جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعىن قۇتتىقتاۋ بايلانىسىمەن مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى

شي جينپيڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، ۋاڭ چيشان قاتارلىلار قاتىناستى

لي كىچياڭ ٴسوز سويلەدى، حان جىڭ قوناعاسىنى باسقاردى 

9 - ايدىڭ 30 - كۇنى كەشتە مەملەكەتتىك كەڭەس بەيجيڭ حالىق سارايىندا مەملەكەت مەرەكەسىن قۇتتىقتاۋ قوناعاسىن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعىن قىزۋ قۇتتىقتادى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى جۇڭگولىق، شەتەلدىك قايراتكەرلەرمەن ٴبىر اراعا شاتتىقپەن باس قوسىپ، رەسپۋبليكانىڭ مەرەيتويىن بىرگە تويلادى. 

 سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن 

شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى. 9 - ايدىڭ 30 - كۇنى كەشتە مەملەكەتتىك كەڭەس حالىق سارايىندا مەملەكەت مەرەكەسىن قۇتتىقتاۋ قوناعاسىن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 72 جىلدىعىن قىزۋ قۇتتىقتادى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى 500 گە جۋىق جۇڭگولىق، شەتەلدىك قايراتكەرمەن ٴبىر اراعا شاتتىقپەن باس قوسىپ، رەسپۋبليكانىڭ مەرەيتويىن بىرگە تويلادى.

حالىق سارايىنىڭ قوناعاسى زالىندا اشەكەيلى شامدار شۇعىلا شاشىپ، قۋانىشتى دا جالىندى مەرەكەلىك رايعا شومدى. ٴتوراعالار مىنبەسىنىڭ ٴتور جاعىنا ايبىندى مەملەكەت گەربى بيىك ىلىنگەن، «1949 − 2021» دەگەن ۇلكەن جىل بەلگىسى نارت قىزىل تۋدىڭ نۇرلاندىرۋىندا ايرىقشا كوز تارتادى.

ساعات 17 دەن 30 مينۋت مولشەرىندە دۋماندى «قوناق قارسى الۋ مۋزىكاسىنىڭ» ورىندالۋىمەن شي جينپيڭ قاتارلى پارتيا مەن مەملەكەت باسشىلارى قوناعاسى زالىنا كىرگەندە، بۇكىل زالدان قىزۋ شاپالاق ٴۇنى كوتەرىلدى.

قۇتتىقتاۋ قوناعاسى باستالدى. اسكەري وركەستر «ەرىكتىلەر مارشىن» ورىندادى، بۇكىل زالداعىلار ورىندارىنان تۇرىپ، مەملەكەت ٴانىن اسقاقتاتا شىرقادى. مەملەكەتتىك كەڭەستىڭ زۇڭليى لي كىچياڭ ٴسوز سويلەدى. ول الدىمەن پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى ٴار ۇلت حالقىنىڭ مەرەكەسىن قۇتتىقتادى؛ 

شياڭگاڭدىق، اۋمىندىق باۋىرلاستارعا، تايۋاندىق باۋىرلاستارعا جانە شەتەلدەردەگى چياۋمين باۋىرلاستارعا ىقىلاستى سالەم جولدادى؛ جۇڭگونىڭ وسىزاماندانۋ قۇرىلىسى ىستەرىنە كوڭىل بولگەن جانە ونى قولداعان حالىقاراداعى دوستارعا شىن جۇرەكتەن العىس ايتتى.

