ۋاڭ جىحۋا (ٴوز ٴتىلشىمىز)

مادەنيەت بەينە ساۋلە ىسپەتتى جۇرت جۇرەگىن اقىل - پاراساتپەن نۇرلاندىرادى. ٴتۇرلى ىستەر جاپپاي دامىعان بۇگىنگى كۇندە گۋمانيتارلىق مادەنيەت توعىسقان ىلە باستان - اياق اسقاق ارىنمەن العا ىلگەرىلەپ، اۆتونوميالى وبلىستىڭ مادەنيەت كاسىبىنىڭ باسەكەلىك قۋاتى كورنەكتى جوعارىلاپ، الەۋمەتتىك مادەنيەت جونىنەن قىزمەت وتەۋ كۇن سايىن كەمەلدەنىپ، بەيزاتتىق مادەني مۇرالارعا مۇراگەرلىك ەتۋ مەن ونى قورعاۋدىڭ قىزۋ ورلەۋى كوتەرىلىپ، مادەنيەت جىرىنىڭ اسەم ٴۇنى اۋەلەپ، قۇلاقتىڭ قۇرىشىن قاندىردى... مادەنيەتتىڭ قۇدىرەتتى كۇشى وسىناۋ بايتاق دالاعا ٴسىڭىپ، قۇدىرەتتى رۋحاني كۇش قالىپتاستىرىپ، ىلەنىڭ وبرازىن ۇزدىكسىز جاڭالاي ٴتۇستى.

«شينجياڭدى مادەنيەتپەن نارلەندىرۋ» ينجەنەرياسىن ىشكەرىلەي اتقارۋ − باس شۋجي شي جينپيڭدى ۇيتقى ەتكەن پارتيا ورتالىق كوميتەتىنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە شىعارعان شەشىمى مەن ورنالاستىرۋى ٴارى پارتيانىڭ جاڭا داۋىردەگى شينجياڭدى جونگە سالۋ جالپى جوباسىنىڭ ماڭىزدى مازمۇنى. ٴبىر جىلدان بەرى اۆتونوميالى وبلىس «شينجياڭدى مادەنيەتپەن نارلەندىرۋ» ينجەنەرياسىن كۇش سالا ىلگەرىلەتىپ، مادەنيەت نەگىزدىك قۇرىلعى قۇرىلىسىن ۇزدىكسىز كەمەلدەندىرىپ، مادەنيەت جاعىندا حالىققا تيىمدىلىك جاساۋ قيمىلىن بەلسەنە ورىستەتىپ، مادەنيەت سارا تۋىندىلارىن كۇش سالا بايىتىپ، مادەنيەت قاۋىرت گۇلدەنىپ - دامىعان شينجياڭنىڭ بايتاق دالاسىنا مادەنيەتتىڭ اسەم بوياۋىن ٴسىڭىردى.

مادەنيەت جاعىندا حالىققا تيىمدىلىك جاساۋ بۇقارانىڭ تابىس سەزىمىن ارتتىردى

التىن كۇزدە ىلەنىڭ بايتاق دالاسىندا جەمىس - جيدەكتىڭ حوش ٴيىسى اڭقىپ، مول ٴونىمنىڭ اسەم كورىنىسى مەنمۇندالاپ، بارلىق جەردە باقىت پەن تىنىشتىقتىڭ كۇلكى لەبى ەسىپ، بايابان دالانى مىڭ بۇرالعان ٴبي مەن اسەم ٴان كەرنەدى.

