انار بۇلت \ شينجياڭ گازەتىنىڭ ءتىلشىسى لياڭ ليحۋا 5 - ايدىڭ 31 - كۇنى ۇرىمجىدەن حابارلايدى. 5 - ايدىڭ 31 - كۇنى تۇستەن كەيىن اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 2 - ءماجىلىسى جابىلدى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ءماجىلىستى باسقاردى ءارى ءسوز سويلەدى.

تۇراقتى كوميتەتتىڭ قۇرامىنداعىلاردان 52 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.

ءماجىلىس اۆتونوميالى رايوننىڭ الەۋمەتتىك كىتاپحانا ەرەجەسىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ەكونوميكالىق قىزمەتتى باقىلاۋدى كۇشەيتۋ جونىندەگى قاۋلىسىن داۋىسقا سالىپ ماقۇلدادى؛ اۆتونوميالى رايوندىق حالىق قۇرىلتايى تۇراقتى كوميتەتىنىڭ «ءۇرىمجى قالالىق حالىق قۇرىلتايى تۇراقتى كوميتەتىنىڭ ءۇرىمجى قالاسىنىڭ قالا، اۋىل جوباسىن باسقارۋ ەرەجەسىنە وزگەرىس ەنگىزۋ جونىندەگى قاۋلىسىن»، «ءۇرىمجى قالالىق حالىق قۇرىلتايى تۇراقتى كوميتەتىنىڭ ءۇرىمجى قالاسىنىڭ الەۋمەتتىك وركەنيەتتى ارەكەت ەرەجەسىنە وزگەرىس ەنگىزۋ جونىندەگى قاۋلىسىن»، «ىلە قازاق اۆتونوميالى وبلىسىنىڭ كاسىپتىك وقۋ - اعارتۋ بويىنشا مەكتەپ - كاسىپورىن سەلبەستىگىن جەبەۋ ەرەجەسىن»، «سانجى حۇيزۋ اۆتونوميالى وبلىسىنىڭ قالا، اۋىل كوركى جانە قورشاعان ورتا تازالىعىن وڭاۋ ەرەجەسىن»، «بۇراتالا موڭعۇل اۆتونوميالى وبلىسىنىڭ سۋىق سۋ بالىعى كاسىپ سالاسىن جەبەۋ ەرەجەسىن»، «تۇرپان قالالىق حالىق قۇرىلتايىنىڭ ءىس قاراۋ ەرەجەسىن» بەكىتۋ جونىندەگى قاۋلىسىن داۋىسقا سالىپ ماقۇلدادى؛ اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ اۆتونوميالى رايوننىڭ 2023 - جىلعى ءوز دارەجەسىندەگى مەجە ەسەبىن رەتتەۋ جوباسىن بەكىتۋ جونىندەگى قاۋلىسىن داۋىسقا سالىپ ماقۇلدادى؛ اۆتونوميالى رايوندىق حالىق قۇرىلتايى قازىنا - ەكونوميكا كوميتەتىنىڭ، اۋىل شارۋاشىلىعى جانە اۋىل - قىستاق كوميتەتىنىڭ، قوعامدىق قۇرىلىس كوميتەتىنىڭ اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتى 1 - ءماجىلىسى ءتوراعالار القاسى قاراۋعا تاپسىرعان ۋاكىلدەر العا قويعان كەڭەستىك جوبالاردىڭ قارالۋ ناتيجەسى جونىندەگى باياندامانى داۋىسقا سالىپ ماقۇلدادى؛ اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميتەتىنىڭ ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن جانە كادرلاردى مىندەتكە تاعايىنداۋ، مىندەتىنەن قالدىرۋ ىستەرىن داۋىسقا سالىپ ماقۇلدادى.

ماجىلىستە اۆتونوميالى رايوننىڭ جاڭادان تاعايىندالعان مەملەكەت قىزمەتكەرلەرىنە مىندەتكە تاعايىنداۋ كۋالىگى تاراتىلدى ءارى نەگىزگى زاڭ الدىندا سەرت بەرۋ سالتى وتكىزىلدى.

ءماجىلىس مىنالاردى باسا دارىپتەدى: اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جالپى ءماجىلىستىڭ ورنالاستىرۋلارى، تالاپتارى بويىنشا حالىق قۇرىلتايىنىڭ ورنىن ءدال تاۋىپ، حالىق قۇرىلتايىنىڭ قىزمەت جاۋاپكەرشىلىگىن وتەپ، جوعارى ساپالى حالىق قۇرىلتايى قىزمەتى ارقىلى بۇكىل رايوننىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرۋ كەرەك.

اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى توحتى ياقۇپ، ءدىلشات قىدىرقان، ۋاڭ گوحى، ءمامتىمىن قادىر، باس حاتشى ءمۇتالىپ روزى ماجىلىسكە قاتىناستى.

اۆتونوميالى رايوننىڭ ورىنباسار ءتوراعاسى ليۋ سۋشى، اۆتونوميالى رايوندىق جوعارى حالىق سوتى مەكەمەسىنىڭ باستىعى ءدىلشات سايىم، اۆتونوميالى رايوندىق حالىق پروكۋراتۋراسىنىڭ باس پروكۋرورى گاۋ جيميڭ، اۆتونوميالى رايوندىق باقىلاۋ - تەكسەرۋ كوميتەتىندەگى قاتىستى جاۋاپتى جولداستار قاتارلىلار ماجىلىسكە سىرتتاي قاتىناستى. ماجىلىستەن كەيىن اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 2 - ءماجىلىسى «ەلىمىزدىڭ نەگىزگى زاڭ ءتۇزىمى جانە نەگىزگى زاڭ امالياتى»، «مەملەكەتتىك حالىق قۇرىلتايى تۇراقتى كوميتەتىنىڭ ۇيىمدىق ءتۇزىمى جانە ءىس قاراۋ ەرەجەسى» سياقتى تاقىرىپتاردا ارناۋلى تاقىرىپتىق لەكسيا وتكىزدى، بۇكىل شينجياڭنىڭ ءار دارەجەلى حالىق قۇرىلتايلارى بەينە ەكران بايلانىسى تاسىلىمەن قاتار ۇيرەندى.

5 - ايدىڭ 31 - كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتىنىڭ 7 - رەتكى مەڭگەرۋشىلەر ءماجىلىسى تۇراقتى كوميتەت ءماجىلىسىنىڭ ءتۇرلى كەڭەستىك تاقىرىپتاردى قاراۋ جاعدايىنان بەرگەن مالىمەتىن تىڭداپ، تۇراقتى كوميتەت جالپى جيىنىنىڭ داۋىسقا سالۋىنا تاپسىرىلاتىن كەڭەستىك جوبالاردى ۇيعاردى.