لي كىچياڭ بىلاي دەدى: بيىل ٴبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن تويلادىق. جۇڭگو كوممۋنيستىك پارتياسىنىڭ باسشىلىعىندا، بۇكىل ەلدەگى ٴار ۇلت حالقى ىنتىماقتاسا كۇرەس جاساپ، جاڭا جۇڭگونىڭ 72 جىلدىق دامۋ تابىستارى كۇللى دۇنيەنىڭ نازارىن اۋداردى، اسىرەسە، جاپپاي دوڭگەلەك داۋلەتتى قوعام ورناتۋ سىندى ٴبىرىنشى 100 جىلدىق كۇرەس نىساناسىن دەر كەزىندە جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى. بيىل «14 - بەسجىلدىقتىڭ» باستالعان جىلى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدە جوعارىدان تومەنگە دەيىن ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ، كۇردەلى دە قاتاڭ حالىقارالىق ورتا مەن ىندەت، سەل - تاسقىن اپاتى سياقتى كوپتەگەن سىن - سايىستارعا پارمەندى توتەپ بەردى، رەفورما جاساۋدى، ەسىك اشۋدى ۇزدىكسىز تەرەڭدەتۋ ارقىلى دامۋدىڭ قوزعاۋشى كۇشىن ارتتىردى، ماكرولىق ساياساتتى ٴونىمدى اتقارۋ ارقىلى كاسىپورىنداردىڭ قيىنشىلىعىن شەشۋىنە كومەكتەستى، شارۋاشىلىق قۇرۋدى، جاڭالىق اشۋدى بەلسەنە ىلگەرىلەتۋ ارقىلى جاڭا قوزعاۋشى قۋاتتى زورايتتى، جۇڭگو ەكونوميكاسى ۇزدىكسىز قالپىنا كەلدى، دامىدى، دەنە تاربيە ساڭلاقتارى وليمپيادا سپورت جارىسىندا، مۇگەدەكتەر وليمپيادا سپورت جارىسىندا جانە مەملەكەتتىك سپورت جارىسىندا باتىلدىقپەن تاماشا ناتيجەلەرگە قول جەتكىزدى، حالىقتىڭ تۇرمىسى ۇزدىكسىز جاقسارىپ، ٴتۇرلى ىستەردە جاڭا ىلگەرىلەۋشىلىككە قول جەتىپ، جاڭا ارىن جارىققا شىقتى.

لي كىچياڭ بىلاي دەپ اتاپ كورسەتتى: العا باسۋ جولىندا ٴالى دە كوپتەگەن قيىنشىلىقتار، سىن - سايىستار بار، ەكىنشى 100 جىلدىق كۇرەس نىساناسىن جۇزەگە اسىرۋعا قاراي قادام تاستاۋدا مىندەت اۋىر، جول ۇزاق، دامۋ − جۇڭگونىڭ بارلىق ماسەلەسىن شەشۋدىڭ نەگىزى جانە تەتىگى. شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ تالابى بويىنشا، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرىپ، پەريود اتتاعان رەتتەۋدى كۇشەيتىپ، ۇزدىكسىز بازار تۇلعالارىنىڭ قاجەتى توڭىرەگىندە ماكرولىق ساياسات اتقارىپ، ۇيلەسىمدى مەجەنى ورنىقتىرىپ، عىلىم - تەحنيكادا جاڭالىق اشۋ، ىشكى سۇرانىستى كەڭەيتۋ، اۋىل - قىستاقتى گۇلدەندىرۋ سياقتى ٴتۇيىندى قىزمەتتەردى ويداعىداي يگەرىپ، جاسىل، حاۋىپسىز دامۋ قابىلەتىن جوعارىلاتىپ، ەكونوميكانىڭ ۇيلەسىمدى ارالىقتا بولۋىن ساقتاپ، ەكونوميكانىڭ ۇزاق ۋاقىت جاقسارۋىن جەبەۋ كەرەك. رەفورما جاساۋ، ەسىك اشۋ − جۇڭگونىڭ نەگىزگى مەملەكەت ساياساتى، سونداي - اق بۇدان كەيىن جۇڭگونىڭ دامۋىن ىلگەرىلەتەتىن ٴتۇبىرلى قوزعاۋشى كۇش. رەفورمانى جاپپاي تەرەڭدەتىپ، ماڭىزدى سالالار مەن شەشۋشى بۋىندار رەفورماسىندا تىڭ دا اناعۇرلىم زور ىلگەرىلەۋشىلىككە قول جەتكىزۋ كەرەك. سوتسياليستىك بازار شارۋاشىلىعىنىڭ رەفورما بەتالىسىنا تاباندى بولىپ، «ەكىدەن تيتتەي دە اۋىتقىماۋعا» تاباندى بولىپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن تۇلعالاپ، بازار تۇلعالارىن جەتىلدىرىپ، زورايتىپ، ٴتۇرلى بازار تۇلعالارىنا بىردەي قاراپ، ٴادىل باسەكەنى قورعاپ، بازار ومىرشەڭدىگى مەن قوعامدىق جاسامپازدىقتى اناعۇرلىم زور دارەجەدە قاۋلاتۋ كەرەك. جوعارى دەڭگەيلى، تۇزىمدىك سىرتقا ەسىك اشۋدى ىلگەرىلەتىپ، ٴوزارا تيىمدىلىك جاساپ، تەڭ يگىلىككە كەنەلۋ ٴورىسىن كەڭەيتۋ كەرەك. حالىقتىڭ تىلەگى − بيلىك جۇرگىزۋدەگى بەتالىس. اناعۇرلىم كوپ ەتەنە ناقتى شارالار ارقىلى بۇقارا كوكسەگەن ٴىستى ويداعىداي تىندىرۋ كەرەك. كوپ ٴتۇرلى شارانى قاتار قولدانىپ، جۇمىستانۋ ورىندارىن كوبەيتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ كەرەك. قارتتاردى كۇتىمدەۋ، ەمدەۋ، تۇرعىن ٴۇي سان ميلليونداعان وتباسىنا سايادى، وسى نەگىزگى حالىق تۇرمىستارىن قامتاماسىزداندىرۋ جاعىندا جىل سايىن ىلگەرىلەۋشىلىك بولۋ كەرەك. بالالى بولۋ، باعىپ - قاعۋ، تاربيەلەۋ اۋىرتپالىعىن قۇلشىنا جەڭىلدەتۋ كەرەك. ورايدىڭ ادىلدىگىن جەبەپ، شارۋاشىلىق قۇرۋعا، جاڭالىق اشۋعا، جاسامپازدىققا جىگەرلەندىرىپ، ەڭبەك، كۇرەس بارىسىندا قالا مەن اۋىل تۇرعىندارىنىڭ كىرىستەرىن ارتتىرۋىن جەبەپ، توقتاۋسىز دامۋ بارىسىندا حالىقتىڭ ىرىس - قۇتىن ۇزدىكسىز ارتتىرۋ كەرەك.

