مۇشە يۇكساك شيجاات:

مادەنيەت ارقىلى حالىققا تيىمدىلىك جاساۋدىڭ اتويشىسى بولامىن

شينجياڭ گازەتىنىڭ حابارى (ٴتىلشى جاڭ يۇنمەي)

وسى 1 − 2 كۇندە مەملەكەتتىك ساياسي كەڭەستىڭ شينجياڭدا تۇراتىن مۇشەسى، شينجياڭ كوركەمونەر تەاترى وپەرا ۇيىرمەسىنىڭ مەملەكەتتىك 1 - دارەجەلى ارتيسى يۇكساك شيجاات ۋاقىتتى قولدان بەرمەي ۇسىنىس جوبانى كەمەلدەندىردى.

«بۇل − جۇڭگو تاجىك ۇلتىنىڭ قوداسپەن كوكبار تارتۋىن بىرلەسكەن مەملەكەتتەر ۇيىمىنىڭ ادامزاتتىڭ بەيزاتتىق مادەنيەت مۇرالارىنا ەنگىزۋ ٴوتىنىشىن بەرۋ جونىندەگى ۇسىنىس جوبا» دەدى يۇكساك شيجاات تىلشىگە مۇقياتتىلىقپەن. بىلتىر 7 - ايدا اۋىلى تاشقورعان تاجىك اۆتونوميالى اۋدانىنا تۋىسشىلاپ بارۋ ورايىندا، يۇكساك شيجاات توڭىرەكتى ارالاپ تەكسەرۋ - زەرتتەۋ جۇرگىزىپ، قوعام جاعدايى مەن ەل اۋانىن ۇعىسقان بولاتىن.

قوداسپەن كوكبار تارتۋ جونىندەگى ۇسىنىس جوبا ونىڭ تەكسەرۋ - زەرتتەۋ جۇرگىزگەن مازمۇندارىنىڭ ٴبىرى. «مەن لاچين بايەكەنىڭ وتباسىنا دا بارىپ، ول ۇيدەگى قاريامەن امانداستىم». يۇكساك شيجاات: «سول ارادان مەن ٴار ۇلت بۇقاراسى ٴۇشىن اناعۇرلىم ويداعىداي قىزمەت وتەۋ رۋحاني كۇش - قۋاتىنا يە بولدىم» دەدى.

يۇكساك شيجاات باستان - اياق رۋحاني شۇعىلا ىزدەۋمەن كەلەدى، بۇل ونىڭ بالا كەزدەن العان تاربيەسىمەن تىعىز قاتىستى. يۇكساك شيجااتتىڭ اتاسى ساقا پارتيا مۇشەسى، ساقا قىزىل ارميا جاۋىنگەرى، كەزىندە امەريكا جيھانگەرلىگىنە قارسى تۇرىپ، چاۋشيانعا كومەكتەسۋ سوعىسىنا قاتىناسقان. اكەسى دە ساقا پارتيا مۇشەسى، قىزمەتكە شوگەل، حالىق ٴۇشىن قىزمەت ەتۋگە ىنتالى جان. كىشكەنتايىنان ٴتالىم العان يۇكساك شيجاات ەرجەتكەندە سولار سياقتى ادام بولىپ، حالىق ٴۇشىن قىزمەت ەتىپ، مەملەكەتكە ۇلەس قوسۋ مۇراتىن ورناتادى.

حالىق ٴۇشىن قىزمەت ەتۋ ساحنادا عانا ەمەس، دالادا دا بولۋعا ٴتيىس. 2018 - جىلى يۇكساك شيجاات اۋات اۋدانى جاڭاارىق قالاشىعى سۋجايدى قىستاعىنا كەلىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە ات سالىسىپ، كەدەيلىكتەن ارىلتۋدان قامال الۋدىڭ جانە اۋىل - قىستاقتى گۇلدەندىرۋدىڭ ٴبىرىنشى شەپ كادرىنا اينالىپ، 4 جىلدان استام ۋاقىت تاباندىلىقپەن ىستەيدى.