5 - ايدان 10 - ايعا دەيىن قۇلجا قالاسى 40 مادەنيەت ەرىكتىلەر اترەتىن ۇيىمداستىرىپ، ىلە وزەنى ساياحات كورىنىس رايونى، قازانشى ۇلتتىق سالت - سانا ساياحات رايونى، التىشۋار كورىنىس رايونى جانە جىبەك جولى شۇعىلاسى ساياحات شاعىن قالاشىعى سياقتى ورىنداردا مادەنيەت - كوركەمونەر كونسەرتى، ٴان - ٴبي، دراما، سانگەرلىك، ولەڭ وقۋ سياقتى نومىرلەردى قويىپ، ٴار ۇلت قالا تۇرعىندارى مەن ساياحاتشىلارىنا ىلە مادەنيەتىنىڭ وزگەشە باۋراۋ قۋاتىن سەزىندىردى. توعىزتاراۋ اۋدانىنداعى 90 نان استام انار ٴدانى كىتاپ ٴۇيىنىڭ قايسى بىرىنە بارساڭىز دا قىزىعا كىتاپ وقىپ وتىرعان بۇقارانى كورەسىز. كىتاپ ۇيلەرىندە ساقتالعان كىتاپتاردىڭ قورى مول، پارتيا تاريحى، قايراتكەرلەر ٴومىر بايانى، ادەبيەت، جاعراپيا، بالالار ادەبيەتى سياقتى مازمۇنداردى قامتىپ، ٴار ۇلت بۇقاراسىنىڭ كىتاپ وقۋ قاجەتىن قاناعاتتاندىردى.

وتكەن جىلى 10 - ايدا توعىزتاراۋ اۋدانىنىڭ كوبەلەك كولى كورىنىس رايونىندا تۇڭعىش رەت انار ٴدانى كىتاپ ٴۇيى قۇرىلعاننان بەرى مادەنيەتتىڭ تىڭ بەلگىسى قۇدىرەتتى رۋحاني كۇش - قۋاتتى اۋەلگىسىندەي ۇيىستىرىپ، تۇتاس اۋداننىڭ 9 اۋىل، قالاشىعىنىڭ 81 قىستاعىندا (الەۋمەتتىك اۋماق) تۇگەلدەي انار ٴدانى كىتاپ ٴۇيى قۇرىلىپ، «ٴجۇز، مىڭ، ون مىڭ» ينجەنەرياسىن اتقارىپ، ٴاربىر كىتاپ ٴۇيىن 100 ٴتۇرلى قۇرىلعىمەن، مىڭ نۇسقا كىتاپ، جازبالارمەن قامداپ، كىتاپ ٴۇيىن قوعامعا اشىق ۇستاپ، بۇدان 10 مىڭ كادر- بۇقارانى يگىلىكتەندىردى.

جاقىنعى كۇندەردەن بەرى توعىزتاراۋ اۋدانىنداعى شۋەيۇنشا (شىرشا) ٴبي اترەتى جاتتىعۋ جاساپ، جۇڭچيۋ، مەملەكەت مەرەكەسى سىندى قوس مەرەكەنى قۇتتىقتاۋعا مىعىم دايىندىق كوردى. 60 جاستاعى اترەت مۇشەسى جاۋ ي - فىڭ بىلاي دەپ تانىستىردى: «قازىر ٴارقايسى الەۋمەتتىك اۋماقتىڭ بارلىعىندا مادەنيەت الاڭى بار، كوپشىلىك ٴان ايتىپ، ٴبي بيلەپ، دوپ، شاحمات ويناپ، حاتكەرلىككە جاتتىعىپ، رۋحاني قاجەتىن اناعۇرلىم قاناعاتتاندىردى.

8 - ايدىڭ 29 - كۇنى بيڭتۋان 4 - ديۆيزياسىنىڭ كوكدالا قالالىق كىتاپحاناسى وبلىستىق كىتاپحانانىڭ  «كىتاپ وقىپ، شينجياڭدى نارلەندىرۋ» ۇيىرمەسىمەن بىرگە «بيڭتۋان مەن جەرگىلىكتى ورىننىڭ كىتاپ وقۋ سالتىن توعىستىرىپ، شينجياڭدى مادەنيەتپەن نارلەندىرۋگە دەم بەرۋ» تاقىرىبىندا كىتاپ وقۋ، پىكىر الماستىرۋ قيمىلىن ورىستەتتى. 26 وقىرمان وزدەرىنىڭ كىتاپ وقىعاننان كەيىنگى اسەرلەرىمەن ٴبولىسىپ، پىكىر اۋىستىردى.

