汉文 ىلە اقپارات تورابىنا حوش كەلدىڭىزدەر!
رايونىمىزدىڭ جەر - جەرى ءتۇيىندى سالالارداعى نىسان قۇرىلىسىن جانە قارجى تولەۋدى جەدەلدەتتى
2022-11-28 17:06:36     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

انار بۇلت \ شينجياڭ گازەتىنىڭ ءتىلشىسى شى شين 11 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ تالابى بويىنشا، رايونىمىزدىڭ جەر - جەرى ۇتىمدى شارالار قولدانىپ، ىندەتتىڭ ىقپالىنا توتەپ بەرىپ، ءتۇيىندى سالالارداعى نىسان قۇرىلىسىن جانە قارجى تولەۋدى جەدەلدەتىپ، دامۋ نەگىزىن بەكەمدەگەن.

ىندەتتىڭ ءتيىمسىز ىقپالىنا ءونىمدى توتەپ بەرۋ ءۇشىن، اۆتونوميالى رايوندىق دامۋ جانە رەفورما كوميتەتى 9 - ايدا، 10 - ايدا ىركەس - تىركەس ەكى مەرزىمدە بۇكىل رايوننىڭ 2021 - جىلدان بەرگى ورتالىقتىڭ مەجە ەسەبى ىشىندەگى قارجى قوسۋ جانە 2022 - جىلعى جەرگىلىكتى ۇكىمەتتەردىڭ ارناۋلى زايومى، ساياساتتىق اشۋ سيپاتتى فينانس قۇرالدارى (قور)، جاڭا ەنەرگيا (2021 - جىلعى جالعاستىرىپ سالىنعاندارىن قامتيدى) سىندى 4 تۇردەگى ءتۇيىندى سالالارداعى نىسانداردى ىلگەرىلەتۋ جانە قارجى تولەۋ جاعدايىنا ورنالاستىرۋ جاسادى.

اقسۋ ايماعى ءونىمدى قارجى قوسۋدى ىلگەرىلەتۋدىڭ ءتۇيىندى نىساندارىن سايكەستىرۋ مەحانيزمىنەن ويداعىداي پايدالانىپ، مەرزىم سايىن بەينە ەكراندىق ورنالاستىرۋ ءماجىلىسىن اشۋ سياقتى تاسىلدەر ارقىلى ۇكىمەت پەن كاسىپورىن اراسىنداعى، تاراۋلار اراسىنداعى، بانكە مەن كاسىپورىن اراسىنداعى ۇشتاسۋدى كۇشەيتىپ، ءتۇيىندى نىساندارداعى قيىن ماسەلەلەردىڭ جاي - جاپسارىن بەلسەندىلىكپەن يەلەپ، بىرلەسىپ كوتەرمەگە العان باسشىلار مەن تاراۋلار بىرگە ءبىر سايكەستىرىپ شەشۋگە جاۋاپتى بولىپ، اۆتوموبيلدەردى باستاۋ، زاتتىق ماتەريال تاسىمالى، قۇرىلىسشىلاردىڭ جۇمىس ورنىنا كىرۋى سياقتىلاردى قامتاماسىز ەتۋ قىزمەتىن تۇيىننەن - تۇيىنگە جالعاسۋ ءتاسىلى بويىنشا ويداعىداي ىستەپ، ورتالىقتىڭ مەجە ەسەبى ىشىندەگى قارجى قوسۋدا، ارناۋلى زايوم جانە جاڭا ەنەرگيا نىساندارى قارجىسى بويىنشا تولەۋ مولشەرىندە ءۇرتىس ەكى مەرزىم بۇكىل رايوندا الدىڭعى 2 ورىننىڭ قاتارىنان كورىندى.

