ۋاكىل قانىڭبي ايسا:

”تىلەك توعىستىرۋ كوپىرىن“ ويداعىداي سالىپ، بايۋ جولىن سالامىن

انار بۇلت \ شينجياڭ گازەتىنىڭ ءتىلشىسى جىڭ جو

2023 - جىلى قانىڭبي ايسا جاڭا سالاۋاتقا يە بولدى، ياعني، 14 - كەزەكتى مەملەكەتتىك حالىق قۇرىلتايىنىڭ ۋاكىلى بولدى. ”بۇل ءبىر جاڭا داڭق، سونداي - اق اۋىر جاۋاپكەرشىلىك“، - دەدى قانىڭبي.

قانىڭبي − ۇلۇقشات اۋدانى وقسالۇر اۋىلى وقسالۇر قىستاعى پارتيا ياچەيكاسىنىڭ ورىنباسار شۋجيى، قىستاق تۇرعىندار كوميتەتىنىڭ مەڭگەرۋشىسى. بۇل كەزدەردە ول قاتتى قاربالاس، قىستاقتى ارالاپ، وتباسىلارعا بارىپ حالىقتىڭ حال - احۋالىن بىلۋمەن بىرگە، تاعى جەرگىلىكتى تاراۋلارمەن اڭگىمەلەسىپ، پىكىر جينادى.

مەملەكەتتىك ەكى ءماجىلىستىڭ تاياپ قالۋىنا ساي، ول اۋىل - قىستاقتى گۇلدەندىرۋ، كورىكتى اۋىل - قىستاق قۇرىلىسى، شارۋالاردىڭ كىرىسىن ارتتىرۋ سياقتى جاقتاردى توڭىرەكتەي وتىرىپ، قاتىستى ۇسىنىستاردى دايىنداۋ قىزمەتىن ويداعىداي ىستەۋمەن قاربالاس بولدى. ول كۇلە بىلاي دەدى: تۇندە ۇنەمى ۇيىقتاي المايمىن، بۇقارانىڭ ءتۇرلى تالاپ - تىلەكتەرى جانە تەكسەرۋ - زەرتتەۋ بارىسىنداعى كورگەن - بىلگەندەرىم ويىمنان شىقپايدى.

2 - ايداعى وقسالۇر قىستاعىندا تەپ - تەگىس قىستاق جولدارى، سارى داۋال، قىزىل قاڭىلتاق كەرپىشتەن سالىنعان جاڭا ۇيلەر بۇكىل قىستاقتىڭ تىرشىلىك تىنىسى مەن ومىرشەڭدىك كۇشىن تاراتىپ تۇر.

مەملەكەتتىك حالىق قۇرىلتايىنىڭ ۋاكىلى بولعان قانىڭبي تاياۋدا سانجى حۇيزۋ اۆتونوميالى وبلىسىنا بارىپ تەكسەرۋ - زەرتتەۋ جۇرگىزدى، سانجى قالاسىنىڭ ديانبا قالاشىعىندا، ول جەرگىلىكتى ورىننىڭ تازا ەنەرگياعا اۋىستىرۋ ينجەنەرياسىن بەلسەندى ورىستەتۋ جاعدايىن تاپتەشتەي ۇعىستى. ”مەن بۇل جەردەگى قىستاقتاردىڭ بارلىعىنىڭ كومىردى گازعا وزگەرتۋ، كومىردى ەلەكترگە وزگەرتۋ نىساندارىن اتقارۋدى ىلگەرىلەتكەندىگىن، سونداي - اق 3 جىل ۋاقىت جۇمساپ، تازا ەنەرگيا ارقىلى جىلۋمەن قامداۋدى جاپپاي قامتۋدى جالپى بەتتىك جۇزەگە اسىرۋدى جوسپارلاعانىن كوردىم“. قانىڭبي بىلاي دەدى: جەرگىلىكتى ورىن تاعى لاس سۋ قۇبىرى تورى قۇرىلىسىن اتقارۋدى جوسپارلاپ، قىستاق تۇرعىندارى تۇرمىسىنىڭ باقىت كورسەتكىشىن شىن مانىندە جوعارىلاتىپتى.