لي كىچياڭ بىلاي دەدى: ٴبىز «ٴبىر ەل، ەكى ٴتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن ۇزدىكسىز جاپپاي دالمە - ٴدال دايەكتىلەندىرىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاپ، شياڭگاڭنىڭ، اۋمىننىڭ وتاننىڭ ىشكى وڭىرلەرىمەن بىردەي دامىپ، بىرگە العا باسۋىن جەبەپ، حالىق تۇرمىسىنىڭ ۇزدىكسىز جاقسارۋىن ىلگەرىلەتىپ، ۇزاق ۋاقىت گۇلدەنۋدى، ورنىقتىلىقتى ساقتايمىز. تايۋانعا قاراتىلعان قىزمەت جونىندەگى كەلەلى ساياسات - باعىتتاردى تاباندىلىقپەن دايەكتىلەندىرىپ، ٴبىر جۇڭگو پرينسيبىنە جانە «92 - جىلعى ورتاق تانىمعا» تاباندى بولىپ، ەكى جاعالاۋداعى باۋىرلاستاردىڭ ىرىس - قۇتىن تياناق ەتىپ، ەكى جاعالاۋ قاتىناسىنىڭ بەيبىت دامۋى مەن وتان تۇتاستىعىن ىلگەرىلەتىپ، ٴارقانداي «تايۋان دەربەستىگى» بولشەكتەۋ ارەكەتتەرىنە جانە سىرتقى كۇشتەردىڭ كيلىگۋىنە باتىل قارسى تۇرىپ جانە ونى اۋىزدىقتاپ، ۇلت گۇلدەنۋىنىڭ كوركەم بولاشاعىن بىرگە قۇرامىز. جۇڭگو ەڭ ٴىرى وركەندەپ كەلە جاتقان ەل رەتىندە، ٴوز ٴىسىن كۇش سالا ويداعىداي ىستەۋدى تياناق ەتىپ، بۇلجىماستان بەيبىتشىلىك، دامۋ جولىمەن ٴجۇرىپ، جاڭاشا حالىقارالىق قارىم - قاتىناس ورناتۋدى ىلگەرىلەتىپ، الەمدىك جونگە سالۋدى جەبەپ، كەمەلدەندىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى. دۇنيە جۇزىندەگى ٴارقايسى ەلدەرمەن اۋىس - كۇيىستى، سەلبەستىكتى كۇشەيتىپ، الەمدىك سىن - سايىستارعا قول ۇستاسا توتەپ بەرىپ، دۇنيە ٴجۇزى ەكونوميكاسىنىڭ جاندانۋى مەن ارتۋىن بىرگە جەبەيدى.