سانجى حۇيزۋ اۆتونوميالى وبلىسى جوعارى دەڭگەيدە ىلگەرىلەتۋگە تاباندى بولىپ، جاۋاپكەرشىلىكتى ناقتىلاندىرىپ، نىسان ورنالاستىرۋ ءماجىلىسىن مەرزىمدى اشىپ، وبلىستىق ۇكىمەت اتىنان نىساننىڭ ىلگەرىلەۋى جونىندەگى حابارلاندىرۋدى باسىپ تاراتىپ، ماسەلە ساقتالعان نىساندار ءتىزىمىن شىعارىپ، دالمە - ءدال ورنالاستىرۋ جاساپ، وبلىستىق دامۋ جانە رەفورما كوميتەتى مەن قاتىستى تاراۋلار ماسەلەنى رەتتەۋ - تۇزەتۋدى جۇمىس ءبولىسى بويىنشا سايكەسىپ ىلگەرىلەتىپ، ”ءتىزىمدى قاداعالاۋدى، اپتا سايىن ورنالاستىرۋدى، اي سايىن قۋزاۋدى“ ورىنداپ، ورتالىقتىڭ مەجە ەسەبى ىشىندەگى قارجى قوسۋى جانە ارناۋلى زايوم قارجىسى بويىنشا تولەۋ مولشەرى بۇكىل رايوننىڭ الدىڭعى قاتارىندا تۇردى.

التاي ايماعى باسقا ايماق، وبلىس، قالالاردىڭ ىندەتتەن ساقتانۋ - تىزگىندەۋ قىزمەتىنە قولباسشىلىق ەتۋ شتاپتارىمەن جان - جاقتى بايلانىستى كۇشەيتۋ ارقىلى جاسىل ارنانى دەر كەزىندە سايكەستىرىپ اشىپ، بوگەتتى تۇيىندەردى اشىپ، نىسان قۇرىلىسى ماتەريالدارىمەن قامداۋدىڭ جەتكىلىكتى بولۋىن، جۇمىسشىلاردىڭ دەر كەزىندە جۇمىس ورنىنا كەلۋىن قامتاماسىز ەتىپ، ورتالىقتىڭ مەجە ەسەبى ىشىندەگى قارجى قوسۋىنىڭ، ارناۋلى زايوم قارجىسى بويىنشا تولەۋ مولشەرىنىڭ ۇقساس مەزگىلدەگىدەن ارتۋ شاماسى بۇكىل رايوندا الدىڭعى 2 ورىننىڭ قاتارىنان كورىندى، قوردان تولەۋ مولشەرى بۇكىل رايوننىڭ الدىڭعى قاتارىندا تۇردى.

بۇراتالا موڭعۇل اۆتونوميالى وبلىسى نىسانداردى قامباعا كىرگىزىپ، ءبىر تۇتاس جوسپارعا ەنگىزۋدى كۇش سالا يگەرىپ، قارجى قوسۋ جالپى مولشەرىنىڭ تىرەكتىك رولىنا شىنايى كەپىلدىك ەتىپ، قامباداعى نىسانداردىڭ قارجى اينالىمىن جانە تولەۋ قارقىنىن جەدەلدەتىپ، ءبىر تۇتاس جوسپارعا ەنگىزىلۋگە تيىستىلەرىن مۇمكىندىگىنشە ەنگىزىپ، ارناۋلى زايوم قارجىسى بويىنشا تولەۋ مولشەرى ءۇرتىس ەكى مەرزىمدەگى ورنالاستىرۋدا بۇكىل رايوندا الدىڭعى 3 ورىننىڭ قاتارىنان كورىندى.

كەلەسىدە اۆتونوميالى رايوندىق دامۋ جانە رەفورما كوميتەتى ءار جاقتاردى سايكەستىرىپ، ۇزدىكسىز بىرىككەن كۇش قالىپتاستىرىپ، نىسان قۇرىلىسىن بار كۇشپەن ويداعىداي يگەرىپ، ءونىمدى شارا ارقىلى ىندەتتىڭ ىقپالىن جويىپ، تۇتاس جىلدىق نىسانا - مىندەتتەردىڭ ورىندالۋىنا شىنايى كەپىلدىك ەتەدى.