شاعىن ماسەلەلەردى شەشىپ، تاماشا وبراز ورناتايىق

　　□ ۋاڭ حۇڭۋي

تاياۋدا ۇرىمجىدەگى ينتەرنەت قولدانۋشىلار ”انار بۇلت 12345 كەڭەس سۇراۋ“ لەبىز تاقتاسىنا دارەتكە وتىرۋدىڭ قيىنعا سوعۋى، قار - مۇز ەرىگەننەن كەيىن جەر - جەردە قوقىر - قوقسىقتىڭ شاشىلىپ جاتۋى، تاس جولدى قازعاننان كەيىن ونى بىتەپ تولتىرماۋ، جۇرگىنشىلەر جولىن جوندەۋدىڭ سيىر قۇيمىشاقتانۋى سياقتى ماسەلەلەردى اڭىس ەتتى. ينتەرنەت قولدانۋشىلاردىڭ اڭىسىنا مەڭزەس، ءۇرىمجى قالاسىنداعى قاتىستى تاراۋلار، ورىندار بەلسەنە ارەكەتكە كەلىپ، ينتەرنەت قولدانۋشىلاردىڭ اڭىس ەتكەن وسى ماسەلەلەرىن شەشتى.

كەزەكتە رايونىمىزداعى ءارقايسى وڭىرلەردىڭ ءتۇيىندى نىساندارى ىركەس - تىركەس جۇمىس باستاپ، كەڭ كولەمدى قۇرىلىس جۇرگىزۋ ورلەۋى كوتەرىلدى. جول جوندەۋ، كوپىر سالۋ، عيمارات، زاۆود سالۋ سياقتى ءىرى ينجەنەريالارمەن سالىستىرعاندا، الەۋمەتتىك دارەتحانا، لاس سۋ، تار كوشە جولى سياقتى ماسەلەلەردى شەشۋ شىنىمەن شاعىن ينجەنەريا سانالادى. ايتسەدە وسى شاعىن ينجەنەريالار ءار ۇلت بۇقاراسىنىڭ رەال تۇرمىسىنا اناعۇرلىم جاناسىمدى، ولار ءار كۇنى بەتپە - بەت كەلەدى، ويداعىداي شەشىلمەسە كۇندەلىكتى تۇرمىسقا ىقپال كورسەتەدى، ويداعىداي شەشىلسە بۇقارانىڭ كوڭىلى جاي تابادى.

بۇقارانىڭ تۇرمىستا جولىعاتىن ماسەلەلەرى الەۋمەتتىك دارەتحانا، لاس سۋ، قوقىر - قوقسىق عانا ەمەس، ادامدى كەيىتەتىن سان الۋان ماسەلەلەر دە بار. بۇقارانىڭ ورتاعا قويعان تىلەك - تالاپتارى الدىندا، قاتىستى تاراۋلار، ورىندار دەر كەزىندە العا شىعىپ، جۇرەكتىلىكپەن جاۋاپكەرشىلىك ارقالاپ، مىندەت وتەپ، جاۋاپكەرشىلىكتى ادا ەتىپ، زەيىن - زەردەسىن، ىنتا - ىقىلاسىن، كۇش - قۋاتىن ارناي وتىرىپ بۇقارانى ۋايىمنان ارىلتىپ، قيىنشىلىقتارىن شەشۋگە ءتيىستى. ءاربىر شاعىن ماسەلەنىڭ شەشىلۋى قالىڭ قاۋىمنىڭ كوڭىلىنە مەيىر سيلاپ، ءبىر توپ ادامنىڭ كوڭىل كۇيىن ساباسىنا تۇسىرەدى، سونىمەن بىرگە بۇقارانىڭ سەنىمىنە قول جەتكىزىپ، تالاي - تالاي القاۋعا دا يە بولادى.

بۇقارا ءدوپ كەلگەن ءبىر قىدىرۋ شاعىن ماسەلەلەردى ويداعىداي شەشۋ حالىقتى وزەك ەتكەن دامۋ يدەياسىن امالياتتا ايگىلەگەندىك. ءاربىر قادامدى باسپاي جاتىپ، 1000 شاقىرىم جولدى قالاي باسۋعا بولسىن؛ تاما - تاما كوپ بولماي جاتىپ، شالقار داريا قايدان قالىپتاسسىن. ءار دارەجەلى ۇكىمەت تاراۋلارى، ورىندار بۇقارانىڭ ءتول مۇددەسىنە ساياتىن ءاربىر شاعىن ءىستى زەيىن - زەردەنى، كۇش - قۋاتتى ارناي وتىرىپ ويداعىداي ىستەپ، ءاربىر شاعىن ينجەنەريانى ويداعىداي تىندىرسا، توپتالا كەلە جاقسى ناتيجە شىعىپ، بۇقارا اراسىندا تاماشا القاۋ الىپ، بۇقارانىڭ تىنىش ءومىر، شات - شادىمان تىرشىلىك كەشىرۋىنە جايلى ورتا جاراتا الاتىن بولادى.