汉文 ىلە اقپارات تورابىنا حوش كەلدىڭىزدەر!
باتىس سولتۇستىك مۇناي الابىنىڭ الدىڭعى 10 ايداعى تابيعي گاز ءونىم مولشەرى سايكەس مەزگىلدەگىدەن %55 ارتتى
2022-11-24 15:31:07     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى ۋاڭ فۋچۋان 11 - ايدىڭ 22 - كۇنى ۇرىمجىدەن حابارلايدى. الدىڭعى 10 ايدا، باتىس سولتۇستىك مۇناي الابىنىڭ جالپى وندىرگەن مۇناي - تابيعي گاز سىندىرىلىم ەكۆيۆالەنتى 7 ميلليون 850 مىڭ تونناعا جەتىپ، سايكەس مەزگىلدەگىدەن 900 مىڭ تونناعا تاياۋ ارتتى. مۇنىڭ ىشىندە تابيعي گاز ءونىم مولشەرى سايكەس مەزگىلدەگىدەن ءبىرشاما تەز جوعارىلاپ، %55 ارتىپ، 2 ميلليارد 718 ميلليون تەكشەمەترگە جەتتى، وڭدەلمەگەن مۇناي ءونىم مولشەرى 5 ميلليون 680 مىڭ تونناعا جەتىپ، سايكەس مەزگىلدەگىدەن %3. 2 ارتتى.

باتىس سولتۇستىك مۇناي الابى مۇناي - تابيعي گاز ءونىم مولشەرىنىڭ ارتۋىنا ىرىقتىلىقپەن ىسكەرلىك كورسەتۋدىڭ، قيىنشىلىققا قارسى اتتانۋدىڭ ارقاسىندا قول جەتكىزىلدى. بيىل جىل باسىنان بەرى، اسىرەسە، وسى رەتكى ىندەت تۋىلعاننان كەيىن، جۇڭگو مۇناي حيميا ونەركاسىبى باتىس تەرىستىك مۇناي الابى بولىمشە سەرىكتەستىگى ادام كۇشىن، زات كۇشىن شوعىرلاندىرىپ، ىرىقتىلىقپەن شايقاس جاساپ، قامال الىپ، قيىندىقتاردى جەڭدى. سەرىكتەستىك ەرەكشە جاعدايدا ءتۇرلى ءوندىرىس حاۋىپسىزدىگى بويىنشا شۇعىل جاعدايعا توتەپ بەرۋ دايىندىق جوباسىن ىسكە قوسىپ، وڭىرلەرگە ءبولىپ زاتتىق ماتەريالداردى وتكەرمەلەپ تاسىمالداۋ بازاسىن قۇرىپ، جۇمىس باسىندا باقىلاۋ، باسقارۋ - مەڭگەرۋدى جانە قالىپسىز جاعدايدى جوعارىعا مالىمدەۋ قىزمەت مەحانيزمىن كۇشەيتۋ سياقتى شارالار ارقىلى مۇناي الابىندا ىندەتتەن ساقتانۋ - تىزگىندەۋ مەن ءوندىرىس - تيجاراتىندا ”قوس ورنىقتىلىقتى“ جۇزەگە اسىردى.

مۇنايدىڭ كولەمدى زاپاس قورىن ارتتىرۋ، تابيعي گازدان تىڭ تابىسقا جەتۋدەن قامال الۋ شايقاسىندا، باتىس سولتۇستىك مۇناي الابى بولىمشە سەرىكتەستىگى شۇنبەي جاڭا رايونىنىڭ تەز قارقىنمەن ءوندىرىس جۇرگىزۋىن، تارىم وزەنى بايىرعى ءوڭىرىنىڭ ۇزاق ۋاقىت ورنىقتى ءوندىرىس جۇرگىزۋىن نىق قاداممەن ىلگەرىلەتكەندىكتەن، مۇناي - تابيعي گاز قورى، ءونىم مولشەرى، ساتىلۋ مولشەرى، ونىمدىلىگى ۇزدىكسىز جوعارىلادى.

قوردى ارتتىرىپ، ءونىمدى جوعارىلاتۋ جاعىنان قاراعاندا، باتىس سولتۇستىك مۇناي الابى بولىمشە سەرىكتەستىگى حاۋىپ - قاتەردى بارلاۋ تەبىنىن ارتتىرىپ، جىلدىق قور مىندەتى نىساناسىن 3 اي بۇرىن ارتىعىمەن ورىنداپ، كەلەسى قادامداعى كولەمدى اشۋعا بەرىك نەگىز قالادى. شۇنبەي مۇناي - تابيعي گاز الابى بازاسىنان بيىل 9 ”مىڭ توننالىق قۇدىق“ بايقالدى، بۇل تارىم ويپاتىنىڭ تەرەڭ قاباتىنداعى مۇناي - تابيعي گازدى بارلاۋدىڭ، اشۋدىڭ تاعى دا تىڭ بيىككە كوتەرىلگەندىگىن اڭعارتادى. شۇنبەي مۇناي - تابيعي گاز الابى 4 - ءنومىرلى وپىرما بەلدەۋىنىڭ اشىلىپ وندىرىسكە قوسىلعانىنا نەبارى ءبىر جىل بولدى، جالپى وندىرىلگەن مۇناي - تابيعي گازدىڭ سىندىرىلىم ەكۆيۆالەنتى 2 ميلليون تونناعا تاياپ، جۇڭگو مۇناي حيمياسىنىڭ باتىس بولىكتەگى جوعارى ونىمنەن ۇلگى كورسەتەتىن رايونعا اينالدى.

وزەكتى تەحنيكادا جاڭالىق اشۋ جاعىندا، باتىس سولتۇستىك مۇناي الابى بولىمشە سەرىكتەستىگى ويپاتتاعى ەرەكشە تەرەڭ، كۇردەلى جەر قىرتىسى حاۋىپ - قاتەرىن الدىن الا مەجەلەۋ، جاقپارلى ۇڭگىر تۇرىندەگى مۇناي قورىندا ەنەرگيا تولىقتاۋ، قىسىمدى تىزگىندەۋ جانە باعىتتامالى قۇدىق بۇرعىلاۋ سياقتى كوپتەگەن شەشۋشى تەحنيكالاردان قامال الۋدا ۇزدىكسىز تىڭ تابىستارعا قول جەتكىزدى، بيىل 4 عىلىم - تەحنيكا جەتىستىگى حالىقارالىق الدىڭعى قاتاردا دەپ ساراپتالدى، 6 عىلىم - تەحنيكا جەتىستىگى شينجياڭ عىلىم - تەحنيكا العاباسارلىعى سيلىعىنا يە بولدى.

جاڭا ەنەرگيا قۇرىلىسى − باتىس سولتۇستىك مۇناي الابى بولىمشە سەرىكتەستىگىنىڭ تۇتاس جىلدىق قىزمەتىنىڭ جارقىن ءتۇيىنى، جاي قۇدىقتار بىتىراي ورنالاسقان فوتوۆولتتىق ەلەكتر تاراتۋ نىسانىنىڭ 1 - مەرزىمدىك ينجەنەرياسى ءساتتى ىسكە قوسىلىپ، جىلدىق ورتاشا ەلەكتر تاراتۋ مولشەرى 2 ميلليون 800 مىڭ كيلوۆات ساعاتقا جەتىپ، جىلىنا 2915 توننا كومىر قىشقىل گازىن از شىعارىپ، 350 توننا ولشەمدى كومىر ۇنەمدەدى. قازىر 2 - مەرزىمدىك ينجەنەرياسى بەلسەنە ىلگەرىلەتىلۋدە.