汉文 ىلە اقپارات تورابىنا حوش كەلدىڭىزدەر!
ساياسات كۇش ۇستەدى، ەكونوميكا ورنىقتى تۇردە جاقسارۋعا بەت الدى
2022-11-28 17:09:03     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

 ساياسات كۇش ۇستەدى، ەكونوميكا ورنىقتى تۇردە جاقسارۋعا بەت الدى

  − الدىڭعى 10 ايداعى رايونىمىزدىڭ ادەتتەگى الەۋمەتتىك مەجە ەسەپ كىرىسىنىڭ ورنىقتى ارتۋىنا تالداۋ

  □ انار بۇلت \ شينجياڭ گازەتىنىڭ ءتىلشىسى ران حۋ

الدىڭعى 10 ايدا رايونىمىزدىڭ ادەتتەگى الەۋمەتتىك مەجە ەسەپ كىرىسى جيىنى 153 ميلليارد 960 ميلليون يۋان بولىپ، بىلتىرعى سول تۇستاعىدان 15 ميلليارد 560 ميلليون يۋان ارتتى، تابيعي ولشەم بويىنشا ەسەپتەگەندە سايكەس مەزگىلدەگىدەن %2. 11 ارتتى، سالىقتى ىركىپ دولايلاستىرۋعا قالدىرۋ فاكتورىن شىعارىپ تاستاعاننان كەيىن سايكەس مەزگىلدەگىدەن %8. 25 ارتتى، ەكى تۇردەگى ارتۋ قارقىنى ۇدايى بۇكىل ەلدىڭ الدىڭعى قاتارىندا بولدى. مۇنداي ناتيجە وڭاي - وسپاق كەلگەنى جوق. ىندەتتىڭ ىقپالىندا رايونىمىز قازىنانى قالاي مىقتى يگەردى؟ اۆتونوميالى رايوندىق قازىنا مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جۋ جيە رايونىمىزدىڭ ادەتتەگى الەۋمەتتىك مەجە ەسەپ كىرىسىنىڭ ورنىقتى ارتۋ سەبەبىنە تالداۋ جاسادى.

1 - ايدان 10 - ايعا دەيىن، اۆتونوميالى رايوننىڭ باجى كىرىسى جيىنى 105 ميلليارد 860 ميلليون يۋان بولىپ، بىلتىرعى سول تۇستاعىدان 10 ميلليارد 500 ميلليون يۋان ارتىپ، تابيعي ولشەم بويىنشا ەسەپتەگەندە %11 ارتقان، سالىقتى ىركىپ دولايلاستىرۋعا قالدىرۋ فاكتورىن شىعارىپ تاستاعاننان كەيىن %9. 31 ارتىپ، سالىق كىرىسى ۇزدىكسىز ەكى ورىندى سانمەن ارتۋدى ساقتاعان.

بۇل جونىندە جۋ جيە بىلايشا تۇسىنىك جاسادى: ”بۇل، باستىسى، اۆتونوميالى رايوننىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، شارۋاشىلىق - ساۋدا ورتاسىن ۇزدىكسىز ساپالىلاندىرۋدا كورنەكتى ونىمدىلىككە قول جەتكىزۋىنىڭ، سونداي - اق كوپ تۇتىنىلاتىن بايلىق تاۋارلارى باعاسىنىڭ جانە ەنەرگيا باعاسىنىڭ جوعارى دەڭگەيلى اينالىمدى ساقتاپ، قاتىستى سالىق كىرىسىنىڭ ءبىرشاما تەز ارتۋىنا دەم بەرگەندىگىنىڭ ارقاسى“.

