تايۋان جۇڭحۋا فانلان قوعامىنىڭ ەكسكۋرسيالاۋ - ساپارلاۋ ۇيىرمەسى شينجياڭدا ەكسكۋرسيادا، ساپاردا بولدى

　　الدىمەن الەۋمەتتىك اۋماقتارعا بارىپ، باقىتتى مەكەن قۇرىلىسىن سەزىندى

انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 9 - ايدىڭ 7 - كۇنى ۇرىمجىدەن حابارلايدى. 9 - ايدىڭ 7 - كۇنى تايۋان جۇڭحۋا فانلان قوعامى ەكسكۋرسيالاۋ - ساپارلاۋ ۇيىرمەسىندەگىلەر ءۇرىمجى قالاسى سايباق رايونى ياڭزىجياڭ جولى ءمالىسى شينحۋا الەۋمەتتىك اۋماعى پارتيا مۇشەلەرىنە، بۇقاراعا قىزمەت وتەۋ ورتالىعىنا كەلىپ، پارتيا قۇرىلىسى ورتالىعى، حالىققا قولايلى قىزمەت وتەۋ پۋنكتى، بالالار ءۇيى سياقتى جەرلەردى ەكسكۋرسيالادى.

پارتيا مۇشەلەرىنە، بۇقاراعا قىزمەت وتەۋ ورتالىعىنىڭ زالى تازا، رەتتى، شىراقتارى جارقىراپ تۇر، پارتيا مۇشەلەرىنىڭ ءبىلىم تولىقتاۋ پۋنكتى، مادەنيەت سالونى، شينحۋا شىگۋاڭ سەيىل - سەرۋەنى سياقتى شاعىن كورمە زالدارى ءبىر - بىرلەپ كوزگە ءتۇستى.

پارتيا مۇشەلەرىنە، بۇقاراعا قىزمەت وتەۋ ورتالىعىنىڭ 2 - قاباتىنداعى قيمىل بولمەسىندە تۇرعىنداردىڭ كەيبىرەۋى قىل قالاممەن جازۋ جازىپ جاتتىعۋدا، كەيبىرەۋى ءان - بيگە جاتتىعىپ جاتىر. ”الەۋمەتتىك اۋماق ءبي، حاتكەرلىك، سۋرەت سياقتى كوركەمونەر كلاستارىن اشتى“. شينحۋا الەۋمەتتىك اۋماعى پارتكومىنىڭ شۋجيى جاڭ مين بىلاي دەپ تانىستىردى: الەۋمەتتىك اۋماق تاعى قارتتار قاۋىمىنا كۇندىز قارايلاسۋ، كۇتىنۋ، دەنساۋلىق ساقتاۋ، مادەنيەت، كوڭىل اشۋ سياقتى قىزمەت وتەۋلەر ازىرلەپ وتىر.

”تۇرعىنداردىڭ تۇرمىسى ەرەسەن جاقسى، مەن «اي ساۋلەسىندە» دەگەن ءاندى شىرقاپ بەرەيىن“. تايۋان جۇڭحۋا فانلان قوعامىنىڭ باسالقاسى، ەكسكۋرسيالاۋ - ساپارلاۋ ۇيىرمەسىنىڭ باستىعى جىڭ لۇڭشۇي تەرەڭ اسەرلەنىپ بىلاي دەدى: الەۋمەتتىك اۋماقتىڭ باسقارىلۋى جۇيەلى، سيفرلانۋ دارەجەسى جوعارى ەكەن، سافا، اۋىز سۋ جابدىعى، ءدارى ساندىعى سياقتى كوپ ءتۇرلى حالىققا قولايلى قۇرىلعىلار بولۋدان سىرت، قارتتار مەن بالالار قاتارلى قاۋىمعا دا ارناۋلى تۇردە كوپتەگەن ەتەنە قىزمەت وتەۋلەر ازىرلەنىپ، جان - جاقتى، كوپ سالالى ”الەۋمەتتىك اۋماقتىڭ تۇرمىسقا قولايلى شەڭبەرى“ شىن مانىندە جۇزەگە اسىرىلىپتى، وسىنىڭ بارىنەن ۇيرەنۋگە، ۇلگى الۋعا تاتيدى.

تايۋان جۇڭحۋا فانلان قوعامىنىڭ قۇرمەتتى القاسى ۋ جىڭچۇن تايۋاننىڭ جەرگىلىكتى الەۋمەتتىك اۋماعىندا 10 نەشە جىل قىزمەت ىستەگەن، ول مىنانى ءبىلدىردى: شينجياڭ ۇكىمەتىنىڭ بۇكىل ىنتا - پەيىلىمەن حالىق ءۇشىن قىزمەت ىستەگەنىن، ءار ۇلت بۇقاراسىنىڭ تاتۋ - ءتاتتى، جاراسىمدى بىرگە ءومىر ءسۇرىپ، باقىتتى، تىنىش تۇرمىس كەشىرىپ جاتقاندىعىن ايقىن سەزىندىم.

