شينجياڭدى زاڭمەن باسقارۋ وسىزامانداندىرۋ قۇرىلىسىن زاڭمەن باسقارۋدىڭ كۇش - قۋاتىن قاۋلاتتى

　انار بۇلت \ شينجياڭ گازەتىنىڭ ءتىلشىسى سۇي يۇنيان

بەتاشار

تاعى ءبىر جىلدىڭ كوكتەمگى ۋادەسى. بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، مەملەكەتتىك ەكى ءماجىلىستى ويداعىداي اشۋ بۇكىل پارتيانىڭ، بۇكىل ەل حالقىنىڭ اقىل - پاراساتى مەن كۇش - قۋاتىن ۇيىستىرۋدا، جاڭا داۋىردەگى جاڭا جورىقتا جاپپاي سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدە كەلەلى مانگە يە.

ەكى ءماجىلىس اشىلۋ قارساڭىندا انار بۇلت \ شينجياڭ گازەتى ”جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازايىق“ ايدارىن اشىپ، قالاممەن جانە اپپارات كوزىمەن شينجياڭداعى مەملەكەتتىك حالىق قۇرىلتايى ۋاكىلدەرىنىڭ، مەملەكەتتىك ساياسي كەڭەس مۇشەلەرىنىڭ مىندەت اتقارىپ، جاۋاپكەرشىلىكتى ادا ەتكەن، ۇكىمەت ىسىنە ارالاسىپ، ۇكىمەت ءىسىن كەڭەسكەن جاندى كورىنىسىن ايگىلەپ، ءار ۇلت كادرلارى مەن بۇقاراسىنىڭ تاپسىرمانى ەستە بەرىك ساقتاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قۇلشىنا ىلگەرىلەتۋدەگى سەنىمى مەن بەكىمىن ايگىلەيدى. نازار اۋدارىڭىزدار.

3 - ايدىڭ 3 - كۇنى كەشتە مەملەكەتتىك ەكى ماجىلىستەگى تۇرعان ورنىندا شينجياڭدا تۇراتىن مەملەكەتتىك ساياسي كەڭەستىڭ مۇشەسى، شينجياڭ جۇيچىن ادۆوكاتتىق ىستەر ورنىنىڭ مەڭگەرۋشىسى دوۋ گاڭگۇي الا كەلگەن ۇسىنىستارىنا ۇڭىلە وي جۇگىرتتى جانە وزگەرىس ەنگىزدى. ”مەن ۇلتتار ىنتىماعىن زاڭ بويىنشا ىلگەرىلەتۋ سالاسىندا تەكسەرۋ - زەرتتەۋ جۇرگىزدىم، مەملەكەتتىك حالىق قۇرىلتايىنىڭ، مەملەكەتتىك كەڭەستىڭ ’كىرىكپەلى‘ الەۋمەتتىك اۋماق قونىستانۋ ورتاسىنا قاتىستى زاڭ جانە اكىمشىلىك زاڭ ەرەجە شىعارىپ، ۇلتتاردىڭ كەڭ كولەمدە ارالاسۋىن، جاپپاي ىشتەسۋىن، تەرەڭدەي توعىسۋىن جەبەۋىن ۇسىنىس ەتەمىن“، - دەدى ول.

شي جينپيڭنىڭ زاڭمەن باسقارۋ يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن باسقارۋدى جاپپاي ىلگەرىلەتىپ، مەملەكەتتى جالپى بەتتىك زاڭمەن باسقارۋ تالابىن قىزمەتتىڭ ءار سالاسىندا تياناقتاندىرۋعا ۋاكىلدەردىڭ، مۇشەلەردىڭ سەنىمى كامىل.

21 جەرگىلىكتى زاڭ ەرەجەنى شىعارىپ جانە وعان وزگەرىس ەنگىزىپ، پارتيا، ۇكىمەت ورىندارىنداعى نەگىزگى جاۋاپتىلاردىڭ زاڭنان ەسەپ بەرۋ قىزمەتىن تۇڭعىش رەت ورىستەتىپ، اكىمشىلىك قايتا قاراۋ ءتۇزىلىسى رەفورماسىن جەدەلدەتىپ، زاڭمەن باسقاراتىن ۇكىمەت قۇرىلىسىنان ۇلگى كورسەتۋ ورنىن قۇرۋ تەبىنىن كۇشەيتىپ، ”زاڭمەن باسقارۋ ساباقحاناسى. ءار ايدىڭ 9 -، 19 -، 29 - كۇندەرى، ءسوزسىز، ساباق سويلەۋ“ اتىنداعى زاڭمەن باسقارۋ لەكسياسىن ۇزدىكسىز ورىستەتتى... وتكەن ءبىر جىلدا اۆتونوميالى رايوندىق پارتكوم شينجياڭدى زاڭمەن باسقارۋدى ىلگەرىلەتۋ جاعىنا ايتارلىقتاي كۇش سالىپ، بەكىمى بەرىك، ارەكەتى پارمەندى بولدى.

