جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە قۇدىرەتتى كۇش - قۋات ۇيىستىرامىز

　　− ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جابىلۋ جينالىسىندا سويلەگەن ماڭىزدى ءسوزى رايونىمىزداعى ءار ۇلت كادرلارى مەن بۇقاراسىن كوكىرەك تولى اسقاق سەزىممەن مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىنا قادام تاستاۋعا باستادى

□ انار بۇلت \ شينجياڭ گازەتىنىڭ تىلشىلەرى

”ءبىز تەز قارمانىپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، تۋراشىلدىقتان اينىماي، جاڭالىق اشۋعا تاباندى بولىپ، ستراتەگيالىق تاباندىلىقتى ساقتاپ، كۇرەسكەرلىك رۋحتى اسقاقتاتىپ، جۇرەكتىلىكپەن قامال الىپ، قيىندىقتى جەڭىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇش قوسۋىمىز، داڭق اپەرۋىمىز كەرەك“!

ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ جابىلۋ جينالىسىندا سويلەگەن ماڭىزدى ءسوزى رايونىمىزداعى ءارقايسى سالاداعىلار اراسىندا قىزۋ اڭىس قوزعادى. قالىڭ كادر - بۇقارا ءبىر اۋىزدان مىنالاردى ءبىلدىردى: ءتوراعا شي جينپيڭنىڭ ماڭىزدى ءسوزى شينجياڭداعى 25 ميلليوننان استام ءار ۇلت حالقىن ىنتىماقتاسا كۇرەس جۇرگىزىپ، ءورىس اشا جاڭالىق اشىپ، كوكىرەك تولى اسقاق سەزىممەن مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىنا قادام تاستاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە قۇدىرەتتى كۇش - قۋات ۇيىستىرۋعا بارىنشا ىنتالاندىردى جانە جۇمىلدىردى.

”جۇرت قالاۋىنا يە بولعان كوسەمنىڭ، پارمەندى ۇيتقىنىڭ رول ۇستاپ، جول باستاۋىنىڭ، تۋ ۇستاپ، باعدار بەلگىلەۋىنىڭ، ءسوز جوق، بارلىق جۇڭحۋا پەرزەنتتەرىنىڭ ەكپىندەي ىلگەرىلەۋ كۇش - قۋاتىن ۇيىستىراتىندىعىنا كامىل سەنەمىز“. مەملەكەتتىك حالىق قۇرىلتايىنىڭ ۋاكىلى مۇسا مامەت: ”ءبىز ’ەكىنى تۇراقتاندىرۋدىڭ‘ شەشۋشى ءمانىن ونان ارى ىشكەرىلەي ءتۇسىنىپ، ’ءتورت تانىمدى‘ كۇشەيتىپ، ’ءتورت سەنىمدى‘ بەكەمدەپ، ’ەكىنى قورعاۋدى‘ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اسقاق جىگەرمەن قايراتتانا ۇمتىلىپ، جىگەرلەنە العا باسامىز“، - دەدى.

”حالىقتىڭ سەنىمى − مەنىڭ العا باسۋىمداعى ەڭ ۇلكەن قوزعاۋشى كۇش، سونداي - اق مەنىڭ اۋىر جاۋاپكەرشىلىگىم“. مەملەكەتتىك حالىق قۇرىلتايىنىڭ ۋاكىلى پاڭ زىجيان كوسەمنىڭ حالىققا دەگەن سۇيىسپەنشىلىگىن تەرەڭ سەزىندى. ول مىنالاردى ءبىلدىردى: قاشاندا قايراتتانا ءىس تىندىراتىن رۋحاني كۇي جانە العان بەتىنەن قايتپايتىن كۇرەسكەرلىك بەينەنى ساقتاپ، اۋىل - قىستاقتى گۇلدەندىرۋدىڭ باستاماشىسى بولىپ، بۇقارانى ءتىپتى دە بەرەكەلى، باقىتتى تۇرمىسقا كەنەلۋگە باستايمىن.

”مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇتىلامالى تاياقشاسى تاريحي تۇردە ءبىز وسى ۇرپاق ادامدارىنىڭ موينىنا جۇكتەلدى“. كوڭىلى كولدەي تولقىعان مەملەكەتتىك حالىق قۇرىلتايىنىڭ ۋاكىلى زويا باقىت: ”جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، مادەني مۇرالاردى زەرتتەۋ، ءتۇسىندىرۋ سەرپىنىن ارتتىرىپ، شينجياڭ حيكاياسىن، جۇڭگو حيكاياسىن ويداعىداي باياندايمىن“، - دەدى.

”شي جينپيڭ جولداستى ۇيتقى ەتكەن پارتيا ورتالىق كوميتەتى عىلىم - تەحنيكادا ءوز كۇشىنە سۇيەنۋگە، ءوزىن الۋەتتەندىرۋگە باسا ءمان بەردى. مەن ۇجىمدى باستاپ، عىلىم - تەحنيكادا قامال الۋدى ۇزدىكسىز كۇشەيتىپ، اناعۇرلىم كوپ القىمداعان ماسەلەلەردى كۇش سالا شەشىپ، ەرەكشە تەرەڭ، كۇردەلى مۇناي - تابيعي گاز الابىن بارلاۋ - اشۋ عىلىم - تەحنيكاسىنىڭ الدىڭعى شەبىنە قاراي شەرۋ تارتامىز“، - دەدى مەملەكەتتىك حالىق قۇرىلتايىنىڭ ۋاكىلى ليۋ حۇڭتاۋ.

”جالپى بارىستىق حالىق دەموكراتياسىن بەلسەنە دامىتۋ ءبىزدىڭ الداعى قىزمەتتەردى ويداعىداي ىستەۋىمىزدىڭ العا باسۋ باعدارى، ءتۇبىرلى بويسۇنۋ ولشەمى“. اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەت كوميتەتى قوعامدىق زاڭ ەرەجە شىعارۋ باسقارماسىنىڭ باستىعى لي شۋەجۇن مىنالاردى ءبىلدىردى: حالىق قۇرىلتايىنىڭ نەگىزگى زاڭنىڭ بەدەلىن قورعاۋ، كەمەلدى زاڭ ەرەجە شىعارۋ، باقىلاۋدى جەبەۋ، بۇقارامەن تىعىز بايلانىس جاساۋ سياقتى جاقتارداعى رولىن ويداعىداي ساۋلەلەندىرىپ، حالىق تىلەگىن جەتكىزۋ ارناسىن ونان ارى ىركىلىسسىزدەندىرىپ، پارتكومنىڭ، ۇكىمەتتىڭ حالىق بۇقاراسىمەن بايلانىس جاسايتىن كوپىرىن ورناتۋ كەرەك.

ءتوراعا شي جينپيڭ ماڭىزدى سوزىندە ”حالىق تۇرمىسىنىڭ تومەنگى شەگىن بەرىك ساقتاپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشۋ كەرەك“ دەپ اتاپ كورسەتتى.

”حالىقتى بارىنەن جوعارى قويۋ ۇستانىمىن شىن مانىندە ورناتىپ، الەۋمەتتىك اۋماقتىڭ قىزمەت وتەۋىندە بۇرىلىس جاساپ، دەڭگەيىن جوعارىلاتۋىن ىلگەرىلەتىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن شىن مانىندە كۇشەيتەمىن“، - دەدى قارامايلى قالاسى مايتاۋ رايونى شينبەيچۇي ءمالىسى 15 - الەۋمەتتىك اۋماق پارتيا ياچەيكاسىنىڭ ورىنباسار شۋجيى جۋ ۋي تولىق سەنىممەن.

حاۋىپسزدىك − دامۋدىڭ نەگىزى، ورنىقتىلىق − قۇدىرەتتەنۋدىڭ، گۇلدەنۋدىڭ العى شارتى. ”قوعام حاۋىپسىزدىگى ورگانى رەتىندە، ءبىز حاۋىپ - قاتەردەن ساقتانۋ، حاۋىپسىزدىككە كەپىلدىك ەتۋ، ورنىقتىلىقتى قورعاۋ، دامۋدى جەبەۋ قىزمەتتەرىن بار كۇشپەن ويداعىداي ىستەپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن بار كۇشپەن ىلگەرىلەتىپ، تيانشان الابىنىڭ جاراسىمدىلىعىن، تىنىشتىعىن زاڭمەن باسقارۋ كۇشى ارقىلى قورعاۋىمىز كەرەك“، - دەدى حوتان اۋداندىق قوعام حاۋىپسىزدىگى مەكەمەسىنىڭ جىڭۋيى تۇرعۇن ءومار.

ءتوراعا شي جينپيڭ بىلاي دەپ اتاپ كورسەتتى: وتاننىڭ بۇكىلدەي بىرلىككە كەلۋىن جۇزەگە اسىرۋ − بارلىق جۇڭحۋا پەرزەنتتەرىنىڭ ورتاق تىلەگى، ۇلتتى گۇلدەندىرۋ تاقىرىبىنىڭ ماڭىزدى مازمۇنى.

اۆتونوميالى رايوندىق پارتكوم تايۋان قىزمەتى كەڭسەسىنىڭ (اۆتونوميالى رايوندىق حالىق ۇكىمەتى تايۋان ىستەرى كەڭسەسى) مەڭگەرۋشىسى يان مەي مىنالاردى ءبىلدىردى: جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن باتىل دايەكتىلەندىرىپ، تايۋان جونىندەگى قىزمەتتى پارتيا مەن مەملەكەت ىستەرى جالپى جاعدايىن سانالى تۇردە شىعار ءتۇيىن ەتە وتىرىپ جوسپارلاپ، تاريح اۋقىمىن يگەرىپ، تاريحي ىرىقتىلىق رۋحتى ساۋلەلەندىرىپ، وتاننىڭ بەيبىت بىرلىككە كەلۋىن قولدايتىن تايۋاندىق باۋىرلاستارمەن بارىنشا ىنتىماقتاسىپ، جۇرت تىلەگىن ۇيىستىرىپ، كۇش - قۋاتتى توپتاپ، وتاننىڭ بۇكىلدەي بىرلىككە كەلۋىن جۇزەگە اسىرۋ سەنىمىن بەكەمدەپ، وتاننىڭ بەيبىت جولمەن بىرلىككە كەلۋ ءىسىن ىلگەرىلەتۋگە ۇلەس قوسامىز.

ءپىشان اۋداندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى سۇن جيە مىنالاردى ءبىلدىردى: نەگىزگى ساتى ءتارتىپ تەكسەرۋ، باقىلاۋ - تەكسەرۋ ورگانى رەتىندە، قابىلەت قۇرىلىسىن كۇشەيتىپ، كۇرەسكەرلىك رۋحتى ساۋلەلەندىرىپ، كۇرەسكەرلىك ەرىكتى بەكەمدەپ، كۇرەسكەرلىك قابىلەتتى كۇشەيتىپ، وزىنە - ءوزى ەڭ تۇبەگەيلى توڭكەرىس جاساۋ رۋحىمەن پارتيانى ءبىر ءسات تە توقتاماي جاپپاي قاتاڭ باسقارىپ، شىرىكتەسۋگە بۇلجىماي قارسى تۇرىپ، پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتۋ كەرەك.

”ءبىز تەك نىسانانى كوزدەپ، توقتاۋسىز كۇرەس جۇرگىزسەك بولعانى جاڭا جورىقتا ءداۋىردىڭ ءۇمىتىن اقتايتىن، تاريحتىڭ ءۇمىتىن اقتايتىن، حالىقتىڭ ءۇمىتىن اقتايتىن ناتيجەلەرگە، ءسوز جوق، قول جەتكىزە الاتىن بولامىز“، - دەدى ۇلۇقشات اۋدانى ۇلۇقشات اۋىلى شوكتەرەك قىستاعى پارتيا ياچەيكاسىنىڭ شۋجيى ۇرايىمجان مۇساباي كۇش - قايراتى تاسقىنداپ.

(ءتىلشى لي ياڭ، قاتىناسقان تىلشىلەر لياڭ ليحۋا، سۇي يۇنيان، ميھىرگۇل عوپۇر، جاڭ رۇيلين، ەرىكتى تىلشىلەر چىن يۋانجيە، جاڭ فۋجۇن)