ەركىن تۇنياز ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

حالىقتى وزەك ەتۋگە تاباندى بولىپ، حالىق تۇرمىسىمەن تىعىز جاناسىپ، جوعارى ساپالى دامۋدى ىلگەرىلەتۋ كەرەك

انار بۇلت / شينجياڭ گازەتىنىڭ ءتىلشىسى ليۋ شياڭ 10 - ايدىڭ 3 - كۇنى ۇرىمجىدەن حابارلايدى. 10 - ايدىڭ 3 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز ءۇرىمجى قالاسىندا تەكسەرۋ - زەرتتەۋ جۇرگىزىپ، مەملەكەت مەرەكەسى دەمالىسىندا قىزمەت ورىندارىنان تاپجىلماعان ءار ۇلت كادرلارى مەن جۇمىسشى - قىزمەتكەرلەرگە امانداسا بارىپ، ولاردان حال سۇرادى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن، ورتالىقتىڭ ۇلت قىزمەتى ءماجىلىسى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن مۇقيات تياناقتاندىرىپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ەش بوساڭسىماي ويداعىداي يگەرىپ، حالىقتى وزەك ەتىپ ەكونوميكانىڭ جوعارى ساپالى دامۋىن ىلگەرىلەتۋ كەرەك.

ەركىن تۇنياز الدىمەن مەملەكەتتىك ەلەكتر تورى شينجياڭ حۇڭيانچى ەلەكتر تاراتۋ شەكتى سەرىكتەستىگىنە كەلىپ، ەلەكترمەن قامداۋ قامتاماسىزدىعى جانە جىلۋمەن قامداۋعا دايىندىق قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: ەلەكترمەن قامداۋ، جىلۋمەن قامداۋ سان مىڭداعان وتباسىلارعا سايادى، حالىق تۇرمىسىنىڭ ىرىس - قۇتىنا سايادى. بۇقارانىڭ حال - جاعدايىن قاي - قاشان دا كوكەيدە ساقتاپ، ەلەكترمەن قامداۋدى، جىلۋمەن قامداۋدى حالىق ءۇشىن ناقتى ءىس ىستەۋدەگى ءبىر ناقتى اماليات ەتىپ، كومىرمەن قامداۋ قامتاماسىزدىعى، جابدىقتاردى تەكسەرۋ - ولشەۋ، قورعاۋ، ءوندىرىس حاۋىپسىزدىگى سياقتى قىزمەتتەردى كۇش سالا جاقسى يگەرىپ، حالىق ءۇشىن قىزمەت وتەۋدى ساپالىلاندىرىپ، ەلەكتر قۋاتىنىڭ ورنىقتىلىعىنا، قامداۋدىڭ تۇراقتىلىعىنا شىنايى كەپىلدىك ەتۋ، جىلۋمەن قامداۋدىڭ دەر كەزىندە ءجۇرىلىپ، ءۇي تەمپەراتۋراسىنىڭ ولشەمگە جەتۋىنە شىنايى كەپىلدىك ەتۋ، ەلەكترمەن قامداۋدىڭ، جىلۋمەن قامداۋدىڭ حاۋىپسىزدىگىنە شىنايى كەپىلدىك ەتۋ، وندىرىستە، تۇرمىستا ەلەكتردەن پايدالانۋ، جىلۋمەن قامداۋ قاجەتىن قاناعاتتاندىرۋ كەرەك.

ءۇرىمجى حالىقارالىق اۋەجايىن وزگەرتىپ - كەڭەيتىپ سالۋ نىسانى قۇرىلىسى سالىنىپ جاتقان جەردە جۇمىسشىلار قاربالاس جۇمىس ىستەپ جاتىر. ەركىن تۇنياز نىسان قۇرىلىسىنىڭ اياق الىس جاعدايىن جۇمىس باسىندا ۇعىستى. ول بىلاي دەپ باسا دارىپتەدى: ءۇرىمجى حالىقارالىق اۋەجايىن كەڭەيتىپ سالۋ نىسانىنىڭ رايونىمىزدىڭ جىبەك جولى ەكونوميكالىق بەلدەۋى وزەكتى رايونى قاتىناس تورابى ورتالىعىن قالىپتاستىرۋىنداعى كەلەلى ءمانىن تەرەڭ تانىپ، نىسان قۇرىلىسى ۋاقىت كەستەسى مەن جەلى سحەماسى بويىنشا، جۇمىس مەرزىمىن قاۋىرت ورنالاستىرىپ، جەدەل ىلگەرىلەتۋ كەرەك. ساياحات ارقىلى شينجياڭدى گۇلدەندىرۋ ستراتەگياسىن توڭىرەكتەي، ىندەتتەن ساقتانۋ - تىزگىندەۋدى ۇدايىلاندىرۋ شارالارىن قاتاڭ تياناقتاندىرۋ العى شارتىندا، قىس ماۋسىمىنداعى ساياحاتشىلارعا قىزمەت وتەۋدى قامتاماسىز ەتۋ قىزمەتىن جوعارى ساپامەن جاقسى ىستەپ، ءارى حاۋىپسىز، ءارى قولايلى بولۋدى ورىنداۋ كەرەك.

