汉文 ىلە اقپارات تورابىنا حوش كەلدىڭىزدەر!
شينجياڭ بازار ساتىپ الۋ ساۋدا ءتاسىلىن تۇيىندە سىناق ەتۋدە تىڭ ناتيجەگە قول جەتكىزدى
2022-11-28 17:06:36     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

 جۇمىستىڭ جالپى بارىسى ىركىلىسسىزدەندى

  شينجياڭ بازار ساتىپ الۋ ساۋدا ءتاسىلىن تۇيىندە سىناق ەتۋدە تىڭ ناتيجەگە قول جەتكىزدى

انار بۇلت \ شينجياڭ گازەتىنىڭ ءتىلشىسى حي حۇڭۋي 11 - ايدىڭ 26 - كۇنى ۇرىمجىدەن حابارلايدى. بيىل 9 - ايدا ءۇرىمجى بيانجياڭ قوناق ءۇيى ساۋدا بازارىنىڭ، الاتاۋ ازيا − ەۆروپا تاۋار ساۋدا ورتالىعىنىڭ بازار ساتىپ الۋ ساۋدا ءتاسىلىن تۇيىندە سىناق ەتۋى بەكىتۋدەن ءوتىپ، نەبارى ءبىر ايدان استام ۋاقىتتا جۇمىستىڭ جالپى بارىسى ىركىلىسسىزدەندى، قازىر تۇڭعىش توپتاعى جۇكتەر ىركەس - تىركەس كەدەننەن ءوتىپ، جاڭا كاسىپ كۇيىنىڭ تيبىن وزگەرتىپ، دارەجەسىن جوعارىلاتۋ جۇزەگە استى.

بيانجياڭ قوناق ءۇيى ساۋدا بازارى ءۇرىمجى قالاسىنىڭ تيانشان رايونىنا ورنالاسقان، 3600دەن استام ساپالى ساۋدا دۇكەنى بار بۇل ورىن 30 جىلدان بەرى دامىپ، كەمەلدى سىرتقى ساۋدا بازارىنا اينالدى. 2020 - جىلدىڭ باسىندا، سىرتقى ساۋدانىڭ جاڭا ۇلگىسىنە، جاڭا كاسىپ كۇيىنە اناعۇرلىم ويداعىداي ۇيلەسۋ ءۇشىن، بيانجياڭ قوناق ءۇيى ساۋدا بازارى بازار ساتىپ الۋ ساۋدا ءتاسىلىن تۇيىندە سىناق ەتۋگە ءوتىنىش ەتۋ قىزمەتىن باستاپ، اۆتونوميالى رايونداعى ءار دارەجەلى ۇكىمەتتەردىڭ جانە قاتىستى تاراۋلاردىڭ زور كۇشپەن قولداۋىنا يە بولدى.

”بازار ساتىپ الۋ ساۋدا ءتاسىلىنىڭ سىناق ءتۇيىنى بولۋ سىرتقى ساۋدا جاڭا كاسىپ كۇيىنىڭ داۋىرلىك تەز دامۋ جولىنا تۇسكەنمەن بىردەي“! - دەدى شينجياڭ بيانجياڭ قوناق ءۇيى شەكتى جاۋاپكەرشىلىك سەرىكتەستىگىنىڭ باس ديرەكتورى جۋ جىۋي، - بازار ساتىپ الۋ ساۋداسى بازارداعى ساۋداگەرلەردىڭ ”زاكازى ۇساق، زاتتارى ارالاس، ءتۇرى مول“ تالونسىز ەكسپورت ساۋدا ماسەلەسىن ءبىرشاما ويداعىداي شەشە الادى، ورتا، شاعىن، ۇساق جەكە ساۋداگەرلەردىڭ سىرتقى ساۋدا ەكسپورتىنا قاتىناسىپ، بازاردىڭ ومىرشەڭدىگىن قاۋلاتۋىنا بولادى.