 «كىتاپ وقىپ، شينجياڭدى نارلەندىرۋ» نىسانىن ىلەنىڭ حالىق اراسىنداعى كىتاپ وقۋ اۋەسكەرلەرى بىرگە اشقان. مۇندا نەگىزگى تاقىرىپتا لەكسيا سويلەۋ، جاقسى كىتاپتاردان ورتاق پايدالانۋ، پىكىر اۋىستىرىپ، تالقى ورىستەتۋ سياقتى فورمالار ارقىلى كوپتەگەن ادامدى ويداعىداي كىتاپ وقۋعا، جاقسى كىتاپتى وقۋعا جىگەرلەندىرىپ، «شينجياڭدى مادەنيەتپەن نارلەندىرۋدى» ىلگەرىلەتىپ، «قويۋ كىتاپ وقۋ سالتىنا يە ىلەنى» بىرگە قۇرۋ ماقسات ەتىلگەن. قازىر بۇل نىسان 10 نان استام جەلىدەگى كىتاپ وقۋ بەكەتىنە دەيىن جالپىلاسىپ، كىتاپ وقۋ جينالىسى 100 رەتكە جۋىق ورىستەتىلىپ، مىڭنان استام ادامنىڭ كىتاپ وقۋ ىنتاسىن كۇشەيتتى.

ىلەدە  حالىقتىق مادەنيەت ۇيىمدارىنىڭ بارلىق جەردە گۇل اشقان اۋقىمى جارىققا شىقتى، ٴاربىر قىستاقتا (الەۋمەتتىك اۋماق) ادەبيەت - كوركەمونەر اترەتى، دەنەتاربيە اترەتى جانە ەرىكتى قىزمەت وتەۋ اترەتى سياقتى 3 اترەت قۇرىلىپ، ٴار اپتادا نەگىزگى تاقىرىپ بولۋ، اي سايىن قيمىل بولۋ سىندى ٴار ٴتۇرلى، وزىندىك ەرەكشەلىككە يە مادەنيەت اۋقىمى قالىپتاستى. 

وبلىسقا توتە قاراستى ورىندارداعى ٴار دارەجەلى مادەنيەت الاڭدارى الەۋمەتتىك يگىلىك سيپاتىن نەگىز ەتىپ، كوركەمونەرلىك جانە بۇقارالىق سيپاتپەن تولىق ۇشتاستىرىپ، تاربيەلەۋ، لەكسيا جاساۋ، كوشپەلى ويىن قويۋ، كوشپەلى كورمە سياقتىلاردى اشىپ، اسەمونەر، حاتكەرلىك، فوتو سۋرەت، ٴان - ٴبي تەاترى، ٴبي، حالىق اراسىنداعى كوركەمورنەرلىك قاعاز ويما، چيپاۋ سياقتى الۋان فورماداعى مادەنيەت توپتاماسىن بۇقارا اراسىنا جەتكىزىپ، جۇرت جۇرەگىنە ۇيالاتتى. 

