ونەركاسىپتىڭ ورنىقتى ارتۋىندا جاقسى باستاما جارىققا شىقتى

　　− الدىڭعى 2 ايداعى شينجياڭنىڭ ونەركاسىپ ەكونوميكاسىنداعى جارقىن تۇيىندەرگە نازار

　　انار بۇلت \ شينجياڭ گازەتىنىڭ ءتىلشىسى ما ينيڭ

ونەركاسىپتىڭ ارتۋ جاعدايى − ەكونوميكانىڭ قالپىنا كەلۋىنىڭ ”بارومەترى“. بيىل جىل باسىنان بەرى اۆتونوميالى رايوننىڭ ەكونوميكانى ورنىقتىرۋدى ىلگەرىلەتۋدەگى ءبىر قىدىرۋ ساياساتتارى مەن ۇلاسپالى ساياساتتارى ۇزدىكسىز كۇش ۇستەپ، ونىمدىلىك كورسەتىپ، ونەركاسىپ ەكونوميكاسىنىڭ تەبىندى ارتۋىندا جاقسى باستاما جارىققا شىقتى.

1 -، 2 - ايدا بۇكىل رايونداعى كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％8. 8 ارتتى، ارتۋ جىلدامدىعى سايكەس مەزگىلدەگىدەن 5. 1 پايىز جوعارىلاپ، بۇكىل ەلدىكىنەن 4. 6 پايىز جوعارى بولىپ، بۇكىل ەل بويىنشا 4 - ورىندى يەلەدى، كاسىپورىنداردىڭ سەنىمى كورنەكتى ارتىپ، بازاردىڭ ومىرشەڭدىك كۇشى ۇزدىكسىز كۇشەيدى. ”جالپى تۇلعالىق جاقتان قاراعاندا، شينجياڭنىڭ 1 -، 2 - ايداعى ونەركاسىپ ەكونوميكاسىنىڭ ارتۋى كوزەۋلى مەجەگە جەتىپ، ءبىرىنشى ماۋسىمدا ’تاماشا باستاما‘ اشۋدى جۇزەگە اسىرۋعا بەرىك نەگىز قالادى“، - دەدى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى اينالىمدى باقىلاۋ - تەكسەرۋ، سايكەستىرۋ مەكەمەسىنىڭ باستىعى گو رۇيبين.

　　6 ايماق، وبلىس، قالا ەكى ورىندى سانمەن ارتۋدى جۇزەگە اسىردى

بىرنەشە كۇننەن بەرى، قۇمىل جوعارى، جاڭا تەحنيكا كاسىپتەرىن اشۋ رايونىنا ورنالاسقان، قۇمىل قالاسىنىڭ ساۋداگەر شاقىرىپ قارجى ەنگىزۋدەگى ءتۇيىندى نىسان − گورۇن ەنەرگيا توبى شينجياڭ ۋيلاي شۋاڭتان ەنەرگيا شەكتى سەرىكتەستىگى قارجى قوسىپ سالعان 3 گيگاۆاتتىق جوعارى ءونىمدى N تيپتى TOPCon باتارەيانى جاسىل جاساۋ نىسانى جاپپاي قۇرىلىس باستادى. بۇل نىسان شينجياڭداعى تۇڭعىش توبىمەن وندىرىلەتىن جوعارى ءونىمدى N تيپتى TOPCon كريستال كرەمني باتارەياسى نىسانى بولىپ، شينجياڭنىڭ فوتوۆولت كاسىبى سالاسىنداعى اق تاڭداقتى تولتىردى.

بيىل جىل باسىنان بەرى، قۇمىل قالاسى بايلىق ارتىقشىلىعى مەن وڭىرلىك ورىن ابزالدىلىعىن تياناق ەتىپ، ءتۇيىندى كاسىپ سالالارىنىڭ ۇزدىكسىز زورايۋىن، باسىمدىققا يە كاسىپ سالالارىنىڭ كولەمىن ارتتىرۋدى، جاڭادان گۇلدەنگەن كاسىپ سالالارىن جەدەل جەتىلدىرۋدى ىلگەرىلەتىپ، قۇمىل ەرەكشەلىگىنە يە وسىزاماندانعان كاسىپ سالاسى جۇيەسىن جەدەل ورناتىپ، ونەركاسىپ ەكونوميكاسىنىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن جاڭالاپ، دارەجەسىن ءوسىرۋدى ىلگەرىلەتتى.