مەملەكەت مەرەكەسى دەمالىسى ساياحاتتىڭ التىن اپتالىعى، ءۇرىمجى جوعارى جىلدامدىقتى پويەز ۆوكزالىندا جولاۋشى اعىنى ءبىرشاما زور. ەركىن تۇنياز جولاۋشىلار پويەز كۇتۋ زالىنا كىرىپ، ىندەتتەن ساقتانۋ - تىزگىندەۋدى ۇدايىلاندىرۋ جانە جولاۋشىلاردىڭ ءجۇرىس - تۇرىسىن قامتاماسىز ەتۋ سياقتى قىزمەتتەردى مۇقيات تەكسەردى. ول بىلاي دەپ باسا دارىپتەدى: ”سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا“ تاباندى بولىپ، يدەيادا بوساڭسىماۋدى، شارالاردى بوساڭسىتپاۋدى، مەحانيزمدى بوساڭسىتپاۋدى، جاۋاپكەرشىلىكتى بوساڭسىتپاۋدى شىن مانىندە ورىنداپ، قاداعالاۋ، ساقتاندىرۋ شارالارىن ناقتى تياناقتاندىرىپ، ەگجەي - تەگجەيلى تياناقتاندىرىپ، ىندەتتەن ساقتانۋ - تىزگىندەۋدە ەشقانداي اعاتتىق جىبەرمەۋگە شىنايى كەپىلدىك ەتۋ كەرەك. بۇقارانىڭ ءجۇرىس - تۇرىس جاعدايىن ءجىتى قاداعالاپ جانە عىلمي الدىن الا تۇجىرىم جاساپ، ءبىر تۇتاس جوسپارلاپ ورنالاستىرۋدى كۇشەيتىپ، تاسىمال كۇشىن قامتاماسىز ەتۋدى، ينفورماتسيا تاراتۋدى، اقىل - كەڭەس بەرۋدى، جەتەكشىلىك ەتۋدى ساپالىلاندىرۋ سياقتى قىزمەت وتەۋلەردى جاقسى ىستەپ، جولاۋشىلاردىڭ ءجۇرىس - تۇرىسىن جوعارى ساپامەن قامتاماسىز ەتۋ كەرەك.

ەركىن تۇنياز تاعى بەييۋانچۇن بازارىنا كەلىپ، ىندەتتەن ساقتانۋ - تىزگىندەۋ جانە قامداۋعا كەپىلدىك ەتىپ باعانى ورنىقتىرۋ سياقتى قىزمەتتەردى تەكسەردى. ول بىلاي دەپ باسا دارىپتەدى: قازىر ىندەتتەن ساقتانۋ - تىزگىندەۋ جاعدايى ءالى دە قاتاڭ، ىندەتتەن ساقتانۋ - تىزگىندەۋ سىندى ارقاۋدى باستان - اياق مىقتاپ شيراتىپ، اۆتونوميالى رايوننىڭ ىندەتتەن ساقتانۋ - تىزگىندەۋدەگى ءتۇرلى ورنالاستىرۋلارى مەن تالاپتارىن قاز - قالپىندا تياناقتاندىرۋ كەرەك. ”استىق“، ”كوجە قاتىق“ جاۋاپكەرشىلىك ءتۇزىمىن تياناقتاندىرىپ، زات قاينارىن دەن قويا ۇيىمداستىرىپ، ءارقايسى بۋىنداردىڭ سايكەسە، بىرلەسىپ ارەكەتتەنۋىن كۇشەيتىپ، ءىس جۇزىندىك قاجەتكە قاراي تۇتىنۋ بازارىن دەر كەزىندە تولىقتاپ، مەرەكە - مەيرامداعى بازاردىڭ قامداۋ قاجەتىن اناعۇرلىم ويداعىداي قاناعاتتاندىرۋ كەرەك. ازىق - تۇلىك حاۋىپسىزدىگى بويىنشا زاڭ اتقارۋ تەكسەرۋىن كۇشەيتىپ، ”ازىق - تۇلىك حاۋىپسىزدىگىنە“ شىنايى كەپىلدىك ەتۋ كەرەك.