشىلاردى ماقۇلدادى.

وسى رەتكى جالپى ماجىلىسكە قاتىناسۋعا ءتيىستى بيڭتۋان پارتكومىنىڭ مۇشەلەرى 65 ادام، ناقتى قاتىناسقانى 64 ادام؛ قاتىناسۋعا ءتيىستى كانديدات مۇشەلەر 14 ادام، ناقتى قاتىناسقانى 12 ادام، بۇل بەلگىلەنگەن ادام سانىنا ۇيلەسەدى. مۇشەلەر سايلاۋ ءادىسى بەلگىلەمەسىنىڭ ءتارتىبى بويىنشا جاسىرىن داۋىس بەردى. لي يفي، شۋە بين، ليۋ جيانميڭ، لي جىنگو، ءمۇتالىپ ءماتتوحتى، ليۋ شينجيان، جياۋ شياۋپيڭ، جاڭ ۋىنشىڭ، جياڭ شينجۇن، حا زىڭيوۋ، لي يۇڭحۇڭ، لي شۇي، جۋ شۋەبيڭ، ياڭ شيۋلي قاتارلى 14 جولداس جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - كەزەكتى كوميتەتى تۇراقتى كوميتەتىنىڭ مۇشەلىگىنە سايلاندى؛ لي يفي بيڭتۋان پارتكومىنىڭ شۋجيى بولىپ سايلاندى، شۋە بين، ليۋ جيانميڭ، لي جىنگو بيڭتۋان پارتكومىنىڭ ورىنباسار شۋجيى بولىپ سايلاندى.

جالپى ءماجىلىس «جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - كەزەكتى ءتارتىپ تەكسەرۋ كوميتەتى ءبىرىنشى جالپى ءماجىلىسىنىڭ سايلاۋ ناتيجەسى بايانداماسىن» جانە «جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 8 - كەزەكتى كوميتەتى ءبىرىنشى جالپى ءماجىلىسىنىڭ مازمۇنداماسىن» ماقۇلدادى.

بيڭتۋان پارتكومىنىڭ جاڭادان سايلانعان شۋجيى لي يفي جالپى ماجىلىستە ءسوز سويلەدى. ول بىلاي دەدى: جاڭا تاريحي باستامادا تۇرعان ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەرەكشە قامقورلىعىن، ماڭىزدى تاپسىرماسىن بارىنشا قاستەرلەپ، اۆتونوميالى رايوندىق پارتكوم مەن تۇتاس شينجياڭداعى ءار ۇلت حالقىنىڭ بار كۇشپەن قولداۋىن بارىنشا قاستەرلەپ، ۇلى ءداۋىر ازىرلەگەن كەڭ ساحنانى بارىنشا قاستەرلەپ، جۇمىسشى - قىزمەتكەرلەردىڭ، بۇقارانىڭ كۇتكەن ىقىلاستى تىلەگىن بارىنشا قاستەرلەپ، اسقاق سەزىممەن تاعى دا اتتانىپ، پارتيا قۇرۋ ۇلى رۋحىن اسقاقتاتىپ، ءداستۇرلى قىزىل تامىردى جالعاستىرىپ، سەنىم ارقىلى العا باسۋ جولىن نۇرلاندىرىپ، بورىش ارقىلى ەكپىندەي ىلگەرىلەۋ جەلكەنىن ەسىپ، قاجىرلىلىقپەن قۇلشىنا ناقتى ىستەپ، قامال الىپ، قيىندىقتى جەڭىپ، جاڭا داۋىردەگى بيڭتۋاننىڭ ورنىقتىلىقتى قورعاۋ، شەكارانى كۇزەتۋ قىزمەت جاۋاپكەرشىلىگىن، بورىشىن ادالدىقپەن اتقارىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا جاڭا دا اناعۇرلىم زور ۇلەس قوسىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋىمىز كەرەك.