انار بۇلت \ شينجياڭ گازەتىنىڭ ءتىلشىسى ءپاريزات ابدۇل 9 - ايدىڭ 13 - كۇنى ۇرىمجىدەن حابارلايدى. 9 - ايدىڭ 13 - كۇنى تۇستەن بۇرىن ورتالىق كوميتەت ۇگىت ءبولىمى ۇيىمداستىرىپ ورىستەتكەن ”جوعارى ساپالى دامۋ جونىندەگى تەكسەرۋ - زەرتتەۋ ساپارى“ شينجياڭ نەگىزگى تاقىرىپتىق تىلشىلىك جاساۋ قيمىلى ۇرىمجىدە باستالدى.

بيىل 5 - ايدان باستاپ ورتالىق كوميتەت ۇگىت ءبولىمى ورتالىقتاعى باستى مەديالار مەن قاتىستى جەرگىلىكتى ورىنداعى مەديالاردى ”جوعارى ساپالى دامۋ جونىندەگى تەكسەرۋ - زەرتتەۋ ساپارى“ نەگىزگى تاقىرىپتىق تىلشىلىك جاساۋ قيمىلىن ورىستەتۋگە ۇيىمداستىرىپ، نازاردى جاڭا دامۋ ۇستانىمىن دايەكتىلەندىرۋگە، جاڭا دامۋ ارناسىن قالىپتاستىرۋعا، جوعارى ساپالى دامۋدى ىلگەرىلەتۋگە شوعىرلاندىرىپ، توپقا ءبولىنىپ نەگىزگى ساتىعا ىشكەرىلەي بارىپ تەكسەرۋ - زەرتتەۋ جۇرگىزىپ، تىلشىلىك جاساپ، جەر - جەردىڭ، ءار سالانىڭ جەرگىلىكتى جاعدايعا قاراي ىستەۋىن، جاعدايعا قاراي ىستەۋىن بايقاپ، ەكونوميكا دامۋىنىڭ ساپا وزگەرىسىنىڭ، ونىمدىلىك وزگەرىسىنىڭ، قوزعاۋشى كۇش وزگەرىسىنىڭ تاجىريبەلەرىن، ادىستەرىن جانە كورنەكتى جارقىن تۇيىندەرىن كۇش سالا ىلگەرىلەتىپ، جوعارى ساپالى دامۋدا قول جەتكىزگەن تىڭ تابىستارعا دەم بەردى.

ەندىگى 8 كۇن ۋاقىتتا ورتالىقتاعى 17 نەگىزگى مەديالاردان، جەرگىلىكتى مەديالاردان كەلگەن 100دەن استام ءتىلشى ەكىگە ءبولىنىپ ءۇرىمجى قالاسىنا، سانجى حۇيزۋ اۆتونوميالى وبلىسىنا، قارامايلى قالاسىنا، ىلە قازاق اۆتونوميالى وبلىسىنا، قاشقار ايماعىنا، اقسۋ ايماعىنا، بايىنعولين موڭعۇل اۆتونوميالى وبلىسىنا بارىپ تىلشىلىك جاسايدى، تەكسەرۋ - زەرتتەۋ جۇرگىزەدى. مەديا تىلشىلەرى ءبىرىنشى شەپكە ىشكەرىلەي بارىپ، جالپىلىق مەديالار تيانشان الابىنداعى ”8 ءىرى كاسىپ سالاسى شوعىرى“ قۇرىلىسى، اۋىل شارۋاشىلىعى، اۋىل - قىستاق رەفورماسى، ەنەرگيا بايلىعى، اۋىل - قىستاقتى گۇلدەندىرۋ، 3 كاسىپتىڭ توعىسۋى سياقتى جاقتارداعى جاندى امالياتتاردى جانە تابىستى تاجىريبەلەردى جان - جاقتى ەستەلىككە الىپ، شينجياڭنىڭ جوعارى ساپالى دامۋ جولىنداعى تىڭ شارالارىن، تىڭ تابىستارىن ايگىلەپ، شينجياڭنىڭ اشىق، سەنىمدى جاڭا بەينەسىن، تىڭ تىنىسىن، ءار ۇلت بۇقاراسى ۇعىنعان، سەزگەن جاڭا وزگەرىستەردى، جاڭا تابىستاردى جاندى بەينەلەيدى.

”شينجياڭعا كەلۋدەن بۇرىن ءبىز مەديالاردىڭ حابارلارى ارقىلى جۋىق جىلداردان بەرى شينجياڭنىڭ قول جەتكىزگەن ءبىرسىپىرا تىڭ تابىستارىن، تىڭ ىلگەرىلەۋشىلىكتەرىن بىلدىك، ەندى وسى جەرگە كەلىپ ءوزىمىز تىكەلەي سەزىنىپ، جاڭا وزگەرىستەرگە كۋا بولدىق، بۇعان ءبىز توتەنشە شاتتاندىق، سەنىمىمىز دە نىعايا ءتۇستى! ءبىز بۇل رەتكى ’جوعارى ساپالى دامۋ جونىندەگى تەكسەرۋ - زەرتتەۋ ساپارى‘ شينجياڭ نەگىزگى تاقىرىپتىق تىلشىلىك جاساۋ قيمىلىنا توتەنشە ءمان بەرىپ، بىرنەشە تاراۋداعى كاسىپتىك تىرەكتىلەردى تىلىشىلىك جاساۋعا ات سالىسۋعا جىبەردىك“، - دەدى گۋاڭميڭ گازەتى تەرمەلەر ايدارىنىڭ جاۋاپتى رەداكتورى سۇن ميڭچۋان، - قولىمىزداعى قالام مەن كامەرادان ويداعىداي پايدالانىپ، شينجياڭنىڭ تىڭ بەينەسىن، تىڭ وبرازىن ايگىلەپ، جاڭا داۋىردەگى شينجياڭ حيكاياسىن ويداعىداي باياندايمىز.

”شينجياڭ وتە كوركەم جەر، وسى رەتكى ساپاردا سولتۇستىك شينجياڭداعى تىلشىلىككە قاتىناستىم، مەن جەر - جەردىڭ مادەنيەت - ساياحات كاسىپ سالاسىنىڭ جوعارى ساپالى دامۋ ارقىلى جەرگىلىكتى ورىن ەكونوميكاسىنىڭ دامۋىنا جانە ءار ۇلت بۇقاراسىن كىرىستى ارتتىرىپ بايۋعا قالاي باستاعاندىعىنا نەداۋىر نازار اۋدارامىن“، - دەدى ورتالىق راديو - تەلەۆيزيا باس ستانسياسى ەكونوميكا ءۇنى ايدارىنىڭ ءتىلشىسى جياڭ يۇڭ.

قيمىل كۇنى ”جوعارى ساپالى دامۋ جونىندەگى تەكسەرۋ - زەرتتەۋ ساپارى“ شينجياڭ نەگىزگى تاقىرىپتىق تىلشىلىك جاساۋ قيمىلىنىڭ جاعدايىن تانىستىرۋ جيىنى اشىلدى، اۆتونوميالى رايوندىق پارتكومنىڭ ساياسات زەرتتەۋ كەڭسەسى، دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مەڭگەرمەسى، ەكولوگيالىق ورتا مەڭگەرمەسى، سۋ يگىلىگى مەڭگەرمەسى، اۋىل شارۋاشىلىعى، اۋىل - قىستاق مەڭگەرمەسى، ساۋدا ىستەرى مەڭگەرمەسى سياقتى تاراۋلاردىڭ جاۋاپتىلارى جۋىق جىلداردان بەرى شينجياڭنىڭ جوعارى ساپالى دامۋدى بەلسەنە ىلگەرىلەتۋدەگى جالپى جاعدايدى تانىستىردى.