汉文 ىلە اقپارات تورابىنا حوش كەلدىڭىزدەر!
ٴداۋىردى جىرلاپ، حالىققا تاڭداۋلى كوركەمونەر تۋىندىلارىن ۇسىنامىن
2023-03-04 17:01:38     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

مۇشە ديلنار ابلا:

ٴداۋىردى جىرلاپ، حالىققا تاڭداۋلى كوركەمونەر تۋىندىلارىن ۇسىنامىن 

شينجياڭ گازەتىنىڭ حابارى. (ٴتىلشى جاڭ يۇنمەي)

ارناۋلى تاقىرىپتىق باۋلۋعا قاتىناستى، ماجىلىستەن بۇرىن كوزدەن كەشىرۋ جۇرگىزدى... جاقىنعى ٴبىر مەزگىلدەن بەرى مەملەكەتتىك ساياسي كەڭەستىڭ شينجياڭدا تۇراتىن مۇشەسى ديلنار ابلا دامىل تاپپاي مىندەتىن اتقارىپ، جۋىقتا اشىلاتىن مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنە قاتىناسۋدىڭ ٴتۇرلى دايىندىق جۇمىستارىن ىستەدى.

ديلنار ابلا بىلاي دەدى: باۋلۋ، كوزدەن كەشىرۋ ارقىلى شينجياڭنىڭ ەكونوميكالىق، قوعامدىق دامۋ جاعدايىن اناعۇرلىم ٴتۇسىنىپ، مەملەكەتتىك ەكى ماجىلىستە ۇكىمەت ىسىنە ات سالىسۋعا، ۇكىمەت ٴىسىن كەڭەسۋگە، شينجياڭ حيكاياسىن ويداعىداي بايانداۋعا، شينجياڭنىڭ تاماشا وبرازىن ايگىلەۋگە بەرىك نەگىز قالادىم.

ٴبىر كلاسسيك ٴان - ٴبيدىڭ ٴوزى ەستەن كەتپەس حيكايا. شينجياڭ بيشىلەر قوعامىنىڭ ٴتوراعاسى رەتىندە ديلنار ابلا شينجياڭ حيكاياسىن ٴوزى قىزۋ سۇيەتىن ۇلگىدە باياندادى. ول ٴوزى جاساپ، ورىنداعان «مۇز تاۋداعى جالىن»، «دابانچىڭ قىزى»، «ٴجۇزىم ٴۇزۋ»، «تالەڭكە ٴبيى» سياقتى كلاسسيك تۋىندىلار ەل ٴىشى - سىرتىندا كوپ رەت ۇلكەن سيلىقتارعا يە بولعان. ول باس رەجيسسەر بولعان، سونداي - اق ورىنداۋعا ات سالىسقان ٴان - ٴبي تەاترى «جىبەك جولىنداعى جۇڭگو ارمانى − ماڭگىلىك ٴماشىراپ» 9 - كەزەكتى جۇڭگو بيلەرى «شامگۇل سيلىعى» ٴبي تەاترى. ٴبي ولەڭ تەاتر التىن سيلىعى سياقتى 6 ۇلكەن سيلىققا يە بولدى.

بىلتىر 3 - ايدىڭ سوڭىندا ديلنار ابلا ٴادىلقازى رەتىندە شينجياڭ كوركەمونەر تەاترحاناسىنىڭ ٴارقايسى ۇيىرمەلەرىنەن كەلگەن 125 ٴبي ارتيسىنە بيدەن جىلدىق كاسىپتىك باعالاۋ ورىستەتتى. ول ٴبي ارتيستەرىنىڭ سەكىرۋ، تەبۋ، اينالۋ، قايىرىلۋ ارەكەتتەرىنە قاراپ وتىرىپ باعالاۋ تۇيىندەرىن جازدى. ول جونىنەن العاندا بۇل ٴبي ارتيستەرىنىڭ جىلدىق ۇلكەن سىناعى، سونداي - اق جاس ٴبي دارىندىلارىن بايقايتىن جانە جەتىلدىرەتىن ماڭىزدى بۋىن سانالادى.