نەگىزگى تۇلعالىق سالىق تۇرىنەن الىپ قاراعاندا، بايلىق سالىعى، كاسىپورىندار تابىس سالىعى نەگىزگى جەتەكتەۋشى ءتۇر بولعان. جۋ جيە بىلاي دەپ تانىستىردى: بايلىق سالىعى جيىنى 14 ميلليارد 740 ميلليون يۋان بولىپ، بىلتىرعى سول تۇستاعىدان 6 ميلليارد 250 ميلليون يۋان كوبەيىپ، سايكەس مەزگىلدەگىدەن %5. 73 ارتقان؛ كاسىپورىن تابىس سالىعىنان جيىنى 22 ميلليارد 130 ميلليون يۋان ورىندالىپ، بىلتىرعى سول تۇستاعىدان 6 ميلليارد 610 ميلليون يۋان كوبەيىپ، سايكەس مەزگىلدەگىدەن %42.6 ارتتى.

جۋ جيە تالداۋ جاساپ بىلاي دەدى: كومىر، مۇناي - تابيعي گاز سياقتى بايلىق تۇرىندەگى كوپ تۇتىنىلاتىن تاۋارلاردىڭ باعاسى جوعارى دەڭگەيلى اينالىمدى ساقتاپ، بايلىق باسىمدىعى ۇزدىكسىز ەكونوميكالىق دامۋ باسىمدىعىنا اينالىپ، بايلىق تۇرىندەگى، حيميا ونەركاسىپ تۇرىندەگى سالا كاسىپورىندارىنىڭ ءوندىرۋ، ساتۋىنىڭ بىردەي قاۋىرت ارتۋىن جەتەكتەپ، قازىنالىق كىرىستىڭ تەز قارقىنمەن ارتۋىن جەبەدى.

1 - ايدان 9 - ايعا دەيىن شينجياڭدا كولەمنەن جوعارى ونەركاسىپتە سۇرىپتالماعان كومىردىڭ ءونىم مولشەرى 291 ميلليون 324 مىڭ توننا بولىپ، سايكەس مەزگىلدەگىدەن %1. 31 ارتتى؛ شيكى مۇنايدىڭ ءونىم مولشەرى 24 ميلليون 287 مىڭ توننا بولىپ، سايكەس مەزگىلدەگىدەن %2. 8 ارتتى؛ تابيعي گازدىڭ ءونىم مولشەرى 30 ميلليارد 230 ميلليون تەكشەمەتر بولىپ، سايكەس مەزگىلدەگىدەن %1. 5 ارتتى. جۋ جيە بىلاي دەدى: الدىڭعى 10 ايدا قۇمىل قالاسى، سانجى حۇيزۋ اۆتونوميالى وبلىسى، قارامايلى قالاسى جانە اقسۋ ايماعى سياقتى كومىر، مۇناي - تابيعي گاز بايلىعى مولىنان شوعىرلانعان وڭىرلەردىڭ بايلىق سالىعىنىڭ ارتۋ قارقىنى %60تىڭ ۇستىندە بولىپ، بايلىق سالىعى اۆتونوميالى رايوننىڭ ادەتتەگى مەجە ەسەپ كىرىسىنىڭ 5. 4 پايىز ارتۋىنا دەم بەرىپ، جەتەكتەۋ رولى كورنەكتى بولدى.

”الدىڭعى 10 ايدا ەل ءىشى ارتقان قۇن سالىعى جالپى 33 ميلليارد 590 ميلليون يۋان بولىپ، تابيعي ولشەم بويىنشا ەسەپتەگەندە %9. 8 تومەندەپ، سالىقتى ىركىپ دولايلاستىرۋعا قالدىرۋ فاكتورىن شىعارىپ تاستاعاننان كەيىن %44 ارتقان“. جۋ جيە بىلاي دەدى: ”زور كولەمدى ارتقان قۇن سالىعىن ىركىپ دولايلاستىرۋعا قالدىرۋ بويىنشا شوعىرلى قايتارۋ مىندەتىنىڭ، نەگىزىنەن، ورىندالۋىنا ساي، سالىقتى ازايتۋعا ىقپال جاسايتىن ەڭ ۇلكەن فاكتور بىرتىندەپ جويىلدى. ارتقان قۇن سالىعىنىڭ تومەندەۋ مولشەرى ءۇرتىس 5 اي باسەڭدەدى، الدىڭعى 10 ايدى الدىڭعى 9 ايمەن سالىستىرعاندا 7. 0 پايىز باسەڭدەپ، 1 − 5 - ايلارمەن سالىستىرعاندا 1. 30 پايىز باسەڭدەدى“.