بىلتىر يۇكساك شيجاات قىستاقتا تۇرۋ قىزمەتىن تامامداپ، ٴوزى قىزۋ سۇيەتىن ساحناسىنا قايتا ورالادى. «شينجياڭدى مادەنيەتپەن نارلەندىرۋدى ىشكەرىلەي ورىستەتۋ شينجياڭنىڭ دامۋى جونىنەن كەلەلى ٴمان الادى» دەدى ول.

2022 - جىلى 8 - ايدا قىزمەت ورنىنىڭ ورنالاستىرۋىنا ساي، يۇكساك شيجاات شينجياڭ مادەنيەت سارايى ۇيىمداستىرعان «انار ٴدانى» ادەبيەت - كوركەمونەر بولىمشە شاعىن اترەتىمەن بىرگە تاشقورعان تاجىك اۆتونوميالى اۋدانىنا كەلىپ، قىستاق تۇرعىندارىن، نەگىزگى ساتى ادەبيەت - كوركەمونەر تىرەكتىلەرىن، اۋىل - قىستاق مادەنيەت جەتەكشىلەرىن، اۋىلعا قايتقان جوعارى مەكتەپ وقۋشىلارىن قامتىعان 120 ادامدى ٴبي، اسپاپتىق مۋزىكا، ۆوكالدىق ٴان، سۋرەت سىزۋ، مەملەكەتتە ٴبىر تۇتاس قولدانىلاتىن ٴتىل جانە مانەرلەپ وقۋ سياقتى جاقتاردان باۋليدى.

دەن قويا پىسىقتاۋ - جەتەكشىلىك ەتۋ مەن ماشىقتاندىرۋ ارقىلى 8 - ايدىڭ 21 - كۇنى قىستاق تۇرعىندارى مالىمەت بەرۋ كونسەرتىن قويادى. كونسەرتتىڭ باس رەجيسسەرى رەتىندە، يۇكساك شيجاات ٴاربىر تۋىندىعا ناقتى جەتەكشىلىك ەتەدى. قىستاق تۇرعىندارىمەن اۋىس - كۇيىس جاساۋ، ىقپالداسۋ بارىسىندا يۇكساك شيجاات كوپشىلىكتىڭ ادەبيەت - كوركەمونەر قيمىلىنا دەگەن قىزۋ سۇيىسپەنشىلىگىن تەرەڭ سەزىنەدى ٴارى ادەبيەت - كوركەمونەر قيمىلىنىڭ ادامداردىڭ رۋحاني بەت - بەينەسىن وزگەرتكەندىگىن بايقايدى.

يۇكساك شيجاات ۇنەمى بىلاي دەيدى: «مەملەكەتتىك ساياسي كەڭەستىڭ مۇشەسى جانە مەملەكەتتىك 1 - دارەجەلى ارتيس بولۋ − پارتيا مەن حالىقتىڭ ماعان بەرگەن وراسان زور داڭقى». وسى داڭق الدىندا ول الداعى جەردە مىندەتىن ۇزدىكسىز مۇقيات وتەپ، تۇرمىسپەن ىشكەرىلەي ارالاسىپ، حالىق اراسىنا تامىر تارتىپ، ٴداۋىر وزگەرىسىن بەينەلەيتىن، پارتيانى جىرلايتىن، وتاندى جىرلايتىن، حالىقتى جىرلايتىن، قاھارمانداردى جىرلايتىن اناعۇرلىم كوپ سارا تۋىندىلار جاراتۋعا كۇش سالاتىندىعىن ٴبىلدىردى، سونداي - اق وزىندەگى باسىمدىقتى ساۋلەلەندىرىپ، اناعۇرلىم كوپ ۇزدىك ادەبيەت - كوركەمونەر دارىندىلارىن باۋلىپ، جۇڭحۋانىڭ تاڭداۋلى ٴداستۇرلى مادەنيەتىنىڭ تاراتۋشىسى، مادەنيەت ارقىلى حالىققا تيىمدىلىك جاساۋدىڭ اتويشىسى، ۇلتتار ىنتىماعىنىڭ كوپىرى جانە دانەكەرى بولىپ، شينجياڭدى مادەنيەتپەن نارلەندىرۋدى ىلگەرىلەتۋگە تيەسىلى كۇش قوساتىندىعىن ايتتى.