”شينجياڭدى زاڭمەن باسقارۋ − مەملەكەتتى جالپى بەتتىك زاڭمەن باسقارۋدىڭ شينجياڭداعى امالياتى، شينجياڭدى زاڭمەن باسقارۋ قۇرىلىسىن ىلگەرىلەتۋ − جۇڭگو ۇلگىسىندەگى وسىزامانداندىرۋدىڭ شينجياڭ جوباسىن كەسكىندەۋ تاقىرىبىندا بولۋعا ءتيىستى ءمان ءارى جۇڭگو ۇلگىسىندەگى وسىزامانداندىرۋدىڭ شينجياڭ ويىن جۇزەگە اسىرۋدا، ءسوزسىز، باسىپ وتەتىن جول“. شينجياڭ داشۋەسى زاڭ عىلىمى شۋەيۋانىنىڭ ورىنباسار باستىعى ەركىن سامساق: ءبىز وسىزامانداندىرۋ قۇرىلىسىن زاڭمەن باسقارۋدىڭ كۇش - قۋاتىن تولىق قاۋلاتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن جەبەپ، ءار ۇلت حالقىنىڭ ءتۇبىرلى مۇددەسىن اناعۇرلىم تولىق جۇزەگە اسىرۋىمىز جانە قورعاۋىمىز كەرەك، - دەدى.

　　جاڭا جورىقتا ”شەشۋشى ازشىلىقتىڭ“ رولىن قالاي ساۋلەلەندىرۋ كەرەك

باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ اتاپ كورسەتتى: شينجياڭنىڭ قوعامدىق كەلەلى جاعدايىنىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋدا سوتسياليستىك زاڭمەن باسقارۋ تۋىن بيىك ۇستاپ، زاڭمەن باسقارۋ رۋحىن اسقاقتاتىپ، مەملەكەتتى جالپى بەتتىك زاڭمەن باسقارۋ تالابىن شينجياڭ قىزمەتىنىڭ ءار سالاسىندا تياناقتاندىرۋ كەرەك.

2022 - جىلى اۆتونوميالى رايوندىق پارتكومنىڭ تۇراقتى كوميتەتى زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالاندىرا قۇرۋدىڭ قاتىستى قىزمەتتەرىن ارنايى زەرتتەپ، اۆتونوميالى رايوننىڭ ”ءبىر جوبا، ەكى باعدارلامانى“ دايەكتىلەندىرۋ، تياناقتاندىرۋ جونىندەگى 3 اتقارۋ جوباسىن وزگەرتىپ، رايونىمىزدىڭ جاڭا داۋىردەگى زاڭمەن باسقارۋ قىزمەتىن ويداعىداي ىستەۋىنە ماڭىزدى نەگىز ازىرلەدى.

”بىلتىر رايونىمىز پارتيا، ۇكىمەت نەگىزگى جاۋاپتىلارىنىڭ زاڭنان ەسەپ بەرۋ قىزمەتىن تۇڭعىش رەت ورىستەتىپ، اۋدان دارەجەلىدەن جوعارى پارتكوم، ۇكىمەت نەگىزگى جاۋاپتىلارىن زاڭنان ەسەپ بەرۋمەن جاپپاي قامتۋدى جۇزەگە اسىردى، بيىل تاعى اۆتونوميالى رايوننىڭ ارناۋلى تاقىرىپتاعى زاڭنان ەسەپ بەرۋ قىزمەتى ءماجىلىسىن اشتى. مەن مۇنان تەرەڭ اسەر الدىم“. مۇشە دوۋ گاڭگۇي بىلاي دەدى: شينجياڭدى زاڭمەن باسقارۋعا تاباندى بولىپ، زاڭمەن باسقارىلاتىن شينجياڭ قۇرۋ امالياتىندا باسشى كادرلار سىندى ”شەشۋشى ازشىلىقتىڭ“ ۇلگىلىك رولىن قالاي ويداعىداي ساۋلەلەندىرۋ كەرەكتىگى مۇقيات ويلانۋعا تاتيدى.