سالىققا جاتپايتىن كىرىستىڭ ءبىرشاما تەز ارتۋى دا قازىنالىق كىرىستىڭ ارتۋىنا دەم بەرەتىن ۇلكەن فاكتور بولدى. جۋ جيە بىلاي دەپ تانىستىردى: ”1 - ايدان 10 - ايعا دەيىن اۆتونوميالى رايوننىڭ سالىققا جاتپايتىن كىرىسى جالپى 48 ميلليارد 100 ميلليون يۋان بولىپ، وتكەن جىلعى سول تۇستاعىدان 5 ميلليارد 60 ميلليون يۋان كوبەيىپ، %8. 11 ارتتى، مۇندا، باستىسى، كەن ونىمدەرى بايلىعى كىرىسى، مەملەكەت مەنشىگىندەگى مال - مۇلىكتى ءبىر جاقتى ەتۋ كىرىسى، تىڭنان قوسىلعان قۇرىلىسقا پايدالاناتىن جەردى اقىلى پايدالانۋ قاراجاتى كىرىسى سياقتىلار زور مولشەردە كوبەيىپ، جەكە - جەكە بىلتىرعى سول تۇستاعىدان %9. 27، %38، %1. 71 ارتتى“.

بيىل جىل باسىنان بەرى رايونىمىزدىڭ كوپ ءتۇرلى ەكونوميكالىق كورسەتكىشى بۇكىل ەلدىڭ ورتاشا ورەسىنەن جوعارى بولدى. بۇل جونىندە جۋ جيە بىلاي دەپ قارادى: اۆتونوميالى رايون مەملەكەتتىڭ ەكونوميكانى ورنىقتىراتىن ءتۇرلى ساياسات - شارالارىن مۇقيات دايەكتىلەندىرىپ، تياناقتاندىرىپ، ساياسات پايداسىن جىلدام جارىققا شىعارىپ، رايونىمىز ەكونوميكاسىنىڭ ورنىقتى ارتۋىن جەبەدى.

ۇعىسۋعا قاراعاندا، 4 - ايدىڭ 1 - كۇنىنەن باستاپ اۆتونوميالى رايون زور كولەمدى ارتقان قۇن سالىعىن ىركىپ دولايلاستىرۋعا قالدىرۋ ساياساتىن قاتاڭ اتقارعان، 1 - ايدان 10 - ايعا دەيىن ءتۇرلى كاسىپورىندارعا سالىقتى ىركىپ دولايلاستىرۋعا قالدىرۋ بويىنشا قايتارىلعان قارجى 48 ميلليارد 880 ميلليون يۋان بولىپ، بىلتىرعى سول تۇستاعىدان 41 ميلليارد 960 ميلليون يۋان كوپ قايتارىلعان. 6 - ايدا اۆتونوميالى رايون ەكونوميكانىڭ ورنىقتى ارتۋىن ىلگەرىلەتۋگە قاتىستى 9 جاقتاعى 46 ءتۇرلى ساياسات - شارانى شىعارعان؛ ىندەت تۋىلعاننان بەرى اۆتونوميالى رايون كاسىپورىنداردى ۇزدىكسىز قيىنشىلىق قىسپاعىنان قۇتىلدىراتىن 15 ءتۇرلى ۇلاسپالى ساياسات - شارانى جانە ەكونوميكالىق دامۋدىڭ تاماشا جاعدايىن بەكەمدەۋدەگى 10 ءتۇرلى ساياساتتى ىركەس - تىركەس شىعارىپ، كاسىپورىنداردىڭ ءىس جۇزىندىك قيىنشىلىعىن شىن مانىندە شەشىپ، بازار مەجەسىن ورنىقتىرىپ، بازار سەنىمىن سەرپىلتىپ، كومەسكى سالىق قاينارى مەن كەيىنگى سالىق قاينارىن جەتىلدىرۋگە تەبىن توپتاعان.