انار بۇلت \ شينجياڭ گازەتىنىڭ ءتىلشىسى ۋاڭ يايۇن 3 - ايدىڭ 19 - كۇنى ۇرىمجىدەن حابارلايدى. تاياۋدا اۆتونوميالى رايوندىق حالىق ۇكىمەتىنىڭ ماقۇلداۋىمەن، شينجياڭ 2023 - جىلى 1 - توپتاعى 18 كەن بارلاۋ ۇقىعىن كەلىسىم بويىنشا وتكەرمەلەپ بەردى. شينجياڭ كورلا قالاسى تاشدەن كەن رايونى بىرلەسكەن كومىر كەنى سياقتىلاردىڭ كەن اشۋ ۇقىعىنداعى كەن رايونى كولەمىندە تىك پروەكتسيانىڭ جوعارعى نەمەسە تەرەڭ قويناۋىنان كەن بارلاۋ ۇقىعى شينجياڭ ءوندىرىس - قۇرىلىس بيڭتۋانى تاشدەن بىرلەسكەن كەن شەكتى جاۋاپكەرشىلىك سەرىكتەستىگى سياقتى كاسىپورىندارعا وتكەرمەلەندى.

كەزەكتە ەلىمىزدىڭ كەن كاسىبى ۇقىعىن جالپى بەتتىك باسەكەمەن وتكەرمەلەۋدە تەك 3 ءتۇرلى جاعدايدا عانا كەلىسىم ءتاسىلى بويىنشا وتكەرمەلەۋگە بولادى، ولار جەكە - جەكە سيرەك جەر ەلەمەنتتەرىن، راديواكتيۆتىك كەندەردى بارلاۋ، اشۋ نىساندارى، مەملەكەتتىك كەڭەس بەكىتكەن ءتۇيىندى قۇرىلىس نىساندارى، سونداي - اق كەن اشۋ ۇقىعىندا بەلگىلەنگەن تەرەڭ نەمەسە جوعارعى جاقتاعى ۇقساس تۇردەگى كەن ونىمدەرى (جاي قۇرىلىسقا پايدالانىلاتىن شاعىل، توپىراق تۇرىندەگى كەن ونىمدەرى بۇعان كىرمەيدى).

”وسى رەتكى كەلىسىم بويىنشا وتكەرمەلەۋ كەن اشۋ ۇقىعىندا بەلگىلەنگەن تەرەڭ نەمەسە جوعارعى جاقتاعى ۇقساس تۇردەگى كەن ونىمدەرىنە جاتادى“. اۆتونوميالى رايوندىق جاراتىلىستىق بايلىق مەڭگەرمەسى كەن ۇقىعىن باسقارۋ باسقارماسىنىڭ ورىنباسار باستىعى حى يۇيبياۋ تانىستىرىپ بىلاي دەدى: اسىلگى ءوندىرىس جۇيەسىنەن پايدالانىپ، كەن ونىمدەرى بايلىعىن ىشكەرىلەي بارلاۋ، اشۋ قاجەت بولسا، تەرەڭ قويناۋدا كەن بارلاۋ ۇقىعىن كەلىسىم ارقىلى ۇقساس ءبىر تۇلعاعا وتكەرمەلەنسە، قازىر بار كەن كاسىپورنىنىڭ ”شەتىن بارلاپ، جاعدايىن ءبىلۋدى“ جەبەۋىنە پايدالى، تەرەڭ قويناۋدا كەن ىزدەۋ ارقىلى بايلىقتى جالپىلاي پايدالانۋ مەن كەننىڭ قورىن ارتتىرىپ، ءونىمىن جوعارىلاتۋعا بولادى.

