− باس شۋجي شي جينپيڭنىڭ جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعىلاردىڭ بىرىككەن گرۋپپا جيىنىنداعى ماڭىزدى ءسوزى شينجياڭدىق ۋاكىلدەر، مۇشەلەر، قوعامنىڭ ءار سالاسىنداعىلار اراسىندا قىزۋ اڭىس قوزعادى

□ انار بۇلت \ شينجياڭ گازەتىنىڭ تىلشىلەرى

”پارتيا ورتالىق كوميتەتى ’ەكىدەن تيتتەي دە اۋىتقىماۋعا‘، ’ءۇش وزگەرگەن جوققا‘ باستان - اياق تاباندى بولىپ، حالىقتىق كاسىپورىندار مەن حالىقتىق كاسىپكەرلەردى باستان - اياق ءوز ادامى ساناپ كەلەدى“. 3 - ايدىڭ 6 - كۇنى تۇستەن كەيىن باس شۋجي شي جينپيڭ مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنە قاتىناسىپ جاتقان جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەرگە امانداسا بارعاندا ءارى بىرىككەن گرۋپپا جيىنىنا قاتىناسقاندا سويلەگەن ماڭىزدى ءسوزى شينجياڭدىق ۋاكىلدەر، مۇشەلەر جانە قوعامنىڭ ءار سالاسىنداعىلار اراسىندا قىزۋ اڭىس قوزعادى.

كوپشىلىك مىنانى ءبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، ”ەكىدەن تيتتەي دە اۋىتقىماۋعا“، ”ءۇش وزگەرگەن جوققا“ باستان - اياق تاباندى بولىپ، اناعۇرلىم بەرىك سەنىممەن كۇرەس جاساپ، جاڭالىق اشىپ، حالىقتىق كاسىپورىنداردىڭ اناعۇرلىم كەڭ ورىستە دامۋىن، زورايۋىن ىلگەرىلەتەمىز.

سەنىم التىننان دا قىمبات

شيراقىلىقپەن شەپكە اتتانىپ، باتىلدىقپەن دامىتامىز

ءماجىلىس زالىنان شىققان مەملەكەتتىك ساياسي كەڭەستىڭ مۇشەسى، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى، شينجياڭ مەملەكەتتىك 305 نىسانى كەڭسەسىنىڭ مەڭگەرۋشىسى ما حۋادۇڭ باس شۋجيدىڭ ءسوزىن سول جەردىڭ وزىندە تىڭداعانداعى ”مەيىرلى ءساتتى“ ەسكە العاندا تەبىرەنگەن كوڭىل كۇيىن باسا المادى.

”ايرىقشا جىگەرلەنىپ، تەرەڭ شابىت الدىم، حالىقتىق شارۋاشىلىقتىڭ تاعى ءبىر دامۋ كوكتەمى كەلدى“! ما حۋادۇڭ بىلاي دەدى: سەنىم التىننان دا قىمبات، ارەكەت ءبارىن جەڭەدى. ءبىز جۇڭگو دەموكراتيالىق مەملەكەت قۇرۋ قوعامىنىڭ ەكونوميكا سالاسىمەن تىعىز بايلانىس ورناتقان باسىمدىعىن تولىق ساۋلەلەندىرىپ، جۇڭگو كوممۋنيستىك پارتياسىنىڭ 20 - قۇرىلتايى كەسكىندەگەن ايبىندى جوبامەن تىعىز بايلانىستىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىنا شوعىرلاندىرىپ، مىندەت اتقارىپ، جاۋاپكەرشىلىكتى وتەۋدىڭ كىرىسۋ ءتۇيىنىن ءداپ باسىپ تاۋىپ، اۆتونوميالى رايوننىڭ ”سەگىز ءىرى كاسىپ سالاسى شوعىرى“ قۇرىلىسى، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسى، شارۋاشىلىق - ساۋدا ورتاسىن ساپالىلاندىرۋ سياقتى كەلەلى كەڭەستىك تاقىرىپتار توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرىپ، قالىڭ مۇشەلەردىڭ سەنىمىن جانە كۇرەس جىگەرىن اناعۇرلىم تاسقىنداتىپ، شينجياڭنىڭ ەكونوميكاسىنىڭ جوعارى ساپالى دامۋىنا بار كۇشپەن دەم بەرەمىز.

”باس شۋجيدىڭ ماڭىزدى ءسوزى بازار مەجەسى مەن سەنىمىن سەرپىلتۋگە، حالىقتىق كاسىپورىنداردىڭ اقاۋسىز دامۋىن، جوعارى ساپالى دامۋىن ىلگەرىلەتۋگە ايقىن باعدار كورسەتىپ، بويسۇنۋ ولشەمىن ازىرلەدى“. قارامايلى قالالىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، ورقى رايوندىق پارتكومنىڭ شۋجيى شۋە حۇڭشۇن بىلاي دەدى: ”ەكىدەن تيتتەي دە اۋىتقىماۋدى“ شىن مانىندە تياناقتاندىرىپ، حالىقتىق كاسىپورىنداردىڭ دامۋ ەكولوگياسى مەن ورتاسىن ۇزدىكسىز ساپالىلاندىرىپ، ”كادرلاردىڭ باتىلدىقپەن ءىس تىندىرۋىنا، جەرگىلىكتى ورىننىڭ باتىلدىقپەن قامال الۋىنا، كاسىپورىنداردىڭ باتىلدىقپەن ىستەۋىنە، بۇقارانىڭ باتىلدىقپەن ءتول جاسامپازدىق جاراتۋىنا مۇمكىندىك جاسايمىز“. ورقى رايونى ەتەنە، كىرشىكسىز ۇكىمەت - ساۋدا قاتىناسىن ورناتۋدى اۋەلگىدەي ناقتى تياناقتاندىرىپ، ”جۇمىس بولماسا مازالاماۋعا، تالاپ - تىلەگىنە ءسوزسىز جاۋاپ قايتارۋعا“ تاباندى بولىپ، حالىقتىق كاسىپورىندار مەن حالىقتىق كاسىپكەرلەردى پارتيا ورتالىق كوميتەتىنىڭ باعىت - ساياساتتارىن دۇرىس تۇسىنۋگە، سەنىمدى كۇشەيتىپ، شيراقىلىقپەن شەپكە اتتانىپ، باتىلدىقپەن دامۋعا جەتەكتەپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جۇزەگە اسىرادى.

”باس شۋجيدىڭ ماڭىزدى ءسوزى ءار دارەجەلى پارتيا، ۇكىمەت كادرلارىنىڭ ’ساۋداگەرلەرگە ءمان بەرۋ، ساۋداگەرلەردى الاڭسىز ەتۋ، ساۋداگەرلەرگە كومەكتەسۋ‘ قىزمەتىن بار ىنتا - پەيىلىمەن ويداعىداي ىستەۋىنە جاڭا تالاپ قويدى“. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى لي شۋان بىلاي دەدى: باس شۋجيدىڭ ماڭىزدى ءسوزىنىڭ رۋحىن جاپپاي ىشكەرىلەي ۇيرەنىپ، دايەكتىلەندىرىپ، تياناقتاندىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىنىڭ تەبىنىن ارتتىرىپ، ساۋدالىق سەنىم جۇيەسى قۇرىلىسىن كۇشەيتىپ، كاسىپ سالاسىنىڭ تارتىپشىلدىگىن جەبەپ، كاسىپورىندارعا بەلسەندىلىكپەن ويداعىداي قىزمەت وتەۋ كەرەك.

تاسىلگە جەدەل بۇرىلىس جاساپ، سانالى تۇردە جوعارى ساپالى دامۋ جولىمەن جۇرەمىز

حالىقتىق كاسىپورىندار جاڭا دامۋ ۇستانىمىن امالياتتا ايگىلەپ، حالىقتىق شارۋاشىلىقتىڭ دامۋىندا ورىن تەپكەن جەتەرسىزدىكتەر مەن ءدوپ كەلگەن سىن - سايىستاردى تەرەڭ يگەرىپ، دامۋ تاسىلىنە بۇرىلىس جاساپ، كاسىپ سالاسى قۇرىلىمىن رەتتەپ، ارتۋدىڭ قوزعاۋشى كۇشىن جاڭالاپ، نەگىزگى كاسىپكە تاباندى بولىپ، كاسىپتى كۇشەيتىپ، جوعارى ساپالى دامۋ جولىمەن سانالى تۇردە ءجۇرۋى كەرەك − باس شۋجي شي جينپيڭنىڭ وسى ماڭىزدى تۇجىرىمىن مەملەكەتتىك حالىق قۇرىلتايىنىڭ ۋاكىلى، مەملەكەتتىك ساۋدا - ونەركاسىپشىلەر بىرلەستىگىنىڭ قوسىمشا مىندەتتەگى ورىنباسار ءتوراعاسى، ەرەكشە ترانسفورماتور جارنا شەكتى سەرىكتەستىگى پارتكومىنىڭ شۋجيى، القا باستىعى جاڭ شين ايرىقشا قۇپتادى.

”جوعارى ساپالى دامۋ جولىمەن ءجۇرۋ ءۇشىن، دەربەس جاڭالىق اشۋدى كۇشەيتىپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتۋ جانە عىلىم - تەحنيكا جەتىستىكتەرىن كادەگە جاراتۋ بارىسىندا اناعۇرلىم زور رول اتقارۋ كەرەك“. جاڭ شين بىلاي دەدى: ەرەكشە ترانسفورماتور جارنا شەكتى سەرىكتەستىگى عىلىم - تەحنيكادا جاڭالىق اشۋدى كورنەكتى ورىنعا قويىپ كەلەدى، ىلگەرىندى - كەيىندى 4 مەملەكەتتىك ينجەنەريا تاجىريبەحاناسى، سونداي - اق اكادەميكتەر قىزمەت پۋنكتى جانە پوست دوكتورلاردىڭ كوپتەگەن عىلمي زەرتتەۋ قىزمەت پۋنكتى سياقتىلاردى قۇردى، عىلىم - تەحنيكادا جاڭالىق اشۋ ەرەكشە ترانسفورماتور جارنا شەكتى سەرىكتەستىگىنىڭ كاسىپ سالاسىنىڭ دارەجەسىن وسىرۋىنە جانە باسەكەلىك قۋاتىن جوعارىلاتۋىنا كورنەكتى باستاماشىلدىق ەتتى.

”فۋكى ماي ونىمدەرى جارنا شەكتى سەرىكتەستىگى تالاي جىلدان بەرى سانالى تۇردە جوعارى ساپالى دامۋ جولىمەن جۇرۋگە تاباندى بولىپ كەلدى“. شينجياڭ فۋكى ماي ونىمدەرى جارنا شەكتى سەرىكتەستىگىنىڭ باس ديرەكتورى تۋ جيڭ بىلاي دەدى: سەرىكتەستىگىمىز 2000 - جىلدان باستاپ زەرتتەپ شىعارۋ قىزمەتىن ورىستەتىپ، ءار جىلى تيجارات سوماسىنىڭ ％8ىنەن استامىن زەرتتەپ شىعارۋ ءىس قاراجاتى رەتىندە جۇمسادى. قازىرگە دەيىن سەرىكتەستىگىمىز 63 مەملەكەتتىك پاتەنتكە، 41 تاپقىرلىق پاتەنتىنە قول جەتكىزدى. الداعى جەردە ءوندىرىس بارىسىنداعى اۆتوماتتاندىرۋ جانە ينفورماتسيالاندىرۋ تەحنيكاسىن قولدانۋعا ءتۇيىندى تۇردە نازار اۋدارىپ، نازاردى باسەكەلىك قۋاتى اناعۇرلىم كۇشتى جوعارى دەڭگەيلى ونىمدەرگە شوعىرلاندىرىپ، اناعۇرلىم كەڭ، اناعۇرلىم جوعارى ساپالى بازار اشۋعا قۇلشىنامىز.

شينجياڭ تيانيۇن ورگانيكالىق اۋىل شارۋاشىلىعى شەكتى سەرىكتەستىگى − ەلىمىزدىڭ سالمون بالىعى وندىرىسىمەن شۇعىلداناتىن باستاماشى كاسىپورىن. ”باس شۋجيدىڭ ماڭىزدى ءسوزى عىلىم - تەحنيكادا ۇزدىكسىز جاڭالىق اشۋ بەكىمىمىزدى بەكەمدەي ءتۇستى“. وسى سەرىكتەستىكتىڭ القا باستىعى جاڭ شيۋ بىلاي دەدى: عىلىم - تەحنيكادا جاڭالىق اشۋ كۇشىنەن پايدالانىپ، سالمون بالىعىنىڭ ساپالى تۇقىمىن جەتىلدىرۋ جانە تۇقىمىن ءوسىرۋ جاعىنداعى تەحنيكالىق قيىن ماسەلەدەن قامال الىپ، كاسىپورىننىڭ وزىندىك دامۋ قاجەتىن قاناعاتتاندىرۋمەن بىرگە، ەل ىشىندەگى باسقا كاسىپورىندارعا قىزمەت وتەپ، جۇڭگونىڭ سۋىق سۋ بالىعى كاسىبىنىڭ جوعارى ساپالى دامۋىنا دەم بەرەمىز.

جاۋاپكەرشىلىكتى باتىلدىقپەن ارقالاپ،ەكونوميكالىق، قوعامدىق دامۋعا اناعۇرلىم زور قۇن جاراتامىز

باس شۋجي شي جينپيڭ بىلاي دەپ اتاپ كورسەتتى: مەيلى مەملەكەت مەنشىگىندەگى كاسىپورىندار بولسىن، الدە حالىقتىق كاسىپورىندار بولسىن، بارلىعى دا بىرگە بايۋدى جەبەيتىن ماڭىزدى كۇش، بارلىعى دا، ءسوز جوق، بىرگە بايۋدى جەبەيتىن قوعامدىق جاۋاپكەرشىلىكتى ارقالاۋى كەرەك.

”حالىقتىق كاسىپورىندار قوعامدىق جاۋاپكەرشىلىكتى باتىلدىقپەن ارقالاپ، ءىس جۇزىندىك ارەكەتىمەن قوعامعا قارىمجى قايتارىپ، ەكونوميكالىق، قوعامدىق دامۋعا اناعۇرلىم زور قۇن جاراتۋلارى كەرەك“. باس شۋجي شي جينپيڭنىڭ ماڭىزدى ءسوزىن سول جەردىڭ وزىندە تىڭداعان مەملەكەتتىك ساياسي كەڭەستىڭ مۇشەسى، شينجياڭ جۇنباڭ قارجى قوسۋ شەكتى سەرىكتەستىگىنىڭ القا باستىعى ليۋ ۋي تەرەڭ اسەر الىپ بىلاي دەدى: حالىقتىق كاسىپورىندار مەن حالىقتىق كاسىپكەرلەر زاڭ بويىنشا، ەرەجەگە ساي كەلەتىن شارۋاشىلىق جۇرگىزۋدىڭ تومەنگى شەگىن بەكەمدەپ، جاڭالىق اشۋ، شارۋاشىلىق قۇرۋ بارىسىندا تاڭداۋلى كاسىپكەرلەر رۋحىن جالعاستىرىپ، اسقاقتاتىپ، تاراتىپ، كاسىپورىندى تاباندىلىقپەن بۇلجىماي ويداعىداي دامىتىپ، جاڭا داۋىردەگى جۇڭگوشا سوتسياليزم حالىقتىق كاسىپكەرى بولىپ، ءىس جۇزىندىك ارەكەتىمەن ساياسي جاۋاپكەرشىلىكتى، ەكونوميكالىق جاۋاپكەرشىلىكتى، مادەنيەت جاۋاپكەرشىلىگىن، قوعامدىق جاۋاپكەرشىلىكتى، وتباسى جاۋاپكەرشىلىگىن ۇستىلەرىنە الۋى كەرەك.

كەريا اۋدانىنا ورنالاسقان شينجياڭ شينداچىڭ قورعانۋ بۇيىمدارى شەكتى سەرىكتەستىگى − كاسىپتىك حاۋىپسىزدىك قورعانۋ ونىمدەرىن زەرتتەپ شىعارۋمەن، وندىرۋمەن، ساتۋمەن شۇعىلداناتىن كاسىپورىن. وسى سەرىكتەستىك جۇمىستاندىراتىن جۇمىس ورىندارىن بەلسەنە اشىپ، جەرگىلىكتى ورىنداعى اۋىل - قىستاقتارداعى ەڭبەككۇشتەردى جۇمىسقا قابىلدادى. ”ءبىز باس شۋجيدىڭ تالابى بويىنشا، وتباسى - وتان سۇيىسپەنشىلىگىن كۇشەيتىپ، حالىقتى وزەك ەتكەن دامۋ يدەياسىن سانالى تۇردە امالياتتا ايگىلەپ، وتاندى ءسۇيۋدىڭ، كاسىبىن قادىرلەۋدىڭ، زاڭعا بويسۇنىپ تيجارات جۇرگىزۋدىڭ، شارۋاشىلىق قۇرۋدىڭ، جاڭالىق اشۋدىڭ، قوعامعا قارىمجى قايتارۋدىڭ ۇلگىسى بولامىز“. وسى سەرىكتەستىكتىڭ باس ديرەكتورى لۋ ۋىنميننىڭ ايتۋىنشا، قازىر وسى سەرىكتەستىك 2 - مەرزىمدىك قۇرىلىسىن باستاپتى، سالىنىپ بولعاننان كەيىن 1000 ادامنىڭ جۇمىستانۋ ماسەلەسىن شەشۋگە بولادى ەكەن.

(ءتىلشى ليۋ شياڭ، قاتىناسقان تىلشىلەر گو ليڭ، حي حۇڭۋي، يۇي جياڭيان، رىن جياڭ)