انار بۇلت \ شينجياڭ گازەتىنىڭ ءتىلشىسى ليۋ مىڭمىڭ 2 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، 1 - ايدان 2 - ايعا دەيىن رايونىمىز جيىنى مولشەرمەن 22 ميلليون 300 مىڭ (رەت) ساياحاتشى قابىلداپ، سايكەس مەزگىلدەگىدەن ％8. 10 ارتقان؛ ساياحات كىرىسى مولشەرمەن 16 ميلليارد 300 ميلليون يۋان بولىپ، سايكەس مەزگىلدەگىدەن ％6. 11 ارتقان.

ۇعىسۋعا قاراعاندا، بيىل جىل باسىنان بەرى، رايونىمىزدىڭ ءار دارەجەلى مادەنيەت - ساياحات باسقارۋ تاراۋلارى مادەنيەت - ساياحات كاسىپورىندارىمەن بىرگە كوكتەم مەرەكەسى التىن اپتالىعى مەن”B تۇردەگى B باسقارۋ“ ساياساتىنىڭ قوس جەبەۋىندە، حالىقتىڭ ساياحات سۇرانىسى شوعىرلى اشىلۋداي ءتيىمدى ورايدى مىقتى يگەرىپ، مادەنيەت، ساياحات ونىمدەرىمەن قامداۋدا بەلسەنە جاڭالىق اشىپ جانە بايىتىپ، ساياحات قىزمەت وتەۋ دەڭگەيىن ۇزدىكسىز جوعارىلاتىپ، باسىمدىققا يە بايلىقتاردى كادەگە جاراتۋدى كۇشەيتىپ، قار - مۇز ساياحاتى سارا ونىمدەرىن تۇلعالاعان. ”ساياحات + مادەنيەت“، ”ساياحات + قار - مۇز“، ”ساياحات + دەنە تاربيە“، ”ساياحات + سالت - سانا“، ”ساياحات + بەيزاتتىق مادەنيەت مۇرا“نىڭ توعىسپالى دامۋى جەدەلدەپ، قار - مۇز ساياحاتى جەدەل جاندانىپ، قار - مۇز دەنە تاربيە قيمىلى، قىسقى بالىق اۋلاۋ مەرەكەسى، قار - مۇز مادەنيەت - ساياحات مەرەكەسى سياقتىلار توڭىرەگىندە قالىپتاسقان جەلىلەس قار - مۇز ساياحات نىساندارى بۇكىل ەلدىڭ جەر - جەرىندەگى كوپتەگەن قار - مۇز سپورتى اۋەسكەرلەرىن تىپتەن باۋرادى. سونىمەن بىرگە مادەنيەت، مۇراجاي الاڭ - سارايلارى مەرەكەدە، ءسوز جوق، باراتىن جەرگە اينالىپ، سالت - سانا، مادەنيەت قيمىلدارى قالىڭ تۇرعىنداردىڭ ساياحاتتاۋ تىلەگىن قاۋلاتتى ءارى تۇتىنۋ كومەسكى كۇشىن اشتى، جەر - جەر تۇتىنۋدى جەبەۋ قيمىلدارىن ۇزدىكسىز ۇسىنىپ، مادەنيەت - ساياحات بازارىنداعى تۇتىنۋ ورلەۋىنىڭ ۇزدىكسىز جوعارىلاۋىن ونان ارى ىلگەرىلەتىپ، بيىل رايونىمىزدىڭ ساياحات ەكونوميكاسى جاقسى باستامانى جۇزەگە اسىردى.

اۆتونوميالى رايوندىق مادەنيەت جانە ساياحات مەڭگەرمەسى بازار باسقارۋ باسقارماسىنىڭ 4 - دارەجەلى تەكسەرىپ - زەرتتەۋشىسى جاۋ شياۋچۇن مىنالاردى ءبىلدىردى: شينجياڭنىڭ مادەنيەت - ساياحات كاسىپ سالاسىنىڭ جوعارى ساپالى دامۋىن ىلگەرىلەتۋ ءۇشىن، 3 - ايدىڭ 15 - كۇنى مادەنيەت جانە ساياحات مەڭگەرمەسى ”جايدارى شينجياڭ“ قىزمەت وتەۋ ساپاسىن جوعارىلاتۋ ينجەنەرياسى، ”جايدارى شينجياڭ باس ساپا باقىلاۋشى“، ”جايدارى شينجياڭ ۇلگىلى قىزمەت وتەۋشى“ سياقتى باعالاۋ قيمىلدارىن باستاپ، ”جايدارى شينجياڭ“ قىزمەت وتەۋ ساپاسى قىزمەت جوسپارى مەن مادەنيەت - ساياحات ساپاسىن باقىلاۋ، ارىز - شاعىم مەحانيزمىن جاريالاپ، ”جايدارى شينجياڭ“ قىزمەت وتەۋ ساپاسىن جوعارىلاتۋ قىزمەتىن اناعۇرلىم ويداعىداي ىستەيدى؛ 4 - ايدىڭ ورتا، اياققى شەنىندە 2023 - جىلعى ”وركەنيەتتى ساياحات جۇڭگوعا ۇپاي قوسۋ“ نەگىزگى تاقىرىپتىق قيمىلىن باستاۋ سالتىن ۇستىنە الىپ وتكىزىپ، وركەنيەتتى ساياحاتتىڭ ۇگىتتەۋ، جەتەكشىلىك ەتۋ ونىمدىلىگىن ونان ارى جوعارىلاتىپ، ساياحاتشىلاردىڭ وركەنيەت تانىمىن كۇشەيتىپ، ساياحاتشىلارعا اناعۇرلىم جايلى، وركەنيەتتى ساياحات ورتاسىن ازىرلەيدى.

مۇنان سىرت، ”شينجياڭ جاقسى جەر“ ماركاسىن ونان ارى اسقاقتاتۋ ءۇشىن، جۋىقتا رايونىمىز 3 - كەزەكتى ”مەملەكەت داڭعىل جولى. قىزىل شەكارا ءوڭىر G219 − جۇڭگوداعى ەڭ كوركەم شەكارا كورىنىس جولى“ مەملەكەتتىك ساياحات تانىستىرۋ ءماجىلىسى، وڭتۇستىك شينجياڭ كوكتەمى − شينجياڭ كوكتەمگى ساياحات بايلىعى اۋىس - كۇيىس، جالپىلاستىرۋ ارناۋلى پويەزى ساپارى، 6 - كەزەكتى ”ۇيشە اۆتوكولىكتەگى شينجياڭ“ ءوز كولىگىمەن ساياحاتتاۋ سياقتى قيمىلداردى وتكىزبەكشى.