كومىر كاسىبىنىڭ جوعارى ارتۋىنىڭ جەبەۋىندە، الدىڭعى 2 ايدا قۇمىل قالاسىنداعى كولەمىنەن جوعارى ونەركاسىپتىڭ ارتقان قۇنى ％3. 48تىك جوعارى جىلدامدىقپەن ارتىپ، بۇكىل شينجياڭ بويىنشا 1 - ورىندى يەلەدى.

كرەمني نەگىزدى جاڭا ماتەريالدار تۇرپان قالاسى تۇراقتاندىرعان ”ءتورت ءىرى ونەركاسىپ جەتەكشى كاسىپ سالاسىنىڭ“ ءبىرى، حىشىڭ كرەمني كاسىبى (ءپىشان) شەكتى سەرىكتەستىگى بيىل جاڭادان 20 ميلليارد يۋان قارجى قوسىپ، جىلىنا 200 مىڭ توننا كوپ كريستالدى كرەمني، 3 - مەرزىمدە جىلىنا 400 مىڭ توننا ورگانيكالىق كرەمني، 3 مەرزىمدە جىلىنا 400 مىڭ توننا ونەركاسىپتىك كرەمني ءوندىرۋ سياقتى نىسانداردى سالۋدى جوسپارلادى.

كومىر، كومىر ەلەكتر، كومىر حيميا ونەركاسىبى، كرەمني نەگىزدى جاڭا ماتەريال، جاسىل جاڭا ەنەرگيا، مۇناي - تابيعي گاز حيميا ونەركاسىبى سىندى 4 ءىرى جەتەكشى كاسىپ سالاسى توڭىرەگىندە تۇرپان باسىمدىققا يە كاسىپ سالاسىن يگەرىپ شوعىر قۇردى، ءونىمدى قارجى قوسۋدى يگەرىپ ارتۋدى ورنىقتىردى، باقشا رايونى قۇرىلىسىن يگەرىپ ومىرشەڭدىك كۇشتى ارتتىردى، الدىڭعى 2 ايدا كولەمنەن جوعارى ونەركاسىپتىڭ ارتقان قۇنى ％6. 34 ارتىپ، بۇكىل شينجياڭ بويىنشا 2 - ورىندى يەلەدى.

1 -، 2 - ايدا 6 ايماق (وبلىس، قالا) ونەركاسىپ ەكونوميكاسىندا 2 ورىندى سانمەن ارتۋدى جۇزەگە اسىرىپ، قۇمىل قالاسى مەن تۇرپان قالاسىنان سىرت، بۇراتالا موڭعۇل اۆتونوميالى وبلىسى ％4. 34، حوتان ايماعى ％4. 25، سانجى حۇيزۋ اۆتونوميالى وبلىسى ％2. 11، ىلە قازاق اۆتونوميالى وبلىسىنا توتە قاراستى ورىندار ％7. 10 ارتقان.

　　ونەركاسىپكە قوسىلعان قارجى جوعارى قارقىنمەن ارتتى

كەزەكتە چارقىلىق اۋدانى جاڭا ماتەريالدار كاسىپ سالاسى باقشا رايونىنا ورنالاسقان شينجياڭ جىسۇن جاڭا ەنەرگيا ماتەريالدار شەكتى سەرىكتەستىگىنىڭ جىلىنا 120 مىڭ توننا كومىر قىشقىل ليتي (1 - مەرزىمدىك 60 مىڭ توننا) ءوندىرۋ نىسانىنىڭ 1 - مەرزىمدىك جۇمىسىندا نەگىزگى زاۆود ۇيلەرىنىڭ بارلىعىنىڭ توبەسى جابىلىپ، جابدىق تۇعىرىن مانەرلەۋ، سىرتقى قابىرعا تاقتايلارىن جابۋ جانە تەحنولوگيالىق قۇبىرلاردى ورناتۋ ينجەنەرياسى جۇرگىزىلۋدە، جوسپار بويىنشا 5 - ايدىڭ 1 - كۇنىنەن باستاپ كەڭ كولەمدى ءوندىرىس جۇرگىزىلەدى.