ۇعىسۋىمىزشا، وسى رەتكى كەلىسىم بويىنشا وتكەرمەلەنگەن كەن تۇرلەرىنەن كومىر، التىن، مىرىش - قورعاسىن، مارگانەتس، نيكەل، تەمىر، مىس بار، ءۇرىمجى قالاسىن، بايىنعولين موڭعۇل اۆتونوميالى وبلىسىن، اقسۋ ايماعىن، قىزىلسۋ قىرعىز اۆتونوميالى وبلىسىن، قۇمىل قالاسىن، التاي ايماعىن، سانجى حۇيزۋ اۆتونوميالى وبلىسىن، بۇراتالا موڭعۇل اۆتونوميالى وبلىسىن جانە ىلە قازاق اۆتونوميالى وبلىسىن شارپيدى.

مۇنىڭ ىشىندە كومىر كەنى بەسەۋ، جەكە - جەكە كورلا قالاسى تاشدەن كەن اۋماعى بىرلەسكەن كومىر كەنى شاحتاسىنىڭ تەرەڭ قويناۋى، كورلا قالاسى تاشدەن كەن اۋماعى 2 - كەن شاحتاسى كومىر كەنىنىڭ تەرەڭ قويناۋى، ونسۋ اۋدانى بوزءدوڭ كەن اۋماعى بوزءدوڭ كومىر كەنى شىعىس شاحتاسىنىڭ تەرەڭ قويناۋى، شونجى اۋدانى جياڭجۇن گىبي 2 - ءنومىرلى اشىق كەنىنىڭ تەرەڭ قويناۋى جانە ۇلكەن شاحتالى كەن اۋماعى وڭتۇستىك اشىق كەنىنىڭ (1 - مەرزىمدىك) تەرەڭ قويناۋى.

مىس كەنى تورتەۋ، جەكە - جەكە جىڭ اۋدانى شىعىس دۇستاي تەمىر، مىس كوپ مەتالدى كەنىنىڭ تەرەڭ قويناۋى، اقتاۋ اۋدانى ارباليكى مىس كەنىنىڭ تەرەڭ قويناۋى، ءۇرىمجى قالاسى دابانچىڭ تۇڭگوۋ مىس كەنىنىڭ تەرەڭ قويناۋى جانە نىلقى اۋدانى چۇنجىساي مىس كەنىنىڭ تەرەڭ قويناۋى.

تەمىر كەنى تورتەۋ، جەكە - جەكە قۇمىل قالاسى يامانسۋ تەمىر كەنىنىڭ تەرەڭ قويناۋى، حىجيڭ اۋدانى نوىرحۋ تەمىر كەنىنىڭ تەرەڭ قويناۋى، اقتاۋ اۋدانى زىلوي سولتۇستىك تەمىر، مىس كەن اۋماعىنىڭⅢ، Ⅳ ءنومىرلى تەمىر كەنى تۇلعاسىنىڭ تەرەڭ قويناۋى جانە اتۇش قالاسى پۋچاڭ تيتان، ماگنيت، تەمىر كەنىنىڭ تەرەڭ قويناۋى.

التىن كەنى ەكەۋ، جەكە - جەكە ۇلىقشات اۋدانى ساۋاياردۇن التىن كەنىنىڭ تەرەڭ قويناۋى جانە قابا اۋدانى سارشوقى التىن، مىس كەنىنىڭ تەرەڭ قويناۋى.

قورعاسىن، مىرىش كەنى، مارگانەتس كەنى جانە نيكەل كەندەرىنىڭ اربىرەۋىنەن بىردەن بار، جەكە - جەكە ۇلىقشات اۋدانى ۋلاگىن قورعاسىن، مىرىش كەنى سولتۇستىك كەن بەلدەۋىنىڭ شىعىس بولىگىندەگى قورعاسىن، مىرىش كەنىنىڭ تەرەڭ قويناۋى، اقتاۋ اۋدانى ورتوقاناش مارگانەتس كەنىنىڭ تەرەڭ قويناۋى جانە قۇمىل قالاسى حۋاڭشان شىعىس مىس، نيكەل كەنىنىڭ 17 - ءنومىرلى (16 −44 جۇيە) تەرەڭ قويناۋى.