  جىل باسىنان بەرى ٴار دارەجەلى الەۋمەتتىك مادەنيەتكە قىزمەت وتەۋ قۇرىلىمدارى مادەنيەت سارايى، كىتاپحانا جانە مۇراجاي سىندى ورىندارعا سۇيەنىپ، ٴتۇرلى تاڭداۋلى تۋىندىلار كورمەسىن قويۋ مەن تاربيەلەۋدى ۇدايىلىق ورىستەتتى. وبلىستىق مادەنيەت سارايى ىلگەرىندى - كەيىندى «جاڭا داۋىرگە قادام تاستاۋ» اتىنداعى تۇرمىستى بەينەلەيتىن جەلىلەس قيمىل لەكسياسى، «تاريحتى ۇيرەنىپ، امالياتتا ايگىلەۋ، حالىق ٴۇشىن ناقتى ىستەر ىستەۋ» اتىنداعى الەۋمەتتىك يگىلىك سيپاتتى الاڭ ٴبيى كۋرسى، دومبىرا جانە بارابان سياقتى الەۋمەتتىك يگىلىكتى تاربيەلەۋ سياقتى كوپ ٴتۇرلى مازمۇنداعى تاربيەلەۋدى ورىستەتتى، تاربيەلەنگەن بۇقارا شامامەن 3 مىڭ ادام - رەتتەن استى. وبلىستىق كىتاپحانا «ٴجۇز جىلدىق تاريحتى وقىپ، رۋحاني كۇش جالعاۋ»، «جۇڭگو رۋحى، جۇڭگو قاھارماندارى»، «ماركسيزم جۇڭگودا» سياقتى توڭكەرىستىك كورمەلەردى ۇيىمداستىرىپ، مەملەكەت ٴىلىمى لەكسياسىن ۇنەمىلىك ورىستەتتى. وبلىستىق مۇراجاي كوشپەلى مۇراجاي كورمەسىن ۇزدىكسىز اشىپ، اۋدان، قالا، اۋىل جانە قىستاقتارعا ىشكەرىلەي بارىپ (الەۋمەتتىك اۋماق) كوشپەلى كورمە سارايىن 28 - مايدان - رەت ورىستەتتى.

 8 - ايدىڭ سوڭىنا دەيىن وبلىسقا توتە قاراستى ورىندارداعى ٴار دارەجەلى الەۋمەتتىك مادەنيەتكە قىزمەت وتەۋ قۇرىلىمدارى ٴبىر مىڭ 180 مايدان - رەت ٴتۇرلى مادەنيەت قيمىلدارىن ورىستەتتى، بۇعان 510 مىڭنان استام ادام قاتىناستى. ٴتۇرلى قيمىلدار ينتەرنەت جەلىسىندە تىكە تاراتىلىپ، ينتەرنەتتەگى كورىلىمى 10 ميلليوننان استام ادامعا جەتتى. سوتسياليستىك وزەكتى قۇن كوزقاراسىنىڭ جەتەكشىلىگىندە، ٴار ۇلت حالقى ورتاق يگىلىكتەنەتىن جۇڭحۋا مادەنيەتىنىڭ بەلگىسى مەن جۇڭحۋا ۇلتتارىنىڭ وبرازىن ورناتتى. 

 مادەنيەتكە قىزمەت وتەۋ «ەڭ سوڭعى ٴبىر كيلومەترگە» دەيىن تۇتاستىرىلدى

 بيىل اۆتونوميالى وبلىس «شينجياڭدى مادەنيەتپەن نارلەندىرۋ»، «شينجياڭدى ساياحات ارقىلى گۇلدەندىرۋ» ستراتەگياسىن جەدەل ىلگەرىلەتىپ، مادەنيەت كاسىبىن دامىتۋ، الەۋمەتتىك مادەنيەتكە قىزمەت وتەۋ، مادەنيەت - كوركەمونەرلىك تۋىندىلار، مادەنيەت پەن ساياحاتتى ۇشتاستىرا دامىتۋ سياقتى جاقتارداعى ٴبىر توپ مادەنيەت - ساياحات نىسانىن اتقارىپ، حالىققا ٴتيىمدى ٴبىرقىدىرۋ ساياسات شىعارىپ، جەلىلەس مادەنيەت - ساياحات قيمىلدارىن ۇيىمداستىرىپ، ٴار ۇلت بۇقاراسىنا جانە ساياحاتشىلارعا ىلەنىڭ كوپ قىرلى مادەنيەتىنىڭ وزگەشە تارتىمدىلىعىن تولىق سەزىندىردى. 

جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋدىڭ قويۋ اۋانىن قالىپتاستىرۋ ٴۇشىن پارتيانىڭ شۇعىلالى تاريحي ساپارى مەن كەسەك تابىسىن ۇگىتتەپ، اۆتونوميالى وبلىس پارتيا تاريحىن ۇيرەنۋ تاربيەسىمەن ۇشتاستىرا وتىرىپ، مادەنيەتتىڭ جەتەكشىلىك رولىن ساۋلەلەندىرىپ، «ٴبىزدىڭ جۇڭگو ارمانىمىز − مادەنيەتتى سان مىڭداعان وتباسىلارىنا جەتكىزۋ» اتىنداعى نەگىزگى تاقىرىپتىق قيمىلىن ارقاۋ ەتىپ، نەگىزگى ساتىعا قىزمەت وتەيتىن 15  انار ٴدانى مادەنيەت شاعىن بولىمشە اترەتىن ۇيىمداستىرىپ، وبلىسقا توتە قاراستى ورىندارداعى 8 اۋدان، 3 قالاداعى اۋىل، قالاشىق، قىستاقتارعا ىشكەرىلەي ەنىپ، «سۇيىكتى پارتيانى جىرلايمىن» اتىنداعى تاربيەلەۋ، جەتەكشىلىك ەتۋ، كونسەرت جانە كورمە قيمىلىن ورىستەتتى، سونىمەن بىرگە، «پارتيانىڭ 100 جىلدىعىن جىرلايمىن، ۇلاسپالى كلاسسيكالىق توڭكەرىستىك اندەر»، «100 جىلدىق اۋەلگى ماقسات شۇعىلا شاشتى» اتىنداعى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جەلىلەس قيمىلدارىن ورىستەتتى.

بيىل وبلىسقا توتە قاراستى ورىندار ٴبىر قىدىرۋ مادەنيەت، ساياحات ٴتۇيىندى نىساندارىن جانە نەگىزدىك قۇرىلعى قۇرىلىسىن بارىنشا ىلگەرىلەتىپ، مادەنيەت، ساياحات كاسىبىن دامىتۋداعى ولقىلىقتاردى تولىقتاۋدىڭ اياق الىسىن جەدەلدەتىپ، مادەنيەت جاعىندا قىزمەت وتەۋدەگى «ەڭ سوڭعى ٴبىر كيلومەتردى» اشىپ، تۇتاس وڭىرلىك ساياحاتتان ۇلگى كورسەتەتىن وبلىس قۇرۋعا كۇش جۇمسادى. ٴبىر ميلليارد يۋان قارجى قوسىلعان نارات كورىنىس رايونىنىڭ دارەجەسىن جوعارىلاتىپ وزگەرتۋ نىسانى، 380 ميلليون يۋان قارجى قوسىلعان چاپچال اۋدانىنىڭ اراسان ساۋىقتىرۋ سۋ دۇنيەسى قۇرىلىس نىسانى، 120 ميلليون يۋان قارجى قوسىلعان قۇلجا قالاسى جىبەك جولى نۇرى ساياحات كورىنىس نىسانى، 120 ميلليون يۋان قارجى قوسىلعان ىلە قازانشى ٴداستۇرلى سالت - سانا، مادەنيەت كورمە رايونى قۇرىلىس نىسانى، 100 ميلليون يۋان قارجى قوسىلعان قورعاس قالاسى جۇڭگو - قازاقستان حالىقارالىق مادەنيەت، ساياحات رايونىنىڭ دارەجەسىن جوعارىلاتۋ نىسانى سياقتى باستاماشىلىق قۋاتى كۇشتى، ىقپال كۇشى زور 16 مادەنيەت، ساياحات سارا تۋىندى نىسانىن وبلىس باسشىلارى كوتەرمەگە الىپ جەدەلدەتىپ، ورنىقتى ىلگەرىلەتتى.  

 ىرگەدەگى مادەنيەت الاڭى، مادەنيەت سارايى، قۇرىلعى، ٴنول ارالىقتاعى مادەنيەت قيمىلدارى، قىزمەت وتەۋلەر ىلەدەگى ٴار ۇلت بۇقاراسىن «شينجياڭدى مادەنيەتپەن نارلەندىرۋ» ناتيجەلەرىنىڭ قۋانتارلىق وزگەرىسىنەن يگىلىكتەندىردى. 