2022 - جىلى شەريا اۋداندىق قوعام حاۋىپسىزدىگى مەكەمەسى ازىق - تۇلىك، ءدارى - دارمەك، قورشاعان ورتا قىلمىستارىن بارلاۋ ۇلكەن اترەتى 3 اكىمشىلىك دەلوداعى زاڭعا قايشى ارەكەتپەن اينالىسۋشىعا اكىمشىلىك جازا بەردى. وسى 3 دەلو جەكە - جەكە زاڭسىز باعۋعا، مەملەكەتتىك 2 - دارەجەلى قورعالاتىن حايۋاناتتى اۋلاۋعا جانە بەتالدى اعاش كەسۋگە سايادى.

”ءبىز ’تۇنىق سۋ، جاسىل تاۋ − باعالى بايلىق‘ ۇستانىمىن ىشكەرىلەي امالياتتا ايگىلەپ، ورمان شارۋاشىلىعىنىڭ اكىمشىلىك جازا بەرۋ تىزىمىنە ساي ورمان شارۋاشىلىعى اكىمشىلىك دەلولارىن ءبىر جاقتى ەتىپ، ورمان شارۋاشىلىعىندا زاڭعا قايشى ارەكەتتەردىڭ تۋىلۋىنان بارىنشا ساقتانىپ جانە ونى ازايتىپ، ەكولوگيالىق وركەنيەت قۇرىلىسىن ىلگەرىلەتتىك“، - دەدى حوتان ايماقتىق قوعام حاۋىپسىزدىگى مەكەمەسى ازىق - تۇلىك، ءدارى - دارمەك، قورشاعان ورتا قىلمىستارىن بارلاۋ بولىمشە مەكەمەسى زاڭ - ءتۇزىم ۇلكەن اترەتىنىڭ حالىق ساقشىسى تۇرعۇن عوجىمامەت.

2019 - جىلى ورمان قوعام حاۋىپسىزدىگى ورگانى ورمان شارۋاشىلىعى تاراۋلارىن تۇلعالىق جاقتان قوعام حاۋىپسىزدىگى تاراۋلارىنىڭ قاراستىلىعىنا العاننان كەيىن، ورمان شارۋاشىلىعىنداعى اكىمشىلىك جازا بەرۋ ۇقىعى سياقتى كەيبىر اكىمشىلىك ىستەردى اتقارا بەرۋگە امالسىز قالعان ەدى. 2022 - جىلى اۆتونوميالى رايوندىق ورمان شارۋاشىلىعى جانە جايلىم مەكەمەسىنىڭ نەگىزگى جاۋاپتىلارى بەلسەنە سايكەستىرىپ، قاتىستى تاراۋلارمەن بىرگە اقىلداسۋ ارقىلى رەفورمانىڭ وتپەلى مەزگىلىندە قوعام حاۋىپسىزدىگى ورگانىنىڭ ورمان شارۋاشىلىعىنداعى اكىمشىلىك جازا بەرۋ ۇقىعى ءتىزىمىن اتقارا بەرۋىن ورتاعا قويىپ، اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنان اۆتونوميالى رايوندىق پارتكومنىڭ قاراپ بەكىتۋىنە ءارى رەسمي اتقارۋىنا جولداۋدى ءوتىنىپ، ورمان شارۋاشىلىعى جانە جايلىم ىستەرىندە زاڭ اتقارۋ قيىن بولۋ ماسەلەسىن شەشتى، مۇنى مەملەكەتتىك ورمان شارۋاشىلىعى جانە جايلىم مەكەمەسى حابارلاندىرۋ شىعارىپ ماداقتادى.