”مەن وسىنداي ينجەنەريانى ءبىزدىڭ وسى جەرىمىزدە دە اتقارۋعا بولاتىن - بولمايتىندىعىن ويلادىم“. قانىڭبيدىڭ قاراۋىنشا، قالىڭ اۋىل - قىستاق وڭىرلەرى جونىنەن الىپ ايتقاندا، نەگىزدىك قۇرىلعىلاردا قالالارمەن سالىستىرعاندا ءالى دە زور پارىق بار، حالىق قۇرىلتايىنىڭ ۋاكىلى رەتىندە، ول وسى پارىقتى مۇمكىندىكتىڭ بارىنشا ازايتۋدى ويلايدى ەكەن.

قاتتى بولشەكتەردىڭ دەڭگەيىن جوعارىلاتقاننان سىرت، قانىڭبيدىڭ كوكەيىندە تاعى ءبىر ماڭىزدى ماسەلە بار: قايتكەندە شارۋالاردىڭ كىرىسىن ارتتىرۋعا بولادى؟

سانجى وبلىسىنداعى شينجياڭ اۋىل شارۋاشىلىعى كورمە باقشاسىندا، قانىڭبي جىلىجايدا وسىرىلگەن جەمىستەردى، كوكونىستەردى جانە گۇل - شوپتەردى كوردى. بۇل جەردىڭ وزىق ەگىمشىلىك ۇستانىمى مەن تەحنيكاسى ونىڭ كوز اياسىن اشتى، ”وڭتۇستىك شينجياڭنىڭ اۋىل - قىستاقتارىندا دا جىلىجاي از ەمەس، ءبىراق، ەگىمشىلىك قۇرىلىمى ءبىرشاما جالاڭ، ەگەر جاڭا سورت، جاڭا تەحنيكا ەنگىزە الساق، وندا شارۋالاردىڭ كىرىسىن ارتتىرۋ ارناسىن، ءسوزسىز، كەڭەيتە الامىز“.

بۇل جىلدارى قانىڭبي اۋىلداستارىن كىرىس ارتتىرىپ، بايۋعا جەتەكتەۋگە ۇزبەي كۇش سالىپ كەلدى. ”قالىڭ اۋىل - قىستاقتاردا شارۋالاردىڭ كوبى اۋىل شارۋاشىلىعىنا قاتىستى سالىق اقىسى تيىمدىلىك ساياساتىن تۇسىنبەيدى“. قانىڭبي بىلاي دەدى: اۋىلداستار قايسى سالىقتى كەشىرىم ەتۋگە بولاتىندىعىن، قالاي ءوتىنىش ەتەتىندىگىن وتە انىق بىلمەيدى، اسىرەسە، جاڭا ساياساتتاردى يگەرۋى وتە شەكتى.

بىرنەشە كۇننىڭ الدىندا جەرگىلىكتى ورىننىڭ سالىق ىستەرى قىزمەتكەرلەرى قىستاققا كەلىپ جاعداي ۇعىسقان كەزدە، قانىڭبي ءوزىنىڭ جيناقتاعان بۇقارانىڭ تالاپ - تىلەكتەرىن تاپتەشتەي ايتىپ بەردى، سونداي - اق سالىق ىستەرى قىزمەتكەرلەرىنە ەڭ جاڭا ساياساتتاردى قىستاققا جەتكىزىپ، حالىققا قولايلى، كاسىپورىندارعا پايدالى سالىق اقىسىندا تيىمدىلىك جاساۋ ساياساتىنىڭ پايداسىن قىستاقتا ناقتىلاندىرۋ، تياناقتاندىرۋ جونىندە ۇسىنىس ايتتى.

”مەن نەگىزگى ساتىدان كەلدىم، حالىق قۇرىلتايىنىڭ ۋاكىلى بولعان مەن بۇقارا ءۇشىن ناقتى ءىس ىستەپ، ولاردىڭ قاجەتىن ويداعىداي شەشۋىم كەرەك“. قانىڭبي بىلاي دەدى: مەن، ءسوزسىز، حالىق تىلەگىن جالعايتىن ”تىلەك توعىستىرۋ كوپىرىن“ ويداعىداي سالۋعا بار كۇشىمدى سالىپ، بۇقاراعا بايۋ جولىن سالامىن.