 سارا تۋىندىلاردى ٴتىپتى دە ساپالىلاندىرىپ، مادەنيەت ماركاسىن قالىپتاستىردى

8 - ايدىڭ 31 - كۇنى كۇنەس اۋدانى ەنگىزگەن نارات كورىنىس رايونى «تيانشانداعى شوپان جىرى» وسىزامانعى ات ٴۇستى ونەرى تەاترى كونسەرتىنىڭ دارەجەسىن جوعارىلاتىپ، وزگەرتىپ جاساۋ نىسان قۇرىلىسى تامامدالىپ، كولەمدى تاريحي داستان «ناراتتاعى قاراۋىل» جاڭادان سالىنعان كونسەرت زالىندا تۇڭعىش رەت ٴساتتى قويىلدى. 

كوركەمونەر سارا تۋىندىلارىن قالىپتاستىرۋ ٴۇشىن بيىل كۇنەس اۋدانى 13 ارنايىلانعان كونسەرت ۇيىرمەسىن قۇرىپ، بايىرعى تايپا تۇرمىسىن سەزىنۋ رايونىن، قازاق ۇلتتىق سالت - سانا مادەنيەتىن سەزىنۋ رايونىن ورنالاستىرىپ، «ساحارا شاتتىعى، الاۋ كەشى كونسەرتى»، اقىندار ايتىسى سياقتى سارا مادەنيەت - كوركەمونەر كونسەرتىن قويۋعا كۇش جۇمساۋمەن بىرگە، كورەرمەندەر قىزىعا كورەتىن كينو، تەلە فيلمدەرگە، توراپ جۇلدىزى قولامتالى تۇيىندەرىنە تىعىز ىلەسىپ، «تۇنەك ٴتۇن»، «ۇلى چين يمپەرياسىنىڭ حيكاياسى» سياقتى تەلە فيلمدەردى كەسكىنگە تۇسىرگەن ورىنداردا سۋرەتكە ٴتۇسۋ ساياحاتىن، «ەڭ كورىكتى تاس جول - مايتاۋ - كۇشار تاس جولى»، «تاۋ ٴسانى» توراپ جۇلدىزدارىنىڭ سۋرەتكە ٴتۇسۋ بازاسى جانە «قازاق ٴبىرىنشى قىستاعىنداعى» ٴدامدى تاعامنان ٴلاززاتتانۋ، ورىك گۇلى قىستاعىنداعى گۇل اراسىندا سۋرەتكە ٴتۇسۋ سياقتى ساياحات، سەزىنۋ قيمىلدارىن ورىستەتىپ، «قىسقا ۋاقىتتا كوپ جەردى ساياحاتتاۋدى» جۇزەگە اسىرىپ، مادەنيەت، ساياحات كاسىبى ەكونوميكاسىنىڭ ارتۋىن جەبەدى.

 ىلە وبلىستىق ٴان - ٴبي تەاترحاناسى مەن جياڭسۋ ولكەسى ۋ - شي قالالىق ٴان - ٴبي تەاترحاناسى بىرلەسىپ ورىنداعان، 2021 - جىلعى «شينجياڭدى مادەنيەتپەن نارلەندىرۋ» مادەنيەت، ساياحات سارا تەاترى نىسانى - كولەمدى جاسامپازدىق ٴان - ٴبي تەاترى «جيەيوۋ حانىشا» (اسىلىندەگى اتى «حان اۋلەتى حانىشاسى» ( ىلگەرىندى - كەيىندى جياڭسۋ ولكەسىنىڭ ۋ - شي، نانجيڭ سياقتى جەرلەرىندە جانە وبلىستىق مادەنيەت، كوركەمونەر قيمىل ورتالىعىندا (ىلە ۇلكەن تەاترحاناسىندا) ٴساتتى قويىلىپ، بارشانىڭ جاپپاي جاقسى باعاسىنا يە بولدى.

