مەملەكەت شينجياڭنىڭ جاڭاشا ەلەكتر قۋاتى جۇيەسى قۇرىلىسىن ورىستەتۋگە بار كۇشپەن قولداۋ كورسەتتى

　□ انار بۇلت \ شينجياڭ گازەتىنىڭ ءتىلشىسى شى شين

”شينجياڭنىڭ ەنەرگيا بايلىعى مول، مەملەكەتتىڭ ەنەرگيا جانە ەلەكتر قۋاتىمەن قامداۋ جۇيەسىندە ماڭىزدى رول اتقارىپ وتىر. ءبىز شينجياڭنىڭ جاڭاشا ەلەكتر قۋاتى جۇيەسى قۇرىلىسىن ورىستەتۋگە بار كۇشپەن قولداۋ كورسەتەمىز، سونداي - اق قاتىستى قىزمەتتەردى ويداعىداي ىستەۋدى ىلگەرىلەتەمىز“. 13 - كەزەكتى مەملەكەتتىك ساياسي كەڭەستىڭ شينجياڭداعى مۇشەسى، شينجياڭ جينفىڭ عىلىم - تەحنيكا شەكتى جارنا سەرىكتەستىگىنىڭ القا باستىعى ۋ گاڭنىڭ ءبىر ۇسىنىس جوباسىنا قايتارعان جاۋابىندا مەملەكەتتىك ەنەرگيا مەكەمەسى وسىلاي دەدى.

جاڭاشا ەلەكتر قۋاتى جۇيەسىن قۇرۋ ەلىمىز ەنەرگياسىنىڭ جانە ەكونوميكاسى مەن قوعامىنىڭ جاسىل تيپكە ويىسۋىنىڭ تابيعي تاڭداۋى. شينجياڭنىڭ ەنەرگيا بايلىعى مول، ەلەكتر تورىنىڭ نەگىزى ءبىرشاما جاقسى، جاڭا ەنەرگيانىڭ ءسىڭۋ سالىستىرماسى جوعارى، ەنەرگيا كاسىپ سالاسى قۇرىلىسىندا جانە اينالىمدى رەتتەۋ - مەڭگەرۋدە ءبىرشاما مول تاجىريبە توپتادى، جاڭاشا ەلەكتر قۋاتى جۇيەسىن قۇرۋدىڭ تيپتىك سيپاتىن جانە قولدانىمدىلىعىن ازىرلەدى. مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىندە ۋ گاڭ ”شينجياڭدى جاڭاشا ەلەكتر قۋاتى جۇيەسىنەن ۇلگى كورسەتۋ رايونى ەتىپ قۇرىپ شىعۋ جونىندە ۇسىنىس جوبا“ تاپسىردى.

”مەن العا قويعان 3 ناقتى ۇسىنىسقا مەملەكەتتىك ەنەرگيا مەكەمەسى ءبىر - بىرلەپ زەرتتەپ، جاۋاپ قايتارىپتى، بۇل ۇسىنىس جوبانى بىتىرۋگە، جاۋاپ قايتارۋعا جاۋاپتى ورىننىڭ ايرىقشا ءمان بەرگەندىگىن جانە تولىق تۇراقتاندىرعاندىعىن كورسەتەدى“، - دەدى ۋ گاڭ.

شينجياڭنىڭ جاڭاشا ەلەكتر قۋاتى جۇيەسىنەن ۇلگى كورسەتۋ رايونىن قۇرۋىنا قولداۋ كورسەتۋ جونىندە جاۋاپتا بىلاي دەلىنگەن: شينجياڭنىڭ جەل، كۇن نۇرى سياقتى قايتا تۋىندايتىن ەنەرگيانى اشۋىنا جانە جاڭاشا ەلەكتر قۋاتى جۇيەسى قۇرىلىسىنا قولداۋ كورسەتىپ، ەلەكتر كوزدەرىن، جەلىلەرىن، كوتەرىمدىلىگىن، قۋات ساقتاۋىن ءبىر تۇلعالاندىرۋدى ىلگەرىلەتىپ، ءتۇرلى بايلىقتى سايكەستى اشۋدى جانە عىلمي ۇلەستىرۋدى جەبەپ، جۇيەنىڭ اينالىم ونىمدىلىگىن جانە ەلەكتر كوزدەرىن اشۋدىڭ جالپىلىق ونىمدىلىگىن جوعارىلاتامىز. مەملەكەتتىك ەنەرگيا مەكەمەسى شينجياڭنىڭ مەملەكەتتىڭ جاڭاشا ەلەكتر قۋاتى جويەسىن قۇرۋ ءبىر تۇتاس ورنالاستىرۋىندا ءوزىنىڭ ەلەكتر قۋاتى جۇيەسىنىڭ ەرەكشەلىگىمەن جانە دامۋ كەزەڭىمەن ۇشتاستىرا وتىرىپ، جاڭاشا ەلەكتر قۋاتى جۇيەسىنىڭ جوبالاۋ جانە قۇرۋ قىزمەتىن ويداعىداي ىستەۋىنە قولداۋ كورسەتەدى.

