汉文 ىلە اقپارات تورابىنا حوش كەلدىڭىزدەر!
اۋىل - قىستاقتى گۇلدەندىرۋگە فينانستىڭ كۇش - قۋاتىن ۇستەيمىز
2022-11-28 17:06:36     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

شينجياڭ اۋىل - قىستاق امانات - قارىز كووپەراتيۆى:

  اۋىل - قىستاقتى گۇلدەندىرۋگە فينانستىڭ كۇش - قۋاتىن ۇستەيمىز

 □ انار بۇلت \ شينجياڭ گازەتىنىڭ ءتىلشىسى ران حۋ

”ءبىز يدەيا مەن ارەكەتتى پارتيا 20 - قۇرىلتايىنىڭ رۋحىمەن بىرلىككە كەلتىرىپ، حالىقتى وزەك ەتكەن فينانس قىزمەتى ۇستانىمىن سانالىلىقپەن امالياتتا ايگىلەپ، فينانس ارقىلى وتاننىڭ ءۇمىتىن اقتاۋ سۇيىسپەنشىلىگىن شىنايى كۇشەيتىپ، نازاردى باستى جاۋاپكەرشىلىككە، نەگىزگى كاسىپكە شوعىرلاندىرىپ، جاڭا داۋىردە جۇڭگوشا سوتسياليستىك شينجياڭ قۇرۋعا تىڭ دا اناعۇرلىم زور ۇلەس قوسامىز“. شينجياڭ اۋىل - قىستاق امانات - قارىز بىرلەسكەن كووپەراتيۆى پارتكومىنىڭ شۋجيى، باس القاسى جىڭ يۇيفىڭ مىنالاردى ءبىلدىردى: 70 جىل دامۋ بارىسىن باستان وتكەرگەن شينجياڭ اۋىل - قىستاق امانات - قارىز كووپەراتيۆى اۋىل - قىستاق فينانسىنىڭ اۋەلگى ماقساتىن، بورىشىن باستان - اياق ەستە بەرىك ساقتاپ، ناقتى ەكونوميكاعا قىزمەت وتەۋدى، فينانس رەفورماسىن تەرەڭدەتۋدى، فينانس حاۋىپ - قاتەرىنەن ساقتانۋدى ءتۇبىرلى مىندەت ەتىپ، جوعارى ساپالى دامۋدى جاپپاي ىلگەرىلەتىپ، ەكونوميكالىق، قوعامدىق دامۋدىڭ كەلەلى جاعدايىنا بار كۇشپەن قىزمەت وتەدى.

بىرنەشە كۇننەن بەرى، شينجياڭ اۋىل - قىستاق امانات - قارىز كووپەراتيۆى پارتكوم ءماجىلىسى، پارتكوم نازاريا ۇيرەنۋ وزەكتى گرۋپپاسىنىڭ ۇيرەنۋى، نەگىزگى تاقىرىپتىق پارتيا كۇنى، اڭگىمە ءماجىلىسىن اشۋ، پىكىر اۋىستىرۋ جانە پىسىقتاۋ بايانداماسىن جاساۋ، ارناۋلى تاقىرىپتىق زەرتتەۋ تالقىسىن وتكىزۋ سياقتى كوپ ءتۇرلى تاسىلمەن پارتيا 20 - قۇرىلتايىنىڭ رۋحىن نەگىزگى ساتى پارتيا ۇيىمدارىنا جانە بارلىق كادرلار مەن قىزمەتكەرلەرگە جەدەل جەتكىزىپ، تۇتاس قامتۋعا شىنايى كەپىلدىك ەتىپ، قويۋ ۇيرەنۋ رايىن قالىپتاستىردى.

پارتيا 20 - قۇرىلتايىنىڭ بايانداماسىندا مىنالار باسا دارىپتەلدى: ”اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ كەرەك“. جىڭ يۇيفىڭ مىنالاردى ءبىلدىردى: وسى ماڭىزدى بايىمداۋلار جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋگە، اۋىل - قىستاقتى گۇلدەندىرۋگە فينانستىق قىزمەت وتەۋدىڭ ساپاسىن، ونىمدىلىگىن جوعارىلاتۋ جونىندە ايقىن بەتالىس كورسەتتى. شينجياڭ اۋىل - قىستاق امانات - قارىز كووپەراتيۆى اۋىل - قىستاق فينانسىنداعى نەگىزگى كۇش جانە اۋىل - قىستاقتى گۇلدەندىرۋدى نەگىزگى ۇيىمداستىرۋشى بانكە دەڭگەيىندە تۇرىپ، فينانستىڭ اۋىل شارۋاشىلىعىنا، اۋىل - قىستاققا، شارۋالارعا قولداۋ كورسەتۋ جاڭا جولىن بەلسەنە قاراستىرادى؛ اۋىل - قىستاقتى گۇلدەندىرۋدى بار كۇشپەن اتقارادى؛ اۆتونوميالى رايوننىڭ ”استىقتى ورنىقتىرۋ، ماقتانى ساپالىلاندىرۋ، جەمىس شارۋاشىلىعىن كۇشەيتۋ، مال شارۋاشىلىعىن كوركەيتۋ، ەرەكشەلىككە يە كاسىپتەردى جەبەۋ“ سىندى دامۋ وي جەلىسى مەن باسىمدىققا يە اۋىل شارۋاشىلىعى ونىمدەرىن وڭىرلىك ورنالاستىرۋ جوباسىن مۇقيات دايەكتىلەندىرەدى، تياناقتاندىرادى.

بيىل الدىڭعى 10 ايدا، شينجياڭ اۋىل - قىستاق امانات - قارىز كووپەراتيۆى اۋىل شارۋاشىلىعىنا قاتىستى جيىنى 137 ميلليارد 101 ميلليون يۋان قارىز اقشا تاراتتى. 10 - ايدىڭ سوڭىنا دەيىن، اۋىل شارۋاشىلىعىنا قاتىستى قارىز اقشا قالدىق سوماسى 229 ميلليارد 602 ميلليون يۋان بولىپ، بىلتىرعى سول تۇستاعىدان 25 ميلليارد 337 ميلليون يۋان ارتىپ، ارتۋ مولشەرى %40. 12 بولدى. مۇنىڭ ىشىندە، ەگىنشى وتباسىلارىنا بەرىلگەن قارىز اقشا قالدىق سوماسى 110 ميلليارد 740 ميلليون يۋان بولىپ، بىلتىرعى سول تۇستاعىدان 14 ميلليارد 798 ميلليون يۋان ارتىپ، ارتۋ مولشەرى %42. 15 بولدى؛ الدىڭعى 10 ايدا، كەدەيلىكتەن ارىلعان حالىققا بەرىلەتىن شاعىن سومالى سەنىمدى قارىزدان 106 مىڭ 900 وتباسىنا جيىنى 3 ميلليارد 747 ميلليون يۋان تاراتىلدى. 10 - ايدىڭ سوڭىنا دەيىن، كەدەيلىكتەن ارىلعان 296 مىڭ 700 وتباسىنا بەرىلگەن شاعىن سومالى سەنىمدى قارىزدىڭ ىركىندىسى 10 ميلليارد 215 ميلليون يۋان بولىپ، بىلتىرعى جىلدىڭ سوڭىمەن سالىستىرعاندا ءبىر ميلليارد 133 ميلليون يۋان ارتىپ، ارتۋ مولشەرى %48. 12 بولىپ، بىلتىرعى سول تۇستاعىدان ءبىر ميلليارد 538 ميلليون يۋان ارتىپ، ارتۋ مولشەرى %73. 17 بولدى، وتباسى سانى مەن قارجى سوماسى جەكە - جەكە تۇتاس رايون فينانس قۇرىلىمىنىڭ %85. 70ىن جانە %19. 77ىن يەلەپ، كەدەيلىكتەن ارىلعان حالىققا بەرىلگەن شاعىن سومالى سەنىمدى قارىزدىڭ جالپى تاراتىلۋ سوماسى، قارىز اقشا قالدىق سوماسى، ارتۋ مولشەرى جانە ۇلەس قوسۋ دەڭگەيى تۇگەلدەي تۇتاس رايون فينانس قۇرىلىمدارىندا الدىڭعى ورىندا تۇردى.

جىڭ يۇيفىڭ بىلاي دەپ تانىستىردى: ”14 - بەسجىلدىق“ مەزگىلىندە، شينجياڭ اۋىل - قىستاق امانات - قارىز كووپەراتيۆى جالپى 600 ميلليارد يۋان قازىر اقشا تاراتىپ، اۋىل شارۋاشىلىعىن كاسىپ سالالاندىرىپ، وسىزامانداندىرىپ دامىتۋعا كۇش سالا قولداۋ كورسەتۋگە كۇش سالادى، ەگىنشى وتباسىلارىنا جالپى 460 ميلليارد يۋان قارىز اقشا تاراتىپ، ەگىنشى وتباسىلارىن ءونىمدى سەنىمدى قارىز قاجەتىمەن تولىق قامتۋدى ورىنداۋعا كۇش سالادى؛ ”ۇكىمەت سەنىمدىلىكتى ارتتىرۋ + بانكە، ۇكىمەت بىرگە باسقارۋ“ ۇلگىسىن بار كۇشپەن جالپىلاستىرىپ، اۋىل شارۋاشىلىعى، اۋىل - قىستاق، شارۋالاردىڭ سەنىمدى قارىز ينفورماتسياسىنىڭ سايكەسسىز بولۋداي قيىن ماسەلەسىن كۇش سالا شەشىپ، اۋىل - قىستاق وڭىرلەرىنىڭ ءوتىنىش ەتكەن قارىز اقشاعا يە بولۋ مولشەرىن جانە سەنىمدى قارىزبەن قامتىلۋ مولشەرىن جوعارىلاتادى. ”14 - بەسجىلدىقتىڭ“ سوڭىندا شارۋا وتباسى، جاڭاشا اۋىل شارۋاشىلىعى تيجارات نەگىزگى تۇلعاسى سياقتىلاردىڭ ينفورماتسياسىنا ەلەكتروندىق ارحيۆ تۇرعىزىلۋ مولشەرىن %100كە، دارەجە بويىنشا باعالاپ سەنىمدىلىك بەرۋمەن قامتۋ مولشەرىن %100كە، ءونىمدى سەنىمدى قارىز قاجەتىن قاناعاتتاندىرۋ مولشەرىن %100كە جەتكىزۋگە كۇش سالادى.

”پارتيا 20 - قۇرىلتايىنىڭ بايانداماسى ءبىزدىڭ جاڭا ساپاردا ەكپىندەي ىلگەرىلەپ، جاڭا داۋىردە ەسە قوسۋ سەنىمىمىزدى، بەكىمىمىزدى ءتىپتى دە بەكەمدەدى“. جىڭ يۇيفىڭ مىنالاردى ءبىلدىردى: شينجياڭ اۋىل - قىستاق امانات - قارىز كووپەراتيۆى ”ۇشتە الدا ءجۇرۋدى“ ورىنداۋعا، ياعني شينجياڭنىڭ ءتۇيىندى كاسىپ سالالارىنا، ءتۇيىندى نىساندارىنا قولداۋ كورسەتۋ تەبىنىندە بانكەنىڭ ۇقساس كاسىبىندە الدا جۇرۋگە، كولەمدى ارتتىرۋ، پايدا ۇلەسى جاعىندا شينجياڭنىڭ ءتۇيىندى مەملەكەت مەنشىگىندەگى كاسىپورىنداردىڭ الدىندا جۇرۋگە، باقىلاۋ - باسقارۋ تالابىن تياناقتاندىرۋ، ىشكى جاقتا باسقارۋ، حاۋىپ - قاتەردەن ساقتانۋ سياقتى جاقتاردا وڭىردەگى فينانس قۇرىلىمدارىنىڭ الدىندا جۇرۋگە كۇش سالىپ، ءىس جۇزىندىك ارەكەت ارقىلى پارتيا 20 - قۇرىلتايىنىڭ بايانداماسىندا كەسكىندەلگەن ۇلى جوبانى شينجياڭدا تاماشا رەالدىققا اينالدىرۋدى ىلگەرىلەتەدى.