شينحۋا اگەنتتىگىنىڭ تىلشىلەرى

بيىل 8 - ايدىڭ 8 - كۇنى ەلىمىزدىڭ 13 - رەتكى جالپى حالىقتىق دەنە شىنىقتىرۋ كۇنى. جاڭا داۋىردە جالپى حالىقتىق دەنە شىنىقتىرۋ بۇرىن بولىپ كورمەگەن بيىككە كوتەرىلىپ، اناعۇرلىم باي مازمۇنعا يە بولدى. باس شۋجي شي جينپيڭنىڭ جەتەكشىلىگىندە، بەيجيڭ قىسقى وليمپياداسىن، قىسقى مۇگەدەكتەر وليمپياداسىن وتكىزۋگە دايىندالۋ جالپى حالىقتىق دەنە شىنىقتىرۋدىڭ ورىستەتىلۋىن جانە دەنە تاربيەدە قۋاتتى ەل قۇرىلىسىن جان - جاقتى ىلگەرىلەتتى.

بەيجيڭ قىسقى وليمپياداسىن، قىسقى مۇگەدەكتەر وليمپياداسىن وتكىزۋگە ءوتىنىش ەتۋگە جانە وتكىزۋگە شي جينپيڭ جولداستى ۇيتقى ەتكەن پارتيا ورتالىق كوميتەتى بيىكتە تۇرىپ الىستى كوزدەگەن جوسپار جاسادى. مۇنىڭ ىشىندە، جالپى حالىقتىق دەنە شىنىقتىرۋ ماڭىزدى ورىندى يەلەيدى.

2017 - جىلدىڭ باسىندا باس شۋجي شي جينپيڭ حالىقارالىق وليمپيادا كوميتەتىنىڭ ءتوراعاسى باحپەن كەزدەسكەندە مىنالاردى ءبىلدىردى: بەيجيڭ قىسقى وليمپياداسىن وراي ەتىپ، باسەكەلىك دەنە تاربيەنى اناعۇرلىم جاقسى، اناعۇرلىم تەز، اناعۇرلىم بيىك، اناعۇرلىم قۋاتتى ورىستەتۋمەن بىرگە، بۇقارالىق دەنە تاربيەنى زور كۇشپەن دامىتىپ، جالپى حالىقتىڭ دەنە شىنىقتىرۋى ارقىلى جالپى حالىقتىڭ سالاماتتىعىن جۇزەگە اسىرىپ، ونان ارى جاپپاي دوڭگەلەك داۋلەتتىلىك نىساناسىن جۇزەگە اسىرامىز.

　　عاسىرلىق ۇلى جوسپاردا حالىققا پايدالى بولۋدى بارىنەن جوعارى قويدى

باس شۋجي شي جينپيڭ بەيجيڭ قىسقى وليمپياداسىنىڭ، قىسقى مۇگەدەكتەر وليمپياداسىنىڭ دايىندىق قىزمەتىنە باستان - اياق كوڭىل ءبولدى. ول ورتاعا قويعان ”جاسىل، بىرگە يگىلىكتەنەتىن، اشىق، پاك“ سىندى 4 ۇلكەن وليمپيادا وتكىزۋ ۇستانىمى بەيجيڭ قىسقى وليمپياداسىن، قىسقى مۇگەدەكتەر وليمپياداسىن وتكىزۋگە دايىندالۋ بارىسىنىڭ ءاربىر ۇساق تۇستارىنا دەيىن ساباقتاسىپ، قازىر قوماقتى تابىستاردى قولعا كەلتىردى.

