شينجياڭ حابار - بايلانىس باسقارۋ مەكەمەسى:

　　جاڭا نەگىزدىك قۇرىلىستى كوزدەپ، سيفرلى شينجياڭ قۇرىلىسىن ىلگەرىلەتەمىز

انار بۇلت \ شينجياڭ گازەتىنىڭ ءتىلشىسى فان چيۇڭيان 3 - ايدىڭ 26 - كۇنى ۇرىمجىدەن حابارلايدى. تاياۋ كۇننەن بەرى شينجياڭ حابار - بايلانىس باسقارۋ مەكەمەسىندەگى بارلىق پارتيالى كادرلار كوپ ءتۇرلى فورمالار ارقىلى مەملەكەتتىك ەكى ءماجىلىستىڭ، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن جەتكىزدى، ۇيرەندى، دايەكتىلەندىردى. كوپشىلىك ءبىر اۋىزدان بىلاي دەپ قارادى: يدەيا مەن ارەكەتتى پارتيا ورتالىق كوميتەتىنىڭ ءتۇرلى شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، شينجياڭنىڭ ينفورماتسيا، حابار - بايلانىس كاسىبىنىڭ جوعارى ساپالى دامۋىن كۇش سالا ىلگەرىلەتىپ، سيفرلى شينجياڭ قۇرۋعا اقىل - پاراسات جانە كۇش - قۋات ارنايمىز، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋى ءۇشىن قۇلشىنا كۇرەس جۇرگىزەمىز.

”ۇكىمەت قىزمەتىنەن باياندامادا كوپ جەردە ينفورماتسيا، حابار - بايلانىس كاسىبى اۋىزعا الىندى، مىسالى: سيفرلى ەكونوميكانى، ’ينتەرنەت +‘ دى زور كۇشپەن دامىتۋ سياقتىلار ادام جۇرەگىن جەلپىندىردى“. شينجياڭ حابار - بايلانىس باسقارۋ مەكەمەسى ينفورماتسيا، حابار - بايلانىس باسقارۋ باسقارماسىنىڭ باستىعى حۋاڭ ۋىنيان مىنالاردى ءبىلدىردى: مەملەكەتتىك ەكى ءماجىلىستىڭ رۋحىن جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتۋدىڭ ءىس جۇزىندىك ارەكەتىنە اينالدىرىپ، وزىندىك قۇرىلىستى تىنباي كۇشەيتىپ، مىندەت وتەۋ قابىلەتىن شىنايى جوعارىلاتىپ، ونەركاسىپ ينتەرنەتىن ىشكەرىلەي ويداعىداي ىستەپ، كاسىپ سالاسىنا قىزمەت وتەۋ سياقتى ءتۇيىندى قىزمەت دەڭگەيىن جوعارىلاتۋىمىز كەرەك.2022 - جىلى شينجياڭ ينفورماتسيا، حابار - بايلانىس كاسىبى جاڭا تيپتى سيفرلى نەگىزدىك قۇرىلعى قۇرىلىسى ورايىن مىقتاپ يگەرىپ، ەكونوميكالىق، قوعامدىق دامۋعا قىزمەت وتەۋدەگى نەگىزدىك تىرەكتىلىك قابىلەتىن ءونىمدى جوعارىلاتتى.