جىسۇن ليتي كاسىبى توبى شەكتى سەرىكتەستىگىنىڭ باس ديرەكتورى، شينجياڭ بازاسىنىڭ باسالقاسى جۋ لەي بىلاي دەپ تانىستىردى: بۇل شينجياڭداعى تۇڭعىش كولەمدى كومىر قىشقىلدى ليتي نىسانى، 1 - مەرزىمدە سالىنىپ وندىرىسكە قوسىلعاننان كەيىن، جىلدىق ءونىم قۇنى 30 ميلليارد يۋانعا جەتىپ، 1500 ادامنىڭ جۇمىستانۋىن جەبەپ، چارقىلىقتىڭ بايلىق باسىمدىعىن سول جەردىڭ وزىندە ەكونوميكالىق باسىمدىققا جانە كاسىپ سالاسى باسىمدىعىنا اينالدىرادى، بايىنعولين موڭعۇل اۆتونوميالى وبلىسىنىڭ جاڭا ەنەرگيالى باتارەيا كاسىبى مەن چارقىلىق اۋدان ءوڭىرى ەكونوميكاسىنىڭ جوعارى ساپالى دامۋىنا دەم بەرەدى.

2 - ايدىڭ 10 - كۇنى تۇرپان قالاسى 2023 - جىلعى ءبىرىنشى ماۋسىمدا ءىرى نىسانداردا شوعىرلى تۇردە جۇمىستى قالپىنا كەلتىرۋ، جۇمىس باستاۋ سالتىن وتكىزدى. حوتان ايماعى، اقسۋ ايماعى، قاشقار ايماعى، قۇمىل قالاسى، ىلە قازاق اۆتونوميالى وبلىسى سياقتى جەرلەردەگى كەلەلى نىساندار دا ىركەس - تىركەس جۇمىس باستاپ، جۇمىستى قالپىنا كەلتىردى، بۇكىل رايوندا جاڭا كەزەكتى كەلەلى نىسانداردىڭ قۇرىلىس باستاۋ ورلەۋى جەدەل كوتەرىلدى.

الدىڭعى 2 ايدا اۆتونوميالى رايونداعى 50 كەلەلى ونەركاسىپ نىسانىنىڭ ۇشتەن ەكىسى جۇمىس باستادى (جۇمىستى قالپىنا كەلتىردى). 50 ءىرى ونەركاسىپ نىسانىنا جالپى 300 ميليارد 700 ميلليون يۋان قارجى قوسىلعان، 2023 - جىلى 48 ميلليارد 900 ميلليون يۋان قارجى قوسۋدى جوسپارلاۋدا، مۇنىڭ ىشىندە شينجياڭ ورتا بولىكتەگى حىشىڭ كرەمني كاسىبى شەكتى سەرىكتەستىگى گانچۋانپۋ 200 مىڭ توننا كوپ كريستالدى كرەمني، جىسۇن جاڭا ەنەرگيا شەكتى سەرىكتەستىگى چارقىلىق 120 مىڭ توننا باتارەيا دارەجەلى كومىر قىشقىل ليتي (ءبىرىنشى مەرزىمدە 60 مىڭ توننا)، شينجياڭ جۇڭتاي جينحۇي عىلىم - تەحنيكا شەكتى سەرىكتەستىگى 300 مىڭ توننا 1 ، 4 - بۋتاديول (BDO) سياقتى 33 نىسان جۇمىس باستاپ (جۇمىستى قالپىنا كەلتىردى)، جۇمىس باستاۋ (جۇمىستى قالپىنا كەلتىرۋ) سالىستىرماسى ％66 بولدى؛ جالپى 2 ميلليارد 400 ميلليون يۋان قارجى قوسىلىپ، جىلدىق جوسپارداعى قارجىنىڭ ％5ى ورىندالدى.

