«جۇڭگو ۇلگىسىندەگى وسىزاماندانۋعا نازار» شينجياڭدا تاراتىلدى

　　ءار ۇلت كادر - بۇقاراسىنىڭ نازارىن اۋداردى

انار بۇلت \ شينجياڭ گازەتىنىڭ ءتىلشىسى لي لي 9 - ايدىڭ 11 - كۇنى ۇرىمجىدەن حابارلايدى. ورتالىق كوميتەت ۇگىت ءبولىمى نازاريا مەكەمەسىنىڭ ۇيىمداستىرۋىمەن قۇراستىرىپ جازىلعان، ۇيرەنۋ باسپاسى، حالىق باسپاسى بىرلەسىپ باسپادان شىعارعان «جۇڭگو ۇلگىسىندەگى وسىزاماندانۋعا نازار» بۇكىل ەل كولەمىندە تاراتىلدى. 9 - ايدىڭ 10 - كۇنى ءتىلشى شينجياڭ شينحۋا كىتاپ دۇكەنى تاراتۋ شەكتى جاۋاپكەرشىلىك سەرىكتەستىگى شينحۋا حالىقارالىق كىتاپحاناسىنان وقىرمانداردىڭ دەر كەزىندە ۇعىسۋىنا جانە ساتىپ الۋىنا قولايلى بولۋ ءۇشىن، بۇل كىتاپتىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ ارناۋلى سورەسىنىڭ كورنەكتى ورنىنا قويىلعاندىعىن، ءالسىن - ءالى وقىرمانداردىڭ كەلىپ وقىپ، كەڭەس سۇراپ جاتقاندىعىن كوردى.

”نازاريالىق قولامتالى تۇيىندەرگە بەتپە - بەت“ جەلىلەس جالپىعا تۇسىنىكتى نازاريالىق وقۋلىعىنىڭ ەڭ جاڭا كىتابى بولعان «جۇڭگو ۇلگىسىندەگى وسىزاماندانۋعا نازار» جۇڭگو ۇلگىسىندەگى وسىزامانداندىرۋدىڭ نازارياسى مەن امالياتىن تىعىز ارقاۋ ەتىپ، 17 كەلەلى ماسەلەگە شوعىرلى جاۋاپ بەردى جانە تۇسىنىك جاسادى.

”بۇل كىتاپتىڭ سۋرەتى مەن جازۋى بىرگە بەرىلگەن، مىسالدارى جاندى، كىتاپقا قاتىستى جالعانىمدار، تەرەڭدەي وقۋ، ەرەكشە نازار اۋدارۋ، ءبىلىم نەگىزگى تۇيىندەرى، تاجىريبەلەر جونىندە وي ورتاقتاسۋ، جەلىدە سۇراۋ - جاۋاپ بەرۋ سياقتى ايدارلار بەتى كىرىستىرىلگەن، سونداي - اق سايكەستى كارتون ميكرو بەينەجازبالارى مەن دىبىستى مازمۇندار دا بار، ءبىلىم سيپاتى، تارتىمدىلىعى، ءوزارا ىقپالداستىعى ەرەكشە كۇشتى“. ۇرىمجىگە ىسساپارمەن كەلگەن حوتان قالالىق ۇكىمەت كەڭسەسىنىڭ ورىنباسار مەڭگەرۋشىسى لي يۋان كىتاپ دۇكەنىنە ارنايى كەلىپ وسى كىتاپتى ساتىپ الدى.

”دۇنيە جۇزىندەگى تۇڭعىش ءشولدى اينالىپ وتەتىن تەمىر جول اينالما جەلىسى جانە حوتان - چارقىلىق تەمىر جولى سالىنىپ بولىپ پويەز قاتىنادى“ دەگەنگە قاتىستى سۋرەتتى مازمۇنداردى كورگەندە، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ءۇرىمجى باتىس پويەز بولىگىنىڭ پويەز تەكسەرۋشىلەرى ۋاڭ شينكى مەن حان پىڭجى اڭگىمەلەسە كەتتى. ۋاڭ شينكى بىلاي دەدى: تەمىر جول جۇيەسىنىڭ ءبىر مۇشەسى رەتىندە توتەنشە ماقتانىش سەزىنەمىن. جاڭا داۋىردەگى جاستار بەلسەنە ۇيرەنىپ، العا باسۋعا تالپىنىپ، وتاننىڭ گۇلدەنىپ - كوركەيۋىنە، قۇدىرەتتەنۋىنە جاستىق كوكتەمىن، كۇش - قۋاتىن ارناۋى كەرەك.

”«جۇڭگو ۇلگىسىندەگى وسىزاماندانۋعا نازار» تاراتىلىسىمەن كوپتەگەن ورىندار، ۇيىمدار، ۇجىمدار جانە كىتاپحاناداعى وقىرماندار تەلەفون سوعىپ كەڭەس الىپ، وسى كىتاپقا تاپسىرىس بەردى“، - دەدى شينجياڭ شينحۋا كىتاپ دۇكەنى تاراتۋ شەكتى جاۋاپكەرشىلىك سەرىكتەستىگى شينحۋا حالىقارالىق كىتاپحاناسىنىڭ ورىنباسار ديرەكتورى لۋان ۋي تىلشىگە.

ءۇرىمجى ەكونوميكالىق - تەحنيكالىق اشۋ رايونىنداعى (توۋتۇنحى رايونىنداعى) جىشين كىتاپحاناسىنا بارعانىمىزدا، ءتىلشى ءۇرىمجى قالالىق چينجۇي تەاترى ۇيىرمەسىنىڭ (شينجياڭ چينجۇي تەاترى ۇيىرمەسىنىڭ) جاس ارتيسى ۋاڭ تيڭنىڭ «جۇڭگو ۇلگىسىندەگى وسىزاماندانۋعا نازار» كىتابىنداعى ”مادەنيەت جەلىسى مەن مەملەكەت جۇلگەسى تىعىز بايلانىستى“ ءبولىمىن وقىپ جاتقاندىعىن كوردىك. ۋاڭ تيڭ بىلاي دەدى: ۇيىرمەدە شانشي تەاترى سىندى ءداستۇرلى تەاتر «شۋاڭگۋانگاۋ» جەدەل دايىندالۋدا، كوپشىلىك شوگەل، تىڭعىلىقتى بولۋ پوزيتسياسىمەن كورەرمەندەرگە تاڭداۋلى ساحنالىق كوركەمونەر تۋىندىلارىن كورسەتۋگە، حالىقتىڭ مادەنيەت قاجەتىن اناعۇرلىم ويداعىداي قاناعاتتاندىرۋعا قۇلشىنۋدا.

التاي ايماقتىق پارتكوم ۇگىت ءبولىمى مادەنيەت، كينو جانە باسپا ءبولىمىنىڭ باستىعى رىزۋان كارىپقان بىلاي دەدى: «جۇڭگو ۇلگىسىندەگى وسىزاماندانۋعا نازار» جالپىعا تۇسىنىكتى تىلمەن تەرەڭ قيسىندى ءتۇسىندىردى، بۇل ءبىزدىڭ جۇڭگو ۇلگىسىندەگى وسىزامانداندىرۋدىڭ باي مازمۇنىن تەرەڭ تۇسىنۋىمىزگە سەپتىگى تيەدى، مۇقيات ۇيرەنۋگە، زەرتتەپ وقۋىمىزعا تاتيدى.

شينجياڭ شينحۋا كىتاپ دۇكەنى تاراتۋ شەكتى جاۋاپكەرشىلىك سەرىكتەستىگى ساتۋ ورتالىعىنىڭ ديرەكتورى سۇڭ حۇڭمەي بىلاي دەدى: قازىر «جۇڭگو ۇلگىسىندەگى وسىزاماندانۋعا نازار» اتتى كىتاپتان 20 مىڭى جەتكىزىلىپ، قازىر ونى ءارقايسى ايماق، وبلىس، قالاداعى شينحۋا كىتاپ دۇكەندەرىنە تارتىپپەن جەتكىزىلىپ، بۇكىل شينجياڭداعى ءار ۇلت وقىرماندارىنىڭ كىتاپتى دەر كەزىندە ساتىپ الۋىنا، كورۋىنە كەپىلدىك ەتىلدى.