”جان سانىنىڭ قارتتانۋ اۋقىمى تەزدەدى، الەۋمەتتىك اۋماق قارتتاردىڭ سالاماتتىعىنا قىزمەت وتەۋ جۇيەسىن كەمەلدەندىرۋ جاعىندا ماڭىزدى رول اتقارۋدا“. تايۋان جۇڭحۋا فانلان قوعامىنىڭ باس حاتشىسى جىڭ جىچىڭ وسى رەتكى ەكسكۋرسيالاۋ - ساپارلاۋدى وراي ەتىپ، تايۋان مەن شينجياڭنىڭ اۋىس - كۇيىس تۇعىرىن قۇرىپ، الەۋمەتتىك اۋماق قۇرىلىسىن بىرگە ىلگەرىلەتىپ، تۇرعىنداردىڭ تۇرمىسىن اناعۇرلىم باقىتتى ەتۋدى ءۇمىت ەتەتىندىگىن ءبىلدىردى.

شينجياڭ ۇيعۇر اۆتونوميالى رايوندىق تايۋاندىق باۋىرلاستار بىرلەستىگىنىڭ باس حاتشىسى لي يۇڭ وسى تەكتەس قيمىلدار ارقىلى شينجياڭ − تايۋان ەكى جەردىڭ نەگىزگى ساتى اۋىس - كۇيىسىن بەلسەنە ىلگەرىلەتىپ، نەگىزگى ساتىداعى بۇقارا اراسىنداعى سۇيىسپەنشىلىك پەن مادەنيەتتى شىنايى مويىنداۋدى كۇشەيتىپ، ەكى جاعالاۋداعى باۋىرلاستاردىڭ جۇرەكتەرىنىڭ توعىسۋىن ونان ارى جەبەپ، ”ەكى جاعالاۋدىڭ بەرەكەلى شاڭىراعى“ ۇستانىمىن جۇرت جۇرەگىنە ۇزدىكسىز ۇيالاتىپ، ەكى جاعالاۋ قاتىناسىنىڭ بەيبىت دامۋىنا ومىرشەڭدىك كۇش قوسىپ، وتاننىڭ بىرلىككە كەلۋىنىڭ، ۇلتتىڭ گۇلدەنۋىنىڭ كوركەم بولاشاعىن بىرگە اشۋدى ءۇمىت ەتەتىندىگىن ءبىلدىردى.

ەكسكۋرسيا بارىسىندا ەكسكۋرسيالاۋ - ساپارلاۋ ۇيىرمەسىنىڭ مۇشەلەرى الەۋمەتتىك اۋماق تۇرعىندارىمەن قىزۋ مەرەيمەن ىقپالداسىپ، ىشكەرىلەي پىكىرلەستى، ورتا ەرەكشە دۋمانعا، ىقىلاسقا تولدى. كوپشىلىك جابال مىنالاردى ءبىلدىردى: تايۋاننىڭ شينجياڭنىڭ نەگىزگى ساتىلارىمەن اۋىس - كۇيىسىنىڭ بارعان سايىن كوبەيىپ، بارعان سايىن جاقىنداپ، پايدالى تاجىريبەلەرگە بىرگە قول جەتكىزىپ، جۇڭحۋانىڭ تاڭداۋلى ءداستۇرلى مادەنيەتىن بىرگە جالعاستىرىپ، توعىسا دامۋدى بىرگە ىلگەرىلەتۋىن ءۇمىت ەتەمىز.

9 - ايدىڭ 4 - كۇنى تايۋان جۇڭحۋا فانلان قوعامى ەكسكۋرسيالاۋ - ساپارلاۋ ۇيىرمەسى شينجياڭعا كەلىپ، 15 كۇندىك ەكسكۋرسيالاۋ - ساپارلاۋ قيمىلىن باستادى. وسىدان كەيىن تايۋان جۇڭحۋا فانلان قوعامى ەكسكۋرسيالاۋ - ساپارلاۋ ۇيىرمەسى تاعى تۇرپان، قارامايلى، التاي سياقتى جەرلەردەگى الەۋمەتتىك اۋماق، اۋىل - قىستاق، كاسىپورىن سياقتىلارعا بارىپ، ءار ۇلت بۇقاراسىمەن بەتپە - بەت اڭگىمەلەسىپ، شينجياڭنىڭ قوعام ورنىقتىلىعىنىڭ، حالىق تۇرمىسىنىڭ جاقسارۋىنىڭ، ەكونوميكاسىنىڭ دامۋىنىڭ، مادەنيەتىنىڭ گۇلدەنۋىنىڭ، ساياحاتىنىڭ قارىشتاپ دامۋىنىڭ شىنايى جاعدايىن سول جەرلەردىڭ وزىندە ۇعىسادى.