لي كىچياڭ سوڭىندا بىلاي دەدى: ىسكەرلىك − ۇلى ٴىس تىندىرادى، كۇرەس − بولاشاق اشادى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاۋاپكەرشىلىك ارقالاپ، ىسكەرلىك كورسەتىپ، قايراتتانا ەكپىندەي ىلگەرىلەپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تالماي كۇرەسەيىك!

دۋماندى مۋزىكا ٴۇنى ىشىندە جۇڭگولىق، شەتەلدىك قوناقتار، دوستار توست كوتەرىپ، جاڭا جۇڭگو قۇرىلعاندىعىنىڭ 72 جىلدىعىن بىرگە قۇتتىقتاپ، جۇڭگونىڭ گۇلدەنۋىن، بايۋىن، قۇدىرەتتەنۋىن، حالىقتىڭ باقىتتى، امان - ەسەن بولۋىن، جۇڭگو حالقى مەن دۇنيە جۇزىندەگى ٴار ەل حالىقتارىنىڭ دوستىعىنىڭ ماڭگى جالعاسۋىن تىلەدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ قۇتتىقتاۋ قوناعاسىن باسقاردى.

قوناعاسىعا بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ ورىنباسار زۇڭليلەرى، مەملەكەتتىك كەڭەستىڭ مۇشەلەرى، مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ٴتوراعالارى جانە باسشىلىق مىندەتتەن شەگىنگەن جولداستار، سونداي - اق ورتالىق اسكەري ىستەر كوميتەتىنىڭ مۇشەلەرى، كەزىندە ورتالىق اسكەري ىستەر كوميتەتىنىڭ مۇشەسى بولعان جولداستار دا قاتىناستى.

ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنىڭ جاۋاپتىلارى، دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭ قالاسىنىڭ جاۋاپتىلارى، وردەن يەگەرلەرىنىڭ، داڭق اتاعى يەگەرلەرىنىڭ ۋاكىلدەرى، «ەكى تاڭداۋلى، ٴبىر وزات» ماداقتاۋ - سيلاۋ وبيەكتىلەرىنىڭ ۋاكىلدەرى، توكيو وليمپياسىنداعى، مۇگەدەكتەر وليمپياسىنداعى جۇڭگو دەنە تاربيە ۋاكىلدەر ۇيىرمەسىنىڭ ۋاكىلدەرى، مەملەكەتتىك ەڭبەك ەرلەرىنىڭ جانە وزات تۇلعالاردىڭ ۋاكىلدەرى، ۇلتتىق وڭىرلەردىڭ ورنىقتىلىعىنا، دامۋىنا، ىنتىماعىنا ماڭىزدى ۇلەس قوسقان از ۇلت ۋاكىلى قايراتكەرلەرى، بەيجيڭدەگى ٴىشىنارا شياڭگاڭ ەرەكشە اكىمشىلىك رايونى قايراتكەرلەرىنىڭ، اۋمىن ەرەكشە اكىمشىلىك رايونى قايراتكەرلەرىنىڭ، تايۋاندىق باۋىرلاستاردىڭ جانە حۋاچياۋلاردىڭ، حۋارىنداردىڭ ۋاكىلدەرى، ٴار ەلدىڭ بەيجيڭدەگى ەلشىلەرى، حالىقارالىق ۇيىمداردىڭ جۇڭگودا تۇراتىن ۋاكىلدەرى، ٴىشىنارا شەتەلدىك ماماندار دا قۇتتىقتاۋ قوناعاسىنا قاتىناستى.