باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جاپپاي سوتسياليستىك وسىزاماندانعان قۇدىرەتتى مەملەكەت قۇرۋ جولىندا قاجىماي - تالماي كۇرەسەيىك
2021-10-02 11:03:37     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

− جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعىن قىزۋ قۇتتىقتايمىز


كۇز سامالى جانعا جايلى اسەر بەرىپ، سۇبەلى ەڭبەك جەمىستەرى قولعا كەلدى؛ جۇڭگونىڭ بايتاق دالاسى جابىلا قۇتتىقتاپ، ٴتورت توڭىرەك شاتتانا انگە باستى. بۇگىن ٴبىز جۇڭحۋا حالىق رەسپۋبليكاسىنىڭ 72 جىلدىق مەرەيتويىن قارسى الىپ وتىرمىز. بەس جۇلدىزدى قىزىل تۋ تيان - انمىن الاڭىندا جەلمەن بىرگە جەلبىرەپ، 100 جىلدىق ٴىرى پارتيانىڭ دەر شاعىنا كەلىپ، ارىنى اسقاقتاپ تۇرعاندىعىنا كۋا بولىپ، ۇلى وتاننىڭ قايراتتانا جەلكەن جايىپ، جەڭىس ٴانىن شىرقاي العا ىلگەرىلەگەندىگىن ەستەلىككە الىپ، سان ميلليونداعان حالىقتىڭ جاڭا جۇڭگوعا ماداق ايتىپ، جاڭا داۋىردە كۇرەس جۇرگىزەتىن اسقاق مۇراتىن، تاسقىنداعان قايراتىن قاۋلاتۋدا.

ۋاقىت شىت جاڭا جىل بەدەرىن كەستەلەدى، زامان ٴداۋىردىڭ تاماشا جىرىن جازدى. وتكەن ٴبىر جىلعا قايىرىلا قاراساق، قىم − قۋىت كۇردەلى حالىقارالىق جاعداي، جاپالى دا اۋىر ەل ٴىشى رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ٴبىز ەل ٴىشى، حالىقارا سىندى ەكى كەلەلى جاعدايدى ٴبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ، ەل بىرلىگىنەن قامال ورناتىپ، قيىندىققا قاسقايا قارسى ٴجۇرىپ، قايراتتانا العا ىلگەرىلەپ، ەكونوميكانى ۇزدىكسىز ورنىقتى قالپىنا كەلتىرىپ، ورنىقتىلىق بارىسىندا جاقسارتىپ، عىلىم - تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى بەلسەندىلىكپەن ىلگەرىلەتىپ، رەفورما جاساۋ، ەسىك اشۋ تەبىنىن ارتتىرىپ، حالىق تۇرمىسىن ٴونىمدى قامتاماسىز ەتىپ، جوعارى ساپالى دامۋدا تىڭ ونىمدىلىككە قول جەتكىزىپ، قوعامنىڭ كەلەلى جاعدايىنىڭ ورنىقتىلىعىن ساقتادىق. اسىرەسە، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى سىندى ماڭىزدى ساتتە، ٴبىز ٴبىرىنشى 100 جىلدىق كۇرەس نىساناسىن جۇزەگە اسىرىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي سيپاتتى شەشىپ، جىگەرىمىز تاسقىنداي ٴتۇسىپ جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋداي ەكىنشى 100 جىلدىق كۇرەس نىساناسىن بەتكە الىپ ارشىندى قادام تاستاۋدامىز. بۇل جۇڭحۋا ۇلتىنىڭ ۇلى داڭقى! بۇل جۇڭگو حالقىنىڭ ۇلى داڭقى! بۇل جۇڭگو كوممۋنيستىك پارتياسىنىڭ ۇلى داڭقى! ومىرشەڭدىككە تولى جۇڭگو، ۇمىتكە تولى جۇڭگو دۇنيە ٴجۇزىنىڭ شىعىسىندا قاسقايىپ ەڭسە كوتەردى، ٴارقانداي كۇش ٴبىزدىڭ ۇلى وتانىمىزدىڭ ورنىن مىزعىتا المايدى، ٴارقانداي كۇش جۇڭگو حالقى مەن جۇڭحۋا ۇلتىنىڭ العا باسۋ قادامىن توسا المايدى.

