شينحۋا اگەنتتىگىنىڭ 7 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جۋىقتا اۋىل - قىستاقتاردىڭ دارەتحانا توڭكەرىسىن ىشكەرىلەي ىلگەرىلەتۋ جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: جاقىنعى جىلداردان بەرى اۋىل - قىستاقتاردىڭ دارەتحانا توڭكەرىسى ىشكەرىلەي ىلگەرىلەتىلىپ، تازا دارەتحانالار ۇزدىكسىز كەڭەيتىلىپ، جالپىلاستىرىلىپ، اۋىل - قىستاقتاردىڭ قونىس ورتاسى كورنەكتى جاقساردى. «14 - بەسجىلدىق» مەزگىلىندە اۋىل - قىستاقتاردىڭ دارەتحانا توڭكەرىسىن ۇزدىكسىز اۋىل - قىستاقتى گۇلدەندىرۋدىڭ ٴبىر ماڭىزدى قىزمەتى ەتىپ، شارۋالاردىڭ تۇلعالىق رولىن ساۋلەلەندىرىپ، جەرگىلىكتى جاعدايعا قاراي ىستەۋگە،

عىلمي جەتەكشىلىك ەتۋگە ٴمان بەرىپ، ساندى ساپاعا بويسۇندىرۋعا، قارقىندى ناقتى ونىمدىلىككە بويسۇندىرۋعا تاباندى بولىپ، تەزدىككە ەمەس، ساپاعا تالپىنىپ، ەڭبەكشى حالىقتىڭ زيان تارتۋىنا، فورماشىلدىققا، مونتانسۋعا باتىل قارسى تۇرىپ، تىڭعىلىقتى تۇردە العا قاراي ىلگەرىلەتۋ كەرەك. ٴار دارەجەلى پارتكومدار مەن ۇكىمەتتەر، سونداي - اق قاتىستى تاراۋلار ٴوز مىندەتىنە جاۋاپتى بولىپ، تەڭ يگەرىپ، بىرگە باسقارىپ، جىلدان - جىلعا جالعاپ ىستەپ، شىن مانىندە وسى يگى ٴىستى ويداعىداي ىستەۋ، ناقتى ٴىستى ناقتى ٴبىتىرۋ كەرەك.

مەملەكەتتىك اۋىل - قىستاقتاردىڭ دارەتحانا توڭكەرىسى جۇمىس باسى ٴماجىلىسى 7 - ايدىڭ 23 - كۇنى حۋناننىڭ حىڭياڭىندا اشىلدى. ٴماجىلىس شي جينپيڭنىڭ ماڭىزدى نۇسقاۋىن جەتكىزدى، ۇيرەندى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، اۋىل - قىستاقتاردىڭ دارەتحانا توڭكەرىسىن اۋىل - قىستاقتى گۇلدەندىرۋدىڭ ماڭىزدى قىزمەتى رەتىندە شىنايى ويداعىداي يگەرۋ كەرەك. تەزدىككە ەمەس، ساپاعا تالپىنۋعا، تىڭعىلىقتى، ورنىقتى ىلگەرىلەتۋگە تاباندى بولىپ، ساپانى ٴبىرىنشى ورىنعا قويۋعا تاباندى بولىپ، بىرەۋى وزگەرتىلسە بىرەۋىنىڭ بىتۋىنە شىنايى كەپىلدىك ەتۋ كەرەك. دارەتحانانى وزگەرتۋدى سۋمەن قامداۋدى قامتاماسىز ەتۋمەن جانە لاس سۋدى ٴبىر جاقتى ەتۋمەن تەڭ ىلگەرىلەتۋگە تاباندى بولىپ، تازالىق ولشەمىنە جەتۋىنە شىنايى كەپىلدىك ەتۋ كەرەك. جەرگىلىكتى جاعدايعا قاراي وڭتايلى ٴادىس - شارالار مەن تەحنيكالاردى قاراستىرىپ، تاجىريبە پىسىپ - جەتىلگەننەن كەيىن جالپىلاستىرۋ كەرەك. شارۋالاردىڭ تۇلعالىق رولىن تولىق ساۋلەلەندىرۋ كەرەك. ۇيىمدىق باسشىلىقتى جاپپاي كۇشەيتىپ، قىزمەت ستيلىندە بۇرىلىس جاساپ، ماسەلەلەردى ٴبىر - بىرلەپ انىقتاۋ، رەتتەۋ - تۇزەتۋدى مىقتى يگەرىپ، شارۋا بۇقارانىڭ مۇنان يگىلىكتەنۋىنە شىنايى كەپىلدىك ەتۋ كەرەك. 

حۋنان، حىبەي، لياۋنيڭ، حاينان، يۇننان، گانسۋ ولكەلەرىنىڭ جاۋاپتى جولداستارى ماجىلىستە اۋىس - كۇيىس جاساپ، ٴسوز سويلەدى. 

قاتىستى ولكەلەردىڭ، رايونداردىڭ جانە تاراۋلاردىڭ، ٴارقايسى ولكەلەردىڭ، رايونداردىڭ، قالالاردىڭ جانە شينجياڭ ٴوندىرىس - قۇرىلىس بيڭتۋانىنىڭ اۋىل شارۋاشىلىعى، اۋىل - قىستاق تاراۋلارىنىڭ، اۋىل - قىستاقتى گۇلدەندىرۋ تاراۋلارىنىڭ جانە اۋىل - قىستاقتاردىڭ دارەتحانا توڭكەرىسى قىزمەتىنە جەتەكشىلىك ەتەتىن تاراۋلاردىڭ جاۋاپتى جولداستارى قاتارلىلار ماجىلىسكە قاتىناستى.