”شينجياڭنىڭ مادەنيەت - كوركەمونەر ىستەرىن دامىتۋدىڭ تەتىگى − دارىندىلاردا“. كەزىندە پارتيا مەن مەملەكەتتىڭ ٴبي كوركەمونەر دارىندىلارىن جەتىلدىرۋىنىڭ يگىلىگىنە بولەنگەن ديلنار ابلا بۇگىنگى كۇنى جاس ٴبي دارىندىلارىن بار كۇشپەن تاربيەلەۋ جانە تانىستىرۋ جاۋاپكەرشىلىگىن دە ۇستىنە الىپ وتىر. ”جاس دارىندىلار جەتىلسە، كوركەمونەر جاسامپازدىعىنا جاڭا ومىرشەڭدىك كۇش قوسادى. سوڭعى جىلدارى شينجياڭ جاساعان ٴبي تۋىندىلارى ’شامگۇل سيلىعىنىڭ‘ التىن مەدالىن بىرنەشە رەت ەنشىلەپ، ٴار ۇلتتىڭ تاڭداۋلى ٴداستۇرلى مادەنيەتىنىڭ تىڭ تىنىسىن قاۋلاتىپ، جۇڭحۋانىڭ تاڭداۋلى ٴداستۇرلى مادەنيەتىن جالعاستىراتىن جانە ونى اسقاقتاتاتىن مۇراگەرلەرى بولۋىنا مۇمكىندىك جاراتتى“ دەدى ول.

ديلنار ابلا كەزىندە ٴۇرتىس 3 كەزەك مەملەكەتتىك حالىق قۇرىلتايىنىڭ ۋاكىلى بولىپ سايلانعان. 2018 - جىلدان بەرى تاعى ٴۇرتىس 2 كەزەك مەملەكەتتىك ساياسي كەڭەستىڭ مۇشەسى بولىپ سايلاندى.

مىندەت پەن بورىش ارقالاعان ديلنار ابلا شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋ جولىندا تىنباي قۇلشىنىپ كەلەدى. ونىڭ قۇلشىنىسى كۇندەلىكتى قىزمەتتە عانا ايگىلەنىپ قالماستان، مەملەكەتتىك ەكى ٴماجىلىس سىندى وسىنداي اناعۇرلىم بيىك تۇعىردا دا بەلسەنە سىندارلى اقىل - كەڭەس بەردى.

”بىلتىر مەملەكەتتىك ەكى ماجىلىستە مەن شينجياڭنىڭ ٴبي دارىندىلارىن باۋلۋ تەبىنىن ارتتىرۋ جونىندە، جۇڭحۋا ۇلتى ورتاق تۇلعا تانىمىن بەرىك ورناتۋ جونىندە، ت.ب ۇسىنىس جوبالاردى تاپسىردىم“ دەدى ديلنار ابلا، وسى ۇسىنىس جوبالارعا مەملەكەتتىڭ قاتىستى مينيسترلىك - كوميتەتتەرى ايرىقشا ٴمان بەرىپ، مۇقيات جاۋاپ قايتاردى.

پارتيا 20 - قۇرىلتايىنىڭ جەڭىسپەن اشىلۋى جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ اسقاق دابىلىن قاقتى، سونداي - اق ديلنار ابلانىڭ بۇدان كەيىنگى مىندەت اتقارۋ بەتالىسىن ٴتىپتى دە ايقىنداي تۇسۋىنە مۇمكىندىك جاسادى.

”مەن پارتيا 20 - قۇرىلتايىنىڭ رۋحىن جەتەكشى ەتىپ، جۇڭحۋا مادەنيەتى تۇرعىسىندا تاباندى تۇرىپ، حالىقتى وزەك ەتكەن جاسامپازدىق بەتالىسىندا تاباندى بولىپ، جاۋاپكەرشىلىك سەزىمىمدى، بورىشتىلىق سەزىمىمدى كۇشەيتىپ، سارا تۋىندى تانىمىن ورناتىپ، جۇڭحۋانىڭ تاڭداۋلى ٴداستۇرلى مادەنيەتىن ويداعىداي جالعاستىرامىن، وندا ويداعىداي جاڭالىق اشامىن، ونى ويداعىداي دامىتامىن“. ديلنار ابلا بىلاي دەدى: ٴداۋىردى جىرلاپ، حالىققا تاڭداۋلى كوركەمونەر تۋىندىلارىن ۇسىنىپ، حالىقتىڭ رۋحاني كۇشىن كۇشەيتەتىن تاڭداۋلى تۋىندىلاردى كوپتەپ جاراتامىن.