شينحۋا اگەنتتىگىنىڭ 9 - ايدىڭ 3 - كۇنى بەيجيڭنەن بەرگەن حابارى. وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ 11 - رەتكى مەملەكەتتىك قۇرىلتايى ءتۇرلى كەڭەستىك تارتىپتەردى تابىسپەن ورىنداپ، 9 - ايدىڭ 3 - كۇنى تۇستەن بۇرىن بەيجيڭ حالىق سارايىندا جابىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي قۇرىلتايعا قاتىناستى ءارى قۇرىلتايدىڭ الدىندا قۇرىلتايعا قاتىناسقان شەتەلدىك سيلى قوناقتارمەن، شياڭگاڭدىق، اۋمىندىق ۋاكىلدەرمەن جانە جۇڭگو چياۋميندەر بىرلەستىگىنىڭ قازىرگى، بۇرىنعى باسشىلىق القاسىنداعى مۇشەلەرمەن كەزدەستى.

قۇرىلتاي جۇڭگو چياۋميندەر بىرلەستىگى 11 - كەزەكتى كوميتەتىنىڭ ءتوراعالىعىنا، ورىنباسار ءتوراعالىعىنا، باس حاتشىلىعىنا، تۇراقتى مۇشەلىگىنە سايلانعانداردىڭ ەسىمدىگىن جاريالادى، جۇڭگو چياۋميندەر بىرلەستىگى 10 - كەزەكتى كوميتەتىنىڭ قىزمەت بايانداماسى جونىندەگى قاراردى، «جۇڭحۋا مەملەكەتتىك وتانعا ورالعان چياۋميندەر بىرلەستىگىنىڭ ۋستاۆى (وزگەرىس ەنگىزىلگەن نۇسقاسى)» جونىندەگى قاراردى، جۇڭگو چياۋميندەر بىرلەستىگى 11 - كەزەكتى كوميتەتىنىڭ اقىلشىلارىن، شەتەلدەگى مۇشەلەرىن، قۇرمەتتى مۇشەلەرىن ۇسىنىس ەتۋ جونىندەگى قاراردى ماقۇلدادى.

قۇرىلتاي مىناعان ۇندەدى: ءار دارەجەلى چياۋميندەر بىرلەستىگى ۇيىمدارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، قالىڭ وتانعا ورالعان چياۋميندەردى، چياۋميندەردىڭ تۋىس - تۋعاندارىن جانە شەتەلدەگى چياۋمين باۋىرلاستاردى ىنتىماقتاستىرىپ، ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ۇردىسىندە جاڭا، داڭقتى داستاندار جازۋعا قۇلشىنۋى كەرەك!

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لوساڭ جياڭسۇن، مەملەكەتتىك ساياسي كەڭەستىڭ ورىنباسار ءتوراعاسى شيان حۇي قۇرىلتايعا قاتىناستى.