2022 - جىلى پارتيا، ۇكىمەت نەگىزگى جاۋاپتىلارىنىڭ باستاماشىلدىقپەن ىلگەرىلەتۋىندە، ىلە قازاق اۆتونوميالى وبلىسى كومىرگە قاتىستى كاسىپورىندارعا ”ۇعىسىپ تەكسەرۋ - تالداۋ جاساۋ“ جۇرگىزىپ، زاڭ بويىنشا شەشىم جاساۋدى، زاڭ بويىنشا كەن اشۋدى جانە زاڭ بويىنشا قامداۋدى قامتاماسىز ەتۋدى ىلگەرىلەتتى؛ قىزىلسۋ قىرعىز اۆتونوميالى وبلىسى بەكىتۋ بويىنشا قالانى جىلۋمەن قامداۋدى باسقارۋ ەرەجەسىن شىعارىپ، قالىڭ تۇرعىنداردىڭ جىلۋدان پايدالانۋ ۇقىق - مۇددەسىن بارىنشا قامتاماسىز ەتتى.

”زاڭمەن باسقارىلاتىن شينجياڭ قۇرىلىسىن ىشكەرىلەي ىلگەرىلەتۋدە باسشى كادرلاردىڭ زاڭمەن باسقارۋ ويىنان جانە زاڭمەن باسقارۋ تاسىلىنەن پايدالانىپ رەفورمانى تەرەڭدەتۋ، دامۋدى ىلگەرىلەتۋ، قايشىلىقتاردى شەشۋ قابىلەتىن ۇزدىكسىز كۇشەيتۋ، زاڭمەن باسقارۋدى بۇلجىتپاي ورىندايتىن، زاڭ بويىنشا ءىس بىتىرەتىن ’باسشى قاز اسەرىن‘ ويداعىداي ساۋلەلەندىرۋ كەرەك“، - دەدى مۇشە دوۋ گاڭگۇي.

　　تاماشا دامۋ ورتاسى كۇشتى زاڭمەن باسقارىلاتىن ۇكىمەتتى قاجەت ەتەدى

زاڭمەن باسقارىلاتىن ۇكىمەت قۇرىلىسى باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەت. اۆتونوميالى رايوندىق پارتكوم مىنانى باسا دارىپتەدى: زاڭمەن باسقارۋ ارقىلى اكىمشىلىك بيلىككە ەرەجە بەلگىلەۋگە، شەك - شەكارا سىزۋعا تاباندى بولىپ، ۇكىمەت ءىس - ارەكەتىن زاڭمەن باسقارۋ ارناسىنا جاپپاي ەنگىزۋ كەرەك.

”ادۆوكات سالاسىنداعى ءبىز مۇنى ەرەكشە تەرەڭ سەزىندىك. ءبىر جىلدان بەرى، رايونىمىز ۇكىمەتتىڭ زاڭ اقىلشىلارىنان، ۇكىمەت قىزمەتىندەگى ادۆوكاتتاردان شىن مانىندە ويداعىداي پايدالانىپ، مامانداردىڭ دالەلدەۋى مەن حاۋىپ - قاتەردى ساراپتاۋىنىڭ ساپاسىن جوعارىلاتىپ، كەلەلى اكىمشىلىك شەشىم جاساۋ ءتارتىبىن قاتاڭ اتقارىپ، ۇكىمەت قىزمەتىنىڭ زاڭمەن باسقارىلۋ، جۇيەلىلەنۋ، عىلميلانۋ دەڭگەيىن جاپپاي ءوسىردى“، - دەدى مۇشە دوۋ گاڭگۇي.

بىلتىردان بەرى، اۆتونوميالى رايوندىق پارتكومنىڭ ءبىر تۇتاس باسشىلىعىندا، جەر - جەر، تاراۋلار زاڭمەن باسقارىلاتىن ۇكىمەت قۇرىلىسىن جاپپاي جەدەلدەتىپ، تەرەڭدەي ىلگەرىلەتتى. زاڭمەن باسقارىلاتىن ۇكىمەت قۇرىلىسىن ىلگەرىلەتۋ مەحانيزمى نەگىزىنەن قالىپتاسىپ، ”تومەنگە بەرۋ، باسقارۋ، قىزمەت وتەۋ“ رەفورماسى ۇزدىكسىز ىلگەرىلەتىلىپ، زاڭ بويىنشا اكىمشىلىك جۇرگىزۋ ءتۇزىم جۇيەسى كۇننەن - كۇنگە اقاۋسىزداندىرىلىپ، اكىمشىلىك زاڭ اتقارۋ ءتۇزىلىس - مەحانيزمى رەفورماسى زور كۇشپەن ىلگەرىلەتىلىپ، قوعامدىق قايشىلىقتار مەن داۋ - شارلار زاڭ بويىنشا دەر كەزىندە ءونىمدى شەشىلدى.

