باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
وبلىستىق ۇكىمەت مەملەكەت مەنشىگىندەگى، حالىقتىق كاسىپورىنداردى ستراتەگيالىق سەلبەستىك كەلىسىمىن جاساسۋعا ۇيىمداستىردى
2021-09-19 10:46:15     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴتىلشىمىز حان شاشا حابارلايدى. 9 - ايدىڭ 16 - كۇنى وبلىستىق حالىق ۇكىمەتى مەملەكەت مەنشىگىندەگى، حالىقتىق كاسىپورىنداردى ستراتەگيالىق سەلبەستىك كەلىسىمىن جاساسۋعا ۇيىمداستىردى، شينجياڭ ەگىن، مال شارۋاشىلىعىنا قارجى قوسۋ  (توبى)  شەكتى جاۋاپكەرلىك سەرىكتىگى مەن ىلە اۋىل شارۋاشىلىعىنا قارجى قوسۋ توبى شەكتى سەرىكتىگى ستراتەگيالىق سەلبەستىك جۇلگەسى كەلىسىمىنە قول قويدى؛ شينجياڭ ەگىن، مال شارۋاشىلىعىنا قارجى قوسۋ  (توبى)  شەكتى جاۋاپكەرلىك سەرىكتىگى، ىلە اۋىل شارۋاشىلىعىنا قارجى قوسۋ توبى شەكتى سەرىكتىگى، شينجياڭ فۋرۇندى قارجى قوسۋ توبى شەكتى سەرىكتىگى، شينجياڭ ۋانفىڭ مال شارۋاشىلىعىن دامىتۋ شەكتى سەرىكتىگى ستراتەگيالىق سەلبەستىك جۇلگەسى كەلىسىمىنە قول قويدى. 

وبلىستىق پارتكومنىڭ ورىنباسار شۋجيى، ۋاقىتتىق وبلىس باستىعى قادەن كابەن ۇلى جانە قاتىستى كاسىپورىنداردىڭ ۋاكىلدەرى، وبلىسقا توتە قاراستى قاتىستى ورىنداردىڭ جاۋاپتىلارى كەلىسىم جاساسۋ سالتىنا قاتىناستى. 

ۇعىسۋعا قاراعاندا، ٴتورت جاق «ۇكىمەت جەتەكشىلىك ەتۋ، كاسىپورىن جۇمىس جۇرگىزۋ، تاراۋلار باقىلاۋ ـ باسقارۋ، بازا ۇلگى كورسەتۋ، بىتىراندى باعىمشىلىق» سىندى قىزمەت وي جەلىسىنە ساي، تەڭ، ەرىكتى بولۋ، ٴوزارا تيىمدىلىك جاساۋ، ٴوزارا پايدا جەتكىزۋ، بىرگە جەبەۋ جانە بىرگە دامۋ العى شارتىندا وبلىستىڭ مال شارۋاشىلىعى «251» ينجەنەرياسىن نىسانا، مال ەنگىزۋدى تۇتقا، «اۋىل شارۋاشىلىعىن كاسىپ سالالاندىرىپ تيجارات جۇرگىزۋدى، اۋىل شارۋاشىلىق قوسىمشا ونىمدەرىن جىنتىكتەپ مانەرلەۋدى، ەگىن، مال شارۋاشىلىق ەرەكشە كاسىبىن كەڭەيتۋدى، جالعاستىرۋدى» نەگىزگى قامال الۋ باعىتى ەتىپ، جەم -ٴشوپ ەگىمشىلىگى جانە مانەرلەۋ، سويىس قوي، سيىر باعىمشىلىعى جانە جىنتىكتەپ مانەرلەۋ، مال شارۋاشىلىعى تۇلعالىق قۇرىلعىلار قۇرىلىسى، مال سويۋ، جاركەمدەۋ، ٴسۇت ونىمدەرىن ٴوندىرۋ، مانەرلەۋ، اۋىل شارۋاشىلىق قوسىمشا ونىمدەرىن جىنتىكتەي مانەرلەۋ، سۋىق تىزبەكتى زات اينالىمى سياقتى جاقتاردا ىشكەرىلەي سەلبەستىك ورىستەتىپ، توعىسپالى دامۋدى جۇزەگە اسىرىپ، ايگىلى ماركالاردى ۇگىتتەۋ، ونىمدەردى جالپىلاستىرۋ سياقتى كاسىپتەردى بەلسەنە كەڭەيتىپ، ۇزاق ۋاقىتتىق ستراتەگيالىق سەلبەستىك سەرىكتەستىك قاتىناس ورناتادى ەكەن.

جۇلگەلىك كەلىسىمگە ساي، ٴتورت جاق «كاسىپورىن + سەلبەستىك كووپەراتيۆى + بازا» سەلبەستىك ٴتاسىلىن بەلسەنە اتقارىپ، كولەمدەنگەن، شوعىرلانعان سيىر، قوي شارۋاشىلىعىن جۇرگىزىپ، «14 ـ بەسجىلدىقتىڭ» سوڭىنا دەيىن ىلە وبلىسىنا توتە قاراستى ورىنداردا بازادا جەتىلدىرۋ جانە شارۋالارعا جەتەكشىلىك ەتۋ ارقىلى 20 ميلليون تۇياق قوي، 5 ميلليون باس سيىر باعىمشىلىعىمەن شۇعىلدانۋ ستراتەگيالىق دامۋ نىساناسى جۇزەگە اسىرىلىپ، وڭىرلىك باسىمدىققا يە ەرەكشە مال شارۋاشىلىعىنىڭ دامۋى جەدەلدەتىلەدى. 

وسى رەتكى ستراتەگيالىق سەلبەستىك جۇلگەسى كەلىسىمىنە قول قويىلۋى اۆتونوميالى وبلىس مال شارۋاشىلىعىنىڭ دەڭگەيىن ٴوسىرىپ، دارەجەسىن جوعارىلاتۋدى، ەگىن، مال شارۋاشىلىق قۇرىلىمىن ونان ارى ساپالىلاندىرىپ، 1-، 2-، 3 - كاسىپتەردىڭ توعىسپالى دامۋىنا جەتەكشىلىك ەتۋدى، اۆتونوميالى وبلىس ەكونوميكاسىنىڭ جوعارى ساپالى دامۋىن جۇزەگە اسىرۋدى جەبەيدى.