انار بۇلت \ شينجياڭ گازەتىنىڭ ءتىلشىسى شى شين 6 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، اۆتونوميالى رايوننىڭ جاڭاشا قالا - قالاشىقتاندىرۋ مەن قالا، اۋىلداردىڭ توعىسپالى جوعارى ساپالى دامۋىن ونان ارى ىلگەرىلەتۋ ءۇشىن، «2022 - جىلعى اۆتونوميالى رايوننىڭ جاڭاشا قالا - قالاشىقتاندىرۋ مەن قالا، اۋىلداردىڭ توعىسپالى دامۋىنىڭ ءتۇيىندى مىندەتتەرى» (تومەندە قىسقارتىلىپ «ءتۇيىندى مىندەتتەر» دەلىنەدى) جۋىقتا باسىپ تاراتىلىپ، 5 ۇلكەن ءتۇيىندى مازمۇن، جالپى 23 مىندەت العا قويىلعان.

اۋىل شارۋاشىلىعىنان باسقا سالالارعا ويىسقان ادامداردىڭ قالا تۇرعىندارى قاتارىنا قوسىلۋ ساپاسىن جوعارىلاتۋ جاعىندا نوپوس ءتۇزىمى رەفورماسىن ۇزدىكسىز تەرەڭدەتىپ، قالا - قالاشىق نەگىزگى الەۋمەتتىك قىزمەت وتەۋىن بىركەلكىلەندىرۋدى ىلگەرىلەتىپ، قالاعا ىرگە تەپكەن شارۋالاردىڭ زاڭدى ۇقىق - مۇددەسىن زاڭ بويىنشا قامتاماسىز ەتىپ، شارۋا جۇمىسكەرلەرگە جۇمىستاندىرۋ بويىنشا قىزمەت وتەۋ مەن شەبەرلىككە باۋلۋدى كۇشەيتىپ، اۋىل شارۋاشىلىعىنان باسقا سالالارعا ويىسقان ادامداردىڭ قالامەن توعىسۋ ساپاسىن جوعارىلاتادى.

قالا - قالاشىقتاندىرۋدىڭ كەڭىستىك ورنالاسۋى مەن فورماسىن ساپالىلاندىرۋ جاعىندا، تيانشاننىڭ سولتۇستىك بوكتەرىنىڭ قالا شوعىرى قۇرىلىسىن بەلسەنە ىلگەرىلەتىپ، ءۇرىمجى ورتالىق قالا شەڭبەرىن جەتىلدىرىپ، دامىتىپ، اۋدان قالاشىعىن ماڭىزدى دانەكەر ەتكەن قالا - قالاشىقتاندىرۋ قۇرىلىسىن ىلگەرىلەتىپ، شەكارا وڭىرلەردىڭ قالا - قالاشىق يقۋاتىن كەمەلدەندىرىپ، شاعىن قالا - قالاشىقتاردىڭ اقاۋسىز دامۋىن ارناعا ءتۇسىرىپ، جەتەكتەپ، ءىرى، ورتا، شاعىن قالالار مەن شاعىن قالا - قالاشىقتاردىڭ سايكەستى دامۋ ارناسىن قالىپتاستىرۋ.

جاڭاشا قالا قۇرىلىسىن ىلگەرىلەتۋ جاعىندا، قالانى جاڭالاۋدى تارتىپپەن جۇرگىزىپ، تۇرعىن ۇيمەن قامداۋدى قامتاماسىز ەتۋدى كۇشەيتىپ، حالىققا قولايلى قىزمەت وتەۋ قۇرىلعىلارىن اقاۋسىزداندىرىپ، سوققىعا قارسىلىق كورسەتۋ قابىلەتىن كۇشەيتىپ، زەردەلىلەنۋ دەڭگەيىن جوعارىلاتىپ، جاسىل، تومەن كومىر قىشقىل گازدى دامۋدى ىلگەرىلەتىپ، تاريحي مادەنيەتتى قورعاۋدى، جالعاستىرۋدى كۇشەيتىپ، قونىستانۋ ورتاسى جايلى، سەرپىندى، جاڭالىق اشاتىن، زەردەلى، جاسىل، گۋمانيتارلى قالا قۇرۋ.

قالانى باسقارۋ دەڭگەيىن جوعارىلاتۋ جاعىندا، تولىق اينالىمدى باسقارۋ ۇستانىمىن ورناتىپ، كەڭىستىكتى باسقارۋ مەن نەگىزگى ساتىنى قوعامدىق باسقارۋدى ۇزدىكسىز كۇشەيتىپ، قالانى باسقارۋدىڭ عىلميلانۋ، ەگجەي - تەگجەيلىلەنۋ، زەردەلىلەنۋ دەڭگەيىن جوعارىلاتىپ، قالانى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ.

قالا، اۋىلدىڭ توعىسپالى دامۋىن جەبەۋ جاعىندا، قالا - قالاشىق نەگىزدىك قۇرىلعىلارىنىڭ اۋىل - قىستاققا كەڭەيۋىن، الەۋمەتتىك قىزمەت وتەۋ مەن قوعامدىق ىستەردىڭ اۋىل - قىستاقتى قامتۋىن ىلگەرىلەتىپ، قالا، اۋىل فاكتورلارىنىڭ ەركىن اينالىسقا ءتۇسۋىن جانە الەۋمەتتىك بايلىقتىڭ ۇيلەسىمدى ورنالاسۋىن جەبەپ، اۋىل - قىستاق جەر رەفورماسىن ورنىقتى ىلگەرىلەتىپ، اۋىل - قىستاق كاسىپ سالاسىن جەتىلدىرىپ، دامىتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جەبەۋ.