باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ەڭبەك رۋحىن اسقاقتاتىپ، تاريحي ۇلى ىستەر تىندىرايىق
2021-09-26 12:03:02     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

گازەتىمىزدىڭ شولۋشىسى


حالىق تاريحتى جاراتادى، ەڭبەك بولاشاق اشادى. ايبىنى اسقاق ءجۇز جىلدىق كۇرەس ساپارىنا قايىرىلا قاراساق، ەڭبەكتى ارداقتاۋ، ەڭبەكتى ءسۇيۋ، قاجىرلىلىقپەن ەڭبەك ەتۋ، ادالدىقپەن ەڭبەك ىستەۋ سىندى ەڭبەك رۋحى − بۇكىل پارتيا، بۇكىل ەلدەگى ءار ۇلت حالقىن بوران - شاشىندا دا بوگەلمەي، ەرلىكپەن العا ىلگەرىلەۋگە جىگەرلەندىرگەن قۇدىرەتتى رۋحاني قوزعاۋشى كۇش بولدى؛ ەكىنشى 100 جىلدىق كۇرەس نىساناسىنا كوز جىبەرسەك، جۇمىسشى تابى مەن قالىڭ ەڭبەكشى بۇقارانىڭ ەڭبەك ىنتاسىن ونان ارى تاسقىنداتىپ، جاسامپازدىق كومەسكى كۇشىن قاۋلاتىپ، ەڭبەك رۋحىن زور كۇشپەن اسقاقتاتىپ، جاڭا ساپاردا جاڭا تاريحي ۇلى ىستەر تىندىرۋ قاجەت.

ەڭبەك − ادامزاتتىڭ ماندىك قيمىلى، ەڭبەكتىڭ داڭقتىلىعى، جاسامپازدىقتىڭ ۇلىلىعى − ادامزات وركەنيەتىنىڭ العا باسۋ زاڭدىلىعى جونىندەگى ماڭىزدى تۇسىندىرمە. جۇڭحۋا ۇلتى − قاجىرلىلىقپەن ەڭبەك ەتەتىن، جاسامپازدىق جاساۋعا شەبەر ۇلت، ءدال وسى ەڭبەك جاسامپازدىعى بولعاندىقتان دا ءبىز تاريحتىڭ شۇعىلاسىنا بولەندىك؛ ءدال وسى ەڭبەك جاسامپازدىعى بولعاندىقتان دا ءبىز بۇگىنگى تابىستارعا قول جەتكىزىپ وتىرمىز.پارتيا 18 - قۇرىلتايىنان بەرى، ەلىمىزدەگى جۇمىسشى تابى مەن قالىڭ ەڭبەكشى بۇقارا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بىلەك سىبانا ىستەپ، تەر توگە قۇلشىنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ۇلى بارىسىندا تايسالماي كۇرەس جاساپ، ۇزدىك بولۋعا ۇمتىلىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە، كەدەيلىكتەن ارىلتۋدان قامال الۋ شەشۋشى شايقاسىندا نەگىزگى قوسىندىق رول ساۋلەلەندىرىپ، اقىل - پاراساتتارى مەن اشتى تەرلەرى ارقىلى ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ كوركەم سىندى قوعامدىق سالت قالىپتاستىرىپ، ”جۇڭگو ارمانى. ەڭبەك ارداقتى“ دەگەن جاڭا تاراۋ جازدى. جاڭا تيپتى ايدارشا ۆيرۋس وكپە قابىنۋىنا قارسى اتتانۋدىڭ ءبىرىنشى شەبىندە، كەدەيلىكتەن ارىلتۋدان قامال الۋدىڭ نەگىزگى شايقاس مايدانىندا، جوعارى ساپالى دامۋدى ىلگەرىلەتۋدىڭ ەڭ الدىڭعى لەگىندە ... ءار سالا، ءار كاسىپ، ءارقايسى شايقاس شەبىندەگى قاراپايىم جۇمىس ورىندارىنىڭ بارىندە ەڭبەك رۋحىنىڭ شۇعىلاسى بار، بۇل وتانشىلدىقتى وزەك ەتكەن ۇلت رۋحى مەن رەفورما جاساۋ، جاڭالىق اشۋدى وزەك ەتكەن ءداۋىر رۋحىنىڭ جاندى بەينەسى، بۇكىل پارتيانى، بۇكىل ەلدەگى ءار ۇلت حالقىن بوران - شاشىندى ەلەڭ قۇرلى كورمەي العا ىلگەرىلەۋگە جىگەرلەندىرەتىن قۇدىرەتتى رۋحاني قوزعاۋشى كۇش.

