汉文 ىلە اقپارات تورابىنا حوش كەلدىڭىزدەر!
جەمىس - جيدەك جيناۋدىڭ، ساتۋدىڭ بوگەتتى تۇيىندەرى اشىلدى
2022-09-26 12:46:11     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

تۇرپان قالاسى:

جەمىس - جيدەك جيناۋدىڭ، ساتۋدىڭ بوگەتتى تۇيىندەرى اشىلدى

 انار بۇلت \ شينجياڭ گازەتىنىڭ ءتىلشىسى جاڭ جىلي


جالىن تاۋدىڭ باۋرايىندا ءجۇزىم جيناۋ جۇمىستارى اياقتاپ قالعانىمەن، اتىزداعى قۇمىل قاۋىنىن شوعىرلى بازاراعا سالۋ ءۇشىن تاعى ءبىراز ۋاقىت قاربالاستىق بولادى.

9 - ايدىڭ 24 - كۇنى تۇستەن بۇرىن 16 مىڭ مۋ قۇمىل قاۋىنى ەگىلگەن تۇرپان قالاسى گاۋچاڭ رايونى استانا اۋىلىنىڭ اۋات قىستاعىندا قىستاق كوميتەتىنىڭ مەڭگەرۋشىسى ابدۇراحمان ابدۇللا قاۋىندىققا كەلگەندە، تاقتا بويى دۋمانعا تولدى: باستاپقى كۇنى حابارلاسىپ قويعان ساتىپ الۋشى ساۋداگەرلەر، شارۋا دەلدالدارى جانە جۇمىس ىستەۋشىلەر تولىق جينالىپتى، قۇمىل قاۋىندارى ساباعىنان ۇزىلگەن سوڭ اتىزدان داستارقانعا دەيىنگى ”ساپارىن“ باستايدى.

كۇزدىڭ ىستىق كۇنى، قاۋىندىقتا ادامدار جانتالاسا ىستەۋدە. جيناۋ، قالتالاۋ، جاشىكتەۋ، دوربالاۋ، تيەۋ، 3 ۇلكەن جۇك كولىگىنىڭ الدىندا جيناۋ بارىسى تارتىپپەن جۇرىلۋدە. جۇمىس باسىنان تاعى جيناۋدىڭ، ساتۋدىڭ ءارقايسى بۋىنىنا قىزمەت وتەپ جۇرگەن كادرلاردىڭ قاراسى كوزگە شالىعادى، مۇنىڭ ىشىندە اۆتونوميالى رايوننىڭ تەكسەرۋ - زەرتتەۋ، جەتەكشىلىك ەتۋ گرۋپپاسى كادرلارىنىڭ كۇنگە قاقتالىپ سول جەردە جۇمىستارىن جالعاستىرعانىنا 3 كۇن بولدى.

اۆتونوميالى رايوندىق پارتكوم مەن ۇكىمەتتىڭ نۇسقاۋى بويىنشا، بىرنەشە كۇننەن بەرى اۆتونوميالى رايوندىق پارتكومنىڭ اۋىل شارۋاشىلىعى كەڭسەسى، اۋىل شارۋاشىلىعى، اۋىل - قىستاق مەڭگەرمەسى، اۋىل - قىستاقتى گۇلدەندىرۋ مەكەمەسى، ورمان شارۋاشىلىعى جانە جايلىم مەكەمەسىنەن قۇرالعان اۆتونوميالى رايوندىق تەكسەرۋ - زەرتتەۋ، جەتەكشىلىك ەتۋ گرۋپپاسى تۇرپان قالاسىنا ارنايى كەلىپ، قازىرگى ۋاقىتتاعى جەمىس - جيدەك جيناۋ - ساتۋ احۋالىنا ارناۋلى تەكسەرۋ - زەرتتەۋ جۇرگىزدى. تەكسەرۋ - زەرتتەۋ گرۋپپاسى تۇرپان قالاسىنىڭ گاۋچاڭ رايونىنا، ءپىشان اۋدانىنا، توقسۇن اۋدانىنا ءبولىنىپ بارىپ، ناقتى ورىندا 7 اۋىل - قالاشىقتى، 12 قىستاقتى، 4 كاسىپورىندى (سەلبەستىك كووپەراتيۆى) ارالاپ، ءجۇزىمدى، قۇمىل قاۋىنىن جيناۋ، ساقتاۋ جانە جەتكىزۋ، زات اينالىمى، ساتۋ سياقتى احۋالدارىن ەگجەي - تەگجەيلى ۇعىستى. تەكسەرۋ - زەرتتەۋ بارىسىندا بايقالعان قاۋىن - قاربىز، جەمىس - جيدەك ساتۋداعى، جيناۋداعى ”بوگەتتى ءتۇيىن“ ماسەلەلەرىن تەكسەرۋ - زەرتتەۋ گرۋپپاسى سول جەردىڭ وزىندە سايكەستىرىپ شەشتى.