”قازىر جۇمىس ءبىتىرۋ بارعان سايىن قولايلى بولۋدا، شارۋاشىلىق - ساۋدا ورتاسى دا بارعان سايىن جاقساردى“، - دەدى قۇمىل قالاسى يجوۋ رايونىنداعى جەكە ساۋدا - ونەركاسىپشى ان ۋىنحۋا. قۇمىل قالاسى ۇكىمەت فۋنكتسياسىندا بۇرىلىس جاساۋدى جانە ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، ”ازايتۋ“ جاعىندا اناعۇرلىم ”ىقشامداۋدى“، ”بۇرىلىس جاساۋ“ بارىسىندا اناعۇرلىم ”قولايلى بولۋدى“ جۇزەگە اسىرىپ، كاسىپورىنداردىڭ، جۇمىس بىتىرگەن بۇقارانىڭ تابىس سەزىمى ۇزدىكسىز جوعارىلادى. بىلتىر قۇمىل قالاسى اۆتونوميالى رايون بويىنشا ”’تومەنگە بەرۋ، باسقارۋ، قىزمەت وتەۋ‘ رەفورماسىن ىشكەرىلەي ىلگەرىلەتۋدە ۇلگى كورسەتەتىن قالا“ بولدى.

2022 - جىلى رايونىمىز اكىمشىلىك رۇقسات جانە اكىمشىلىككە جاتپايتىن رۇقسات ىستەرىنەن 1000نان استامىن كۇشىنەن قالدىردى، كاسىپورىن قۇرۋعا جۇمسالاتىن ۋاقىت 3 قىزمەت كۇنىنەن اسپاۋعا قىسقارتىلدى ءارى شاعىن، ۇساق كاسىپورىنداردىڭ اقاۋسىز دامۋىن قولداۋ شارالارى شىعارىلدى.

1 - ايدىڭ 19 - كۇنىنە دەيىن شينجياڭدا تىزىمدەلىپ تىركەۋگە الىنعان شارۋاشىلىق تۇلعالارى 2 ميلليون 254 مىڭ (بيڭتۋاندى قامتيدى) بولىپ، سايكەس مەزگىلدەگىدەن ％11. 5 ارتقان، شينجياڭ قارجى قوسىپ شارۋاشىلىقتى گۇلدەندىرۋدەگى ىرىستى مەكەنگە اينالۋدا.

2 - ايدىڭ 20 - كۇنى شينجياڭدىق 21 جاستاعى جىگىت ءسامۇرىننىڭ C1 شوفەرلىك كۋالىگى ەمتيحانىندا 3 ساباق تۇرىندەگى ەمتيحاننان ىركىلمەي ءوتىپ، كۋالىگىن سول كۇنى العان بەينەجازباسى ميكروبلوگتىڭ مەملەكەتتىك قىزعىن ىزدەۋ تىزىمدىگىنەن ورىن الدى. ”شوفەرلىك كۋالىكتى ءبىر - اق كۇندە الارىمدى مۇلدە ويلاماعان ەدىم“، - دەدى ول قۋانا.

بۇراتالا قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ اۆتوكولىك باسقارۋ ورنى ”تومەنگە بەرۋ، باسقارۋ، قىزمەت وتەۋ“ رەفورماسىن ىلگەرىلەتىپ، تەك تىزىمدەلگەن ۋاقىتى مەن اۆتوكولىككە جاتتىققان ۋاقىتى تالاپقا ۇيلەسسە بولعانى، ەمتيحان تاپسىرۋشىنىڭ 2 -، 3 - ساباق تۇرلەرىنىڭ ەمتيحانىن تاپسىرۋعا بىردەي ۋاقىتتا ۋادەلەسۋىنە بولاتىندىعىن، 3 - ساباق ءتۇرى ەمتيحانىنان وتكەننەن كەيىن 3 - ساباق ءتۇرىنىڭ حاۋىپسىز، وركەنيەتتى كولىك جۇرگىزۋ جاي ساۋاتىنان ۋادەلەسپەي - اق تىكەلەي ەمتيحان تاپسىرۋىنا بولاتىندىعىن بەلگىلەدى.