− جاسىل وليمپيادا وتكىزۋ: بەيجيڭ قىسقى وليمپياداسىنا جاڭادان سالىنعان مۇزداعى ويىن تۇرلەرى الاڭ - سارايلارى مەن باسەكەلىك ەمەس جارىستار الاڭ - سارايلارى تۇگەلدەي جاسىل قۇرىلىس 3 جۇلدىز ولشەمىنە جەتەدى. بارلىق باسەكەلىك جارىس الاڭ - سارايلارىنا ％100 جاسىل ەلەكتر ەنەرگياسى پايدالانىلادى. 4 مۇزداعى ويىن تۇرلەرىنىڭ الاڭ - سارايلارىنا جاڭاشا كومىرتەگى قوس توتىعى مۇزداتۋ ءدارىسى − قازىرگى دۇنيە جۇزىندەگى قورشاعان ورتانى ەڭ جاقسى قورعايتىن مۇزداتۋ تەحنيكاسى قولدانىلىپ، كومىر قىشقىل گازىن شىعارۋ نولگە تايايدى. يانچيڭ جارىس اۋماعىندا جيىنى 2 ميلليون 140 مىڭ شارشى مەترلىك ەكولوگيانى قالپىنا كەلتىرۋ قىزمەتى ىستەلدى... قىسقى وليمپياداعا كورىكتى جۇڭگو نەگىزى قالاندى. بەيجيڭ قىسقى وليمپياداسى سايكەستىرۋ القاسىنىڭ ءتوراعاسى، حالىقارالىق وليمپيادا كوميتەتىنىڭ ورىنباسار ءتوراعاسى كىشى سامارانيچ: بەيجيڭ قىسقى وليمپياداسى ”ەڭ جاسىل“ وليمپيادا بولادى، - دەدى.

− بىرگە يگىلىكتەنەتىن وليمپيادا وتكىزۋ: بەيجيڭ قىسقى وليمپياداسىن وتكىزۋگە دايىندالۋ بەيجيڭ - تيانجين - حىبەيدىڭ سايكەستى دامۋ ستراتەگياسىن جالپى بەتتىك اتقارۋدا جەتەكشىلىك رول اتقارادى؛ بەيجيڭ - جاڭجياكوۋ دەنە تاربيە، مادەنيەت ساياحاتى بەلدەۋىن قالىپتاستىرۋدى ىلگەرىلەتىپ، جەلى بويىنداعى بۇقارانىڭ جۇمىستانۋىن، كىرىسىن ارتتىرىپ بايۋىن جەبەيدى. حالىق بۇقاراسىن يگىلىككە كەنەلتۋ − قىسقى وليمپيادانى وتكىزۋدىڭ ماڭىزى سانالادى. ساناققا نەگىزدەلگەندە، بەيجيڭ قىسقى وليمپياداسىنىڭ ءىشىنارا قارداعى ويىن تۇرلەرى جارىسى وتكىزىلەتىن جاڭجياكوۋ چۇڭلي رايونىندا ءار 5 ادامنىڭ بىرەۋى قار - مۇزعا قاتىستى قىزمەتپەن شۇعىلدانادى ەكەن. 2019 - جىلدىڭ اياعىنا دەيىن چۇڭليدەگى سالىنىپ بولعان قار الاڭى جەرگىلىكتى ورىننان 2000عا جۋىق ادامدى جۇمىستانۋعا باۋراعان، بۇل بارلىق قىزمەتكەر سانىنىڭ ％90تەن استامىن يەلەيدى. ءار جاقتىڭ اقىل - پاراساتىن شوعىرلاندىرىپ، ءار سالانىڭ كۇش - قۋاتىن توپتاپ، الەمدەگى يگىلىكتى ءىستى كوركەيتكەن بەيجيڭ قىسقى وليمپياداسىن وتكىزۋگە دايىندالۋ تاماشا قوعامدىق اسەر تۋدىردى.

− اشىق وليمپيادا وتكىزۋ: بەيجيڭ قىسقى وليمپياداسىن ۇيىمداستىرۋ القاسى حالىقارالىق وليمپيادا كوميتەتى، حالىقارالىق مۇگەدەكتەر وليمپيادا كوميتەتى، حالىقارالىق قىسقى جەكە ويىن تۇرلەرى دەنە تاربيە بىرلەستىگى سياقتى جاقتارمەن باستان - اياق تاماشا سەلبەستىكتىك ساقتادى؛ قوعامدىق قارجىنى جانە قوعامدىق كۇشتەردى دايىندىق قىزمەتىنە ات سالىسۋعا قابىلدادى؛ الەمدەگى 18 مەملەكەت پەن رايوننان 57 ەرەكشە ۇسىنىس ەتىلگەن ماماندى تاڭداپ، بەيجيڭ قىسقى وليمپياداسىن ۇيىمداستىرۋ القاسىنىڭ 10 نەشە تاراۋىندا قىزمەت ىستەتتى. بەيجيڭ قىسقى وليمپياداسى سىرتقا ەسىك اشۋدىڭ ىلگەرىلەتكىشىنە اينالدى.