”حالىق تۇرمىسى ەڭبەكقورلىقتا، ەڭبەكقور بولسا تاپشىلىق كورمەيدى“. جاڭا جۇڭگو قۇرىلعاننان بەرى، تاعانى بوس، نەگىزى ءالسىز ەكونوميكالىق، قوعامدىق دامۋ جاعدايى الدىندا، شينجياڭداعى ءار ۇلت ەڭبەكشى بۇقاراسى پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكومنىڭ ىنتىماقتاستىرۋى مەن باستاۋىندا، ارىپ - شارشاپ ءجۇرىپ، تايسالماي كۇرەس جاساپ، قۇبا ءتۇز، قۋاڭ دالانى كەڭ - بايتاق قۇنارلى ەگىندىككە اينالدىرىپ، دۇنيەنى وزىق قۇرالدارمەن جابدىقتاپ، كەدەيلىكتەن ارىلتۋدان قامال الۋدىڭ ەڭ ماشاقاتتى تۇيىندەرىن شەشىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاپ، ءبىرىنشى 100 جىلدىق كۇرەس نىساناسىن جۇزەگە اسىردى. ۇزاق ۋاقىتتىق كۇرەس امالياتى بارىسىندا، شينجياڭداعى ءار ۇلت بۇقاراسى ”ەڭبەك بارلىق باقىتتىڭ باستاۋى“ دەگەن وسى ءبىر قاراپايىم قاعيدانى ىشكەرىلەي ءتۇسىندى ءارى ۇرپاقتار بويى ەستە بەرىك ساقتادى.

قازىرگى ۋاقىتتا، جاڭا تاريحي باستامانى تياناق ەتىپ، قولايلى جاعدايدان ۇتىمدى پايدالانىپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋ قالىڭ ەڭبەكشى بۇقارانىڭ ەڭبەك رۋحىن زور كۇشپەن ساۋلەلەندىرىپ، شەبەرلىكپەن جاڭالىق اشىپ، ەرلىكپەن كۇرەس جاساپ، نەگىزگى قوسىندىق رولىن اناعۇرلىم ويداعىداي ساۋلەلەندىرۋىن قاجەت ەتەدى. بۇل جوعارى ساپالى ەڭبەكشىلەر قوسىنىن قۇرۋدى تالاپ ەتەدى. ءبىز، ءسوز جوق، عىلىم - تەحنيكا، وقۋ - اعارتۋ ارقىلى مەملەكەتتى گۇلدەندىرۋ ستراتەگياسىن، دارىندىلار ارقىلى مەملەكەتتى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، جۇمىشسى - قىزمەتكەرلەر قوسىنىنىڭ جالپى تۇلعالىق ساپاسىن جوعارىلاتۋدى ستراتەگيالىق مىندەت رەتىندە مىقتى، ناقتى، ويداعىداي يگەرىپ، ەڭبەكشىلەردىڭ جاڭا ءبىلىم ۇيرەنۋىنە، جاڭا شەبەرلىك يگەرۋىنە، جاڭا قابىلەتتەرىن ارتتىرۋىنا شارت - جاعداي ازىرلەپ، جاڭا داۋىرلىك شۇعىلالى تابىس جاراتۋعا پارمەندى تىرەك ازىرلەۋىمىز؛ سونىمەن بىرگە، حالىقتى وزەك ەتكەن دامۋ يدەياسىنا تاباندى بولىپ، ەڭبەكشى تابى مەن قالىڭ ەڭبەكشى بۇقارانىڭ زاڭدى ۇقىق - مۇددەسىن شىن مانىندە ويداعىداي قورعاپ، جۇمىسشى تابى مەن قالىڭ ەڭبەكشى بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتىپ، قالىڭ ەڭبەكشى بۇقارانىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، قالىڭ ەڭبەكشى بۇقارانىڭ جاڭا داۋىردە ەسە قوسىپ، ەڭبەڭ ءسىڭىرۋىن قولداۋ جانە وعان جىگەرلەندىرۋىمىز كەرەك.

ەڭبەك باقىت جاراتادى، ناقتى ىستەۋ ۇلى ىستەردى جارىققا شىعارادى. ۇلى داۋىردە تۇرىپ، ۇلى ىستەرگە ءوزىمىزدى ارناۋ ءۇشىن، ءبىز قاجىرلىلىقپەن جاسامپازدىق جاساپ، باتىلدىقپەن كۇرەس جۇرگىزىپ، ەڭبەكتى ارداقتاپ، ەڭبەكتى ءسۇيىپ، قاجىرلىلىقپەن ەڭبەك ەتىپ، ادالدىقپەن ەڭبەك ىستەپ، ويداعىداي قوجايىن بولىپ، جاڭا داۋىردە ۇلەس قوسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋىمىز كەرەك.