汉文 ىلە اقپارات تورابىنا حوش كەلدىڭىزدەر!
كەدەيلىكتەن ارىلعان وتباسى قىستاقتاعى باعىمشىلىق كاسىپ سالاسىنىڭ باستاماشىسىنا اينالدى
2023-03-20 10:22:09     كورىلىم:رەت كەلۋ قاينارى:تيانشان تورى  جاۋاپتى رەداكتور:جاڭىلقان قوجا قىزى

  كەدەيلىكتەن ارىلعان وتباسى قىستاقتاعى باعىمشىلىق كاسىپ سالاسىنىڭ باستاماشىسىنا اينالدى

 □ انار بۇلت \ شينجياڭ گازەتىنىڭ ءتىلشىسى ءپاريزات ابدۇل

2 - ايدىڭ 19 - كۇنى، ىمىرت ۇيىرىلگەن كەز، حوتان قالاسى يۇرۇڭقاش قالاشىعى قۇتچى قىستاعىنىڭ تۇرعىنى توحتىقۇربان ابلەز قوراسىندا جەم - ءشوپ جەپ جاتقان سيىرلارىنا قاراپ، ىشتەي ەسەپ سوقتى: بيىل 10 سيىر باقتىم، جىل باسىندا 10 قوي ساتىپ، 5000 يۋاننان استام كىرىس كىرگىزدىم، ەندى ءبىراز ۋاقىتتان كەيىن، تاعى ءبىر سيىردى ساتۋىما بولاتىن بولدى.

توحتىقۇربان قۇتچى قىستاعىنداعى كەدەيلىكتەن ارىلعان وتباسى، 2020 - جىلى قىستاق ”ەكى كوميتەتىنىڭ“ جىگەرلەندىرۋىمەن سيىر - قوي باعىپ كىرىستى ارتتىرۋ جولىن اشتى. قورا سالىپ، 2 ەنەلىك سيىر، 10 ءوسىمتال ساۋلىق ساتىپ الدى، توحتىقۇربان بار زەيىنىن باعىمشىلىققا جۇمسادى، ونىڭ ىجداعاتتىلىقپەن باعۋىندا، قوراداعى سيىر - قويلار ءوسىپ، سەمىردى، ول دا قىستاقتاعى باعىمشىلىق كاسىپ سالاسىنىڭ باستاماشىسىنا اينالدى.

باعىمشىلىقتى كەيىن ۇيرەنگەن توحتىقۇرباننىڭ سيىر - قوي باعۋدا ءوز ءتاسىلى بار. ”ىندەتتەن ساقتانۋ، قۇرت ءتۇسىرۋ جانە جەم - ءشوپ دايىنداۋدىڭ بارلىعى وتە ماڭىزدى، اسىرەسە، سيىردىڭ اسقازانىن جاقسى كۇتىمدەۋ، بولەك قوراعا باعۋ كەرەك...“ باعىمشىلىق ادىستەرىن ايتقاندا، توحتىقۇربان كوسىلە سويلەپ كەتەدى.

2021 - جىلدىڭ باسىندا توحتىقۇربان وسكەن 10 قويىن، 2 سيىرىن ساتىپ جىبەردى، سيىر - قويلارىنىڭ بارلىعى جاقسى باعادا ساتىلدى. قازىر ول باعىمشىلىق كولەمىن كەڭەيتىپ، ۇيىندەگى ەنەلىك سيىرى 10عا كوبەيىپ، 5 سيىرى ءىشتى بولدى، ول سيىرلارىنىڭ ەرتەرەك بۇزاۋلاۋىن، كەيىن جاقسى باعادا ساتىلۋىن كۇتىپ وتىر.

بايىعاننان كەيىن توحتىقۇربان باعىمشىلىق تاجىريبەلەرىن اۋىلداستارىنا ۇيرەتۋدى ۇمىتپادى، قۇتچى قىستاعىنىڭ تۇرعىنى سامەت ءماتتۇرسۇن انە سولاردىڭ ءبىرى.

”توحتىقۇرباننىڭ ۇسىنىسىمەن، مەن 3 ەنەلىك سيىر ساتىپ الدىم، تاياۋدا مەن ونى قورامدى وزگەرتىپ كەڭەيتىپ سالۋعا كومەكتەسۋگە شاقىردىم“، - دەدى سامەت، ول جاقسى كۇندەردىڭ ءالى الدا ەكەندىگىنە سەنەدى.

”مەن باعىمشىلىق كولەمىن كەڭەيتىپ، باعىمشىلىق سەلبەستىك كووپەراتيۆىن قۇرىپ، قىستاق تۇرعىندارىن كىرىستى بىرگە ارتتىرۋعا باستاماقشىمىن“، - دەدى توحتىقۇربان.