1 -، 2 - ايدا بۇكىل رايوندا ونەركاسىپكە قوسىلعان قارجى ％3. 22 ارتىپ، ارتۋ جىلدامدىعى بۇكىل ەلدەگى ونەركاسىپكە قوسىلعان قارجىنىڭ ورتاشا ارتۋ جىلدامدىعىنان 3. 12 پايىز جوعارى، بۇكىل رايوندا تۇراقتى مۇلىككە قوسىلعان قارجىنىڭ ارتۋ جىلدامدىعىنان 6. 11 پايىز جوعارى بولعان. ”ونەركاسىپكە قارجى قوسۋ − بۇكىل رايوننىڭ تۇراقتى مۇلىككە قارجى قوسۋىنىڭ ارتۋىن جەبەيتىن نەگىزگى كۇش، ول اۆتونوميالى رايوننىڭ قارجى قوسۋى مەن ەكونوميكاسىنىڭ ورنىقتى ارتۋىن پارمەندى قامتاماسىز ەتتى“، - دەدى گو رۇيبين.

　　ءتۇيىندى كاسىپتەردىڭ دامۋ جاعدايى جاقسى بولدى

قازىر جۇڭگو مۇنايى تارىم مۇناي الابى مينۋتىنا 70 توننادان استام مۇناي - تابيعي گاز وندىرۋدە. الدىڭعى 2 ايدا تارىم مۇناي الابىندا وندىرىلگەن مۇناي - تابيعي گاز ەكۆيۆالەنتتى 6 ميلليون 70 مىڭ توننا، تابيعي گاز 100 ميلليون 600 مىڭ تەكشەمەتر بولدى.

بيىل شينجياڭ ىشىندەگى مۇناي - تابيعي گاز كاسىپورىندارى مۇناي - تابيعي گاز بارلاۋ - اشۋ تەبىنىن ۇزدىكسىز ارتتىرىپ، ونىمدىلىگى تومەن قۇدىقتاردا ءوندىرىستى قالپىنا كەلتىرۋ سياقتى شارالاردى قولدانىپ، مۇناي - تابيعي گازدىڭ ءونىم مولشەرىن جوعارىلاتتى، 1 -، 2 - ايدا بۇكىل رايوننىڭ وڭدەلمەگەن مۇناي ءونىم مولشەرى سايكەس مەزگىلدەگىدەن %8. 4، تابيعي گازدىڭ ءونىم مولشەرى ％4. 2 ارتتى. ونىڭ ۇستىنە بۇكىل ەل بويىنشا كومىر بازارىنىڭ سۇرانىسى توتەنشە جوعارى بولىپ، كومىر باعاسى ۇزدىكسىز جوعارى دەڭگەيدى ساقتاپ، بۇكىل رايونىمىزداعى كومىر وندىرەتىن كاسىپورىنداردىڭ ءوندىرۋ مەن ساتۋ مولشەرى بىردەي ارتىپ، شينجياڭنىڭ كومىرىن سىرتقا تاسىمالداۋ مولشەرى ۇزدىكسىز تەز قارقىنمەن ارتتى. سونىمەن بىرگە ەكونوميكانىڭ ۇزدىكسىز جاقسارۋىنا ىلەسە، بۇكىل رايوننىڭ ەلەكتردەن پايدالانۋ قاجەتى ارتىپ، ەلەكتردەن پايدالانۋ كوتەرىمدىلىگى جوعارى دەڭگەيدى ساقتادى.