 بۇل تەاتر − 3 - رەتكى ورتالىقتىڭ شينجياڭ قىزمەتى اڭگىمە ٴماجىلىسىنىڭ رۋحىن دايەكتىلەندىرۋدەگى ۋاكىلدىك تۋىندى، «شينجياڭدى مادەنيەتپەن نارلەندىرۋ» ينجەنەرياسىن ىلگەرىلەتۋدەگى تىرەكتى تۋىندى، باستىسى پارتيا تاريحىن ۇيرەنۋ تاربيەسىن ورىستەتۋدەگى اسەرلى وقۋلىق، سونداي - اق، شينجياڭعا كومەك بەرۋدەگى كورنەكتى تابىستارمەن پارتيا قۇرىلعاندىعىنىڭ 100 جىلدىعىن قۇتتىقتاۋعا ارنالعان مادەنيەت جاعىنداعى كەسەك جاسامپازدىق، وسىنداي تارتىمدى تۋىندىنىڭ دەن قويا جاسالۋى جياڭسۋ مەن ىلەنىڭ مادەنيەت اۋىس - كۇيىسىن اناعۇرلىم تەرەڭدەتىپ، ىلەنىڭ استارى تەرەڭ تاريح، مادەنيەت مۇرالارىن جالپاق جۇرتقا ايگىلەۋدە اسا ماڭىزدى مانگە يە.

 بۇدان تىس، بيىل وبلىستىق ٴان - ٴبي تەاترحاناسى تاعى «ىلەنىڭ ٴتورت ماۋسىمى » اتتى ٴان، ٴبي، ولەڭ تەاترىن ٴتۇيىندى تۇردە ساحنالاستىرىپ، «قىس كەلبەتى»، «كوكتەم جىرى»، «جاز ساۋلەسى»، «كۇزگە ماحاببات» سياقتى بولەكتەر ارقىلى ىلەنىڭ ٴتورت ماۋسىمداعى كوركەم تابيعات كورىنىسىن جانە وزىندىك ەرەكشەلىككە يە سالت - ساناسىن ايگىلەدى. قۇلجا قالاسى جالپى ٴبىر ميلليون 500 مىڭ يۋان قارجى قوسىپ  نانجيڭ قالاسىنىڭ 2020 - جىلعى ادەبيەت - كوركەمونەردى قولداۋ قارجىسى نىسانى قۇجاتتى فيلمى «قۇلجاعا كۋاگەر بولۋدى» كەسكىنگە تۇسىرسە، قورعاس اۋدانى 3 ميلليون يۋان قارجى قوسىپ، «كۇرەگە سۇيىسپەنشىلىك» ٴان - ٴبي تەاترىن دايىندادى. بۇل تۋىندىلار تۇرلىشە ساتىدان ىلەنىڭ دامۋىنداعى وراسان زور وزگەرىستەردى بەينەلەپ، ٴار ۇلت حالقىنىڭ جاراسىمدى، باقىتتى تۇرمىسىن سۋرەتتەپ، شينجياڭ، ٴتىپتى بۇكىل مەملەكەت حالقىنا ىلەنىڭ مادەنيەت ەرەكشەلىگىن سەزىندىردى.

ٴاربىر تەاتر (كونسەرت ٴنومىرى) ادامداردى تەرەڭ ويعا سالدى؛ ٴاربىر اسەرلى كورىنىس جۇرەككە تەرەڭ ورنادى. مادەنيەت - كوركەمونەر سارا تۋىندىلارى بەينە جارقىراعان جۇلدىزداي ىلەنىڭ مادەنيەت - كوركەمونەرىنىڭ وزىندىك كەلبەتىن بارشاعا ايگىلەپ، ٴار ۇلت حالقىنىڭ مادەنيەت تۇرمىسىن نارلەندىرىپ، بايىتىپ، تۇرلەندىرىپ، ىلەلىكتەردىڭ «شينجياڭدى مادەنيەتپەن نارلەندىرۋدەگى» اسەرلى امالياتىن جالپاق جۇرتقا تانىستىردى.