”قوعامداعى جۇرتشىلىقتىڭ ءتۇيسىنۋى مەن سەزىنۋى الەۋمەتتىك قىزمەت وتەۋدى ساپالىلاندىرۋ ’تومەنگە بەرۋ، باسقارۋ، قىزمەت وتەۋ‘ رەفورماسىنىڭ تابان تىرەر تياناعى ەكەندىگىن، سونداي - اق ’حالىقتى وزەك ەتۋ‘ ۇستانىمىن تياناقتاندىرۋدىڭ قاجەتتى تالابى ەكەندىگىن دالەلدەدى“، - دەدى مۇشە دوۋ گاڭگۇي.

　　زاڭمەن باسقارىلاتىن شينجياڭنىڭ قويۋ رايىن قالاي قالىپتاستىرۋ كەرەك

”تاماشا زاڭمەن شەبەر باسقارىلاتىن قوعامدىق ورتا جالپى حالىقتىڭ زاڭمەن باسقارۋ تانىمىنان ايىرىلا المايدى، تۇتاس قوعامداعى جۇمىستاردى زاڭ بويىنشا بىتىرەتىن، بىرەر جۇمىسقا جولىققاندا زاڭدى ىزدەيتىن، ماسەلەلەردى شەشۋدە زاڭعا سۇيەنەتىن تاماشا زاڭمەن باسقارۋ رايىنان ايىرىلا المايدى، جالپى حالىقتىق زاڭ جالپىلاستىرۋ قىزمەتى ايرىقشا ماڭىزدى“، - دەدى ەركىن سامساق.

2022 - جىلى رايونىمىز نەگىزگى ساتىداعى زاڭمەن باسقارۋ ۇگىت تاربيەسى ساپارىن تەرەڭدەتتى، جەر - جەردىڭ، تاراۋلاردىڭ ۇگىت لەكسيا قيمىلدارى كوپ نەگىزدى، ستەرەولدى بولىپ، ”زاڭمەن باسقارۋ بويىنشا قىزمەت وتەۋ جاپپالى اۆتوكولىگى“، ”ات جالىنداعى زاڭ جالپىلاستىرۋ ەرىكتىلەرى“، اۋىل - قىستاقتاعى ”زاڭدا اڭعارلى ادام“ كەڭ كولەمدە جالپىلاستىرىلىپ، شي جينپيڭنىڭ زاڭمەن باسقارۋ يدەياسى سان مىڭداعان وتباسىنا جەتكىزىلدى.

رايونىمىز اۋىل - قىستاقتاعى ”زاڭدا اڭعارلى ادام“ تاربيەلەۋ ينجەنەرياسىنىڭ اتقارىلۋىن ىلگەرىلەتتى، قازىرگە دەيىن اۋىل - قىستاقتا 47 مىڭنان استام ”زاڭدا اڭعارلى ادام“ تاربيەلەنىپ، بەلگىلەنىپ، بارلىق اكىمشىلىك قىستاقتى قامتىدى، 2022 - جىلى جەر - جەردەگى اۋىل - قىستاقتاعى ”زاڭدا اڭعارلى ادامدار“ 80 مىڭنان استام قايشىلىقتى، داۋ - شاردى جاراستىردى.

”بىلتىر مەن 50 نەشە داۋ - شاردى جاراستىردىم، ءساتتى بولۋ مولشەرى ％90تەن استى. قىستاعىمىزدا ’ۇساق ىستەر قىستاقتىڭ وزىندە شەشىلەتىن، قايشىلىقتار جوعارىعا جولدانبايتىن بولدى‘“، - دەدى جەمسارى اۋدانى بەيتيڭ قالاشىعى دۇڭارچي قىستاعى پارتكومىنىڭ شۋجيى شۋە مەيجى.

مالدىڭ ەگىنگە ءتۇسىپ كەتۋى، بىرەۋلەردىڭ العان قارىز اقشاسىن ۋاعىندا قايتارماۋى، ايەلدەردىڭ كۇيەۋىنەن اجىراسقاننان كەيىن جەردى كوتەرمەگە بەرۋ اقىسىن الا الماۋى... قىستاقتاعى اۋىل - قىستاق ”زاڭدا اڭعارلى ادامى“ رەتىندە، شۋە مەيجى ۇزاق ۋاقىت وزدىگىنەن زاڭ ۇيرەنۋگە تاباندى بولىپ، زاڭ بىلىمدەرىنەن پايدالانىپ قىستاق تۇرعىندارى شەشە الماعان ءبىرتالاي ماسەلەنى شەشۋگە كومەكتەستى. اۋىلداستاردىڭ ءبارى: شۋە مەيجى زاڭ بىلەدى، ونىڭ ءسوزىنىڭ قيسىنى، نەگىزى بار، تىڭداۋ كەرەك، - دەسەدى.