جاڭاشا سيفرلى نەگىزدىك قۇرىلىس ۇزدىكسىز كۇشەيتىلىپ، جوعارى ساپالى دامۋعا پارمەندى تىرەك ازىرلەندى. 5G بازالىق ستانسياسىنان جالپى 34 مىڭى قۇرىلىپ، ءۇرىمجى قالاسىنىڭ نەگىزگى قالا اۋماعىن 5G ينتەرنەت جەلىسىمەن تۇتاستاي جاپپاي قامتۋ جۇزەگە اسىرىلىپ، ايماقتاردىڭ، وبلىستاردىڭ ورتالىق قالالارىن 5G ينتەرنەت جەلىسىمەن قامتىدى. ”بارلىق قىستاققا كەڭ جولاقتى تور جەتكىزۋ“ نەگىزىندە، ” بارلىق اۋداندارعا 5G جەتكىزۋ“، ”بارلىق قالاعا گيگابايتتى وپتيكالىق جەلى تۇتاستىرۋ“ جۇزەگە اسىرىلدى. ءۇرىمجى قالاسى، قارامايلى قالاسى مەملەكەتتىك ”گيگابايتتى قالالار“ قاتارىنا قوسىلدى. 5Gدى ءتۇرلى كاسىپ سالاسىندا توعىستىرا قولدانۋدى جانە سىناق تۇيىندەرىندە ۇلگى كورسەتۋدى زور كۇشپەن ىلگەرىلەتىپ، ونەركاسىپ ينتەرنەتىنىڭ جاڭالىق اشا دامۋ اياق الىسىن جەدەلدەتىپ، شينجياڭداعى تۇڭعىش ونەركاسىپ ينتەرنەتى بويىنشا 2 - دارەجەلى تالداۋ جاساۋ ءتۇيىنىن قۇردى.

”ءبىز مەملەكەتتىك ەكى ءماجىلىستىڭ رۋحىن قىزمەتتى ويداعىداي ىستەۋدىڭ ارەكەت باعدارناماسى ەتۋىمىز كەرەك“. شينجياڭ حابار - بايلانىس باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى يە چىڭ مىنالاردى ءبىلدىردى: جاڭا دامۋ جاعدايىندا، شينجياڭ ينفورماتسيا، حابار - بايلانىس كاسىبى نازاردى جاساۋدا قۋاتتى ەل، ينتەرنەتتە قۋاتتى ەل، سيفرلى جۇڭگو قۇرىلىسى نىساناسىنا شوعىرلاندىرىپ، شينجياڭ قىزمەتىنىڭ ءىس جۇزىندىگىمەن ۇشتاستىرىپ، ينتەرنەتتە قۋاتتى رايون، سيفرلى شينجياڭ قۇرىلىسىن جاپپاي ىلگەرىلەتەدى. 5Gنى، گيگابايتتى وپتيكالىق جەلى قۇرىلىسىن جانە توعىسپالى قولدانۋدى كۇشەيتىپ، ونەركاسىپ ينتەرنەتىندە جاڭالىق اشا دامۋ ينجەنەرياسىن اتقارىپ، جوعارى قارقىندى، كەڭ كولەمدى، شوعىرلى ۇلاسقان، زەردەلى، جاسىل، حاۋىپسىز، سەنىمدى جاڭاشا سيفرلى نەگىزدىك قۇرىلعىلاردى جەدەل قۇرىپ، سيفرلى ەكونوميكانىڭ جەدەل دامۋىن ىلگەرىلەتۋ كەرەك. تەلەگرافتىڭ جالپىلىق قىزمەت وتەۋ سىناق ءتۇيىنىن ۇزدىكسىز ىلگەرىلەتىپ، اۋىل - قىستاقتاردىڭ جانە شالعاي رايونداردىڭ حابار - بايلانىس نەگىزدىك قۇرىلعىلار قۇرىلىسىن جوعارى ساپالى ىلگەرىلەتىپ، اۋىل - قىستاقتى گۇلدەندىرۋگە دەم بەرەدى. كەشەندى باسقارۋعا تاباندى بولىپ، ۇكىمەتتىڭ باقىلاپ - باسقارۋى، قوعامدىق باقىلاۋ، كاسىپ سالاسىنىڭ وزىندىك تەجەمى، بۇقارانىڭ ات سالىسۋى رولىن تولىق ساۋلەلەندىرىپ، حالىق تۇرمىسىنا قىزمەت وتەۋ دەڭگەيىن ۇزدىكسىز جوعارىلاتىپ، اقاۋسىز، ءتارتىپتى كاسىپ سالاسى ەكولوگياسىن قالىپتاستىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتەدى.