汉文 ىلە اقپارات تورابىنا حوش كەلدىڭىزدەر!
شينجياڭ 2022 - جىلعى «ٴدارىنى حاۋىپسىز تۇتىنۋ ايى» قيمىلىن باستادى
2022-12-01 10:29:13     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

شينجياڭ گازەتىنىڭ حابارى (ٴتىلشى رىن چۇنشياڭ). 11 - ايدىڭ 28 - كۇنى اۆتونوميالى رايوننىڭ 2022 - جىلعى «ٴدارىنى حاۋىپسىز تۇتىنۋ ايى» قيمىلى جەلىدە باستالۋ سالتىن وتكىزدى. بيىلعى قيمىل «ٴدارىنى حاۋىپسىز تۇتىنۋ، ٴبىر نيەتپەن العا باسۋ» دەگەندى نەگىزگى تاقىرىپ ەتكەن، قيمىل 12 - ايدىڭ ورتا شەنىنە دەيىن جالعاسادى.

قيمىل مەزگىلىندە اۆتونوميالى رايونداعى ٴار دارەجەلى ٴدارى - دارمەكتى باقىلاۋ - باسقارۋ تاراۋلارى، تۇتاس رايونىمىزداعى ٴدارى - دارمەك ٴوندىرۋ كاسىپورىندارى، ەمدەۋ قۇرىلىمدارىنىڭ ٴدارى جاساۋ ٴبولىمى سياقتىلار ۇيرەنۋدى، تاربيەلەۋدى، جەلىدە جانە جەلىدەن تىس ٴدارى - دارمەك حاۋىپسىزدىگىنە قاتىستى بىلىمدەردى جالپىلاستىرۋ ۇگىتىن ۇيىمداستىرىپ وتكىزىپ، «ينتەرنەتتەگى ٴدارى - دارمەك حاۋىپسىزدىگى بىلىمدەرى جارىسى» سياقتى ٴبىرقىدىرۋ ٴبىلىم جالپىلاستىرۋ قيمىلدارىنا قاتىناسۋعا ۇيىمداستىرادى. اسىرەسە، قىسقا كەسكىن سياقتى جاڭا مەديا تاسىلدەرىنەن تولىق پايدالانىپ،ٴدارىنى حاۋىپسىز پايدالانۋعا قاتىستى ۇستانىمدار مەن پايدالانۋ بىلىمدەرىن ويداعىداي ۇگىتتەپ، جۇرتشىلىقتىڭ ەلىمىزدىڭ ٴدارى - دارمەك حاۋىپسىزدىگىن باقىلاپ - باسقارۋ قىزمەتى جونىندەگى تانىمىن ارتتىرىپ، ٴدارى - دارمەك حاۋىپسىزدىگى  عىلمي ساپاسىن جوعارىلاتىپ، حالىق بۇقاراسىنىڭ دارىدەن حاۋىپسىز پايدالانۋىن قامتاماسىز ەتەدى.

اۆتونوميالى رايوننىڭ «ٴدارىنى حاۋىپسىز تۇتىنۋ ايى» قيمىلى اۆتونوميالى رايوننىڭ ٴدارى - دارمەك حاۋىپسىزدىگى سالاسىنداعى ماڭىزدى ماركالىق ۇگىت قيمىلى، «ٴدارىنى حاۋىپسىز تۇتىنۋ ايى» قيمىلى تۇتاس رايونداعى بۇقاراعا ٴدارى - دارمەك حاۋىپسىزدىگى بىلىمدەرىن جالپىلاستىرىپ، ٴدارى - دارمەك جـونىندەگى حاۋىپسىزدىك تانىمىن كۇشەيتىپ، قوعامدىق بىرلەسىپ باسقارۋدى ىلگەرىلەتۋدە ماڭىزدى رول اتقارادى.