”قازىر قىستاق تۇرعىندارىنىڭ زاڭ تانىمى جوعارىلادى، بۇل بىرەر جۇمىسقا جولىققاندا زاڭدى ىزدەۋدە بەينەلەنۋمەن قاتار، زاڭ ۇيرەنۋ ىنتاسىنىڭ كۇشەيگەندىگىندە دە بەينەلەندى. ويتكەنى زاڭ بىلىمدەرى وتە جارامدى“، - دەدى مەملەكەتتىك حالىق قۇرىلتايىنىڭ ۋاكىلى، كۇنەس اۋدانى سوربۇلاق قالاشىعى كەرەگەتاس قىستاعىنىڭ تۇرعىنى مۇساجان قايرات، - ازاماتتىق زاڭناما، الدامكوستىككە قارسى تۇرۋ بىلىمدەرى سياقتى زاڭمەن باسقارۋ ۇگىتىن قىستاق تۇرعىندارى ايرىقشا القادى، كوپشىلىك ۇيرەنگەننەن كەيىن ەكىنىڭ بىرىندە جانىنداعىلارمەن وسى جونىندە اڭگىمەلەسەتىن بولدى دا، زاڭ بىلىمدەرى قىستاقتاعى جاڭاشا اڭگىمە تاقىرىبىنا اينالدى.

”2017 - جىلى پروكۋراتۋرا ورگاندارى الەۋمەتتىك يگىلىك ارىز - شاعىم قىزمەتىن ورىستەتكەندە، بۇقارا مۇنان مۇلدە حابارسىز ەدى. قازىر حالىق بۇقاراسى مەن پروكۋراتۋرا ورگاندارى مەملەكەتتىڭ مۇددەسى مەن قوعامدىق الەۋمەتتىك مۇددەنى بىرگە قورعايتىن بولدى“، - دەدى اقسۋ قالالىق حالىق پروكۋراتۋراسى 5 - پروكۋرورلىق ءبولىمىنىڭ ورىنباسار مەڭگەرۋشىسى دو ۋيجۇڭ.

2022 - جىلى 3 - ايدىڭ 16 - كۇنى اقسۋ قالاسىنىڭ بولىمشە وڭىرلەرىندەگى، اۋىلدارىنداعى (قالاشىق)، مالىلەرىندەگى 91 كوممۋنيستىك جاستار وداعى مۇشەسى، جاس ەرىكتىلەر اقسۋ قالالىق حالىق پروكۋراتۋراسىنىڭ العاشقى توپتاعى ”قىزىل الما“ الەۋمەتتىك يگىلىك قورعاۋشىسى بولدى. ءبىر جىلعا تاياۋ ۋاقىتتان بەرى، ”قىزىل الما“ الەۋمەتتىك يگىلىك قورعاۋشىلارى توڭىرەكتەرىندە ورىن تەۋىپ وتىرعان ازىق - تۇلىك، ءدارى - دارمەك حاۋىپسىزدىگى، ەكولوگيالىق ورتا جانە بايلىقتى قورعاۋ سياقتى سالالارداعى الەۋمەتتىك يگىلىككە نۇقسان جەتكىزگەن ماسەلە دەرەكتەرىن اشكەرەلەپ، كونە، ايگىلى اعاشتاردى قورعاۋ سياقتى جاقتاردا بەلسەندى رول اتقاردى.

”جالپى حالىق زاڭعا قۇرمەت ەتەتىن، زاڭ ۇيرەنەتىن، زاڭعا بويسۇناتىن، زاڭنان پايدالاناتىن تاماشا اۋقىمنىڭ قالىپتاسۋىن ىلگەرىلەتۋ − كولەمدى قوعامدىق جۇيەلى ينجەنەريا، ءبىز ۇزدىكسىز قۇلشىنۋ ارقىلى جالپى حالىقتى سوتسياليستىك زاڭمەن باسقارۋدىڭ ادال ارداقتاۋشىلارىنا، سانالى بويسۇنۋشىلارىنا، باتىل قورعاۋشىلارىنا اينالدىرامىز“، - دەدى ەركىن سامساق.