تاريح كوبىنەسە ۋاقىتتىڭ بوران - شاشىنىن باستان كەشىرگەننەن بارىپ ٴتىپتى دە ايقىن كورىنەدى. 100 جىلدىڭ الدىندا، جۇڭحۋا ۇلتى دۇنيە ٴجۇزىنىڭ الدىندا توقىراعان، تۇرالاعان بەينەدە كورىنگەن ەدى؛ 72 جىلدىڭ الدىندا، العاشقى بەس جۇلدىزدى قىزىل تۋ باياۋ كوتەرىلىپ، جۇڭحۋا ۇلتىنىڭ كىم كورىنگەن تالان - تاراجىعا سالعان، ابدەن قورلىق كورگەن زامانى ەندىگارى كەلمەسكە كەتتى؛ بۇگىنگى جۇڭگونىڭ بايتاق دالاسىندا وزىنە سەنگەن، ٴوزىن الۋەتتەندىرگەن، قايسارلىققا تولعان، گۇلدەنىپ - كوركەيگەن، تىرشىلىك تىنىسى جالىنداعان بەينە جارىققا شىعىپ، جۇڭحۋا ۇلتى بوگەۋ بەرمەس قاداممەن ۇلى گۇلدەنۋگە قادام تاستاۋدا. باس شۋجي شي جينپيڭ تەرەڭ اتاپ كورسەتكەندەي: «جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇدەرىسكە قادام تاستادى!» بۇل جۇڭگو كوممۋنيستىك پارتياسىنىڭ پارمەندى باسشىلىعىنىڭ ناتيجەسى، جۇڭگو حالقى مەن جۇڭحۋا ۇلتىنىڭ جۇدىرىقتاي جۇمىلىپ، قايسارلىقپەن كۇرەس جۇرگىزۋىنىڭ ناتيجەسى. ٴبىز مىنانى ايقىن كوردىك، ٴارقانداي كۇرەس نىساناسى وڭاي - وسپاق جۇزەگە اسا سالمادى، العا ىلگەرىلەۋ جولى بىردەن ٴساتتى بولا قويعان جوق. جاپپاي دوڭگەلەك داۋلەتتى قوعام ورناتۋ، ٴبىرىنشى 100 جىلدىق كۇرەس نىساناسىن جۇزەگە اسىرۋ جۇڭگو كوممۋنيستىك پارتياسىنىڭ كۇرەس تاريحىندا، جاڭا جۇڭگونىڭ دامۋ تاريحىندا، جۇڭحۋا ۇلتىنىڭ وركەنيەت تاريحىندا تۇگەلدەي بەلەستىك مانگە يە، ەلىمىزدىڭ جاڭا دامۋ كەزەڭىنە وتۋىنە، ەكىنشى 100 جىلدىق كۇرەس نىساناسىن بەتكە الىپ شەرۋ تارتۋىنا بەرىك نەگىز قالادى. سونىمەن بىرگە مىنانى دا، ٴسوز جوق، تاني ٴبىلۋ كەرەك، بۇل ٴبىزدىڭ جۇڭحۋا ۇلتىنىڭ ۇلى گۇلدەنۋىنە قادام تاستاۋىمىزداعى شەشۋشى ٴبىر قادام عانا، ۇلى ارماندى جۇزەگە اسىرۋ ٴۇشىن تايسالماي جان قيارلىقپەن شايقاسۋىمىز، قاجىماي - تالماي كۇرەس جۇرگىزۋىمىز كەرەك. جاڭا ۇلى ساپاردا، ٴبىز، ٴسوز جوق، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جۇرگىزۋىمىز، بارلىق حاۋىپ - قاتەرلەر مەن سىن - سايىستاردى ەرلىكپەن جەڭىپ، جاپپاي سوتسياليستىك وسىزاماندانعان مەملەكەت قۇرۋدىڭ تاريحي اسقاق ارمانى ٴۇشىن قايراتتانا العا ىلگەرىلەپ، ٴبىزدىڭ وسى ۇرپاق ادامعا تاۋەلدى تاريحي ۇلى ىستەردى اشۋىمىز كەرەك.

