انار بۇلت \ شينجياڭ گازەتىنىڭ ءتىلشىسى ما ينيڭ 6 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، 6 - ايدىڭ 27 - كۇنى بىرلەسكەن مەملەكەتتەر ۇيىمىنىڭ 6 - رەتكى ”ورتا، شاعىن، ۇساق كاسىپورىندار كۇنى“ ەكەن. سول كۇنى شينجياڭ ورتا، شاعىن كاسىپورىندارعا فينانستىق قىزمەت وتەۋ تۇعىرى رەسمي ىسكە قوسىلىپ، ورتا، شاعىن كاسىپورىنداردىڭ قارجى قۇراۋى قيىن بولۋ، قارجى قۇراۋى قىمبات بولۋ، قارجى قۇراۋى باياۋ بولۋ ماسەلەسىن ءونىمدى شەشكەن.

اۆتونوميالى رايوندىق ورتا، شاعىن كاسىپورىندارعا قىزمەت وتەۋ ورتالىعى پارتيا باس ياچەيكاسىنىڭ شۋجيى، ورىنباسار مەڭگەرۋشى ماۋ يحۋ بىلاي دەپ تانىستىردى: 2021 - جىلى مەملەكەتتىڭ جانە اۆتونوميالى رايوننىڭ ورتا، شاعىن كاسىپورىنداردىڭ دامۋىن قولداۋ فينانستىق قىزمەت وتەۋ جۇيەسى قۇرىلىسىن كەمەلدەندىرۋ جونىندەگى تالابىنا ساي، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ بەكىتۋىمەن، شينجياڭ ورتا، شاعىن كاسىپورىندارعا فينانستىق قىزمەت وتەۋ تۇعىرى بۇرىنعى الەۋمەتتىك قىزمەت وتەۋ تۇعىرىنىڭ قارجى قوسۋ، قارجى قۇراۋ بويىنشا قىزمەت وتەۋ يقۋاتى نەگىزىندە دارەجەسى ءوسىرىلىپ ورىندالعان، 2022 - جىلدىڭ باسىندا سىناق رەتىندە ىسكە قوسىلعان.

بۇل تۇعىر ورتا، شاعىن، ۇساق كاسىپورىندار، فينانس قۇرىلىمدارى، ۇكىمەت تاراۋلارى سىندى 3 تۇردەگى تۇتىنۋشىلاردىڭ سۇرانىسىنا ساي، فينانستىق قىزمەت وتەۋ تۇعىرى سايىتىنا، قول تەلەفون شاعىن باعدارلاماسىنا سۇيەنىپ، ينفورماتسيا تەكسەرۋ، ونىمدەردى كورسەتۋ، سۇرانىستى جاريالاۋ، زەردەلى شىعارۋ، دالمە - ءدال ۇلەستىرۋ، قىزمەت وتەۋدى ءتۇيىستىرۋ، كاسىپورىنداردىڭ سەنىمدىلىگىن ارتتىرۋ، كاسىپتىك جۇمىستاردى قاداعالاۋ، قارجى قۇراۋ جاعدايىن كورنەكتىلەندىرۋ سياقتىلار ءبىر تۇلعالانعان جالپى بارىستىق، ءبىر بەكەتتىك فينانستىق قىزمەت وتەۋدى تۇلعالاپ، ينفورماتسيانى ىركىلىسسىزدەندىرىپ، ونىمدىلىكتى جوعارىلاتىپ، وزىندىك قۇندى تومەندەتىپ، فينانسپەن ناقتى ەكونوميكانى قولداۋ شارالارىنىڭ تياناقتانىپ ونىمدىلىك كورسەتۋىن جەبەدى.

كەزەكتە شينجياڭ ورتا، شاعىن كاسىپورىندارىنا فينانستىق قىزمەت وتەۋ تۇعىرىندا بانكە، كەپىل بولۋ، قامسىزداندىرۋ، قامداۋ تىزبەگى فينانسى سياقتىلاردى قامتىعان 30عا جۋىق فينانستىق قىزمەت وتەۋ قۇرىلىمى، 120 نەشە ءتۇرلى فينانستىق قىزمەت وتەۋ ءونىمى بار، مۇندا ۇكىمەتتىك ساتىپ الۋ قارىز اقشاسى، تاپسىرىستىق قارىز اقشا، ءبىلىم مەنشىك ۇقىعى قارىز اقشاسى، باجى تاپسىرۋ سەنىمدىلىك قارىز اقشاسى سياقتى جاڭالىق اشۋ سيپاتتى فينانستىق ونىمدەر ورتا، شاعىن، ۇساق كاسىپورىنداردىڭ جاپپاي قارسى الۋىنا بولەندى. وسى تۇعىر سىناق رەتىندە ىسكە قوسىلعاننان بەرى، 500 نەشە كاسىپورىنعا قىزمەت وتەپ، كاسىپورىنداردىڭ 40 ميلليون يۋانعا جۋىق قارجى قۇراۋىنا كومەكتەستى.

شينجياڭ جيۋشيڭ حۇيحۋاڭ ساۋدا شەكتى سەرىكتەستىگىنىڭ باس ديرەكتورى ۋاڭ زىلين بىلاي دەدى: بيىل شيكىزات - ماتەريال باعاسىنىڭ جوعارىلاۋى ىقپالىمەن كاسىپورىننىڭ دامۋى قارجى تاپشىلىعىنا ءدوپ كەلدى. فينانستىق قىزمەت وتەۋ تۇعىرىنا قارجى قۇراۋ سۇرانىسىن قويعاننان كەيىن، تەز ارادا بانكە كاسىپورىندارمەن بايلانىس جاساپ، قارىز اقشا تاراتىپ، كاسىپورىنداردى قىسىلتاياڭ جاعدايدان قۇتىلدىردى.

كەزەكتە اۆتونوميالى رايوننىڭ ورتا، شاعىن كاىسپورىندارعا قىزمەت وتەۋ ورتالىعى تاعى كوپتەگەن فينانس قۇرىلىمدارىمەن ورتا، شاعىن كاسىپورىندارعا فينانستىق قىزمەت وتەۋ ستراتەگيالىق سەلبەستىك كەلىسىمىنە قول قويىسىپ، وزدەرىنىڭ ارتىقشىلىقتارىن تولىق ساۋلەلەندىرۋ، فينانستىق قىزمەت وتەۋ ۇلگىسىن قاراستىرۋ، جاڭالىق اشۋ ارقىلى ورتا، شاعىن كاسىپورىنداردىڭ قارجى قۇراۋى قيىن بولۋ، قارجى قۇراۋى قىمبات بولۋ ماسەلەسىن شەشۋدى ىلگەرىلەتتى.

2021 - جىلدىڭ سوڭىنا دەيىن شينجياڭداعى ورتا، شاعىن كاسىپورىندار 446 مىڭنان اسىپ، بۇكىل شينجياڭداعى كاسىپورىن جالپى سانىنىڭ ％99تەن استامىن ۇستادى. بۇكىل شينجياڭدا كولەمنەن جوعارى ونەركاسىپ كاسىپورىندارى 3845كە جەتتى، مۇندا ورتا، شاعىن كاسىپورىندار 3743 بولىپ، ％97.35ىن يەلەدى.