اۆتونوميالى رايوندىق پارتكوم اۋىل شارۋاشىلىعى كەڭسەسىنىڭ ارناۋلى مىندەتتەگى ورىنباسار مەڭگەرۋشىسى، اۋىل شارۋاشىلىعى، اۋىل - قىستاق مەڭگەرمەسىنىڭ ورىنباسار مەڭگەرمە باستىعى شۇي تاۋ بىلاي دەپ تانىستىردى: بيىل تۇرپان قالاسىندا ەگىلگەن 543 مىڭ 800 مۋ جەردەگى ءجۇزىمنىڭ 530 مىڭ 500 مۋ جەردەگىسى جينالىپ بولدى، جيناۋ جۇمىستارى اياقتاپ قالدى؛ قۇمىل قاۋىنى ءدال جيناپ الۋ مەزگىلىندە تۇر، بۇكىل قالاداعى كۇزدىك قۇمىل قاۋىنىنىڭ ەگىلگەن جەر اۋدانى 119 مىڭ 500 مۋ، مەجەلى ءتۇسىمى 175 مىڭ توننا، 9 - ايدىڭ 21 - كۇنىنە دەيىن 26 مىڭ 200 مۋ جەردەگىسى جينالىپ بولدى.

تەكسەرۋ - زەرتتەۋ گرۋپپاسى تەكسەرۋ - زەرتتەۋ بارىسىندا مىنانى بايقادى: بيىل قاۋىن - قاربىز، جەمىس - جيدەكتىڭ باعاسى، ساتىلۋى جالپى جاقتان ورنىقتى. قۇمىل قاۋىنىن مىسالعا الساق، 9 - ايدىڭ 21 - كۇنىنە دەيىن تۇرپان قالاسى جيىنى 44 مىڭ 700 توننا قۇمىل قاۋىنىن ساتىپ، ورتاشا باعاسى 25.2 يۋان \ كيلوگرام، بىلتىرعى باعامەن نەگىزىنەن قارايلاس بولىپ، ساتۋ كىرىسى 101 ميلليون يۋان بولدى. قازىر قۇمىل قاۋىنىن ساتۋ بەتالىسى ءبىرشاما جاقسى، كەيىنگى مەزگىلدە باعاسى ۇزدىكسىز ورلەۋ مۇمكىندىگى ءبىرشاما زور. سونىمەن بىرگە ىندەتتىڭ ىقپالىنا ۇشىراعاندىقتان، جيناۋ شەكتەۋگە ۇشىراۋ، كولىكتەردىڭ تاسىمالداۋى بوگەتكە ۇشىراۋ، قامداۋ تىزبەگى ىركىلىسسىز بولماۋ سياقتى بوگەتتى ءتۇيىن ماسەلەلەرى ورىن تەۋىپ وتىر.

جيناۋداعى، ساتۋداعى بوگەتتى تۇيىندەردى قالاي اشۋ كەرەك؟ ءتىلشىنىڭ ۇعىسۋىنشا، تۇرپان قالاسى ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋ العى شارتىندا، 10 - ايدىڭ 5 - كۇنىنەن بۇرىنعى جيناۋدىڭ تەرەزەلىك مەرزىمىن يگەرىپ، جيناۋ، قوراپتاۋ تەحنيكتەرىن تۇيىننەن تۇيىنگە، جابىق كۇيدە باسقارۋ ءتاسىلى بويىنشا ءتۇيىلىستىرىپ، اتىزعا كەلۋگە ۇيىمداستىرىپ، قىزمەتكەرلەردىڭ اتىزعا بارىپ جيناۋداعى بوگەتتى تۇيىندەرىن اشتى؛ كولىكتەردىڭ تۇيىق اينالىمدا ءجۇرۋىن جولعا قويىپ، كولىككە تيەپ تاسىمالداۋداعى بوگەتتى ءتۇيىن سياقتىلاردى شەشتى.

