شي جينپيڭ تەلەگرامما جولداپ، انتيان ۋىنشيۇڭنىڭ جاپونيانىڭ باس ءۋازىرى بولىپ سايلانعاندىعىن قۇتتىقتادى
لي كىچياڭ انتيان ۋىنشيۇڭعا قۇتتىقتاۋ تەلەگرامماسىن جولدادى
شينحۋا اگەنتتىگىنىڭ 10 - ايدىڭ 4 - كۇنى بەيجيڭنەن بەرگەن حابارى. 10 - ايدىڭ 4 - كۇنى مەملەكەت ءتوراعاسى شي جينپيڭ انتيان ۋىنشيۇڭعا تەلەگرامما جولداپ، ونىڭ جاپونيانىڭ باس ءۋازىرى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن جاپونيا قاناتتاس قونىستانعان، جۇڭگو مەن جاپونيانىڭ تاتۋ كورشىلەستىك، دوستىق سەلبەستىك قارىم - قاتىناسىن دامىتۋ ەكى ەلدىڭ جانە ەكى ەل حالقىنىڭ ءتۇبىرلى مۇددەسىنە ۇيلەسەدى ءارى ازيا مەن دۇنيە ءجۇزىنىڭ بەيبىتشىلىگىنە، ورنىقتىلىعىنا، گۇلدەنۋىنە دە پايدالى. جۇڭگو مەن جاپونيا ەكى جاق جۇڭگو مەن جاپونيانىڭ 4 ساياسي حۇجاتىندا تۇراقتاندىرىلعان پرينسيپتەرگە قاتاڭ بويسۇنىپ، كەڭەسۋدى، بايلانىس جاساۋدى كۇشەيتىپ، ءوزارا سەنىمدىلىكتى، سەلبەستىكتى نىعايتىپ، جاڭا ءداۋىر تالابىنا ساي كەلەتىن جۇڭگو - جاپونيا قارىم - قاتىناسىن ورناتۋعا قۇلشىنۋى كەرەك.
سول كۇنى مەملەكەتتىك كەڭەستىڭ زۇڭليى لي كىچياڭ تەلەگرامما جولداپ، انتيان ۋىنشيۇڭنىڭ جاپونيانىڭ باس ءۋازىرى بولىپ سايلانعاندىعىن قۇتتىقتاپ، مىنالاردى ءبىلدىردى: ەكى جاق ساياسي ورتاق تانىمدى قورعاپ، اۋىس - كۇيىستى، سەلبەستىكتى كۇشەيتىپ، ەكى ەل قارىم - قاتىناسىنىڭ دۇرىس ارنادا اقاۋسىز، ورنىقتى دامۋىن ىلگەرىلەتىپ، كەلەر جىلى جۇڭگو - جاپونيا ديپلوماتيالىق قارىم - قاتىناسىنىڭ ارناعا تۇسكەندىگىنىڭ 50 جىلدىعىن بىرگە قارسى الۋى كەرەك.