اۆتونوميالى رايوننىڭ ”الەۋمەتتىك جۇمىستاندىرۋ قىزمەت وتەۋىن مەكتەپتەرگە ەنگىزۋ“ قيمىلى باستالدى

　　التى ءتۇرلى شارا ارقىلى جوعارى مەكتەپتەردەن وقۋ تاۋىسقان وقۋشىلارعا قىزمەت وتەدى

انار بۇلت \ شينجياڭ گازەتىنىڭ ءتىلشىسى جاۋ چۇنحۋا 3 - ايدىڭ 28 - كۇنى ۇرىمجىدەن حابارلايدى. جۇمىستاندىرۋدى الدىمەن ويلاسۋ ساياساتىن اناعۇرلىم ناقتى، ەگجەي - تەگجەيلى تياناقتاندىرىپ، جاستاردى، اسىرەسە، جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋدى جەبەۋ قىزمەتىن اناعۇرلىم كورنەكتى ورىنعا قويۋ ءۇشىن، 3 - ايدىڭ 26 - كۇنى اۆتونوميالى رايوننىڭ ”الەۋمەتتىك جۇمىستاندىرۋ قىزمەت وتەۋىن مەكتەپتەرگە ەنگىزۋ“ قيمىلى شينجياڭ قازىنا - ەكونوميكا داشۋەسىندە باستالدى، قيمىل ايماقتاردا (وبلىس، قالا) تەڭ قادامدا ورىستەتىلدى.

وسى رەتكى قيمىلدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، وقۋ - اعارتۋ مەڭگەرمەسى ۇيىمداستىرىپ وتكىزگەن. 3 - ايدان 6 - ايعا دەيىنگى ارالىقتا، قىزمەتكەر قابىلداۋ قىزمەت وتەۋىن مەكتەپكە ەنگىزۋ، ساياسات ۇگىتىن مەكتەپكە ەنگىزۋ، جۇمىستاندىرۋ جاعىنان جەتەكشىلىك ەتۋدى مەكتەپكە ەنگىزۋ، شارۋاشىلىق قۇرۋ قىزمەت وتەۋىن مەكتەپكە ەنگىزۋ، كاسىپتىك باۋلۋدى مەكتەپكە ەنگىزۋ، قيىنشىلىعى بارلارعا كومەكتەسۋ - سۇيەمەلدەۋدى مەكتەپكە ەنگىزۋ سىندى التى ءتۇرلى شارا ارقىلى الەۋمەتتىك جۇمىستاندىرۋعا قىزمەت وتەۋدىڭ مەكتەپكە قاراي كەڭەيۋىن ىلگەرىلەتىپ، جوعارى ساپالى جۇمىستاندىرۋ قىزمەت وتەۋىمەن قامداپ، جوعارى مەكتەپتەردەن وقۋ تاۋىسقان وقۋشىلارعا كوپ ساتىلى، جان - جاقتى، دالمە - ءدال قىزمەت وتەۋ قاجەتىن قاناعاتتاندىرادى.

سول كۇنى كاسىپ ارقىلى بولاشاققا جول نۇسقاۋ − 2023 - جىلعى بۇكىل ەلدەگى ءىرى، ورتا قالالاردى ارالاپ قىزمەتكەر قابىلداۋدىڭ ”شينجياڭ بەكەتى“ قىزمەتكەر قابىلداۋ جينالىسى دا شينجياڭ قازىنا - ەكونوميكا داشۋەسىنە كىردى. 91 كاسىپورىن 2800 جۇمىستاندىرۋ قىزمەت ورنىن ازىرلەدى، ولار ەكونوميكا، نازاريالىق فيزيكا، ينجەنەريا عىلىمى سياقتى ماماندىقتاردى قامتىپ، بۇعان بيىل مەكتەپ تاۋىساتىن 3000نان استام وقۋشى قاتىناستى.

”جۇمىستاندىرۋ قىزمەت وتەۋىن مەكتەپكە ەنگىزۋ بىزگە قىزمەت ورنىن جەتكىزىپ قالماستان، تاعى جۇمىستانۋعا جەتەكشىلىك جۇرگىزىپ، ءبىزدىڭ جۇمىستاندىرۋ ساياساتىن تولىق تۇسىنۋىمىزگە مۇمكىندىك جاسادى. بۇگىن مەن دە قىسقاشا تانىستىرۋىمدى بەردىم“، - دەدى شينجياڭ قازىنا - ەكونوميكا داشۋەسى ساناق جانە ساندى مالىمەت عىلىمى شۋەيۋانى ەكونوميكا - ساناق عىلىمى كاسىبىنەن بيىل وقۋ تاۋىساتىن نازيا ءالي.