− پاك وليمپيادا وتكىزۋ: بەيجيڭ قىسقى وليمپياداسىن ۇيىمداستىرۋ القاسى جارىس وتكىزۋ جوباسىن ىقشامداپ، جارىستى تاماشا وتكىزۋ مەن جارىستى ۇنەمشىلدىكپەن وتكىزۋدىڭ بىرلىگىن جۇزەگە اسىرۋعا قۇلشىندى؛ ءارقايسى ويىن تۇرلەرى اينالىمىن قازىنالىق جاقتان تەكسەرۋدى، باقىلاۋدى كۇشەيتىپ، دايىندىق قىزمەتىنىڭ پاك، جوعارى ءونىمدى بولۋىنا شىنايى كەپىلدىك ەتتى؛ ۇنەمشىل بولۋ پرينسيبىنە تاباندى بولىپ، استا - توكتىككە، ىسىراپشىلدىققا سالىنباي، قىسقى وليمپيادانى ەڭ ۇنەمدى تاسىلمەن وتكىزەدى. مىسالى، قارجىنى ۇنەمدەۋ ءۇشىن، مەملەكەتتىك قار اربا، قار شانا ورتالىعى شەتەلدىك ۇجىمدى جوعارى ەڭبەكاقىمەن ۇسىنىس ەتپەي، ءوز كۇشىنە سۇيەنىپ جاڭالىق اشىپ، 1.9 كيلومەترلىك جارىس جولىن بەتونمەن قۇيىپ شىقتى.

4 ۇلكەن وليمپيادا وتكىزۋ ۇستانىمىنىڭ جەتەكشىلىگىندە، بەيجيڭ قىسقى وليمپياداسىن وتكىزۋگە دايىندالۋشىلار عاسىرلىق ۇلى جوسپارعا تاباندى بولىپ، زەيىن قويا جوبالاپ، زەر سالا جۇمىس ىستەپ، جوبا مەن جوسپار بويىنشا ىلگەرىلەتىپ، بايسالدىلىقپەن ساپاعا، سانعا كەپىلدىك ەتىپ، ءبىر توپ ساپالى، ەكولوگيالىق، گۋمانيتارلىق، پاك سارا ينجەنەريالاردى تۇلعالادى. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى بەيجيڭ قىسقى وليمپياداسىنىڭ دايىندىق قىزمەتىنىڭ ورنىقتى ىلگەرىلەۋىنە بوگەت بولا العان جوق، بىلتىر جىل اياعىندا بارلىق 12 باسەكەلىك جارىس الاڭ - سارايىنىڭ قۇرىلىسى ءبىتتى ءارى قاتىستى حالىقارالىق جەكە ويىن تۇرلەرى دەنە تاربيە ۇيىمدارىنىڭ تەكسەرىپ وتكىزىپ الۋىنان جانە دالەلدەۋىنەن ءوتىپ، جوعارى باعاعا يە بولدى.

بەيجيڭ قىسقى وليمپياداسىن، قىسقى مۇگەدەكتەر وليمپياداسىن وتكىزۋگە دايىندالۋ بارىسىندا، باس شۋجي شي جينپيڭ قۇرىلىستار مەن وزگەرتىپ سالىنعان ينجەنەريالاردىڭ كەيىنگى پايدالانىلۋ ماسەلەسىن تولىق ويلاستىرۋدى تالاي رەت باسا دارىپتەدى. ول: قىسقى وليمپيادا الاڭ - سارايلارىنىڭ جارىستان كەيىنگى پايدالانىلۋىن بەلسەندىلىكپەن جوسپارلاپ، ەلەۋلى جارىستاردى وتكىزۋدى جالپى حالىقتىق دەنە شىنىقتىرۋعا قىزمەت وتەۋمەن ۇشتاستىرۋ كەرەك، - دەپ اتاپ كورسەتتى.

سارا ينجەنەريالاردى جارىققا شىعارۋ ءبىر رەتكى الەمدى جالت قاراتقان جارىس وتكىزۋ ءۇشىن عانا ەمەس، ونان دا ماڭىزدىسى، جارىستان كەيىن جالپى حالىقتىق دەنە شىنىقتىرۋ سياقتى حالىقتىڭ ۇزاق بولاشاقتىق قۇت - ىرىسى ءۇشىن.