11 - ايدىڭ 3 - كۇنى الاتاۋ ازيا − ەۆروپا تاۋار بازارىندا كيىم - كەشەك، اياق كيىم، باس كيىم، بەس مەتال بۇيىمدار بولشەكتەرى تولتىرا تيەلگەن جۇك اۆتوكولىگى الاتاۋ شەكارا وتكەلىنەن جولعا شىعىپ، قازاقستانعا اتتاندى. بۇل بازار الاتاۋ كەشەندى باجىسىز اۋماعىمەن جانە كاسىپ سالاسى سايكەستى رايونىمەن ىرگەلەس، ەكسپورت ەتىلەتىن تاۋارلار ۇساق تاۋار، ونەركاسىپ بۇيىمدارى، اۋىل شارۋاشىلىق ونىمدەرى، كۇندەلىكتى ءتۇرلى بۇيىمدار سياقتىلارعا سايادى، باستى ەكسپورت ەتىلەتىن ەلدەر ورتا ازياداعى 5 ەل، سونداي - اق فرانسيا، گەرمانيا سياقتى ەۆروپا ەلدەرى.

بازار ساتىپ الۋ ساۋداسىنىڭ ءساتتى اتقارىلۋىن قامتاماسىز ەتۋ ءۇشىن، الاتاۋ قالاسى ىلگەرىندى - كەيىندى شارۋاشىلىق - ساۋدا ورتاسىن ساپالىلاندىرۋ، شارۋاشىلىق قۇرىپ قارجى قوسۋدى جەبەۋ، الاتاۋ كەشەندى باجىسىز اۋماعى مەن شەكارا اتتاعان ەلەكتروندىق ساۋدا ىستەرى كەشەندى سىناق رايونىنىڭ جوعارى ساپالى دامۋىن قولداۋدىڭ 13 تارماقتى شاراسى سياقتى ساياساتتىق حۇجاتتاردى باسىپ تاراتتى.

”بازار ساتىپ الۋ ساۋدا ءتاسىلى سىناق ءتۇيىنىن دامىتۋ ’بازار ساتىپ الۋ + شەكارا اتتاعان ەلەكتروندىق ساۋدا + شەكارا تۇرعىندارىنىڭ ءوزارا بازارى‘ سياقتى كوپ كاسىپ كۇيىنىڭ توعىسا جاڭالىق اشا دامۋىن جەبەۋگە ءتيىمدى“، - دەدى الاتاۋ قالالىق ساۋدا ىستەرى جانە ونەركاسىپ ينفورماتسيالاندىرۋ مەكەمەسىنىڭ ورىنباسار باستىعى فىڭ جينگاڭ تانىستىرىپ.

سىرتقى ساۋدانىڭ جاڭا قوزعاۋشى قۋاتىن جەدەل كادەگە جاراتۋ ءۇشىن، اۆتونوميالى رايوندىق ساۋدا ىستەرى مەڭگەرمەسى، ءۇرىمجى كەدەنى، اۆتونوميالى رايوندىق سالىق مەكەمەسى سياقتى كوپ تاراۋ سىناق ءتۇيىنى ەتىلگەن جەرلەردىڭ اتقارۋ جوباسىن العا قويۋىنا جەتەكشىلىك ەتتى ءارى ي - ۋمەن، چاڭشۋمەن تۇيىلىسە وتىرىپ باعىتتامالى سەلبەستىك ورىستەتىپ، كوپ جەردىڭ ماماندارىن ينتەرنەت جەلىسىندە كاسىپتىك كۋرس اشۋعا ۇسىنىس ەتتى.

اۆتونوميالى رايوندىق ساۋدا ىستەرى مەڭگەرمەسىنىڭ قاتىستى جاۋاپتىسى مىنالاردى ءبىلدىردى: قۇرىلىپ بولعان بازار ساتىپ الۋ ساۋداسىن كەشەندى باسقارۋ تۇعىرىنىڭ قولداۋىندا، بازار ساتىپ الۋ ساۋدا ءتاسىلىن زور كۇشپەن جالپىلاستىرىپ، ساۋدانىڭ كەرى اعىنىن جەبەپ، شينجياڭنىڭ سىرتقى ساۋدا ەكسپورتىن اناعۇرلىم كەڭەيتۋىنە جاڭا ءتيىمدى وراي ازىرلەيمىز.