2023 - جىلعى اۆتونوميالى رايوندىق پارتكومنىڭ 1 - ءنومىرلى حۇجاتى جاريالاندى

　　رايونىمىزدىڭ اۋىل - قىستاقتى گۇلدەندىرۋدەگى بيىلعى ءتۇيىندى قىزمەتتەرىن 11 جاقتان ورنالاستىردى

انار بۇلت \ شينجياڭ گازەتىنىڭ ءتىلشىسى ليۋ ي 3 - ايدىڭ 1 - كۇنى ۇرىمجىدەن حابارلايدى. 2023 - جىلعى اۆتونوميالى رايوندىق پارتكومنىڭ 1 - ءنومىرلى حۇجاتى جونىندەگى اقپار جاريالاۋ ماجىلىسىنەن ۇعىسۋىمىزشا، جاقىندا اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 2023 - جىلعى اۋىل - قىستاقتى گۇلدەندىرۋدى جاپپاي ىلگەرىلەتۋدەگى ءتۇيىندى قىزمەتتەردى ويداعىداي ىستەۋ جونىندەگى پىكىردى» دايەكتىلەندىرۋدى اتقارۋ پىكىرىن (شينجياڭ ۇيعۇر اۆتونوميالى رايوندىق پارتكوم تاراتقان 〔2023〕 1 - ءنومىرلى) اشىق جاريالاعان.

اۆتونوميالى رايوندىق پارتكومنىڭ 1 - ءنومىرلى حۇجاتىنىڭ تۇتاس مازمۇنى 11 بولىككە، 36 مازمۇنعا بولىنگەن. نەگىزگى مازمۇنىن ”ەكى تومەنگى شەكتى“ ساقتاۋ، ”ءۇش ءتۇيىندى قىزمەتتى“ تىڭعىلىقتى ىلگەرىلەتۋ، ”ەكى قامتاماسىزدىقتى“ كۇشەيتۋ سياقتىلارعا جيناقتاۋعا بولادى. اۆتونوميالى رايوندىق پارتكومنىڭ 1 - ءنومىرلى حۇجاتى ءارى جاڭا جاعدايداعى جاڭا مىندەتتەردى كورنەكتىلەندىرىپ، ءارى ۇلاسپالىلىقتى، تۇراقتىلىقتى ساقتاپ، بۇكىل رايوننىڭ ورتالىقتىڭ 1 - ءنومىرلى حۇجاتىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋ، اۋىل شارۋاشىلىعىندا قۋاتتى رايون قۇرۋدى جەدەلدەتۋ سياقتى قىزمەتتەرگە جاپپاي ورنالاستىرۋ جاسادى.

”ەكى تومەنگى شەكتى“ ساقتاۋ − مەملەكەتتىڭ استىق حاۋىپسىزدىگىن قامتاماسىزداندىرۋدىڭ، كولەمدى قايتا كەدەيلەسۋدىڭ تۋىلۋىنان ساقتانۋدىڭ تومەنگى شەگىن باتىلدىقپەن مىقتى ساقتاۋدى مەڭزەيدى. اۆتونوميالى رايوندىق پارتكومنىڭ 1 - ءنومىرلى حۇجاتىندا بىلاي دەپ العا قويىلدى: مەملەكەتتىڭ استىق حاۋىپسىزدىگىن جانە ماڭىزدى اۋىل شارۋاشىلىعى ونىمدەرىمەن قامداۋدى قامتاماسىزداندىرۋدىڭ ۇلەس دارەجەسىن زور كۇشپەن جوعارىلاتىپ، قاداعالاۋ جانە كومەكتەسۋ - سۇيەمەلدەۋ مەحانيزمىن اقاۋسىزداندىرىپ، كەمەلدەندىرىپ، كولەمدى قايتا كەدەيلەسۋ تۋىلماۋىنىڭ تومەنگى شەگىن باتىل ساقتاۋ كەرەك.

”ءۇش ءتۇرلى ءتۇيىندى قىزمەتتى“ تىڭعىلىقتى ىلگەرىلەتۋ دەگەنىمىز مىنالار: اۋىل - قىستاق كاسىپ سالالارىنىڭ جوعارى ساپالى دامۋىن ىلگەرىلەتۋ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرىلىسىن ىلگەرىلەتۋ جانە پارتيا ۇيىمى باسشىلىق ەتەتىن اۋىل - قىستاقتى باسقارۋ جۇيەسىن اقاۋسىزداندىرۋ؛ ”ەكى قامتاماسىزدىقتى“ كۇشەيتۋ دەگەنىمىز ءتۇزىلىس - مەحانيزمدىك قامتاماسىزداندىرۋ مەن ۇيىمدىق قامتاماسىزداندىرۋدى كۇشەيتۋدى كورسەتەدى. اۆتونوميالى رايوندىق پارتكومنىڭ 1 - ءنومىرلى حۇجاتىندا بىلاي دەپ العا قويىلدى: ساياساتتى قامتاماسىزداندىرۋ مەن ءتۇزىلىس - مەحانيزمدە جاڭالىق اشۋدى كۇشەيتىپ، پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جاپپاي باسشىلىعىن نىعايتۋ كەرەك.

”بيىل اۆتونوميالى رايوندىق پارتكومنىڭ 1 - ءنومىرلى حۇجاتى اۋىل شارۋاشىلىعىندا قۋاتتى رايوندى جەدەل قۇرۋ نىساناسىنان كوز جازباي، نازاردى اۋىل - قىستاقتى گۇلدەندىرۋ نەگىزگى تاقىرىبىنا شوعىرلاندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋ، ءسوز جوق، بەرىك ساقتايتىن تومەنگى شەك، شەشۋدى شۇعىل قاجەت ەتەتىن ماسەلە دەگەندى تىعىز ارقاۋ ەتىپ، انىق نىسانا - مىندەتتەردى جانە شىنايى دا جارامدى ناقتى شارالاردى العا قويدى، اۋىل - قىستاقتى گۇلدەندىرۋدى جاپپاي ىلگەرىلەتۋدە، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەبەۋدە، اۋىل شارۋاشىلىعىندا قۋاتتى رايون قۇرۋدى جەدەلدەتۋدە ماڭىزدى جەتەكشىلىك رول اتقارادى“. اۆتونوميالى رايوندىق پارتكوم اۋىل - قىستاق كەڭسەسىنىڭ ورىنباسار مەڭگەرۋشىسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ باستىعى قۇربانجان قۇتلۇق تانىستىرىپ بىلاي دەدى: كەلەسى قادامدا، رايونىمىزدىڭ اۋىل شارۋاشىلىعى، اۋىل - قىستاق تاراۋلارى شينجياڭنىڭ وسى زامانعى اۋىل شارۋاشىلىعىن دامىتۋىنىڭ ەرەكشە باسىمدىعى مەن وراسان زور كومەسكى كۇشىن دالمە - ءدال يگەرىپ نىسانا - مىندەتتەردى قاز - قالپىندا ويداعىداي ورىنداپ، اۋىل شارۋاشىلىعىندا قۋاتتى ەل قۇرۋعا بەلسەندى تۇردە شينجياڭنىڭ كۇش - قۋاتىن قوسادى.