انار بۇلت \ شينجياڭ گازەتىنىڭ ءتىلشىسى حي حۇڭۋي 3 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋعا قاراعاندا، الدىڭعى 2 ايدا شينجياڭنىڭ شەكارا اتتاعان ەلەكتروندى ساۋداسىنىڭ يمپورت - ەكسپورت سوماسى ءبىر ميلليارد 620 ميلليون يۋان بولىپ، سايكەس مەزگىلدەگىدەن ％3. 326 ارتقان.

شەكارا اتتاعان ەلەكتروندى ساۋدا سياقتى ساۋدانىڭ جاڭا كاسىپ كۇيىن دامىتۋ − سىرتقى ساۋدانىڭ جوعارى ساپالى دامۋىن ىلگەرىلەتۋدەگى ماڭىزدى شارا، ارنا ەكونوميكاسىنىڭ كاسىپ سالاسى ەكونوميكاسىنا، شەكارا وتكەلى ەكونوميكاسىنا تيبىن وزگەرتۋىن جەدەلدەتۋدەگى ماڭىزدى دانەكەر. بيىل جىل باسىنان بەرى شينجياڭ سىرتقى ساۋدانىڭ جاڭا كاسىپ كۇيىندە، جاڭا ۇلگىسىندە جاڭالىق اشا دامۋدى جەدەل ىلگەرىلەتىپ، ءۇرىمجى، قاشقار، الاتاۋ ساعاسى، ىلە وبلىسى سىندى 4 شەكارا اتتاعان ەلەكتروندى ساۋدا كەشەندى سىناق رايونى قۇرىلىسىن ۇزدىكسىز ىلگەرىلەتىپ، شەكارا اتتاعان ەلەكتروندى ساۋدا يمپورت - ەكسپورت كولەمىن كەڭەيتىپ، سىرتقى ساۋدانىڭ ارتۋىنداعى جاڭا قوزعالىس ەنەرگياسىن قاۋلاتتى.

شينجياڭداعى تۇڭعىش شەكارا اتتاعان ەلەكتروندى ساۋدا قورعامالى باجى تىكە ساتىپ الۋ ۇعىمىن نەگىز ەتكەن جاڭا بولشەك ساتۋ ساۋدا كەشەندى تۇلعاسى رەتىندە، ءۇرىمجى شيدامىن قورعامالى باجى تىكە ساتىپ الۋ ورتالىعى ”شيدامىن go دۇنيەسى“ شاعىن باعدارلاماسىنىڭ دەڭگەيىن جوعارىلاتۋدا، الدا تۇتىنۋشىلاردىڭ شاعىن باعدارلاما ارقىلى يمپورت ەتىلگەن تاۋارلاردى تىكە ساتىپ الۋىنا بولادى. شينجياڭ جىبەك جولى شيدامىن عىلىم - تەحنيكا شەكتى سەرىكتەستىگىنىڭ القا باستىعى جاۋ جيڭ مىنالاردى ءبىلدىردى: سەرىكتەستىگىمىز حالىقارالىق ساپالى تاۋارلاردى يمپورت ەتۋ، ەل ىشىندەگى تاۋارلاردى ەكسپورت ەتۋ سەرپىنىن ۇزدىكسىز كۇشەيتىپ، جاڭا بولشەك ساتۋ ەكولوگيالىق شەڭبەرىن تۇلعالاپ، تۇتاس شينجياڭداعى، اۋەلى، باتىس تەرىستىكتەگى ەڭ ۇلكەن شەكار اتتاعان ەلەكتروندى ساۋدا كاسىپورنى بولۋعا قۇلشىنادى.

سوڭعى جىلدارى شينجياڭ شەكارا اتتاعان ەلەكتروندى ساۋدانى دامىتۋدى زور كۇشپەن ىلگەرىلەتىپ، كاسىپورىنداردى شەتەلدەگى قامبالارىن ورنالاستىرۋدى ساپالىلاندىرۋعا بەلسەنە جەتەكتەپ، كاسىپورىنداردىڭ الاتاۋ ساعاسى سياقتى جەرلەردەن شەكارا وتكەلى قامباسىن سالۋىن قولدادى. بيىل العا قويىلعان «اۆتونوميالى رايوننىڭ سىرتقى ساۋدانىڭ ورنىقتى دامۋىن قولداۋ جونىندەگى ءبىرقانشا شاراسىندا» شەكارا اتتاعان ەلەكتروندى ساۋدانىڭ سىرتقى ساۋدانى ورنىقتىرۋ رولىن كۇش سالا ساۋلەلەندىرىپ، قىزمەت وتەۋ ساۋداسىنىڭ، جاڭالىق اشا دامۋىنا جەتەكشىلىك ەتۋ قورىنىڭ رولىن تولىق ساۋلەلەندىرىپ، شەكارا اتتاعان ەلەكتروندى ساۋدا، شەتەلدەگى قامبالار، سيفرلى ساۋدا سياقتى سىرتقى ساۋدانىڭ جاڭا كاسىپ كۇيىندە، جاڭا ۇلگىدە جاڭالىق اشا دامۋىن قولداۋ العا قويىلدى.