شينجياڭ گازەتىنىڭ حابارى (ٴتىلشى جاڭ شياۋمي). 6 - ايدىڭ 27 - كۇنى اۆتونوميالى رايوندىق مادەنيەت جانە ساياحات مەڭگەرمەسى مەن مەملەكەتتىك وركەندەتۋ بانكەسىنىڭ شينجياڭ بولىمشەسى، جۇڭگو ونەركاسىپ - ساۋدا بانكەسىنىڭ شينجياڭ بولىمشەسى سياقتى 7 فينانس قۇرىلىمى قۇلجا قالاسىندا ستراتەگيالىق سەلبەستىك كەلىسىمىنە قول قويىسىپ، «مادەنيەت - ساياحات + فينانستىڭ» توعىسپالى دامۋىن ىلگەرىلەتتى.

كەلىسىم نەگىزىندە، فينانس قۇرىلىمدارى شيجياڭنىڭ ٴتۇيىندى مادەنيەت جانە ساياحات كاسىبى نىساندارىنا قارجى قوسۋ مەن قارجى قۇراۋدى، سونداي - اق امانات - قارىز بەرۋدى مولايتىپ، جوعارى ساپالى مادەنيەت - ساياحات نىساندارىنىڭ ىرگە تەبۋىنە، ونىمدىلىك جاراتۋىنا كومەكتەسىپ، مادەنيەت - ساياحات سارا ونىمدەرى مەن ٴوڭىر اتتاعان مادەنيەت - ساياحات سەلبەستىگىنەن ۇلگى كورسەتۋ نىساندارىن قۇرىپ شىعۋعا كومەكتەسەدى؛ ورتا، شاعىن، ۇساق مادەنيەت - ساياحات كاسىپورىندارىنىڭ ادەتتەگى ساياحات نىساندارى ٴدوپ كەلگەن قارجى قۇراۋ قيىن بولۋ ماسەلەسىن شەشىپ، ەكى جاق شارتقا ۇيلەسەتىن كاسىپورىنداردى ٴتۇيىلىستىرىپ سارالاپ، ورتا، شاعىن، ۇساق مادەنيەت - ساياحات كاسىپورىندارىنىڭ دامۋىن بىرگە سۇيەمەلدەيدى؛ «مادەنيەت - ساياحات + فينانس» كوپ نەگىزدى تۇعىرىن قۇرىپ، ەكى جاق ساياحات كاسىبىنىڭ ورنالاسۋىن ساپالىلاندىرۋ مەن ساياحاتقا قىزمەت وتەۋ قابىلەتىن جوعارىلاتۋدى توڭىرەكتەي وتىرىپ، ۋنيۆەرسالدى فينانستىق قىزمەت وتەۋ باسىمدىعى سياقتىلاردى ساۋلەلەندىرىپ، ىشكەرىلەي سەلبەسۋدى ورىستەتەدى.

ۇعىسۋعا قاراعاندا، 400 دەن استام ٴتۇيىندى مادەنيەت جانە ساياحات كاسىبى نىسانى كەلىسىم جاساسقان سوڭ ٴارقايسى فينانس قۇرىلىمدارىمەن تىعىز ۇشتاسىپ، اۋىس - كۇيىس جانە سەلبەستىك جاسايدى ەكەن. «وسى رەتكى كەلىسىم جاساسۋ مادەنيەت جانە ساياحات كاسىپورىندارىنىڭ قارجى قوسۋ، قارجى قۇراۋ ارناسىن كەڭەيتەدى، ٴارقايسى ايماق، وبلىس، قالالارداعى مادەنيەت - ساياحات جەتەكشى كاسىپورىندارىنا، ورتا، شاعىن، ۇساق كاسىپورىندارعا فينانستىق قولداۋ كورسەتۋ ارقىلى اناعۇرلىم كوپ مادەنيەت جانە ساياحاتقا قارجى قوسۋ، قارجى قۇراۋ نىساندارىنىڭ تياناقتانىپ اتقارىلۋى ىلگەرىلەتىلەدى» دەدى اۆتونوميالى رايوندىق مادەنيەت جانە ساياحات مەڭگەرمەسى كاسىپتەردى دامىتۋ باسقارماسىنىڭ ورىنباسار باستىعى تاڭ ۋىن. 

وسى رەت قول قويىسىپ، سەلبەستىك جاساسقان فينانس كاسىپورىندارىنىڭ بارلىعىندا مول فينانستىق سايكەستى ونىمدەرى بار، ونىڭ ۇستىنە ٴارقايسىسىنىڭ ٴوز ابزالدىعى بار. جۇڭگو اۋىل شارۋاشىلىق بانكەسى ىلگەرىندى - كەيىندى ساياحات كورىنىس رايونى كاسىبى امانات - قارىز ساياساتىن، قونالقى كاسىبىنە قاتىستى ساياساتتاردى جاساپ اتقاردى. مادەنيەت - ساياحات ونىمدەرى جۇيەسىنە باعىتتاي وتىرىپ اۋدان ٴوڭىرىنىڭ ساياحات كورىنىس رايونىنان پايدالانۋ ۇقىعىنا قولداۋ كورسەتۋ قارىز اقشاسى، اۋىل - قىستاق ساياحاتىنداعى ٴتۇيىندى قىستاق سياقتى كوپ ٴتۇرلى قارىز اقشا بەرۋ ٴادىسى مەن ٴتۇرىن زەرتتەپ «تاماقتانۋ، قونالقى، ٴجۇرىس - تۇرىس، ساياحاتتاۋ، زات ساتىپ الۋ، كوڭىل اشۋ» سياقتى ساياحاتتىڭ سايكەستى كاسىپتەرىن امانات - قارىز ارقىلى قولداۋدى ۇزدىكسىز كۇشەيتەدى. جۇڭگو اۋىل شارۋاشىلىق بانكەسى شينجياڭ بولىمشەسى كاسىپتىك ٴبولىمىنىڭ قاتىستى كاسىپتىك جاۋاپتىسى بىلاي دەدى: «كەلىسىم جاساسقان سوڭ ٴبىز ٴوز باسىمدىعىمىزدى اناعۇرلىم جاقسى ساۋلەلەندىرە وتىرىپ، قىزمەت وتەپ، اۆتونوميالى رايوننىڭ مادەنيەت - ساياحات نىسان قۇرىلىستارىن توڭىرەكتەي وتىرىپ، فينانستىق قولداۋ كورسەتىپ، قىزمەت ەتۋدى دالمە - ٴدال جاقسى ىستەيمىز».