بۇكىل رايوننىڭ اۋىل شارۋاشىلىعىنىڭ، اۋىل - قىستاقتىڭ جوعارى ساپالى دامۋىن جۇمىس باسىندا ىلگەرىلەتۋ ءماجىلىسى اشىلدى

اۋىل شارۋاشىلىق، اۋىل - قىستاق قىزمەتىنىڭ ساپاسىن جوعارىلاتۋدى، ونىمدىلىگىن ارتتىرۋدى ىلگەرىلەتۋ كەرەك

انار بۇلت \ شينجياڭ گازەتىنىڭ ءتىلشىسى ۋاڭ نا 5 - ايدىڭ 31 - كۇنى سانجىدان حابارلايدى. 5 - ايدىڭ 30 - كۇنى تۇستەن كەيىن بۇكىل رايوننىڭ اۋىل شارۋاشىلىعىنىڭ، اۋىل - قىستاقتىڭ جوعارى ساپالى دامۋىن جۇمىس باسىندا ىلگەرىلەتۋ ءماجىلىسى سانجى قالاسىندا اشىلدى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى جاڭ جۋ ماجىلىسكە قاتىناستى ءارى ءسوز سويلەدى.

ءماجىلىس مىنالاردى باسا دارىپتەدى: اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسىنىڭ جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسىنىڭ، اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ ورنالاستىرۋىنا ساي، تۇتاس جىلدىق نىسانا - مىندەتتەردى ورىنداۋدىڭ جاۋاپكەرشىلىك سەزىمىن، كوكەي تەستىلىك سەزىمىن كۇشەيتىپ، ءتۇيىندى كورنەكتىلەندىرىپ، تياناقتاندىرۋدى مىقتاپ يگەرۋ كەرەك. ءتۇيىندى مىندەتتەردى قاداعالاۋدىڭ تياناقتاندىرىلۋىن يگەرىپ، مەملەكەتتىڭ استىق حاۋىپسىزدىگىن، ماڭىزدى اۋىل شارۋاشىلىعى ونىمدەرىمەن قامداۋدى قامتاماسىز ەتىپ، شارۋالاردىڭ كىرىسىن ۇزدىكسىز ارتتىرۋدى جەبەپ، كولەمدەنگەن قايتا كەدەيلەسۋ تۋىلماۋ تومەنگى شەگىن ساقتاۋ؛ جاسامپازدىقپەن كەمەلدەندىرۋدىڭ تياناقتاندىرىلۋىن يگەرىپ، جوبا ارقىلى جەتەكتەۋدى كۇشەيتىپ، ساياسات، ءتۇزىم جۇيەسىن، اۋىل شارۋاشىلىعى كاسىپ سالاسىنىڭ تەحنيكالىق جۇيەسىن كەمەلدەندىرۋ؛ نەگىزدى بەكەمدەۋدىڭ تياناقتاندىرىلۋىن يگەرىپ، سۋ بايلىعىن ۇلەستىرۋدى ساپالىلاندىرىپ، ەگىستىك جەردى قورعاۋ مەن جوعارى ولشەمدى ەگىنجاي قۇرىلىسىن مىقتى يگەرىپ، تۇقىم شارۋاشىلىعىن گۇلدەندىرۋ ارەكەتىن زور كۇشپەن اتقارىپ، اۋىل شارۋاشىلىعىن ماشينالاندىرۋدىڭ تيبىن وزگەرتىپ، دارەجەسىن جوعارىلاتۋدى ىلگەرىلەتۋ؛ رەفورمانى تەرەڭدەتۋدىڭ تياناقتاندىرىلۋىن يگەرىپ، اۋىل - قىستاق جەر ءتۇزىمى مەن كوللەكتيۆ مال - مۇلىك ۇقىعى ءتۇزىمى رەفورماسىن تەرەڭدەتۋ؛ سايكەسە سەلبەسۋدىڭ تياناقتاندىرىلۋىن يگەرىپ، سايكەستىرۋ، سايكەسۋ مەحانيزمىن اقاۋسىزداندىرىپ، شينجياڭعا كومەكتەسەتىن ولكە - قالالاردىڭ سەلبەستىك مەحانيزمىن تەرەڭدەتىپ، اۋىل شارۋاشىلىعىنىڭ سىرتقا باعىتتالعان سەلبەستىك مەحانيزمىن كەڭەيتىپ، بيڭتۋان مەن جەرگىلىكتى ورىننىڭ توعىسپالى دامۋ مەحانيزمىن كەمەلدەندىرۋ كەرەك.

ءماجىلىس مىنالاردى تالاپ ەتتى: پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جاپپاي باسشىلىعىن كۇشەيتىپ، اۋىل شارۋاشىلىعى، اۋىل - قىستاق قىزمەتىنىڭ ساپاسىن جوعارىلاتۋدى، ونىمدىلىگىن ارتتىرۋدى ىلگەرىلەتىپ، جوعارى ساپالى دامۋدى جۇزەگە اسىرۋعا تىڭ ۇلەس قوسۋ كەرەك.

5 - ايدىڭ 29 - كۇنى جانە 30 - كۇنى تۇستەن بۇرىن ماجىلىسكە قاتىناسقان ۋاكىلدەر شينجياڭ ءوندىرىس - قۇرىلىس بيڭتۋانى 3 - شى تۇمشۇق قالاسىندا، 1 - شى ارال قالاسىندا جانە اۋات اۋدانىندا، اقسۋ قالاسىندا، سانجى قالاسىندا قۇبا ءتۇز قۇرىلعىلى اۋىل شارۋاشىلىعى، جوعارى ولشەمدى ەگىنجاي قۇرىلىسى، ەلەكتروندى ساۋدا كاسىپ سالاسى باقشاسى، ”قۇرعاق ەگىپ، از - ازدان تامشىلاتىپ سۋارۋ“ ۇلگى اتىزى سياقتىلاردى كوزدەن كەشىردى.

ءماردان مۇحيت، ليۋ جيانميڭ، ليۋ شينجيان قاتارلىلار ماجىلىسكە قاتىناستى.