اۆتونوميالى رايوننىڭ الەۋمەتتىك جۇمىستاندىرۋعا قىزمەت وتەۋ ورتالىعىنىڭ قاتىستى جاۋاپتىسى بىلاي دەپ تانىستىردى: تۇتاس رايونداعى ءار دارەجەلى الەۋمەتتىك جۇمىستاندىرۋعا قىزمەت وتەۋ قۇرىلىمدارى وقۋ تاۋىساتىن وقۋشىلاردىڭ مەكتەپتەن اتتانۋ الدىنداعى شەشۋشى تەرەزەلىك مەزگىلدى مىقتى يگەرىپ، جەرگىلىكتى ورىنداعى وقۋ تاۋىساتىن وقۋشىلاردىڭ جۇمىستانۋ، شارۋاشىلىق قۇرۋ ساياساتى ءتىزىمىن جيناقتاپ، ساياساتتىق حابارلاندىرۋ، ۇگىت قولدانباسىن تاراتۋ، جۇمىس باسىندا ۇگىت لەكسيا جاساۋ سياقتى فورمالار ارقىلى، وقۋ تاۋىساتىن وقۋشىلارعا قاراتا ستەرەولدى، جاپپاي قامتىعان ۇگىت جۇرگىزەدى. جوعارى مەكتەپتەردەن وقۋ تاۋىسقان وقۋشىلارعا ۇيلەسەتىن جۇمىستاندىرۋ قىزمەت ورنىن قاراستىرىپ، كاسىپتەنگەن، ماماندانعان، شاعىن تيپتەنگەن مەكتەپتەن قىزمەتكەر قابىلداۋ قيمىلىن لايىقتى كەزدە ۇيىمداستىرادى. جەرگىلىكتى ورىنداعى جوعارى مەكتەپتەردىڭ ۇزدىك كاسىپتىك جەتەكشى وقىتۋشىلارى، كاسىپورىنداردىڭ ادام كۇشى بايلىعى ۇستالارىن، كاسىپورىنداردىڭ جوبالاۋشىلارى سياقتى كاسىپتىك كۇشتەردى ۇيىمداستىرىپ، وقۋ تاۋىساتىن وقۋشىلارعا كاسىپتىك جەتەكشىلىك جۇرگىزەدى. تاڭداۋلى شارۋاشىلىق قۇرۋ ساباقتارىن، شارۋاشىلىق قۇرۋشىلاردى، شارۋاشىلىق قۇرۋ تيپتىك ۇلگىلەرىن سارالاپ، مەكتەپكە ەنگىزىپ، جەرگىلىكتى ورىنداعى جوعارى مەكتەپتەردىڭ شارۋاشىلىق قۇرۋ تاربيەسىن ورىستەتۋىن قولدايدى. جاڭا كاسىپ كۇيىنە، جاڭا ۇلگىگە قاتىستى كاسىپتىك شەبەرلىك باۋلۋىن كۇشەيتىپ، مەكتەپ بىتىرەتىن جىلداعى جوعارى مەكتەپتەردەن وقۋ تاۋىساتىن وقۋشىلاردىڭ يگىلىكتەنەتىن باۋلۋ تولىقتاما قاراجات ساياساتىن ويداعىداي تياناقتاندىرادى. قيىنشىلىعى بار وقۋ تاۋىساتىن وقۋشىلاردى جۇمىستاندىرۋ بويىنشا كومەكتەسۋ - سۇيەمەلدەۋ مەحانيزمىن ورناتىپ، ”ءبىر ادام، ءبىر ساياسات“ كومەكتەسۋ - سۇيەمەلدەۋ جوسپارى سياقتىلاردى جاساپ، جوعارى مەكتەپتەردەن وقۋ تاۋىسقان وقۋشىلاردىڭ اناعۇرلىم جوعارى ساپالى، اناعۇرلىم جان - جاقتى جۇمىستانۋىن جەبەيدى.