جول تاعدىردى بەلگىلەيدى، ٴبىزدىڭ قادامىمىز بەكەم. 72 جىلدان بەرى، جۇڭگودا جەر - كوكتى ٴدۇر سىلكىندىرگەن وزگەرىس تۋىلدى، مۇنىڭ ٴتۇبىرلى سەبەبى − ٴبىزدىڭ جۇڭگونىڭ مەملەكەت جاعدايىنا لايىق، ٴداۋىر اعىمىنا ۇيلەسەتىن، حالىق بۇقاراسىنىڭ قولداۋى مەن قۋاتتاۋىنا يە بولعان دۇرىس جولدى تاپقانىمىزدا، مىنە بۇل جۇڭگوشا سوتسياليزم. جۇڭگوشا سوتسياليزم − پارتيا مەن حالىقتىڭ نە ٴبىر جاپا - ماشاقاتتى باستان كەشىرىپ، وراسان زور بوداۋ بەرۋ ارقىلى قول جەتكىزگەن ٴتۇبىرلى تابىسى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولى. بۇل جولمەن دۇرىس ٴجۇرىپ قانا قالماستان، ىركىلىسسىز جۇرەمىز، ونىڭ ۇستىنە، ٴسوزسىز، ورنىقتى جۇرەمىز، جاقسى جۇرەمىز. تاريح پەن اماليات مىنانى دالەلدەدى ٴارى ونان ارى دالەلدەيدى: جۇڭگو كوممۋنيستىك پارتياسى تەڭدەسسىز قۇدىرەتتى باسشىلىق قۋاتىنا جانە بيلىك جۇرگىزۋ قۋاتىنا يە، جۇڭگوشا سوتسياليزم ٴتۇزىمى تەڭدەسسىز قۇدىرەتتى ومىرشەڭدىك كۇشكە جانە جاسامپاز كۇشكە يە، جۇڭگو حالقى مەن جۇڭحۋا ۇلتى تەڭدەسسىز قۇدىرەتتى ۇيىسۋ قۋاتىنا جانە سەنترگە تارتۋ كۇشىنە يە. ماركسيزم جونىندەگى نانىمدى، جۇڭگوشا سوتسياليزم جونىندەگى سەنىمدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىندەگى بەكىمدى كۇشەيتىپ، وسى ٴبىر شۇعىلالى جولمەن بۇلجىماي جۇرە بەرسەك، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ نىساناسى، ٴسوز جوق، جۇزەگە اسادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ٴسوز جوق، جۇزەگە اسادى!

ىنتىماقتاسىپ، كۇش - قۋاتتى ۇيىستىرۋدا ٴبىزدىڭ نىق سەنىمىمىز بار. ىنتىماق − قۇرىش، ىنتىماق − بولات، ىنتىماق − كۇش. ىنتىماق − جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق حاۋىپ - قاتەرلەردى، سىن - سايىستاردى جەڭۋىندەگى، ۇزدىكسىز جەڭىستەن تىڭ جەڭىستەرگە جەتۋىندەگى ماڭىزدى كەپىلى. جۇڭگو كوممۋنيستىك پارتياسىنىڭ 100 جىلدىق تاريحى حالىقتى ىنتىماقتاستىرىپ، باستاپ تاماشا تۇرمىس ٴۇشىن بىرگە كۇرەس جاساعان تاريح. قازىرگى دۇنيە ٴجۇزى 100 جىلدا بولماعان ۇلكەن وزگەرىستى باستان كەشىرۋدە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ شەشۋشى كەزەڭدە تۇر. نىساناعا تاياعان سايىن، جاعداي كۇردەلىلەسە تۇسكەن سايىن، مىندەت اۋىرلاسقان سايىن، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ ٴتۇزىم ابزالدىلىعىن سولعۇرلىم ساۋلەلەندىرە ٴتۇسىپ، ٴار جاقتىڭ اقىل - پاراساتى مەن كۇش - قۋاتىن ۇيىستىرىپ، مەملەكەت ٴىشى - سىرتىنداعى جۇڭحۋا پەرزەنتتەرىنىڭ ويدى ٴبىر جەرگە شوعىرلاندىراتىن، كۇشتى ٴبىر جەرگە جۇمسايتىن قۇدىرەتتى بىرىككەن كۇشىن قالىپتاستىرۋ كەرەك. ەكىنشى 100 جىلدىق كۇرەس نىساناسىنا قاراي ٴورىس اشا ەكپىندەي ىلگەرىلەۋدە، ٴسوز جوق، ۇلى ىنتىماققا، ۇلى بىرلىككە تاباندى بولىپ، بۇكىل ەلدەگى ٴار ۇلت حالقىنىڭ ۇلى ىنتىماعىن بەكەمدەپ، مەملەكەت ٴىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن كۇشەيتىپ، ٴارقايسى پارتيا - توپتاردىڭ، ٴارقايسى ۇيىمداردىڭ، ٴار ۇلتتىڭ، ٴارقايسى جىكتەردىڭ، سونداي - اق ٴار جاقتىڭ ۇلى ىنتىماعىن نىعايتىپ، پارتيانىڭ حالىق بۇقاراسىمەن ەتەنە بايلانىسىن ساقتاپ، وتانشىلدىق رۋحتى بارىنشا اسقاقتاتىپ، ورتاق تانىمدى كەڭىنەن ۇيىستىرىپ، الەمدەگى دارىندىلاردىڭ باسىن قوسىپ، تۇتاس قوعامنىڭ جاسامپازدىق ومىرشەڭدىگىن جانە دامۋ قوزعاۋشى كۇشىن قاۋلاتىپ، ۇلتتىڭ گۇلدەنۋىن جۇزەگە اسىرۋدىڭ جويقىن كۇشىن ۇيىستىرۋ كەرەك.

ناقتى ٴىس ىستەۋ بولاشاقتى كەسكىندەدى، ٴبىزدىڭ جىگەرىمىز اسقاق. ٴبىزدىڭ ٴداۋىرىمىز ادامدى ەكپىندەي ىلگەرىلەۋگە جەلپىندىرەتىن ۇلى ٴداۋىر، ٴبىزدىڭ ىستەگەن ٴىسىمىز بۇرىنعىلار ىستەپ كورمەگەن ۇلى ٴىس، ٴبىز شۇعىلدانىپ وتىرعان جۇڭگوشا سوتسياليزم ىستەرى بۇكىل حالىقتىڭ ورتاق ٴىسى. كەزەكتەگى جانە مۇنان بىلايعى ٴبىر مەزگىلدە ەلىمىزدىڭ دامۋى ٴالى دە ماڭىزدى ستراتەگيالىق وراي مەزگىلىندە تۇرادى، الايدا وراي مەن سايىس تۇگەلدەي جاڭا دامۋ وزگەرىسىنە يە، وراي مەن سايىستىڭ ۇلكەندىگى بۇرىن بولماعان، جالپى جاقتان العاندا وراي سايىستان ۇلكەن، ۋاقىت پەن جاعداي ٴبىز جاقتا تۇر. سوتسياليزمنىڭ ىستەۋمەن كەلگەندىگىن، جاڭا ٴداۋىردىڭ كۇرەسپەن كەلگەندىگىن، ٴسوز جوق، تانۋىمىز كەرەك. وسىزامانداندىرۋدى نەگىزىنەن جۇزەگە اسىرۋدا ناقتى ىستەۋگە سۇيەنۋىمىز، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدا ناقتى ىستەۋگە سۇيەنۋىمىز، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا ناقتى ىستەۋگە سۇيەنۋىمىز كەرەك. تەك «نەعۇرلىم ماشاقاتتى، قاتەرلى بولعان سايىن سولعۇرلىم العا ۇمتىلاتىن» قاھارماندىق ارىندى ساقتاپ، «اي - كۇنگە ٴامىر شاشا الامىز جاڭارتۋعا كوك ٴجۇزىن» دەيتىن كۇرەس رۋحىن اسقاقتاتىپ، شىنايى يگەرىپ، ناقتى ىستەپ، دەن قويا شوگەلدىكپەن ىستەپ، قامال الىپ، قيىندىقتاردى جەڭىپ، ٴورىس اشىپ، جاڭالىق ەنگىزىپ، بولجاۋعا بولاتىن جانە بولجاۋعا كەلمەيتىن ٴتۇرلى تار جول، تايعاق كەشۋلەر بارىسىندا ٴومىر ٴسۇرۋ قۋاتىمىزدى، باسەكە قۋاتىمىزدى، دامۋ قۋاتىمىزدى، باياندى بولۋ قۋاتىمىزدى ارتتىرعاندا عانا، بولاشاقتاعى دامۋدىڭ ىرىقتىلىق ۇقىعىن مەڭگەرىپ، اسقاق مۇرات ٴۇشىن كۇرەسۋ امالياتىن العا ىلگەرىلەتە الامىز.

ساپار الىس، ماقساتقا تەك كۇرەسپەن عانا جەتەمىز. وتكەنگە قايىرىلا قاراساق، پارتيا مەن حالىق 100 جىل كۇرەس جۇرگىزىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي ەپوسىن جازدى. جاڭا تاريحي باستامادا تۇرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، باستان - اياق ىجداعاتتىلىقپەن تاباندى بولاتىن، داندايسۋدان، ۇشقالاقتىقتان ساقتاناتىن سەرگەك وي - سانانى ماڭگى ساقتاپ، جاپادان، قاتەردەن قورىقپايتىن، قاجىرلىلىقپەن ۇمتىلاتىن كۇرەسكەرلىك ارىندى ماڭگى ساقتاپ، «14 - بەسجىلدىقتا» جاقسى باستاما اشۋعا، جاقسى قادام تاستاۋعا شىنايى كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا ەرلىكپەن العا ۇمتىلۋعا تالپىنىپ، جۇڭحۋا ۇلتىنىڭ ۇلى گۇلدەنۋى سىندى جارقىن بولاشاقتى بەتكە الىپ ارشىنداي العا باسايىق!

(شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى)