الدىڭعى 2 ايدا شينجياڭنىڭ يمپورت - ەكسپورت جالپى قۇنى سايكەس مەزگىلدەگىدەن ％4. 86 ارتتى

　　ارتۋ قارقىنى بۇكىل ەل بويىنشا 1 - ورىندى يەلەدى

انار بۇلت \ شينجياڭ گازەتىنىڭ ءتىلشىسى چىن چياڭۋي 3 - ايدىڭ 16 - كۇنى ۇرىمجىدەن حابارلايدى. 3 - ايدىڭ 16 - كۇنى ءۇرىمجى كەدەنى اقپار جاريالاۋ ءماجىلىسىن اشىپ، بيىل الدىڭعى 2 ايداعى شينجياڭنىڭ سىرتقى ساۋداسىنىڭ جالپى تۇلعالىق اينالىم جاعدايىن جاريالادى. ءۇرىمجى كەدەنىنىڭ ساناعىنا قاراعاندا، الدىڭعى 2 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 44 ميلليارد 390 ميلليون يۋانعا جەتىپ، سايكەس مەزگىلدەگىدەن ％4. 86 ارتىپ، بۇكىل ەلدىڭ ارتۋ قارقىنىنان 2. 87 پايىز جوعارى بولىپ، ارتۋ قارقىنى بۇكىل ەل بويىنشا 1 - ورىندى يەلەگەن.

الدىڭعى 2 ايدا شينجياڭنىڭ ەكسپورت قۇنى 38 ميلليارد 150 ميلليون يۋانعا جەتىپ، سايكەس مەزگىلدەگىدەن ％6. 91 ارتىپ، بۇكىل ەلدىڭ ارتۋ قارقىنىنان 7. 90 پايىز جوعارى بولعان؛ يمپورت قۇنى 6 ميلليارد 240 ميلليون يۋانعا جەتىپ، سايكەس مەزگىلدەگىدەن ％8. 59 ارتىپ، بۇكىل ەلدىڭ ارتۋ قارقىنىنان 7. 62 پايىز جوعارى بولعان.

الدىڭعى 2 ايدا بۇكىل شينجياڭداعى ％80 ايماقتىڭ، وبلىستىڭ، قالانىڭ سىرتقى ساۋداسى وڭ ارتۋدى جۇزەگە اسىردى، سولتۇستىك شينجياڭ اۋەلگىدەي شينجياڭنىڭ سىرتقى ساۋداسىنىڭ نەگىزگى كۇشى، وڭتۇستىك شينجياڭ ۇزدىكسىز كۇش سالۋدا. ءۇرىمجى قالاسىنىڭ سىرتقى ساۋداسى بۇكىل شينجياڭداعى ايماق، وبلىس، قالالار بويىنشا 1 - ورىندى، قاشقار ايماعى 2 - ورىندى يەلەدى.

ساۋدا سەرىكتەرىنەن الىپ قاراعاندا، قازاقستان قىرعىزستاننان اسىپ، جۇڭگو شينجياڭىنىڭ ءبىرىنشى ۇلكەن ساۋدا سەرىگىنە قايتادان اينالىپ، جۇڭگو شينجياڭىنا باعىتتالعان يمپورت - ەكسپورت قۇنى سايكەس مەزگىلدەگىدەن ％9. 118 ارتىپ، شينجياڭنىڭ يمپورت - ەكسپورت جالپى قۇنىنىڭ ％9. 34ىن يەلەگەن. الدىڭعى 2 ايدا جۇڭگو شينجياڭىنىڭ ورتا ازياداعى 5 ەلگە باعىتتالعان يمپورت - ەكسپورت قۇنى سايكەس مەزگىلدەگىدەن ％5. 96 ارتىپ، شينجياڭنىڭ يمپورت - ەكسپورت جالپى قۇنىنىڭ ％2. 79ىن يەلەگەن؛ جۇڭگو شينجياڭىنىڭ ”ءبىر بەلدەۋ، ءبىر جول“ بويىنداعى ەلدەرگە، وڭىرلەرگە باعىتتالعان يمپورت - ەكسپورت قۇنى سايكەس مەزگىلدەگىدەن ％8. 84 ارتىپ، شينجياڭنىڭ يمپورت - ەكسپورت جالپى قۇنىنىڭ ％6. 91ىن يەلەگەن؛ ەۆروپا وداعىنا باعىتتالعان يمپورت - ەكسپورت قۇنى سايكەس مەزگىلدەگىدەن ％5. 48 ارتقان.

ساۋدا تاسىلىنەن الىپ قاراعاندا، شەكارالىق شاعىن سومالى ساۋدا تاسىلىندەگى يمپورت - ەكسپورت قۇنى سايكەس مەزگىلدەگىدەن ％6. 121 ارتىپ، شينجياڭنىڭ يمپورت - ەكسپورت جالپى قۇنىنىڭ ％9. 60ىن ۇستاعان؛ ادەتتەگى ساۋدا تاسىلىندەگى يمپورت - ەكسپورت قۇنى سايكەس مەزگىلدەگىدەن ％3. 24 ارتقان.

ساۋدا تۇلعاسىنان الىپ قاراعاندا، شينجياڭداعى حالىقتىق كاسىپورىنداردىڭ يمپورت - ەكسپورت قۇنى سايكەس مەزگىلدەگىدەن ％7. 99 ارتىپ، شينجياڭنىڭ يمپورت - ەكسپورت جالپى قۇنىنىڭ ％2. 96ىن يەلەگەن. 2 - ايدىڭ سوڭىنا دەيىن شينجياڭدا ناقتى ەستەلىككە الىنعان سىرتقى ساۋدا كاسىپورىندارى سايكەس مەزگىلدەگىدەن ％3. 7 ارتقان؛ يمپورت - ەكسپورتتا ناقتى تابىسى بار سىرتقى ساۋدا كاسىپورىندارى سايكەس مەزگىلدەگىدەن ％9. 13 ارتقان.

شينجياڭنىڭ ەكسپورت تاۋارلارى، نەگىزىنەن، توقىماشىلىق، كيىم - كەشەك، اياق كيىم سياقتى ەڭبەك شوعىرلانعان ونىمدەر مەن ماشينا - ەلەكتر ونىمدەرىنە شوعىرلانعان، ەكەۋىنىڭ جيىنتىعى ۇقساس مەزگىلدەگى شينجياڭنىڭ سىرتقى ساۋدا ەكسپورت جالپى قۇنىنىڭ ％6. 84ىن يەلەگەن.

”بيىل جىل باسىنان بەرى، شينجياڭ اشىق ەكونوميكا تۇزىلىسىندە جاڭالىق اشىپ، سىرتقى ساۋدانىڭ ورنىقتى بولۋىن جەبەپ، ساپاسىن جوعارىلاتاتىن ءتۇرلى شارالاردى ءونىمدى تياناقتاندىرىپ، شينجياڭنىڭ سىرتقى ساۋداسىنىڭ ارتۋ اۋقىمىنا پارمەندى تىرەك ازىرلەدى“، - دەدى ءۇرىمجى كەدەنى پارتكومىنىڭ مۇشەسى، كەدەننىڭ ورىنباسار باستىعى لي چيڭحۋا.

لي چيڭحۋا مىنالاردى ءبىلدىردى: اۆتونوميالى رايون ساۋدا ىستەرى ۋاكىلدەر ۇيىرمەسىن توڭىرەكتەگى ەلدەرگە ساپارلاۋعا دەر كەزىندە جىبەرىپ، تاپسىرىس قابىلداۋدىڭ، بازاردى كەڭەيتۋدىڭ ونىمدىلىگى كورنەكتى بولدى. الدىڭعى 2 ايدا شينجياڭنىڭ سىرتقى ساۋداسىندا وڭتۇستىك - سولتۇستىك شينجياڭ سايكەستى دامىعان، بازار ورنالاسىمى كوپ نەگىزدەنگەن، كوپ ءتۇرلى ساۋدا ءتاسىلى باسەكەلەسە دامىعان، بازار تۇلعالارىنىڭ ومىرشەڭدىك كۇشى قاۋلاعان، تاۋار قۇرىلىمى ۇزدىكسىز ساپالىلانعان 5 ۇلكەن ەرەكشەلىك جارىققا شىقتى. بيىل كەدەن جىبەك جولى ەكونوميكالىق بەلدەۋى وزەكتى رايونى قۇرىلىسىن ارقاۋ ەتىپ، زات اينالىمىن كۇشەيتۋ، ورتانى ساپالىلاندىرۋ، كاسىپ سالاسىن زورايتۋ، سەلبەستىكتى كەڭەيتۋ سياقتى جاقتاردا ۇزدىكسىز كۇش سالىپ، شينجياڭنىڭ سىرتقى ساۋداسىنىڭ اي سايىن جوعارىلاۋىنان ”جىل بويى تابىستى بولۋدى“ جۇزەگە اسىرۋىنا بەرىك نەگىز قالايدى.