ءبىر قىدىرۋ تاماشا فاكتورلاردىڭ ىقپالىندا، 1 -، 2 - ايدا بۇكىل رايونداعى ءتۇيىندى ونەركاسىپ سالالارىندا كومىر كاسىبىنىڭ، بولات - تەمىر كاسىبىنىڭ، ەلەكتر كاسىبىنىڭ، قۇرىلىس ماتەريالدارى كاسىبىنىڭ ارتقان قۇنىنىڭ جىلدام ارتۋى ۇزدىكسىز جەتەكشىلىك ەتۋ، جەتەكتەۋ رولىن ساۋلەلەندىردى، مۇناي سالاسى، حيميا ونەركاسىپ سالاسى، ءتۇستى مەتال سالاسى، اۋىل شارۋاشىلىعى قوسىمشا ازىق - تۇلىكتەرىن وڭدەۋ، جابدىق جاساۋ كاسىبىنىڭ ارتقان قۇنى ورنىقتى، ءبىرشاما تەز ارتتى.

قازىرگە دەيىن شانچي توبى شينجياڭ اۆتوموبيل شەكتى سەرىكتەستىگى 2138 اۆتوموبيل تاپسىرىسىن قابىلدادى، مۇنىڭ ىشىندە ەكسپورت ەتىلەتىن اۆتوموبيل 1227 بولىپ، بىلتىرعى سول تۇستاعىمەن سالىستىرعاندا ％180 ارتتى. الدىڭعى 2 ايدا مەملەكەت پەن اۆتونوميالى رايوننىڭ كەلەلى نىسان قۇرىلىستارى، اۋىل - قىستاقتى گۇلدەندىرۋ، اۋىل شارۋاشىلىعىن جوعارى ساپالى دامىتۋ سياقتى ءتيىمدى فاكتورلاردىڭ جەبەۋىندە، ەلەكتر جەتكىزۋ، كەرنەۋ وزگەرتۋ جابدىقتارىنىڭ جانە اۋىل شارۋاشىلىق ماشينالارى، جابدىقتارى ونىمدەرىنىڭ بازارداعى سۇرانىسى ارتىپ، تاپسىرىس مولايىپ، كاسىپورىنداردىڭ ءوندىرۋ - ساتۋى بىردەي ارتتى.

گو رۇيبين مىنالاردى ءبىلدىردى: ”ءبىز’ قيىنشىلىعىڭىز بولسا ونەركاسىپ جانە ينفورماتسيالاندىرۋ مەڭگەرمەسىن ىزدەڭىز‘ قيمىلىن ۇزدىكسىز ىشكەرىلەي ورىستەتىپ، كاسىپورىنداردىڭ قيىنشىلىعىن شەشۋىنە كومەكتەسىپ، كاسىپورىنداردىڭ تەز ارادا ءوندىرىس قۋاتىنا جەتىپ، ونىمدىلىكتى ارتتىرۋىن ىلگەرىلەتەمىز“. بۇكىل رايونداعى ءتۇيىندى ونەركاسىپ نىساندارى قامباسىن ۇزدىكسىز كەمەلدەندىرىپ، قيىن تۇيىندەردى، بوگەت تۇيىندەردى تالقانداپ، اۆتونوميالى رايوننىڭ، ايماقتاردىڭ، وبلىستاردىڭ، قالالاردىڭ قاتىستى تاراۋلارىمەن تىلدەسۋدى، ۇشتاسۋدى كۇشەيتىپ، ونەركاسىپ جانە ينفورماتسيالاندىرۋ مينيسترلىگىنە بارىپ، كەلەلى مۇناي حيميا، كومىر حيميا ونەركاسىبى نىساندارىنىڭ جاعدايىن ءتۇيىلىستىرىپ، نىسانداردى جوباعا ەنگىزۋ، تەكسەرىپ بەكىتۋ، قورشاعان ورتاعا جاسايتىن ىقپالىن باعالاۋ شيكى مۇناي فاكتورلارىن قامتاماسىز ەتۋ سياقتى الدىڭعى مەرزىمدىك قىزمەتتەردى بەلسەنە ىلگەرىلەتىپ، كەلەلى نىسانداردىڭ ەرتەرەك تياناقتانۋىن ءبىر جاعادان باس، ءبىر جەڭنەن قول شىعارا وتىرىپ ىلگەرىلەتەمىز.