باس شۋجي شي جينپيڭنىڭ تالاپ ەتۋى مەن جەتەكشىلىك ەتۋىندە، بەيجيڭ قىسقى وليمپياداسىنىڭ، قىسقى مۇگەدەكتەر وليمپياداسىنىڭ بارلىق جارىس الاڭ - سارايلارى قىسقى وليمپيادانىڭ، سونداي - اق باسقا دا جارىستاردىڭ قاجەتىن قاناعاتتاندىرۋمەن بىرگە، جارىستان كەيىن قار - مۇز سپورتىنا قىزمەت وتەۋگە، بۇقارانىڭ دەنە شىنىقتىرۋىنا قىزمەت وتەۋگە ۇزاق بولاشاقتىق جوبا جاساپ، وليمپيادانى تاماشا وتكىزۋ جانە جارىستان كەيىن الاڭ - سارايلاردىڭ پايدالانىلۋى، شارۋاشىلىق جۇرگىزە الۋى، باياندى جالعاسۋى سىندى قوس نىسانانى جۇزەگە اسىرۋعا شىنايى كەپىلدىك ەتەدى.

بەيجيڭ قالاسى كەلەلى نىساندار قۇرىلىسى قولباسشىلىق شتابى كەڭسەسىنىڭ ورىنباسار مەڭگەرۋشىسى يۇي دىچۋان بىلاي دەدى: ”بەيجيڭ قىسقى وليمپياداسىنىڭ الاڭ - سارايلارى جارىستان كەيىن تۇگەلدەي جۇرتشىلىققا اشىق ۇستالىپ، جۇرتشىلىقتىڭ قار - مۇز سپورتىنا قاتىناسۋ شارت - جاعدايىن بارىنشا جاقسارتىپ، 300 ميلليون ادامنىڭ قار - مۇز سپورتىنا قاتىناسۋىنا قاتتى بولشەك جانە تەحنيكا تىرەگىن ازىرلەيدى“.

عاسىرلىق ۇلى جوسپاردا تەرەڭ ويلاپ الىستى كوزدەدى، جالپى حالىقتىق دەنە شىنىقتىرۋدا حالىققا پايدالى بولۋدى بارىنەن جوعارى قويدى. بەيجيڭ قىسقى وليمپياداسىنىڭ 4 ۇلكەن وليمپيادا وتكىزۋ ۇستانىمىنان الاڭ - سارايلاردى جارىستان كەيىن جالپى حالىقتىق دەنە شىنىقتىرۋعا قىزمەت وتەيتىن ەتىپ جوبالاۋعا دەيىن بارلىعىندا ”حالىقتى وزەك ەتۋ“ ۇستانىمى ايگىلەندى.

　　دەنە تاربيەدە قۋاتتى ەل قۇرۋدىڭ نەگىزى بۇقارالىق دەنە تاربيەدە

”جالپى حالىقتىق دەنە شىنىقتىرۋ كۇنى“ 2009 - جىلى تۇراقتاندىرىلدى؛ 2012 - جىلى ”جالپى حالىقتىق دەنە شىنىقتىرۋ سپورتىن كەڭىنەن ورىستەتۋ“ 18 - قۇرىلتاي بايانداماسىنا جازىلدى؛ 2014 - جىلى جالپى حالىقتىق دەنە شىنىقتىرۋ مەملەكەتتىك ستراتەگيا دەڭگەيىنە كوتەرىلدى. مەملەكەت گۇلدەنسە، دەنە تاربيە گۇلدەنەدى. جالپى حالىقتىق دەنە شىنىقتىرۋدىڭ ماڭىزدىلىعى بىرتىندەپ جوعارىلادى، زاماننىڭ وزگەرۋىنە ىلەسە، دەنە تاربيەنىڭ ءمانى مەن كولەمىندە دە ەلەۋلى وزگەرىستەر تۋىلدى.

