انار بۇلت \ شينجياڭ گازەتىنىڭ ءتىلشىسى سۇي يۇنيان 11 - ايدىڭ 10 - كۇنى ۇرىمجىدەن حابارلايدى. جاقىندا شينجياڭ ۇيعۇر اۆتونوميالى رايوندىق ينتەرنەت - ينفورماتسيا كەڭسەسى قاتارلى قاتىستى تاراۋلار ينتەرنەتتە زاڭعا، بەلگىلەمەگە قايشىلىق جاساعان 7 تيپتىك دەلونى تەكسەرىپ ءبىر جاقتى ەتتى، اشكەرەلەدى.

بۇل 7 دەلو جەكە - جەكە مىنالار: ءۇرىمجى قالاسىنداعى ينتەرنەت قولدانۋشى ۋاڭ XXتىڭ جاڭجال تۋدىرۋ دەلوسى، ءۇرىمجى قالاسىنداعى ينتەرنەت قولدانۋشى ميڭ XXتىڭ جاڭجال تۋدىرۋ دەلوسى، بايىنعولين موڭعۇل اۆتونوميالى وبلىسىنداعى ينتەرنەت قولدانۋشى حان XXتىڭ الەۋمەتتىك ءتارتىپتى بۇزۋ دەلوسى، ءۇرىمجى قالاسىنداعى ينتەرنەت قولدانۋشى ليۋ XXتىڭ جاڭجال تۋدىرۋ دەلوسى، ءۇرىمجى قالاسىنداعى ينتەرنەت قولدانۋشى لي XXتىڭ الدامشىلىق دەلوسى، ءۇرىمجى قالاسىنداعى ينتەرنەت قولدانۋشى شىن XXتىڭ جالعان ينفورماتسيانى ويدان قۇراستىرۋ، تاراتۋ دەلوسى، ءۇرىمجى قالاسىنداعى ينتەرنەت قولدانۋشى لياڭ XXتىڭ جالعان ينفورماتسيانى ويدان قۇراستىرۋ، تاراتۋ دەلوسى.

دەلوعا قاتىستى جاۋاپكەرلەردىڭ كەيبىرەۋى لەزدىك حابارلاسۋ قۇرالىن قولدانىپ ورىنسىز ءسوز تاراتىپ، كوپ ادامدى سىرتقا شىعىپ توپتالۋعا جەلىكتىرگەن؛ كەيبىرەۋى باسقالارعا شينجياڭنان شىعۋ جولحاتىن ءبىتىرىپ بەرەمىن دەپ وتىرىك ايتىپ، اقشا، مال - مۇلىك الداپ الۋدى ماقسات ەتكەن، كەيبىرەۋى لەزدىك حابارلاسۋ قۇرالىن قولدانىپ جالعان ينفورماتسيانى ويدان قۇراستىرعان، تاراتقان، ت.ب. الەۋمەتتىك ءتارتىپتى ءبۇلدىرىپ، ناشار قوعامدىق ىقپال تۋدىرعان.

شينجياڭ ينتەرنەت - ينفورماتسيا كەڭسەسى، اۆتونوميالى رايوندىق قوعام حاۋىپسىزدىگى مەڭگەرمەسى بۇقارانىڭ مالىمدەگەن دەرەكتەرىنە ساي، قاتىستى ادامداردىڭ ينتەرنەتتە زاڭعا، بەلگىلەمەگە قايشىلىق جاساۋ ارەكەتتەرىن زاڭ بويىنشا تەكسەرىپ ءبىر جاقتى ەتتى ءارى اشكەرەلەدى.

ينتەرنەت - ينفورماتسيا تاراۋى، قوعام حاۋىپسىزدىگى ورگانى مىنانى ەسكەرتەدى: ينتەرنەت زاڭنان تىسقارى جەر ەمەس، قالىڭ ينتەرنەت قولدانۋشىلار ىندەت جاعدايىن، ءسوز جوق، بەدەلدى اقپارات قۇرالدارىنان، ۇكىمەتتىك ارنالاردان ۇعىسۋى ءتيىس، اقپار قاينارى رەسمي ەمەس، شىندىعى انىقتالماعان ىندەت ينفورماتسيالارىنا استە وڭايلىقپەن سەنبەۋى، تاراتپاۋى كەرەك. جاڭا تيپتى ايدارشا ۆيرۋس وكپە قابىنۋ ىندەتى جونىندە جالعان ينفورماتسيا جانە وتىرىك ساقتانۋ - تىزگىندەۋ شاراسىن ويدان قۇراستىرۋ، تاراتۋ، قارسىلاسۋ كوڭىل كۇيىنە جەلىكتىرىپ، الەۋمەتتىك ءتارتىپتى ءبۇلدىرۋ سياقتى زاڭعا، بەلگىلەمەگە قايشى ارەكەتتەردى قاتىستى تاراۋلار زاڭ، بەلگىلەمە بويىنشا قاتاڭ تەكسەرىپ ءبىر جاقتى ەتەدى، استە ىرقىنا جىبەرمەيدى.

قاتىستى تاراۋلار قالىڭ ينتەرنەت قولدانۋشىلاردى زاڭدى ءبىلىپ، زاڭعا بويسۇنىپ، ينتەرنەتتە وركەنيەتتى بولىپ، ءبىر نيەتپەن ىندەتكە قارسى اتتانىپ، كىرشىكسىز ينتەرنەت كەڭىستىگىن تىزە قوسا قورعاۋعا ۇندەيدى.

قالىڭ ينتەرنەت قولدانۋشىلاردىڭ ينتەرنەتتە زاڭعا، بەلگىلەمەگە قايشى ينفورماتسيالاردى بەلسەندىلىكپەن اشكەرەلەۋىن قارسى الامىز، اشكەرەلەپ ەسە قوسقاندارعا سيلىق بەرىلەدى.

　اشكەرەلەۋ تاسىلدەرى:

　　سايت ادرەسى:www.xjwljb.com؛

　　تەلەفون ءنومىرى: 2384777 − 0991؛

　　حات ساندىق: jbzx@cax.gov.cn؛

　　ميكروبلوگ: شيىنجياڭ ينتەرنەتتە اشكەرەلەۋ؛

　　ۋيشين الەۋمەتىك تۇعىرى: شينجياڭ ينتەرنەتتە اشكەرەلەۋ؛

　　ساقشىعا اشكەرەلەۋ تەلەفونى: 110؛

　　كەلتە حاتپەن ساقشىعا اشكەرەلەۋ ءنومىرى: 12110