شينجياڭ − مەملەكەتتىڭ ”ءۇش بازا، ءبىر ارناسى“ رەتىندە، مەملەكەتتىڭ ەنەرگيا حاۋىپسىزدىگىن قامتاماسىز ەتۋدەگى ماڭىزدى ستراتەگيالىق بازاسى. ۋ گاڭ ”شينجياڭنىڭ ەلەكترىن سىرتقا جەتكىزۋ“ ارناسى قۇرىلىسىن اناعۇرلىم كۇشەيتۋ جانە شينجياڭنىڭ تور جۇلگەسى قۇرىلىمىن تولىقتاپ، كۇشەيتۋ جونىندە ۇسىنىس قويدى.

”2022 - جىلى 9 - ايدىڭ 28 - كۇنى قۇمىلدان چۇڭچيڭگە دەيىنگى ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ سايكەستى كومىر ەلەكتر نىسانى جۇمىس باستادى، بۇل وسى ۇسىنىسقا بەرىلگەن ەڭ جاقسى جاۋاپ بولدى، بۇل مەملەكەتتىڭ شينجياڭنىڭ ەلەكترىن سىرتقا جەتكىزۋ ارناسىن جوبالاۋعا، دامىتۋعا ايرىقشا ءمان بەرەتىندىگىن كورسەتەدى“، - دەدى ۋ گاڭ.

جاۋاپتا تاعى مىنالار العا قويىلدى: مەملەكەتتىك ەنەرگيا مەكەمەسى قۇمىلدان چۇڭچيڭگە دەيىنگى ەرەكشە جوعارى كەرنەۋلى تۇراقتى توك جەتكىزۋ ينجەنەرياسىن مەملەكەتتىڭ ”14 - بەسجىلدىقتاعى“ ەلەكتر قۋاتىن دامىتۋ جوسپارىنا ەنگىزۋگە بەلسەندى قولداۋ كورسەتەدى، سونداي - اق ”شينجياڭنىڭ ەلەكترىن سىرتقا جەتكىزەتىن“ ءتورتىنشى ارنانى زەرتتەپ، دالەلدەۋ تۇرىندەگى ءتۇيىندى ەلەكتر جەتكىزۋ ينجەنەرياسى ەتەدى. قازىر ەلەكتر تورى كاسىپورىندارىمەن بەلسەندى سايكەسىپ، قۇمىلدان چۇڭچيڭگە دەيىنگى ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ الدىڭعى مەرزىمدىك قىزمەتتەرىن جەدەل ورىستەتىپ، ينجەنەريا قۇرىلىسىن ىلگەرىلەتۋدە.

شينجياڭنىڭ ەلەكتر قۋاتى بايلىعىن يكەمدى اشۋعا قولداۋ كورسەتۋ ساياساتىن زەرتتەپ شىعارۋ جونىندە جاۋاپتا مىنالار العا قويىلدى: شينجياڭنىڭ سۋ شىعارىپ ەنەرگيا ساقتاۋ قۇرىلىسىن جەدەلدەتۋىنە بار كۇشپەن قولداۋ كورسەتىپ، الدىڭعى مەرزىمدىك قىزمەتتەردىڭ اياق الىسىن جانە سالىنىپ جاتقان نىسان قۇرىلىستارىن بەلسەندى ىلگەرىلەتىپ، شينجياڭداعى ءتۇيىندى اتقارىلاتىن 20 نىساندى «سۋ شىعارىپ ەنەرگيا ساقتاۋدىڭ ورتا، ۇزاق مەرزىمدىك دامۋ جوباسىنا (2021 − 2035)» ەنگىزەدى. مەملەكەتتىك ەنەرگيا مەكەمەسى مەملەكەتتىك كەڭەستىڭ قاتىستى تاراۋلارىمەن بىرگە شينجياڭنىڭ ەلەكتر قۋاتى بايلىعىن يكەمدى اشۋعا ساياساتتىق قولداۋ تەبىنىن ارتتىرىپ، ەلەكتر قۋاتى جۇيەسىن رەتتەۋ قابىلەتىن ونان ارى جوعارىلاتادى.