دەنە تاربيە قوعامنىڭ دامۋىنىڭ جانە ادامزاتتىڭ العا باسۋىنىڭ ماڭىزدى بەلگىسى، جالپىلىق مەملەكەت قۋاتى مەن مەملەكەتتىڭ جۇمساق ناقتى قۋاتىنىڭ ماڭىزدى ايگىلەنۋى. دەنە تاربيە حالىقتىڭ سالاماتتىق دەڭگەيىن جوعارىلاتۋداعى ماڭىزدى ءتاسىل ءارى جۇڭگو ارمانىن جۇزەگە اسىرۋدىڭ ماڭىزدى مازمۇنى، جۇڭحۋا ۇلتىنىڭ ۇلى گۇلدەنۋىنە زەيىن - زەردە، قايرات - جىگەر ۇيىستىراتىن قۇدىرەتتى رۋحاني كۇش ازىرلەيدى.

دەنە تاربيە مىنە وسىنشا ماڭىزدى. ونىڭ ىشىندە بۇقارالىق دەنە تاربيە، اسىرەسە، ماڭىزدى. باس شۋجي شي جينپيڭ: دەنە تاربيەدە قۋاتتى ەل قۇرۋدىڭ نەگىزى بۇقارالىق دەنە تاربيەدە، - دەپ اتاپ كورسەتتى.

پارتيا 19 - قۇرىلتايىنىڭ بايانداماسىندا ”جالپى حالىقتىق دەنە شىنىقتىرۋ قيمىلىن كەڭىنەن ەتەك الدىرىپ، دەنە تاربيەدە قۋاتتى ەل قۇرۋ قۇرىلىسىن جەدەلدەتۋ“ نىساناسى ايقىن ورتاعا قويىلدى. دەنە تاربيەدە قۋاتتى ەل قۇرۋدا جالپى حالىقتىق دەنە شىنىقتىرۋدان باستاپ ىسكە كىرىسۋ كەرەك. جالپى حالىقتىق دەنە شىنىقتىرۋ جالپى حالىقتىڭ سالاماتتىعىن جۇزەگە اسىرۋدىڭ ماڭىزدى جولى، ”قوس 100 جىلدىق“ كۇرەس نىساناسىن جۇزەگە اسىرۋدىڭ، جۇڭگو ارمانىن جۇزەگە اسىرۋدىڭ سالاماتتىق نەگىزى.

2014 - جىلى مەملەكەتتىك كەڭەس «دەنە تاربيە كاسىپ سالاسىن جەدەل دامىتىپ، دەنە تاربيەلىك تۇتىنۋدى ىلگەرىلەتۋ جونىندەگى بىرنەشە پىكىردى» باسىپ تاراتىپ، جالپى حالىقتىق دەنە شىنىقتىرۋدى مەملەكەتتىك ستراتەگيا دەڭگەيىنە كوتەردى.

جۋىقتا مەملەكەتتىك كەڭەس باسىپ تاراتقان «جالپى حالىقتىق دەنە شىنىقتىرۋ جوسپارىندا (2021 − 2025 - جىل)» ەلىمىزدە جالپى حالىقتىق دەنە شىنىقتىرۋدىڭ وڭىرلىك دامۋى بىركەلكى بولماۋ، الەۋمەتتىك قىزمەت وتەۋمەن قامداۋ جەتكىلىكتى بولماۋ سياقتى ماسەلەلەر ءالى دە ءومىر ءسۇرىپ وتىرعاندىعى اتاپ كورسەتىلدى.

قار - مۇز سپورتى بۇقارالىق دەنە تاربيەدەگى ولقىلىق بولىپ كەلدى. بۇرىندارى ”قار - مۇز سپورتى شانحايگۋاننان اسپاعان“ دەگەن ايتىلىم ەلىمىزدىڭ قار - مۇز سپورتىنىڭ وڭىرلىك دامۋىنداعى بىركەلكىسىزدىك جاعدايىن وبرازدى كورسەتكەن ەدى.

2017 - جىلى 1 - ايدا باس شۋجي شي جينپيڭ بەيجيڭ قىسقى وليمپياداسىنىڭ، قىسقى مۇگەدەكتەر وليمپياداسىنىڭ دايىندىق قىزمەتىن تەكسەرگەن كەزدە بىلاي دەپ باسا دارىپتەدى: ءبىزدىڭ بەيجيڭ قىسقى وليمپياداسىن وتكىزۋدى ءوتىنىش ەتۋىمىزدەگى ماڭىزدى ءبىر ماقساتىمىز ەلىمىزدىڭ قار - مۇز سپورتىنىڭ تەز العا باسۋىن ىلگەرىلەتۋ، جالپى حالىقتىق دەنە شىنىقتىرۋدىڭ كەڭ كولەمدە ەتەك الۋىن ىلگەرىلەتۋ.

مىنە بۇل ءبىزدىڭ بەيجيڭ قىسقى وليمپياداسىنا، قىسقى مۇگەدەكتەر وليمپياداسىنا دايىندالۋ بارىسىندا ارقالاعان بورىشىمىز.

　　تاريحي ورايدى مىقتى يگەرىپ، جالپى حالىقتىق دەنە شىنىقتىرۋ ناۋقانىن ىلگەرىلەتتى

بيىل 1 - ايدا باس شۋجي شي جينپيڭ بەيجيڭ قالاسى يانچيڭ رايونىنا ورنالاسقان مەملەكەتتىك تاۋ شاڭعى ورتالىعىندا قىزمەت تەكسەرىپ، تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: بەيجيڭ قىسقى وليمپياداسىن، قىسقى مۇگەدەكتەر وليمپياداسىن وتكىزۋ ارقىلى ەلىمىزدىڭ قار - مۇز سپورتىنىڭ، اسىرەسە، قار ءۇستى سپورتىنىڭ دەڭگەيىن جوعارىلاتىپ، 300 ميلليون ادامنىڭ اراسىنا قار - مۇز سپورتىن اناعۇرلىم ويداعىداي جالپىلاستىرىپ، دەنە تاربيەدە قۋاتتى ەل قۇرۋدى ىلگەرىلەتۋ كەرەك.

ماڭىزدى بەلگى سيپاتتى قيمىل رەتىندە، بەيجيڭ قىسقى وليمپياداسى، قىسقى مۇگەدەكتەر وليمپياداسى ”قوس 100 جىلدىق“ كۇرەس نىساناسىنىڭ شەشۋشى تاريحي توعىسۋ تۇيىنىندە تۇرىپ، جالپى حالىقتىق دەنە شىنىقتىرۋدى ىلگەرىلەتۋگە، جۇڭگونىڭ دەنە تاربيەسى مەن قوعامدىق، ەكونوميكالىق دامۋىن ىلگەرىلەتۋگە وراسان زور تاريحي وراي الا كەلدى.

بەيجيڭ قىسقى وليمپياداسىن وتكىزۋگە 2015 - جىلى ءوتىنىش بەرۋ ءساتتى بولعاننان كەيىن، ۇكىمەت ىركەس - تىركەس «قار - مۇز سپورتىن دامىتۋ جوباسى(2016 − 2025 - جىل)»، «”300 ميلليون ادامدى قار - مۇز سپورتىنا ات سالىسۋعا باستاۋدى“ اتقارۋ باعدارلاماسى(2018 − 2022 - جىل)»، «2022 - جىلعى بەيجيڭ قىسقى وليمپياداسىن وراي ەتىپ، قار - مۇز سپورتىن زور كۇشپەن دامىتۋ جونىندەگى پىكىر» سياقتى ماڭىزدى حۇجاتتاردى جاريالاپ، قار - مۇز سپورتىنىڭ جالپىلاسۋىن جانە دامۋىن ساياساتتىق دەڭگەيدەن ىلگەرىلەتتى.

6 جىلدان بەرى قار - مۇز سپورتى جەدەل تۇردە ”وڭتۇستىككە قانات جايىپ، باتىسقا كەڭەيىپ، شىعىسقا ەنگىزىلۋدە“، وڭتۇستىكتەگى ءبىرتالاي وڭىرلەر دە قار - مۇز قۇرىلعىلارىن سالا باستادى، جىجياڭ، گۇيجوۋ، حۋبەي سياقتى جەرلەردە قار - مۇز ساياحاتىنا شىعاتىن ادام سانى جىلىنا ورتا ەسەپپەن ％10 اينالاسىندا ورنىقتى ارتتى. قار - مۇز سپورتىنا قاتىناساتىن جاستار مەن وسپىرىمدەردىڭ سانى بارعان سايىن ارتىپ، ءتىپتى دە كوپ بۇقارا مۇز ايدىندارىنا، قار الاڭدارىنا باراتىن بولىپ، جالپى حالىقتىق دەنە شىنىقتىرۋعا شىت جاڭا مازمۇن قوسىپ، دەنە تاربيەدە قۋاتتى ەل قۇرۋعا ەرەن قۋاتتى قوزعاۋشى كۇش ۇستەدى.

بيىلعى كوكتەم مەرەكەسى كەزىندە، 10 مىڭنان استام ادام ىركەس - تىركەس بەيجيڭ باداليڭ قار شاڭعى الاڭىنا بارىپ شاڭعى تەپتى، بەلەت ساتاتىن تەرەزەلەردەگى قىزمەتكەرلەر: ”مۇنداي قاربالاس بولىپ كورمەگەن ەدىك“، - دەدى. قار شاڭعى الاڭىنىڭ باس ديرەكتورى ۋ بين: ”’300 ميلليون ادامدى قار - مۇز سپورتىنا ات سالىسۋعا باستاۋدان‘ تۋىنداعان اسەر توتەنشە كۇشتى بولدى“، - دەدى تەبىرەنىپ.

300 ميلليون ادامدى قار - مۇز سپورتىنا ات سالىسۋعا باستاۋ، جالپى حالىقتىق دەنە شىنىقتىرۋدىڭ نەگىزىن بەكەمدەپ، جۇڭگونىڭ دەنە تاربيەدە قۋاتتى ەل قۇرۋ قۇرىلىسىن جەدەلدەتىپ قانا قويماي، دۇنيە ءجۇزىنىڭ قار - مۇز سپورتىنا دا وراسان زور ۇلەس قوسادى. حالىقارالىق وليمپيادا كوميتەتىنىڭ ءتوراعاسى باح: ”بۇل قار - مۇز سپورتىنىڭ، ءتىپتى، دۇنيە ءجۇزى دەنە تاربيەسىنىڭ دامۋىنداعى ۇلى ورايعا اينالادى“، - دەدى.

بەيجيڭ قىسقى وليمپياداسىن وتكىزۋگە ءوتىنىش بەرۋ ءساتتى بولعاننان كەيىنگى ەكىنشى جىلى بەيجيڭ قالالىق قار شاڭعى قوعامى قۇرىلدى ءارى بەيجيڭ قالاسىنىڭ تاريحىنداعى تۇڭعىش جاستار مەن وسپىرىمدەر قار شاڭعى اترەتى قۇرىلدى. 2019 - جىلى 2 - ايدا ولار مەملەكەتتىك 2 - كەزەكتى جاستار سپورت جارىسىنىڭ تاۋ شاڭعى جارىسىندا وزدەرى قاتىناسقان 6 ءتۇردىڭ التىن، كۇمىس مەدالىن تۇگەل يەلەدى. بەيجيڭ قالالىق قار شاڭعى قوعامىنىڭ ءتوراعاسى لي شياۋميڭ: ”بەيجيڭ قىسقى وليمپياداسىن وتكىزۋ بالالاردىڭ قار - مۇز سپورتىنا قاتىناسۋىنا، وزدەرىنىڭ ارماندارىنا تالپىنۋىنا وراي ازىرلەدى“، - دەدى.

دەنە تاربيەدە قۋاتتى بولسا، جۇڭگو قۇدىرەتتى بولادى. ءبىز ءداۋىردىڭ ماڭىزدى تاپسىرماسىن ورىنداپ، ”قاراپايىم، حاۋىپسىز، تارتىمدى بولۋ“ سىندى جارىس وتكىزۋ تالابى بويىنشا، ءبىر كەزەكتى ”تارتىمدى، كەرەمەت، ەرەن“ بەيجيڭ قىسقى وليمپياداسىن، قىسقى مۇگەدەكتەر وليمپياداسىن وتكىزىپ، دەنە تاربيەدە قۋاتتى ەل قۇرۋ نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزۋىمىز كەرەك.

قالام تەربەگەن تىلشىلەر: ما باڭجيە؛ قاتىناسقان تىلشىلەر لي لي، جي يە، ۋاڭ يۇڭ، جاڭ شياۋ

(شينحۋا اگەنتتىگىنىڭ 8 - ايدىڭ 8 - كۇنى بەيجيڭنەن بەرگەن حابارى)