انار بۇلت \ شينجياڭ گازەتىنىڭ ءتىلشىسى جاڭ يۇنمەي 2 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ساياسات زەرتتەۋ كەڭسەسىنەن (رەفورما كەڭسەسى) ۇعىسۋىمىزشا، 2022 - جىلى شينجياڭ ەكونوميكالىق دامۋ، قوعام ورنىقتىلىعى، حالىق تۇرمىسىن جاقسارتۋ، پارتيا قۇرىلىسى سياقتى ءتۇيىندى سالالاردا ورنالاستىرعان، ىلگەرىلەتكەن 116 ءتۇيىندى رەفورما مىندەتى جاپپاي ۋاعىندا ورىندالعان، 41 ءتۇرلى رەفورما سىناق ءتۇيىنى ورنىقتى ىلگەرىلەپ، رەفورمادا بەلسەندى ونىمدىلىكتەرگە قول جەتكىزگەن.

ەكونوميكالىق ءتۇزىلىس رەفورماسىن ورنىقتى ىلگەرىلەتۋ جاعىندا، شينجياڭ اشىق ەكونوميكالىق ءتۇزىلىستى بەلسەنە ورناتىپ، جىبەك جولى ەكونوميكالىق بەلدەۋى وزەكتى رايونىن جوعارى ساپالى قۇرۋدىڭ اتقارۋ جوباسىن جاسادى، ءۇرىمجى حالىقارالىق قۇرلىقتىق پورت رايونىنىڭ شەكارا اتتاعان باجىسىز سىناپ كورۋ ورتالىعىن رەسمي ىسكە قوستى، قاشقار شەكارا اتتاعان ەلەكتروندى ساۋدا كەشەندى سىناق رايونى بەكىتۋدەن ءوتىپ، قۇرىلدى، 3 حالىقارالىق جۇك تاسىمال اۋە لەنياسى ۇدايىلانعان جۇمىس جۇرگىزۋدى ىسكە اسىردى، قورعاس كەشەندى باجىسىز اۋماعىنىڭ 2 - اكىمشىلىك وتكەل قۇرىلىسى ورىندالدى، 13 قۇرلىقتىق اشىق شەكارا وتكەلىندە زات تاسىمالى بويىنشا كەدەننەن ءوتۋ تۇگەلدەي قالپىنا كەلتىرىلدى، ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىندا بەلسەندى ىلگەرىلەۋشىلىككە قول جەتكىزدى.

سونىمەن بىرگە شينجياڭ جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، عىلىم - تەحنيكا دارىندىلارىن باعالاۋ جۇيەسىن اناعۇرلىم اقاۋسىزداندىرىپ، كەمەلدەندىرىپ، عىلىم - تەحنيكا دارىندىلارىن جاڭالىق اشۋعا ىنتالاندىرۋ ساياسات - شارالارىن جاپپاي تياناقتاندىرىپ، جوعارى، جاڭا تەحنيكالىق كاسىپورىنداردى دامىتۋدىڭ 100 ميلليون يۋاندىق ارناۋلى قارجىسىن، دارىندىلاردى دامىتۋدىڭ 10 ميلليارد يۋاندىق قورىن دايىنداپ، ءتۇيىندى دارىندىلار قىزمەتىن قامتاماسىز ەتۋدى پارمەندى ىلگەرىلەتتى.

”سۋ ۇنەمدەۋدى الدىمەن ويلاستىرۋ، كەڭىستىكتەگى تەپە - تەڭدىك، جۇيەلى وڭاۋ، ەكى جاقتان كۇش سالۋ“ سىندى سۋ باسقارۋ وي جەلىسىنە تاباندى بولدى، شينجياڭ الاپتىق باسقارۋ، وڭىرلىك باسقارۋ، ءبولىپ باسقارۋ سىندى سۋ بايلىعىن باسقارۋ ءتۇزىلىسىن تالقانداپ، بۇكىل رايون بويىنشا بىرلىككە كەلگەن سۋ بايلىعىن باسقارۋ جۇيەسىن ورناتىپ، سۋ بايلىعىن جايعاستىرىپ باسقارۋدىڭ ەگجەي - تەگجەيلى، جۇيەلى، زاڭمەن باسقارىلۋ دەڭگەيىن ۇزدىكسىز جوعارىلاتتى.

مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەت نەگىزگى تۇلعالىق مىندەتى نەگىزىنەن ورىندالدى، مەملەكەت مەنشىگىندەگى كاپيتالدىڭ ورنالاسۋىن ساپالىلاندىرۋ جانە قۇرىلىمىن رەتتەۋ جەدەل ىلگەرىلەتىلدى، قاتىناسقا قارجى قوسۋ، سۋ يگىلىگىن دامىتۋعا قارجى قوسۋ سياقتى ءبىر توپ ەرەكشە، باسىمدىققا يە كاسىپ سالاسى توپتارى ۇيىمداستىرىلىپ قۇرىلدى، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىندا بەلسەندى ىلگەرىلەۋشىلىكتەرگە قول جەتكىزىلدى.

بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرۋ جاعىندا، رايونىمىز شارۋاشىلىق - ساۋدا ورتاسىن ساپالىلاندىرۋدىڭ، دەڭگەيىن ءوسىرۋدىڭ 3 جىلدىق ارەكەتىن باستاپ اتقارىپ، ناقتى ەكونوميكانىڭ دامۋىنا قولداۋ كورسەتەتىن سالىقتى ازايتىپ، اقىنى تومەندەتۋ جونىندەگى ءبىرقانشا ساياسات - شارالاردى شىعارىپ، ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتتى. قازىر ％65 ۇكىمەتتىك ىستەردى ينتەرنەتتە ءبىتىرۋدى، ءبىر جولدا ءبىتىرۋدى، تاباندا ءبىتىرۋدى جۇزەگە اسىردى، 154 ءتۇرلى جوعارى جيىلىكتەگى ۇكىمەتتىك قىزمەت وتەۋ ءىسىن ”ولكە اتتاپ ءبىر تۇتاس ءبىتىرۋدى“ جۇزەگە اسىردى.

زاڭمەن باسقارۋ − ەل باسقارۋدىڭ نەگىزگى ءتاسىلى. شينجياڭ لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى كۇش سالا ىلگەرىلەتىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ جاعدايىن قالىپتاستىردى. 2022 - جىلى شينجياڭدى زاڭمەن باسقارۋ قۇرىلىسى ورنىقتى ىلگەرىلەپ، ساياسي - زاڭ سالاسىنداعى رەفورما العاشقى ادىمدا ناتيجە بەردى. اۆتونوميالى رايوننان تومەنگى جەرگىلىكتى سوت مەكەمەلەرىنىڭ، پروكۋراتۋرالاردىڭ قۇرىلىم شتاتىن ءبىر تۇتاس باسقارىپ، يكەمدى رەتتەپ، نەگىزگى ساتى سوت مەكەمەلەرىنىڭ، پروكۋراتۋرالاردىڭ ”دەلو كوپ، قىزمەتكەر از“ بولۋ قايشىلىعىن ءونىمدى باسەڭدەتتى.

حالىق تۇرمىسىندا كىشى - گىرىم ءىس جوق. شينجياڭ نازاردى ءار ۇلت بۇقاراسى ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىنە شوعىرلاندىرىپ، رەفورمانى ۇزدىكسىز تەرەڭدەتتى. جوعارى مەكتەپتەردىڭ ءتۇيىندى پاندەرىن گۇلدەندىرۋ ارەكەت جوسپارىن اتقارىپ، جوعارى مەكتەپتەردىڭ ءتۇيىندى پاندەرى مەن شينجياڭ داشۋەسىنىڭ ”قوس بىرەگەي“ قۇرىلىسىن ىلگەرىلەتىپ، جوعارى وقۋ - اعارتۋدىڭ جالپىلىق قۋاتىن ورنىقتى جوعارىلاتتى؛ ەمدەۋ قىزمەت وتەۋى باعا رەفورماسى مەن ەمدەۋ قامسىزداندىرۋىنداعى تولەۋ ءتاسىلى رەفورماسىن ىلگەرىلەتىپ، 334 ءتۇرلى 444 ولشەمدى ءدارى - دارمەك ماتەريالىن شوعىرلى مولشەرمەن ساتىپ الۋدى جۇزەگە اسىرىپ، بۇقارانىڭ ناۋقاس كورسەتۋ، ەمدەلۋ اۋىرتپالىعىن شىنايى جەڭىلدەتتى؛ قوعامدىق قامسىزداندىرۋ كولەمىن كەڭەيتىپ، ساپاسىن جوعارىلاتۋ ينجەنەرياسىن اتقارىپ، قيىنشىلىعى بار قاۋىمنىڭ قالا، اۋىل تۇرعىندارىنىڭ زەينەتكەرلىك قامسىزداندىرۋىنا قاتىناسۋىن ”يكەمدى اداقتاۋدى“ ۇزدىكسىز ىلگەرىلەتىپ، 60 جاستان اسقان قيىنشىلىعى بار قاۋىمنىڭ زەينەتكەرلىك قامسىزداندىرۋ مامىلەسىنەن يگىلىكتەنۋگە تيىستىلەرىن يگىلىكتەندىرۋدى جۇزەگە اسىردى.

پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى ىشكەرىلەي ىلگەرىلەتتى. كەڭەسۋ، سايكەستىرۋ مەحانيزمىن ورناتۋ ارقىلى شينجياڭ نەگىزگى ساتىنىڭ پارتيانى باسقارۋ باسشىلىق مەحانيزمىن اقاۋسىزداندىرۋ، كەمەلدەندىرۋ، نەگىزگى ساتىنىڭ بيلىك قۇرىلىسى مەحانيزمىن ساپالىلاندىرۋ، كەمەلدەندىرۋ، ”سيفرلاندىرۋ + توركوزدەندىرۋ“ سىندى نەگىزگى ساتىنى باسقارۋ ۇلگىسى جونىندە ىزدەنىس جاساۋ، نەگىزگى ساتىداعى بۇقارانىڭ ءوزىن - ءوزى باسقارۋ ءتۇزىمىن اقاۋسىزداندىرۋ سياقتىلاردى ارقاۋ ەتە وتىرىپ، 78 تارماقتى ناقتى شارانى العا قويىپ، نەگىزگى ساتىنى باسقارۋدىڭ قوعامدانۋ، زاڭمەن باسقارىلۋ، زەردەلىلەنۋ، ماماندانۋ دەڭگەيىن ۇزدىكسىز جوعارىلاتتى.