انار بۇلت \ شينجياڭ گازەتىنىڭ ءتىلشىسى لي ياڭ 6 - ايدىڭ 26 - كۇنى ۇرىمجىدەن حابارلايدى. 6 - ايدىڭ 26 - كۇنى تۇستەن كەيىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 166 - رەتكى ۇنەمىلىك ىستەر ءماجىلىسىن باسقارىپ اشتى، ءماجىلىس اۆتونوميالى رايوننىڭ 3 - رەتكى توپىراقتى جاپپاي تەكسەرۋ قىزمەتىن ويداعىداي ىستەۋدى اقىلداسىپ، كومىردى ەلەكترگە وزگەرتۋدىڭ 2 - مەرزىمدىك ينجەنەرياسى سياقتى قىزمەتتەردى ورنالاستىردى.

ءماجىلىس مىنالاردى اتاپ كورسەتتى: توپىراقتى جاپپاي تەكسەرۋ − ەگىستىك جەردىڭ قىزىل سىزىعىن قاتاڭ ساقتاپ، استىق حاۋىپسىزدىگىنە شىنايى كەپىلدىك ەتۋدىڭ ماڭىزدى نەگىزى، جوعارى ساپالى دامۋ تالابىن تياناقتاندىرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋدىڭ ماڭىزدى تىرەگى، ەكولوگيالىق ورتانى قورعاپ، ەكولوگيالىق وركەنيەت قۇرىلىسىن جەبەۋدىڭ ماڭىزدى شاراسى، اۋىل شارۋاشىلىعى ءوندىرىسى ورنالاسىمىن ساپالىلاندىرىپ، اۋىل - قىستاق كاسىپ سالاسىن گۇلدەندىرۋگە دەم بەرۋدىڭ ءونىمدى جولى. پارتيا ورتالىق كوميتەتىنىڭ، مەملەكەتتىك كەڭەستىڭ ەگىستىك جەردى قورعاۋ جانە ەكولوگيالىق وركەنيەت قۇرىلىسى جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، توپىراقتى جاپپاي تەكسەرۋدىڭ جالپىلىق، عىلميلىق، ارنايىلىق پرينسيبىنە بويسۇنىپ، توپىراق ءىلىمىنىڭ نازارياسىن جانە وسى زامانعى عىلىم - تەحنيكا ءتاسىلىن تىرەك ەتىپ، بۇرىنعى تاجىريبە، امالداردان ۇلگى الىپ، ”ءبىر تۇتاس باسشىلىق ەتۋ، تاراۋلار سەلبەسۋ، دارەجەگە ءبولىپ جاۋاپتى بولۋ، ءار جاق ات سالىسۋ“ سىندى ۇيىمداستىرىپ اتقارۋ ءتاسىلى بويىنشا، 2025 - جىلعا بارعاندا، تۇتاس رايونداعى ەگىستىك جەر، باۋ - باقشا، ورماندىق جەر، جايلىم، سورتاڭ جەر سياقتىلاردىڭ توپىراعىن جاپپاي تەكسەرۋدى ورىندايدى. ۇيىمدىق قامتاماسىزدىقتى، تەحنيكالىق قامتاماسىزدىقتى، قارجى قامتاماسىزدىعىن جانە ۇگىتتەۋ، جەتەكشىلىك ەتۋدى كۇشەيتىپ، توپىراقتى جاپپاي تەكسەرۋ جەتىستىگىنىڭ ەكونوميكالىق دامۋ جانە قوعامدىق باسقارۋ، ماكرولىق رەتتەۋ - مەڭگەرۋگە تىرەك بولۋ، اۋىل شارۋاشىلىعىن جانە اۋىل - قىستاقتى دامىتۋداعى نەگىزدىك رولىن تولىق ساۋلەلەندىرىپ، اۆتونوميالى رايوننىڭ ەكونوميكالىق، قوعامدىق، ەكولوگيالىق قۇرىلىسقا قاتىستى ەلەۋلى ساياسات بەلگىلەۋىن شەشىم جاساۋ دالەلىمەن قامداۋ كەرەك.

ءماجىلىس مىنالاردى اتاپ كورسەتتى: كومىردى ەلەكترگە وزگەرتۋ ينجەنەرياسى − رايونىمىزدىڭ تازا ەنەرگيامەن جىلىتۋدى ىلگەرىلەتۋدىڭ ماڭىزدى شاراسى، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن ويداعىداي ىستەپ، ەكولوگيالىق ورتانى قورعاپ، ءار ۇلت بۇقاراسىنىڭ تۇرمىس شارت - جاعدايىن ۇزدىكسىز جاقسارتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ جونىنەن ماڭىزدى مانگە يە. كومىردى ەلەكترگە وزگەرتۋدىڭ 1 - مەرزىمدىك ينجەنەرياسىن اتقارعاننان بەرى، وڭتۇستىك شينجياڭداعى يگىلىككە كەنەلگەن 3 ايماق، وبلىستىڭ ەلەكتر تورىمەن قامتاماسىز ەتۋ قابىلەتى كورنەكتى ارتىپ، شارۋا وتباسىلارىنىڭ جىلىنۋى ءتىپتى دە تازا، حاۋىپسىز بولىپ، اۋا ساپاسىنىڭ تاماشا بولعان كۇن سانى كورنەكتى كوبەيىپ، شارۋالاردى كىرىسىن ارتتىرۋعا باستاۋ ونىمدىلىگى كورنەكتى بولدى. ساياسي دەڭگەيدى شىنايى جوعارىلاتىپ، ءارقايسى جاقتىڭ جاۋاپكەرشىلىگىن ناقتىلاندىرىپ، ءتۇيىندى مىندەتتەردى ايقىنداپ، تەبىندى ونان ارى ارتتىرىپ، جەتىستىكتى كەڭەيتىپ، كومىردى ەلەكترگە وزگەرتۋدىڭ 2 - مەرزىمدىك ينجەنەرياسىن جەدەل قۇرۋدى جاپپاي ىلگەرىلەتۋ كەرەك. سايكەستى قولداۋ ساياساتتارىن ونان ارى كەمەلدەندىرىپ، ينجەنەريانى اتقارۋ تالابىن دالمە - ءدال يگەرىپ، ۇيلەسىمدى تياناقتاندىرىپ، ماسەلەنى باعدار ەتۋگە تاباندى بولىپ، اتقارۋ ونىمدىلىگىن ۇزدىكسىز قاداعالاپ، شىن مانىندە يگى ءىستى ويداعىداي ىستەپ، ناقتى ءىستى ناقتى ءبىتىرىپ، كومىردى ەلەكترگە وزگەرتۋدىڭ جالپى ونىمدىلىگىن ەڭ كەڭ كولەمدە ساۋلەلەندىرۋ كەرەك.

ءماجىلىس باسقا دا ىستەردى اقىلداستى.