كەشقۇرىم، اۋات قىستاعىنىڭ قۇمىل قاۋىنى اتىزىندا 3 ۇلكەن جۇك كولىگى توقتاپ تۇر، قۇمىل قاۋىنى تولتىرا تيەلگەن ەكەن.

جيناۋداعى، ساتۋداعى بوگەتتى تۇيىندەر اشىلدى، تۇرپان قالاسىنىڭ قۇمىل قاۋىنى اتىزدارىنداعى ”ادامداردىڭ كەلۋ ماسەلەسى“ مەن ”كولىكتەردىڭ كەلۋ ماسەلەسى“ بىرتىندەپ شەشىلدى، جيناۋ، ساتۋ جىلدامدىعى دا كورنەكتى جەدەلدەدى. 9 - ايدىڭ 23 - كۇنى تۇرپان قالاسى گاۋچاڭ رايونىنا كىرىپ، قاۋىن - قاربىز، جەمىس - جيدەك تاسيتىن اۆتوكولىكتەر ءبىر كۇننىڭ الدىنداعىدان 49 كولىك كوبەيىپ، جيناۋ مولشەرى 1100 توننا كوبەيدى، 9 - ايدىڭ 24 - كۇنى كەلگەن اۆتوكولىكتەر تىپتەن كوپ.

ءپىشان اۋدانىنان كەلگەن پەي حىڭياڭ شارۋا دەلدالى، بىرنەشە كۇننىڭ الدىندا، ونىمەن ارالاسقانىنا تالاي جىل بولعان جياڭشيلىك ساۋداگەر ۋاڭ مىرزا 60 مىڭ يۋاننان استام زات اقشاسىن وعان اۋدارىپ بەرىپ، وعان گاۋچاڭ رايونىنا بارىپ ءبىر كولىك قۇمىل قاۋىنىن ساتىپ الۋدى وكىلەتتى ءبىتىرۋدى تاپسىردى؛ شىجياجۋاڭنان كەلگەن ساۋداگەر لي حۇڭۋيدىڭ تۇرپاننىڭ قاۋىن - قاربىز، جەمىس - جيدەگىن ساتىپ جۇرگەنىنە 20 نەشە جىل بولدى، ونىڭ كليەنتتەرى تۇرپاننىڭ ءجۇزىمى مەن قۇمىل قاۋىنىن ايرىقشا ۇناتىپ قالىپتى، وسى جولى ول تۇرپانعا كەلە سالىسىمەن قۇمىل قاۋىنى ەگىلگەن جەرگە توتە تارتىپ، ساتىپ الۋ ىستەرىن اقىلداستى.

قازىرگى ۋاقىت قۇمىل قاۋىنىن جيناپ الۋدىڭ ءدال تەرەزەلىك مەزگىلى، تۇرپان قالاسىندا تاعى 90 مىڭ مۋدان استام جەردەگى قۇمىل قاۋىنى جەدەل جيناپ الۋدى قاجەت ەتەدى. شۇي تاۋ مىنانى ءبىلدىردى: ءار دارەجەلى، ءارقايسى تاراۋلار سايكەستىرىپ، بىرگە ارەكەتتەنۋدى كۇشەيتىپ، ىندەتتەن ساقتانۋ - تىزگىندەۋ مەن قاۋىن - قاربىز، جەمىس - جيدەك جيناۋ، ساقتاۋ - تاسىمالداۋ، ساتۋ سياقتى بۋىنداردى ونان ارى جوعارى ولشەممەن ءبىر تۇتاس جوسپارلادى. تومەن حاۋىپ - قاتەرلى قىستاقتار جيناۋ قىزمەتىن تارتىپپەن ۇيىمداستىرىپ، ءارقايسى جاقتاردىڭ كۇش - قۋاتىن قۇمىل قاۋىنىن جيناۋدى، ساتۋدى جەدەل ىلگەرىلەتۋگە جۇمىلدىرىپ، قاۋىنشىلاردىڭ ءونىمدى ارتتىرۋىنا، كىرىستى ارتتىرۋىنا شىنايى كەپىلدىك ەتتى.